Editor: Joseph Lalremruata Ph. 9436195390 News Editors: T. Laltanpuia Ph. 9774610424 Lallawmkimi Ph.

9774116769

Estd

1987

Joint Editor: Chawngthanpuia Ph. 961212253 Circulation Managers : Lalremruata H. Zoremmawia Lalmalsawmi Vanlalropuii

RAWNGBAWLTURACHHANDAM
KRISTIAN THALAI PAWL TUIKUAL SOUTH BRANCH CHANCHINBU KARTIN CHHUAK

HRILHTU (KARTIN CHHUAK) KUM 24-NA ISSUE NO. 42

NI 23.10.2011

PATHIANNI - Rev. Vanlalzuata

TUALCHHUNG
Pi Rumliani chu hun eng emaw chen Nazareth Hospital-a a awm hnuin in lama inenkawl chhunzawm turin a lo chhuak a, i \awng\aipu zel ang u. Ni 20.10.11 (Ningani) zan khan Tuikual North K|P Room-ah Bial K|P Committee neih a ni a, 2012 Bial Conference programme duan a ni. Nimin nileng khan Naupang lang camp neih a ni a, naupang \hahnem tak an kal a, Thlarau Thianghlim pawl tharna an chang vek a ni. Camping Follow-Up programme a nih avangin vawiin chawhnu-ah Youth Group leh Junior Group chawhnu inkhawm a awm lovang. Bial chhung Branch hrang hrangte kan intihsiakna Bible chhiarchhuahah member ten \an i la thar leh ila, tunah hian chhiarchhuak in report pali an awm tawh a, December ni 31 thleng in report theih a ni. Kohhran-in Camping a buatsaih thawhkhatna chu tluang taka zawh a ni ta a, naktuk zan a\angin Kohhran mipui nawlpui tan camping thawhhnihna neih leh tur a ni a, kohhran mipui a tam thei ang ber luh tum ila, Pathian thlarau thianghlim hnathawh ropui tak a thlen ngei theih nan \hahnemngai takin i \awng\ai ang u. Chawlhni hmasa tlai dar 3:15 khan ni 28.11.11 (Thawh\an) zana Group pathum ten a huhoa Group Nite kan hman tur chungchang ngaihtuahin Joint Committee neih a ni a, Group tin committee member kan kal \ha hle. Group Nite hlawhtling tak kan neih theih nan theihtawpin i inbuatsaih ang u.

Sermon:

LAL ISUA AVANGIN

Chanchin |ha avangin engkim ka ti \hin (I Kor. 9:23)

