1988

Yardeki:

Yari:

1901 • 1902 • 1903 • 1904 • 1905
1906 • 1907 • 1908 • 1909 • 1910
1911 • 1912 • 1913 • 1914 • 1915
1916 • 1917 • 1918 • 1919 • 1920
1921 • 1922 • 1923 • 1924 • 1925
1926 • 1927 • 1928 • 1929 • 1930
1931 • 1932 • 1933 • 1934 • 1935
1936 • 1937 • 1938 • 1939 • 1940
1941 • 1942 • 1943 • 1944 • 1945
1946 • 1947 • 1948 • 1949 • 1950
1951 • 1952 • 1953 • 1954 • 1955
1956 • 1957 • 1958 • 1959 • 1960
1961 • 1962 • 1963 • 1964 • 1965
1966 • 1967 • 1968 • 1969 • 1970
1971 • 1972 • 1973 • 1974 • 1975
1976 • 1977 • 1978 • 1979 • 1980
1981 • 1982 • 1983 • 1984 • 1985
1986 • 1987 • 1988 • 1989 • 1990
1991 • 1992 • 1993 • 1994 • 1995
1996 • 1997 • 1998 • 1999 • 2000

La yaro 1988 (MCMLXXXVIII per Romala algarismi) esis bisextila yaro komencinta ye venerdio segun Gregoriala kalendario. Ol esis la 988ma yaro di la duesma yarmilo, la 88ma yaro di la 20ma yarcento, e la 9ma yaro di la yari 1980a.

Eventi

29ma di septembro - Unesma flugo per spaco-paromo di NASA pos l'explozo di Challenger.
15ma di novembro - Sovietia sendas spaco-paromo Buran per portanta fuzeo Energia.

24ma di mayo - Boris Yelcin exkomunikesas ek Supra Konsilistaro di Sovietia.
3ma di agosto - Germano Mathias Rust, qua flugabis tra aerala surveyo di Sovietia til la Reda Placo en Moskva, liberigesas.
11ma di septembro - En Estonia, 300 000 personi protestas por nedependo.
1ma di oktobro - Mihail Gorbachyov divenas prezidanto di Sovietia.
9ma di oktobro - Republiko Socialista Sovietiana Latvia demandas nedependo de Sovietia.^[1]
16ma di novembro - Republiko Socialista Sovietiana Estonia deklaras sua suvereneso. Ol deklaros sua nedependo en 1991.
17ma di novembro - Nederlando unionas kom duesma stato en la interreto.
7ma di decembro - Mihail Gorbachyov anuncas ke l'armeo di Sovietia diminutesos per 500 000 soldati.
12ma di decembro - Koliziono inter tri treni en Clapham, proxim London, produktas 35 morti e plusa 100 vunditi.^[2]
21ma di decembro - Aeroplano de la kompanio Pan Am explozas super Lockerbie, Skotia. L'explozo produktas 259 morti che l'aeroplano, e plusa 11 morti sur la tero. Libia akuzesas pro l'atento.

Osama bin Laden, Saudiana milioniero, fondas Al-Kaida en Afganistan.
16ma di marto - Eventas gazal atako kontre Kurdi en Halabja, norde de Irak.
15ma di mayo - Milito en Afganistan: Sovietiana trupi komencas retretar ek Afganistan.
17ma di agosto - Prezidanto di Pakistan Mohammad Zia ul-Haq ed ambasadisto di Usa Arnold Raphel perisas en aeroplano-acidento.
20ma di agosto - Iran ed Irak kontratas pri armistico.
17ma di septembro til la 2ma di oktobro - Eventas l'Olimpiala Ludi en Seoul, Sud-Korea.
16ma di novembro - En Pakistan, Benazir Bhutto elektesas chefministro per libera elekto.
2ma di decembro - Violentoza ciklono kun venti di plu kam 150km/h frapas Bangladesh e produktas mili de morti.^[3]
7ma di decembro - Ter-tremo en Spitak, Armenia, mortigas oficale 25 000 personi. Probable plusa 60.000 homi mortas, 15.000 vundesas e 400 000 perdas hemo.

8ma di novembro - George Bush vinkas Michael Dukakis en prezidantala elekto en Usa.
1ma di decembro - Carlos Salinas de Gortari divenas prezidanto di Mexikia malgre l'akuzi di fraudo.

11ma di marto - Usa adoptas ekonomiala sancioni kontre Panama.^[4]
24ma di marto - Armistico en Nikaragua.
12ma til la 14ma di septembro - Uragano Gilbert efektigas granda destruktado en Jamaika.
Yarala inflaciono atingas 36 000% en Nikaragua.

5ma di januaro - Eventas armeala sedicio en Arjentinia kontre l'administrado di Raúl Alfonsín.
17ma di marto - Aviono Boeing 727 de Kolumbiana kompanio Avianca kolizionas proxim la frontiero kun Venezuela, e produktas 143 morti.
5ma di oktobro - Per 54% no-voti, Chiliani refuzas prolonguro dil mandato di Augusto Pinochet.
5ma di oktobro - Brazilia adoptas lua nuna konstituco.