Lies van componiste

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Heioonder volg 'n lies vaan veurnaomelek klassieke componiste. De lies is geannoteerd: edere componis weurt veurzeen vaan summier informatie euver zien beteikenis. Componiste oet aander genres zien inkel touwgeveug wienie die bezoonder opvalle, umtot de notie vaan 'ne componis es de belaankriekste persoen vaan e meziekwerk typisch klassiek is.

Dees lies kin geinen direkten touwgaank geve tot alle klassieke meziek vaan beteikenis: veural meziek oet de middeliewe is dèks anoniem euvergelieverd. Zuug heiveur ouch Lies vaan bronne veur middeliewse meziek.

Inhawd: A B C D E F G H I J K L M N O P Q R S T U V W X Y Z

A

Componis	Leve	Umsjrieving	Pleetsje
Michel van der Aa	* 1971	Nederlandse componis, lierling vaan Louis Andriessen. Sjrijf meziek min of mie in de zin vaan de Haagse Sjaol.
Carl Friedrich Abel	1723 - 1787	Duitse gambis en componis, stiechde same mèt Johann Christian Bach in Londe de succesvol Bach-Abelkonzèrs.
Pierre Abelard	1079 - 1142	Fransen theoloog, componis vaan zès planctus (klaagzeng) op Biebelse thema's.
Paul Abraham	1892 - 1960	Ábrahám Pál; Hongaars-Duitse operèttecomponis, bekind geweure veural mèt Die Blume von Hawaii (1931), e populair werk boe-in dudeleke jazz-invlood te herkinne vèlt.
Adolphe Adam	1803 - 1856	Franse componis vaan veural kemikke opera's meh ouch vaan belaank in de herleving vaan 't ballèt door zie werk Giselle.
John Adams	* 1947	Amerikaanse componis vaan wat soms post-minimalistische meziek weurt geneump; tonaol hermenieë in liechtelek vervreemdende contex. Gelt es eine vaan de groetste levende componiste. Is oonder mie bekind gewore mèt zien opera's euver contemporain oonderwerpe (wie Nixon in China) en mèt zie vioolconcert.
John Luther Adams	* 1953	Amerikaanse componis vaan ritmisch gedreve meziek, dèks geïnspireerd op de natuur vaan Alaska.
Richard Addinsell	1904 - 1977	Britse componis vaan filmmeziek mèt e romantisch idioom.
Thomas Adès	* 1971	Britse componis en pianis, greujde roond 2000 oet tot eine vaan de veurnaomste componiste vaan zien generatie.
Martin Agricola	1486 - 1556	Eigelek Martin Sore; Duitse meziekpedagoog, meziektheoreticus en componis vaan lutheraonse koraole.
Isaac Albéniz	1860 - 1909	Spaonse pianis en componis, riechde ziech nao 1890 ummer mie op Spaonse dansvörm wie de bolero en de fandango en inspireerde daomèt Debussy en Ravel.
Domenico Alberti	ca. 1710 - 1740	Italiaanse zenger, klavecinis en componis. Is es componis veural bekind vaan de Albertijnse bas, 'n techniek in de klaveermeziek boebij de linkerhand de begeleiding mèt gebroke akkaorde verzörg.
Tomaso Albinoni	1671 - 1751	Italiaanse componis vaan zoewel opera's es concerte en kamermeziek.
Alfons de Wijze	1221 - 1284	Keuning vaan Castilië, samestèller (en oongetwieveld ouch mèt-componis) vaan e book cantigas (gezaange) veur de H. Maag.
Charles-Valentin Alkan	1813 - 1888	Franse pianis en componis. Ziene pianomeziek huurt tot 't lestegste wat oets veur 't instrumint is gesjreve.
Guillaume d'Amiens	daartienden iew	Trouvère en illustrator vaan manuscripte; sjijns naovolger vaan Adam de la Halle.
Laurie Anderson	* 1947	Amerikaanse kunsteneres, maak multidisciplinair meziektheater. Crossover nao d'n experimentele popwereld, neet in 't minste door O Superman, e deil vaan e groeter werk wat apaart es single woort oetgebrach en häör 'nen hit oplieverde.
Louis Andriessen	* 1939	Nederlandse componis, veurtrèkker vaan de Haagse Sjaol. Woort bekind mèt zienen eige, Stravinsky-echtege variant vaan de minimal music meh oontwikkelde ziech daonao tot 'ne väölzijege componis dee binne en boete Nederland väöl erkinning krijg, oonder mie um zien opera's.
Jacques Arcadelt	† 1568	Franstaoleg-Vlaomse componis vaan chansons in madrigaolstijl.
Guido vaan Arezzo	991/2 - nao 1033	Theoreticus; bedinker vaan de notebalk, de solmisatie en de Hand vaan Guido; woersjijnelek ouch zelf componis vaan gezaange die zien theorieë móste illustrere.
Moniot d'Arras	† 1239	Trouvère; componis vaan pastourelle Ce fut en mai.
Daniel Auber	1782 - 1871	Franse componis, pioneer vaan de grand-opéra. In ziene glorietied zier geleef in gans Europa, meh nao 1850 sterk oet de mode.