manlaiin Scotland ram khu hmelmaten an run thut mai a. An lalpa Robert Bruce-a pawhin an khawpui tlan chhuahsanin ama ram chhung tho thingtlang khua a pan a. Zanlai pelh tawhah hian thingtlang khaw pakhat a va thleng hlawl mai a, veng hmawr bera in kawngkhar chu a va kik a. Chu in neitu hmeithai chuan, Ka pu, khawi a\angin nge i lo kal, i lo va thleng zan ve? tiin a zawt a. Lal chuan, Ka pi, ka lo kalna a hlat deuh avangin in khua hi chhunah ka rawn thleng hman lo va, kei mikhual chau tak hi min mikhual thei ang em le? tiin a zawt a. Hmeithai chuan, Mi pakhat avangin ka ina lo thleng tur reng reng hi ka la hnar ngai lo va, chu mi pakhat avang chuan nang pawh hlim takin ka lo thleng ang che, tiin a hruai lut ta a. Thingpui te a intir a, chaw a eitir bawk a, an mu ta a. Zingah chuan Robert Bruce-a chuan, Ka pi, hlim taka min thleng duh hi ka lawm hle mai. Nimahsela min thlenna chhan hi mi pakhat \hatna avang niin i sawi a. Chu mi pakhat chu tu nge ni? A hnena lawmthu ka sawi ve theih nan min han hrilh teh, a ti a. Hmeithai chuan, Ram hla tak a\anga lo kal i nih chuan ka sawi mi pakhat chu i hre ve lo mai thei a, chu chu kan ram lal Robert Brucea a ni. Kan lal hi a \ha em em a, keini ang hmeithai berh takte pawh hi kan lal \hatna hian min hneh lutuk a, kan hmel hriat loh mikhualte chungah pawh kan sual thei tawh lo a ni e, a ti a. Lal chuan hmeithai thusawi chu mak a ti hle mai a, lal a nihzia pawh sawi lovin, lawmman \ha tak a pe a, a kalsan leh ta a ni an ti. He thu a\ang hian zir chhuah tur kan nei ve ang. Leia lalte \hatnain chutiang taka a khua leh tuite a hneh thei chu a mak hle mai. Nimahsela chu aia a let sang tam taka mak leh ropui zawk chu a awm e. Mi pakhat, Lal Isua \hatnain a khua leh tuite chauh ni lova a hmelmate pawh a hneh dan hi a va mak em!! He hmeithai hi mi pakhat \hatnain a hneh ang hian, keini pawh hi mi pakhat Lal Isua \hatna hian eng chenin nge min hneh ve tih hi inngaihtuah ila. Lal Isua avangin kan peih loh kan peih \hin em? Lal Isua avangin kan theih loh theiin, kan tum lohte kan tum \hin em? Kan mihring tlawmngaihna piah lamah eng chen nge Lal Isua \hatna hian min hruai? Kan thinrim turte hi vawi engzat nge Lal Isua avang liau liauva kan insum tawh? I inen fiah ang u. Kan \hatna te, kan dawhtheihnate hi a bul tumtu chu kan mihring pianphunga \hatna ve hrim hrim a nih chuan a tawk lo vang. Kan tlawmngaihnate hi Lal Isuan a bul a tum loh chuan a fuh ziktluak thei lo vang a, chaponain a zui mai ang. Kan zai thiamnate hi Lal Isua avang a nih loh chuan mite fak chknain kan khat thuai ang. Kan thuneihna leh lalnate hi Lal Isua avang a nih loh chuan kan induh ngalh ang a, mi dangte kan hmuhsit phah mai ang. Miten min fak dernate hi Lal Isua avanga kan dawnsawn loh chuan tak tak emaw tiin kan hawi sng lap mai ang. Chuvangin kan thupui Lal Isua avangin tih hi a pawimawhzia i ngaihtuah nawn fo vang u. Tunah hian mi tam takte chu mahni in leh lo kalsanin Chanchin Tha an hril a, mi tam tak an martar tawh a. Engvanga martar ngam nge an nih? An huaisen hrim hrim vang a ni lo va, an thih hnua mite fak hlawh an duh vang a ni hek lo. An huaisenna leh an tlawmngaihna chuan ring lote kut tuara martar ngam turin a tur tho zo reng reng lo a ni.
(Phek linaah chhunzawm a ni)

Agents : H. Lalfakkima Lalnunmawia V.L. Ruatdika Ralte Lalbiakhlua Lalthanzauva

HRILHTU KUM 24-NA
K|P THILTUMTE :

