Francisco Fernández del Riego

Francisco Fernández del Riego ( Lourenzá 1913 - Vigo 2010) foi un escritor galego.

---

En entrevistas e declaracións

“

A cultura non se pode politizar seitariamente, perténcelle ao país, que se interpreta a través dela.

”

Na súa obra literaria

“	Durante a noite caeu unha grande bategada. Despois da bategada da noite, clarea gris, mollado, empozado, invernizo… Vén a mañá en ondas frescas, alagando a escuridade. As causas non dan aínda sombra. As sombras son esleíntes, esborranchadas, coma luz batida, coma humidade de sal. Asubía, único, nunha árbore follosa, un paxariño invisíbel. Asubía con dozura de auga prateada. Vai crarexando mais. Na casa de Pumardedón, o patio cadrado durme aínda. Unha tella saídiza queda contando pingas azuis. As pingas brousan sobre unha pucharca que, embaixo, baila buxainas líquidas.	”
— , "Capítulo XXII", O cego de Pumardedón (Ir Indo, 1992) p. 139

“	Vai adiantando o Renault deica a ría de Ortigueira, que interna as súas augas entre as penínsulas montañosas da Faladoira e a Capelada. A ría péchase ao oeste co cabo Ortegal, cun faro que alaga de luz as noites. E pola outra banda coa Estaca de Bares, gran xigante de pedra derrubada desde a Capelada ao océano. Forman as augas da ría dos seos: un interior, o de Cariño; outro exterior, o de Santa Marta. Ramón Sanfiz ilustra aos seus acompañantes sobre a figura de Federico Maciñeira, estampa familiar en libros e revistas de arqueoloxía prehistórica.	”
— , "Da cidade mindoniense, pola beiramar, a Ferrol", Galicia (Xerais 1994).

Sobre el

“	«Galicia» de Francisco Fernández del Riego é sen dúbida un dos mellores exemplos deste labor divulgativa que, baixo o pretesto de mostrar o país a tres intelectuais bretóns, disecciona maxistralmente a nosa realidade paisaxística, antropolóxica, social e cultural.	”
—Pousa, Xosé Ramón, "Con don Paco por Galicia". Crítica e autores (2002). p. 519.

“	Relatar o tempo de D. Paco é relatar o número -mesmo un número que semella imposible- de todas as empresas culturais nas que participou ao longo de décadas: Galaxia, naturalmente; a revista Grial; a "invención" do Día das Letras Galegas, a dirección da Fundación Penzol, a presidencia renovadora da Real Academia Galega? E tamén o Del Riego cidadán que participa no proxecto de dotar ao seu país de forzas de seu, sempre na bandeira do galeguismo: isto é, na procura da (re)asunción dos nosos sinais de identidade e, ao tempo, do poder político para o pobo galego. O Del Riego, pois, galeguista e progresista, coherente e lúcido. Noso.	”
—Pena, Xosé Ramón, La Opinión A Coruña (27/11/2010).

“	Del Riego era unha figura apreciada e respectada por persoas de moi distinta orientación política e ideolóxica (tradución de gl.wikiquote). (Orixinal (en castelán): Del Riego era una figura apreciada y respetada por personas de muy distinta orientación política e ideológica)	”
—Ramón Nicolás (2011). Qué leer 161.[1]

Véxase tamén

Bibliografía

• Pousa, Xosé Ramón (2002). "Con don Paco por Galicia". Crítica e autores. BG120 II. La Voz de Galicia. pp. 519–520. ISBN 84-9757-098-7.