Muurprop

Geaarde muurprop, tipe E, hierdie word in België en Frankryk aangetref

Verlengstrook vir 6 tipe F (met gronddraad) of 12 tipe C-proppe (plat, sonder grond)

'n Muurprop is 'n aansluitpunt vir die afneem van elektriese energie van die kragnet met behulp van 'n plastiek- of geïsoleerde metaalkissie.

So 'n muurprop (of in der waarheid 'n muursok) is die ontvang- of inpasdeel waarin 'n kontaksok ingesteek word om 'n elektriese kring te sluit.

Die bekendste muurproppe in Suid-Afrika bestaan uit drie kontakpunte vir die kontakprop, die grootste aansluiting is die grond- of beskermingkontak. In Europa word proppe met "twee gate" teen 'n spanning van 220-240 volt aangetref. Kontakbokse kan of in die muur ingebou wees (vlakpassend), of bo-op die pleisterlaag gemonteer word indien dit ná die bouery aangebring is.

Geaard teenoor ongeaard

Weens veiligheidsoorwegings bestaan daar behalwe ongeaarde kontakbokse ook geaarde kontakbokse. Dit behels 'n ekstra kontak in die middel van die kontakprop. 'n Beskermingskontak word nie verbind met 'n lig nie, maar met 'n punt wat altyd spanningloos (0 volt) is. Dikwels word die buitekant van apparate uit veiligheid geaard, maar daar kan ook tegniese redes wees om 'n apparaat te aard. By nuwe installasies is dit deesdae verpligtend om uitsluitlik geaarde muurproppe te gebruik.

Veiligheid

Elektrisiteit uit 'n muurprop kan dodelik wees wanneer dit verkeerd aangewend word. Kleuters moet veral teen oop kontakpunte beskerm word.

Enkele voorbeelde

Tipe A: Amerikaans
Tipe B: Amerikaans met aard
Tipe CEE 7/16 Europlug
Tipe CEE 7/17
Tipe D: Britse 3-pool
Tipe E: Franse 2-pool met aard
Frankryk, België, Pole, Tsjeggië, Slowakye, Denemarke.
BS 546 Tipe M: Suid-Afrika, eSwatini en Lesotho. Soms in Israel.
Tipe F Duitsland
Schuko, hibried F + E
Tipe G (3-pool): Voormalige Britse gebiede: Ierland, Siprus, Botswana, Ghana, Malta, Hongkong, Macau, Maleisië, Oman, Singapoer, Kenia, Verenigde Arabiese Emirate, Irak en Katar.
Israeli-tipe H: Israeliese 3-pool, SI 32
Tipe I: Australië - China - Argentynse 2 en 3 pool
Tipe J: Switserse prop
Tipe K: 107-2-D1 Deense 3-pool
Tipe L: Italiaanse 3-pool

Multistandaard

Aangepaste schuko
4-boks
"VIMAR universal"
"Chinasocket", 'n muursok wat verskillende proptipes kan neem in China

Eksterne skakels

Wikimedia Commons het meer media in die kategorie Muurprop.