Francis MS Dawngkima K. Lalrodawla

PHEK 2-NA

ISSUE NO. 42 Ni 23.10.2011 PATHIANNI

Isua Krista rinna leh amah anna kawnga \halaite hruai. Kohhran kutke ni tura \halaite buatsaih. Kohhran hnathawh tihpuitlin. Krista Chanchin \ha puan darh. Camping chhawng khatna, K|P leh Senior Department puala neih chu zawh fel a ni ta a, camp lut te pawh hlim taka lo chhuakin siamtharlehna an chang vek a, a lawmawm hle. Camp chhuak te boruak tem ang kan tem pha ve chiah lo a nih pawhin theihtawpa \awiawm zel hi Kohhran mipui ten kan tihtur a ni tih hre thar ang u. Naktuk a\angin mipui nawlpui tan Camp hi chhunzawm leh tur a ni dawn a, camp lut tur \hahnem tak kan awm theihna turin \awng\aia kan dil a \ul hle. Camp hi luh ngai lo leh mamawh lo kan awm lova, tute pawh hian siamtharlehna kan mamawh a, chuvangin kan \ul leh pawimawh te kalsanin luh \heuh tum ang u. Rinna kawnga kan lo chak zel theihna tur atan te, rinna leh rawngbawlna kawngah kan lo chian a, kan lo ngheh deuh deuh na tur atan te he Camp hi kan hman thiam a pawimawh hle. Tin, he camp-a lut hman lo tam tak kan awm ngei ang. Follow-up programme ah te \hahnemngai taka inkhawmin he hun \ha kan neih hi a \angkai thei ang bera kan hman thiam a pawimawh hle. A hlawkna teltu chu tumah dang ni lovin keimahni zel a ni tih hre nawn leh ang u. Thlarau lam Hnutetui.... RAL LEHLAMAH ENGNGE AWM? Doctor pakhat chu damlo a en zawh chuan chhuahsan tumin kawngka hawn a han tum a. Chutih lai chuan damlo chuan, Ka pu, khawvel piah lamah hian engnge awm min hrilh thei em?, tiin a zawt a. Doctor chuan a ngawih vang vang hnuah, Unaupa, a pawi ka ti khawp mai. Ka hre bik hauh lo mai,; tiin a chhang a. Damlo chuan, Doctor i ni a, Kristian i ni bawk a. He khawvel ral lehlama thil awm chu i hriat ka lo ring asin, a ti a. Doctor chuan kawngka chu a han pawt hawng a. Chuveleh, uipa lian \ha zet mai hi pindanah chuan a rawn zuang lut nghal zawk mai a. A pu Doctor chu thlahlel tih hriat em em hian a nek a nek ta mai a. Doctor chuan ngaihtuah chhuah a nei thut a, damlo hnenah chuan he thu hi a sawi ta a. Unaupa, hei ka uipa hi he pindanah hian a la lut ngai miah lo va, a chhungah engnge awm tih pawh a hre lo. Mahse, kei a pu ka awm tih a hria a, chuvang chuan kawngka ka hawn rual khan phur takin a rawn zuang lut mai a ni. Chutiang bawk chuan, he khawvel piahlamah hian engte nge awm ha hre lo. Mahse, ka Chhandamtu a awm tih ka hriat chian em avangin amah tawk turin hlim tak leh phur takin ral lehlamah chuan ka kal mai dawn a ni, tiin.

KOHHRAN INKHAWM PROG. (23.10.2011)

Chawhma CAMPING FOLLOW-UP Chawhnu CAMPING FOLLOW-UP : Pu HV Lalzuimawia Zan CAMPING FOLLOW-UP : Pu HV Lalzuimawia NILAI ZAN CAMPING INRINNI ZAN CAMPING FOLLOW-UP October thla Inkhawm Hruaitu Upa Zirliana October thla thilpek lakhawmtute Nl T. Zomuanpuii Nl Vanramtiami Nl Catherine Zothansangi Zai hruaitu turte (17 Oct. - 30 Oct., 2011) T. Upa H. Dawngliana Pu Lalrinthanga Hla Hriltu (17 Oct. - 30 Oct., 2011) Pi H. Lalawmpuii Light & Sound duty turte Pu Vanlalhruaia Zadeng Pu H. Zoremmawia SS Thilpek lakhawmtute Nl Lalchhanmawii Nl Lalremtluangi Nl Loicy Vanthianghlimi

Speaker

Speaker

ZING |AWNG|AI INKHAWM HRUAITU TURTE

Thawh\anni Thawhleh - Zirtawp Inrinni Pathianni - Pi Lalhmingthangi - Camping - Pi Seihnuni - Pu Lalhmingliana Sailo

