Bołharska

Republika Bołharska
	zakładne daty:
swójske mjeno	Република България (bg.)
stolica	Sofija
přestrjeń	110.994 km²
wobydlerstwo	6.875.040 (2021)
hustosć	61,9 wob./km²
forma knježerstwa	parlamentariska republika
hłowa stata	prezident Rumen Radew (Румен Радев) (wot 2017)
šef knježerstwa	ministerski prezident; Dimitar Glawčew (Димитър Главчев) (wot 2024)
měna	bołharski lew
hamtska rěč	bołharšćina
hymna	Mila Rodino (Мила родино,; hornjoserbsce: "Miła domizna")
časowe pasmo	UTC+2
njewotwisnosć	wot Osmaniskeho mócnarstwa; 3. měrca 1878 wozjewjene, ; připóznate 22. septembra 1908
Top Level Domain	.bg
telefon	+359
	Połoženje Bołharskej w Europje
	Karta

42.6525.4

Koordinaty: 43° S, 25° W

Bołharska abo hamtsce tež Republika Bołharska je stat w juhowuchodnej Europje z něhdźe sydom milionami wobydlerjow. Bołharska je wot 29. měrca 2004 čłon NATO a wot 1. januara 2007 čłon Europskeje unije, njesłuša pak do Schengenskeho ruma.

Geografija

Bołharska leži na wuchodźe Balkanskeje połkupy a mjezuje na sewjeru z Rumunskej, na zapadźe ze Serbiskej, na juhozapadźe ze Sewjernej Makedonskej, na juhu z Grjekskej a na juhowuchodźe z Turkowskej. Na wuchodźe twori Čorne morjo přirodnu hranicu. Stolica a sydło knježerstwa republiki je Sofija. Za hospodarstwo, administraciju a kulturu wuznamne města su Plowdiw, Warna, Burgas, Ruse a Stara Sagora.

Bołharska wobsteji k wulkemu dźělej z nižinowych runinow, kotrež so přez rěce Dunaj a Maricu a jeju přitoki tworjachu. Najwyše wuhorbjenja leža w Balkanskich horinach (bołharsce Стара Планина/Stara planina = stare horiny), Rodopach, Rili a Pirinje, kaž na přikład najwyša hora Musala (2925 metrow) w Rili. Hora Wichren (2915 metrow) w Pirinje a hora Botew (2376 m) w Balkanskich horinach stej dalšej wysokej horje.