Bangui
|
Bangui | |
|---|---|
| Kaart | Wapen |
 | |
 | |
| Vlag | |
 | |
| Land |  Sentraal-AfrikaanseRepubliek |
| Koördinate | 4°22′S 18°35′O / 4.367°S 18.583°O |
| Stigting | 1889 |
| Oppervlakte: | |
| - Totaal | 67 vk km |
| Hoogte bo seevlak | 369 m |
| Bevolking: | |
| - Totaal (2012) | 734 350 |
| - Bevolkingsdigtheid | 11 000/vk km |
| Tydsone | UTC+1 (WAT) |
| Burgemeester | Émile Gros Raymond Nakombo |
Bangui (Frans: [bɑ̃ɡi]; Sango: Bangî) is die hoofstad en grootste stad van die Sentraal-Afrikaanse Republiek (SAR) en dien as politieke, ekonomiese en kulturele sentrum van dié land. Dit beslaan 'n oppervlakte van 67 km² en het 'n bevolking van 734 350 in 2012 gehad. Die stad is net noordwes van die grens tot die Demokratiese Republiek van die Kongo langs die Ubangirivier geleë.
Geskiedenis
[wysig | wysig bron]Die stad is in 1889 gestig as 'n Franse militêre pos aan die Ubangiririvier[1] binne die Franse kolonie Haut-Oubangui (later Oubangui-Chari; Upper Oubangui), wat later deel geword het van die Franse Ekwatoriaal-Afrika. Die naam van die plek is afgelei van plaaslike stroomversnellings. Bangui was die administratiewe sentrum van die gebied sedert die koloniale tyd en sedert die onafhanklikheid van die Sentraal-Afrikaanse Republiek in 1960. In 1979 is die diktator Jean-Bédel Bokassa, wat van kannibalisme beskuldig is, tydens 'n buitelandse reis omvergewerp. Tydens die plaaslike verkiesing in 1981 het daar gevegte uitgebreek tussen die ondersteuners van die tussentydse president David Dacko en die stafhoof van die leër, André Kolingba. Laasgenoemde het 'n beleg van die stad verklaar en 'n staatsgreep uitgevoer. Hy het toe 12 jaar lank die mag in die land gehad.
In 1996 breek daar 'n opstand onder 200 soldate van die leër uit, hierdie keer teen die bewind van diktator Ange-Félix Patassé, die opvolger van Kolingba. Franse ingrypingsmagte het die opstamd egter verpletter en Patassé se mag as president herstel. Tydens die opstand is die stad egter geplunder en meer as 50 mense is dood. In Junie 1997 het daar weer gevegte uitgebreek by 'n militêre basis in Bangui, nadat soldate geweier het om die vorming van 'n nasionale eenheidsregering deur die nou demokraties verkose president Patassé te aanvaar.
In 'n studie van 2003 deur die Kanadese maatskappy Mercer Human Resources Consulting, is Bangui as die tweede slegste stad ter wêreld ná Brazzaville geplaas. In 'n studie uit dieselfde periode is Bangui gesien as die gevaarlikste stad ter wêreld. Dit is deels te danke aan die hoë frekwensie van staatsgrepe en aanvalle deur rebelle.[2]
Verwysings
[wysig | wysig bron]- ↑ (en) World 66: Bangui Travel Guide
- ↑ (en) BBC Brazzaville - 'world's worst city' - 3 Maart 2003
Eksterne skakels
[wysig | wysig bron]
Wikimedia Commons het meer media in die kategorie Bangui.- (en) Toerisme-inligting oor Bangui op Wikivoyage
- (en) "Bangui". Encyclopædia Britannica. Besoek op 5 April 2019.
| Hoofstede van onafhanklike lande | Abuja • Accra • Addis Abeba • Algiers • Antananarivo • Asmara • Bamako • Bangui • Banjul • Bissau • Brazzaville • Conakry • Dakar • Djiboeti • Dodoma • Freetown • Gaborone • Gitega • Harare • Joeba • Kaïro • Kampala • Khartoem • Kigali • Kinshasa • Libreville • Lilongwe • Lomé • Luanda • Lusaka • Malabo • Maputo • Maseru • Mbabanea • Mogadisjoe • Monrovia • Moroni • Nairobi • N'Djamena • Niamey • Nouakchott • Ouagadougou • Port Louis • Porto-Novo • Praia • Pretoriab • Rabat • São Tomé • Tripoli • Tunis • Victoria • Windhoek • Yamoussoukroc • Yaoundé | .svg) |
|---|---|---|
| Hoofstede van afhanklike gebiede | ||
| Hoofstede van omstrede gebiede | ||
| Hoofstede van | ||
aLobamba is die regeringsetel, asook koninklike en wetgewende hoofstad van Eswatini. bKaapstad en Bloemfontein is saam met Pretoria ook hoofstede van Suid-Afrika. cAbidjan is die regeringsetel en ekonomiese hoofstad van die Ivoorkus. dTifariti dien de facto as hoofstad van die Arabiese Demokratiese Republiek Sahara. | ||
| Hierdie artikel is in sy geheel of gedeeltelik vanuit die Nederlandse Wikipedia vertaal. |