Ni 24 Oct. - 30 Oct., 2011 chhunga pangpar tui leih tur leh Pathianni a pangpar khawi turte : Pi F. Lalrintluangi & Tv Michael Ramdinthara

HRILHTU

KUM 24-NA

ISSUE NO. 42 Ni 23.10.2011

PATHIANNI

PHEK 3-NA

K|P |AWNG|AI INKHAWM PROGRAMME Ni 23.10.11 (Pathianni) chawhma dar 11:30 Hruaitu |antu Zai hruaitu : Pu Joseph Lal\anpuia, Asst. Leader : Tv Johan Vanrammawia : Tv Lalrinchhana

Naupang pual.... BEIDAWNG DUHLO NICK-A Pu Bruce-a leh Nurse hnathawk Pi Dushka-I te chuan an fa lo piang tur chu an nghakhlel hle mai a, tichuan December 4, 1982 ah chuan Pi Dushka-i chuan naute a hring ta. Mahse an beisei loh deuh maiin an fapa chu ban neilo in a lo piang a, ke tawite mai puitling kutphah chen lek hi a nei bawk a, an fapa ni mahse an rap hle. An fapa hming atan chuan Nick Vujicic (Nik Vu-i-chik ti a lam tur) tih an sa ta a ni. Nick-a chu naupang harh tak mai a ni a, ban leh ke neilovin lo piang mahse a ninhlei em em a, a tum a ruh a, skateboardah te chuangin tuite a hleuh thiam a ni. Chutia pianphunga rualban lo a nih avang chuan Nick-a chu an sikul-ah te chuan an hmusit a, an nuihsawh \hin a, a rilru a na thei hle. Mahse naupang rilru chak tak a ni thung a, taima takin lehkha a zir \hin a. A \hianten an nuihsawh \hin avangte chuan a rilru na chuan intihhlum mai duhna rilru te a nei hial \hin a, a beidawngin hrehawm a ti thei hle. Mahse Kristian chhungkua a\anga seilian a nih avangin chung hunah te chuan a \awng\ai \hin a, amah hmusittu te chu a \awng\ai sak zawk \hin a ni. Chutia nun beidawng taka a awm lai chuan Pathian hnenah a kut leh ke te \o tir a, thilmak a chunga thlen tir turin a dil \hin a. Mahse a dilna chu chhanin awmlo mahse a rilruah Pathian in thu a sawi ta zawk a. A piansualna chu mite fuih a, midangte cho phur turin a rilru a siam ta a, midangte tih theih ang zawng zawng chu ti ve thei turin nasa takin \an a la ta zawk a ni. Midangte tih theih ang ti ve tur chuan Nick-a chuan thil tam tak a zir a, heng thil hrang hrang a zirlai hian vawi tam tak a hlawhchham a ni. Hlawhchham chang nei mahse a rilru a ti luhlul tlat a, a hlawhchhamna chu a inhneh tir duh ngai lo. A rilruah chuan he thil hi tunah ti theilo in vawi za pawh hlawhchham mah ila, ka bei zel ang a, hlawhtlin hun ka la nei mai ang tih chu a awm tlat a. Chuvang chuan a thiltum ti thei tur chuan vawi tam tak a bei tlauh tlauh \hin a ni. Nick-a hian ban leh ke nei lo mahse tui a hleuh thiam a, sang tak tak atangin a dive thla \hin a, football te a pet thiam a, Computer te chu a duh tawkin a ke tawite hmangin khawih thei a ni. Golf -te a khel thei a, Tennis ball te a vawm thei bawk. Phone te a hmang thiam a, a ke tawite hmang chuan thil a ziak thiam a, a hmuihmul te a ziat thei a, tui pawh a duh tawkin a in thei a ni. Tin, Nick-a hian a ke hmang hian Electronic Drum set a vaw thiam em em bawk a, speedboat (lawng) te a khalh thiam bawk. Heng a thil tih theih zawng zawng hi ban nei lo leh ke nei lo tan chuan thil tih theih loh tawp tur a ni. Mahse a tumruhna leh a beidawn duh lohna chuan hlawhtlinna a pe a. A ke hmanga a ziah thiam avang chuan lehkha nasa takin a zir a, a hlawhtling hle a, award hrang hrang a dawn tawh bakah Life Without Limbs pawlah an hotupa ber a ni. Chhiartu duhtak, nangpawh i lehkha zirlai leh i thiltihna kawng hrang hrangah beidawn chang i nei mai thei. Nick-a nun hi en la, a ni pianphunga rualbanlo leh kut leh ke neilo pawhin beidawng duh lovin nasa takin a beih a hlawhtlinna a chan theih chuan nangpawhin i lehkha zir lai thiam thei lovin fail \hin mahla nasa taka i zir a i beidawn duh loh chuan hlawhtlinna in a hmuak reng che a ni.

