戲仿

波蘭波係一個幾出名嘅戲仿系列，將唔同國家畫做波噉嘅形象，惡搞國際政治同經濟事件。

戲仿（粵拼：hei3 fong2；英文：parody），又叫整蠱做怪或者惡搞作品，係創作品嘅一類，指創作人喺自己嘅作品裡面講到某啲題材，或者對第啲作品進行借用，而佢哋用起呢啲題材或者作品上嚟意圖達到調侃、嘲諷、甚至致敬等嘅目的。呢啲作品好多時都會將嚴肅、平凡嘅主題搞吓，玩吓，做到諷刺、幽默、引人注意等嘅效果。

舉例說明，香港嘅電影導演兼演員周星馳嘅《大話西遊》就可以算係戲仿緊《西遊記》，而電影《功夫》就算係戲仿緊武打片。

語意

「整蠱做怪」通常帶有貶意，攞嚟話人。之後出現嘅「惡搞」一辭冇咗價值批判，祇係對呢種現象嘅中性描述。

近義詞：

• 蠱靈精怪
• 搞搞震

表現

一啲電影裏頭，一啲角色專係整蠱做怪，引人笑，最早喺粵語片嘅新馬師曾、鄧寄塵，鄭君綿，1970年代都1980年代嘅許冠文；到1990年代嘅周星馳。

睇埋

• 二次創作
• 惡搞文化
• 無厘頭
• 童話戲仿

連出去

• （英文） 戲仿，電視橋段網
• [1]