TUIKUAL PASTOR BIAL MASIHI SANGATI INKHAWM PROGRAMME Ni 23.10.2011 (Pathianni) Chawhma Hruaitu : Evan PC Vanlalhruaia |antu : Pi L. Dimi Zirtirtu : Pu Dilip Rana Naupang Zirtirtu: Pi Mary Lalnunmawii, Pi Lalbiakmawii Chhun Dar 1:00 Hruaitu : Pu Lalmawia Tantu : Albert LR Rana Thuhriltu : Upa KV Lalhlimpuia ZAN DAR 7:00 Hruaitu : Pu Dukhi Sahni |antu : PC Lalhriatkimi Thuhriltu : Pu H. Zahlira Thilpek lakhawmtu : Zomuanpuii Ni 27.10.2011 Zan Dar 7:00 Hruaitu : Evan PC Vanlalhruaia |antu : Zomuanpuii Thilpek lakhawmtu: Pi S.T. Zopari Sangati Prathna & Sharing Happy Birthday to... Pu Lalruatsanga Tv Isak Lalrinchhana Nl Lalnuntluangi Tv Lianchungnunga Chhakchhuak

23rd October 26th October 26th October 27th October

CAMPING REPORT
Kohhran-in Camping a buatsaih thawhkhatna, K|P leh Senior Department puala neih chu ni 17-21 chhung khan tluang taka zawh a ni a. Camping-a lut zawng zawngte Pathian Thlarau Thianghlim hruainain khawih nawn lehna an chang vek a, a lawmawm takzet a ni. Tun \um camp-ah hian mipa 30 leh hmeichhia 28, an vaiin 58 an lut a, kan Kohhran a\angin mi 54 leh pawn lam a\angin mi 4 an rawn lut bawk a ni. Tun \um camping atan hian thilpek petu eng emaw zat an awm a, thilpek pek nachang hria kan awm \hin hi a lawmawm takzet a, chin chhunzawm zel chi a ni awm e. Camping thawhhnihna hi naktuk zan a\angin neih \an leh tur a ni a, Kohhran mipui nawlpui tan a ni tawh ang a, a tam thei ang ber lut turin i inbuatsaih ang u. Lut turte chuan mutbu, Holy Bible, Note Book leh pen bakah Buhfai No 7 ken tur a ni a, zan dar 7:00-a inkhawm \an tur a nih avangin chumi nang hman ngei tura luh nise a lawmawm hle ang.

HRILHTU

KUM 24-NA

ISSUE NO. 42 Ni 23.10.2011

PATHIANNI

PHEK 4-NA

Sermon chhunzawmna: Lal Isuan a hmangaihzia an hria a, ring lote pawh Lal Isuan a hmangaihzia an hre bawk a, Lal Isua avang liau liauva martar ngam an ni. Lal Isua hmangaihnain a hneh a, an huaisenna piah lamah Lal Isua avangin an ngam hauh loh chu an ngam ta a ni. Robert Bruce-a hian he hmeithai tan hian thil a tihsak kan hre lo va, he hmeithai tan hian an lal hi a thi ngam hek lo vang. Mahse chuti chung chuan a \hatna hian he hmeithai nun hi a hneh tlat mai. Lal Isua erawh chu kan tan a tuar a, a thi a, kan tan hmun siamin vanah hruai chhohvin a awm a, min hruai turin a lo kal leh dawn a. Thi tur chu nunna min pe a, a hmelma kha min ngaidam a, a fa atan min vuah a. Thihnain thlan khurah min hruai mah se, chutah chuan nungin min lo hmuak dawn a ni. Kan tana Lal Isua \hatna hian amah avanga \ha ve turin min cho nasa hle mai. Keimahni kan \ha phut thei lo va, Lal Isua \hatnain kan nun a hneh ang zelin kan \hat theih lohna hmunah kan \ha thei a. Kan ngaihdam theih loh kan ngaidam thei a, kan hreh ngawih ngawih chu phur taka tih theihna a awm bawk. Pathian thu chuan, A fa duh takte angin Pathian awm dan latute ni rawh u, min ti a (Eph. 5:1). Chuvangin Lal Isuaa piangthar dik takte chuan amah Lal Isua awm dan chu an zir ngei tur a ni. Tirhkoh Paulan, Amah a\ang leh, amah avang leh amah atan thil zawng zawng hi a lo awm a ni si a, tiin a sawi a (Rom 11:36). Kan thiltih zawng zawng hi Lal Isua avang a nihzia sawi zuiin, Chutichuan in ei pawhin, in in pawhin, in tih apiang Pathian ropuina turin ti rawh u, min ti a (I Kor. 10:31). Biak In chhung chauh hi Pathian ropuina tur a ni lo va, kan tih apiangah, kan ei leh in zawng zawng pawh Pathian ropuina turin Pathian thuin a hauh a ni. Kan nuih pawhin Pathian ropui nan, kan \awng pawh Pathian ropui nan, kan ngawih pawhin Pathian ropui nan, chaw kan ei pawhin Pathian ropui nan... sawi tur a tam hle ang. Tirhkoh Paula ngei pawh hian, Chanchin |ha avangin engkim ka ti \hin, a ti a, a entawn tlak hle. Chutichuan ringtute chuan kan thiltihna kawng tinrengah hian, Heti hian ti ila ka lar phah ang, ti lovin, Heti hian ti ila, Lal Isua a ropui ang, kan ti tur a ni. Tunlai khawvelah hian mahni larna turte hi kan zawng kual nasa lutuk ta deuh a ni lawm ni? Lal Isuan ama hming avang liau liauva mi rethei hnena tui no khat pete hnenah lawmman a pek theihnghilh dawn loh thu min hrilh a (cf. Mat. 10: 42). Chutih laiin ama hming tak tak avang ni lova thil \ha titute hnenah chuan, Ka hre ngai lo va che u, a la ti dawn a ni (Mat. 7:23). Mi kan huat avanga kan biak duh loh chu Lal Isua avang liau liauva kan biak pawh chuan kan \awngkam khat ringawtah Lal Isuan lawmman min pe dawn tihna a ni a, a chhan chu a hming avanga kan tih vang a ni. Amah avang ni lova, beisei neih vanga tu emaw chunga kan \hatna hi chu Lal Isuan min hriatpui dawn lo a ni. Kristian kal fimkhur rawh, hlauhawmah pawh. Rawngbawltu lar tak leh ropui tak pawh kan ni thei e, mi dangte tan thil \angkai tak tak pawh kan ti a ni thei e; nimahsela kan tih chhan a dik loh phawt chuan kan lawmman tur chu a helin kan ei zo zel ang.

Sermon chhunzawmna: Heta Lal Isua hnena lo kalte pawh hian thu an sawi a, ramhuai an hnawt chhuak a, thil mak tam tak an tih thu an rawn sawi a. Nimahsela Isuan an thiltih chu a lo hriatpui hauh lo mai a, a hnen a\anga kal bo turin a ti ta zawk a ni (Mat. 7:21-23). A zahthlak hle ang. Mi tam takte chuan kan thil \ha tihte hi kan sawi tui hle a, a chhan chu miten min fak se tih kan duh a ni. Chutiang mite chuan, An lawmman chu an hmu zo tawh, tih kha an la chang ang. Keini aia sual zawk leh thil \ha ti tlem zawka kan ngaihte hnenah Isuan, Ka pa voh bikte u, a la ti dawn a ni. Mahni i inen fiah theuh vang u. Vawi khat chu kan Pastor pension senior tawh tak Rev. Lalnghinglova leh Rev. L.N. Ralte nen kan inah kan inkawm a, Pu, Ngurauvan testimony sawi a rawt a. Pu Nghinglova chuan 1960 bawra Mimbung bial vela a awm laia a bial fan chanchin a sawi a. Khatih lai hunah khan kawng mumal lovah sakeite pawh a la hlauhawm hle a. Engvangin nge kei Aizawl tlangval inti ve si hi hetianga khawhar taka ka vah ka vah, tiin amah a inkhawngaihna mittui a lo hnai ta mai a. Chutih lai tak chuan a thinlungah, Hetianga i vah i vahna chhan chu Kraws-ah Isua a thih vang a ni, tih hi chiang taka a lo lan thu a sawi a. Mission Sap Peter Frazer-a thinlungah chuan, Isua chu Peter Frazer-a tan a thi tih thu hi a lo lang nawlh mai a. Peter Frazer-a hi Lal Isua tan a thi ve ang, tiin missionary atan a inpe nghal ta a ni. Paula kha thih ngam lu pua a rawngbawl chhan zawt ila, Krista hmangaihna chuan min tir lui a ni, tiin II Kor. 5:14 thu hian min chhang ngei ang. Lady Penn-i pawh khan hun rei tak rawng a bawl tawh hnuin a zin kawngah Isuan a tawk a, a hnenah, Lady Penn, eng nge i pawm teuh kha? tiin a zawt a. Ani chuan, E, Lalpa, i rawng ka bawl avanga ka lawmman tur a nih hi, tiin a chhang a. Isua chuan, A ni maw, leiah hian han dah la, i en chiang teh ang, a ti a. An han en chian chuan thil rimchhe tak tak, ek ang maia uih tenawm a lo fun \euh mai a. Lady Penn-i chuan kum tam tak chhunga a rawngbawlnaah chuan Lal Isuan a bul a tum lohzia te, a rawngbawlna chu Lal Isua tan thil rimchhia mai a nihzia te a hre chhuak ta a. Chuta \ang chuan Lal Isua pawm tlak rawngbawl hna nei turin a inbuatsaih thar hnuhnawh ta a ni an ti. Thil hlauhawm ber mai chu, hah taka rawngbawl ve si hian, Lal Isua avang tak taka rawngbawl lovin, chanvo rawng te, lar duhna rawng te, mi fak chkna rawng te, kan bawl ang tih hi a ni. Nakin lawkah Lal Isuan, Ka va hre ngai lo che ve, ka rawng i bawl ve tak takin i hria maw? Ka hnen a\ang hian kal bo phawt mai teh, min tih si chuan, chatuan atan a pawi thui tawh dawn a ni. Chuvangin Tirhkoh Paulan, Chanchin |ha avangin engkim ka ti \hin, chan ka neih ve theih nan, a tih ang hian, mi pakhat Lal Isua avangin rawng bawl ila, a hnen a\angin chan kan nei thei ang. Ka dam chhan ka kumkhaw hla pawh, Nang lo ni ber ang che.

PUBLISHED BY THE KRISTIAN THALAI PAWL, TUIKUAL SOUTH BRANCH, AIZAWL. COPY - 200 PRINTED AT RINAWMNA PRESS, TUIKUAL SOUTH, PHONE - (0389) 2318308