B

Componis	Leve	Umsjrieving	Pleetsje
Milton Babbitt	1916 - 2011	Amerikaanse componis, oontwikkelde min of mie los vaan de Europese oontwikkelinge 'n eige serialisme en heel ziech ouch bezeg mèt elektronische meziek. Bleef wijer bekind door 't beröch essay Who cares if you listen?.
Carl Philipp Emanuel Bach	1714 - 1788	Duitse componis, klavecinis en pianis in jaorelangen deens vaan keuning Frederik de Groete vaan Pruses. Twiede zoon vaan Johann Sebastian Bach. In zien daog wie geinen aander geassocieerd mèt de Empfindsame stijl, de serieuze kant vaan de rococo.
Johann Christian Bach	1735 - 1782	Duitse componis, nao zien werkplaots ouch de Milanese of Londese Bach geneump. Joonkste zoon vaan Johann Sebastian Bach, haafbroor vaan de veurgoonde. Typische rocococomponis, aander es zie broor ieder in de galante stijl. Stiechde in Londe mèt Carl Friedrich Abel de Bach-Abelkonzèrs, belaankriek in de oontwikkeling vaan 't commercieel konzèr. Vaan zier groeten invlood op Wolfgang Amadeus Mozart, dee häöm es keend trof.
Johann Sebastian Bach	1685 - 1750	Duitsen organis, klavecinis, violis en componis vaan de laatbarok. Lid vaan e riek geslach vaan musici (zuug veur zien zäöns heiveur en heinao). Wis de modes oet de Italiaanse meziek te verbinde mèt de contrapuntische Duitse (veural Noord-Duitse) tradities. Sjreef boetegewoen good doorwèrkde meziek in zoeget alle genres, gans in 't bezunder lutheraanse kèrkmeziek, klaveer- en örgelmeziek en kamermeziek. Ziene stijl gol op 't memint vaan zienen doed es awwerwèts, meh vaanaof de negentienden iew greujde zien reputatie weer, tot heer oetindelek bekind kaom te stoon es de groetste componis dee oets heet geleef.
Wilhelm Friedemann Bach	1710 - 1784	Duitsen organis en componis, ajdste zoon vaan Johann Sebastian Bach. Leide e leve es reizende virtuoos. Ziene meziek aosemp deils nog de sfeer vaan de barok, meh is al gooddeils vaan rococo-aard.
Tekla Bądarzewska	1829/34 - 1861	Later Tekla Bądarzewska-Baranowska; Poolse componiste, sjreef 't piano-salonstök La prière d'une vierge. Dit werk woort de groetste blaadmeziekhit vaan de negentienden iew meh woort later veural oonderwerp vaan spot.
Mili Balakirev	1837 - 1910	Ми́лий Алексе́евич Бала́кирев; Russische componis, pianis en dirizjènt, opriechter vaan 't Mechteg Hemfelke en zelf componis vaan oonder mie orkes- en pianomeziek.
Francesco Balilla Pratella	1880 - 1955	Italiaanse componis, theoreticus vaan muzikaol futurisme meh zelf nog vrij awwerwèts vaan stijl.
Adriano Banchieri	1568 - 1634	Organis, meziektheoreticus en componis oet Bologna; veural bekind um zien motètte mèt instrumintaol partije.
Carlos Baguer	1768 - 1808	Spaonsen organis en componis vaan oonder mie symfonieë in de klassieke stijl.
Samuel Barber	1910 - 1981	Amerikaanse componis vaan veural kamermeziek en orkesmeziek in laatromantische geis, meh ouch mèt invlood vaan versjèllende modernistische struiminge.
Béla Bartók	1881 - 1945	Hongaarse componis vaan oonder mie orkeswerke, striekkwartètte en pianomeziek. Combineerde in zie werk d'n invlood vaan Stravinsky mèt 't idioom vaan de Hongaarse volksmeziek, deen heer zelf (mèt Kodaly) oonderzoch.
Philippe Basiron	ca. 1449 - 1491	Componis vaan oonder mie mèsse in de geis vaan Dufay.
Arnold Bax	1883 - 1953	Britse componis vaan vrij traditionele meziek (oonder mie symfonieë en striekkwartètte) boe-in heer romantisch en impressionistisch idioom vermingk, dèks in 'n fantasy-echtege setting.
Amy Beach	1867 - 1944	Amerikaanse pianiste en componiste vaan meziek die rappeleert aon Brahms.
Beatriz vaan Dia	twelfden iew	Trobiaritz vaan rillatief volkse gezaange (cansò).
Ludwig van Beethoven	1770 - 1827	Duitse pianis en componis. Pakde de erfenis vaan Mozart en Haydn, 't Weens classicisme, op en vernuide 't sterk. Mèt zien groete vörm, groeter vrijheid in vörmsjema's en progressief hermenie dreug zienen meziek de weerdes vaan de romantiek: deep persoeneleke, unieke werke boe-in de kuns centraol steit. Heer waor vaan doorslaaggevende beteikenis veur alle componiste nao häöm en is daomèt mesjiens wel d'n invloodriekste componis oets.
Vincenzo Bellini	1801 - 1835	Italiaanse componis vaan opera's. In zie werk wis heer 't bel canto te vertaole nao 't idioom vaan de romantiek. Daomèt waor heer vaan groeten invlood op 'n ganse generatie componiste, oonder wee de joonge Verdi.
Georg Anton Benda	1722 - 1795	Jiří Antonín Benda; Boheemse componis, lid vaan 'n ganse femilie vaan musici, componeerde oonder mie populair melodramata.
George Benjamin	*1960	Britse componis vaan werk in diverse genres wat nog gooddeils de modernistische geis aosemp. Zienen opera Written on skin haolde väöl succes bij de critici.
William Sterndale Bennett	1816 - 1875	Britse pianis, dirizjènt en componis vaan meziek in de geis vaan Mendelssohn.
Cathy Berberian	1925 - 1983	Amerikaanse avant-gardezengeres, zong oonder mie 't werk vaan häöre maan Luciano Berio en componeerde zelf inkel vergeliekbaar stökker.
Alban Berg	1885 - 1935	Oosteriekse componis; lierling vaan Schönberg en daomèt lid vaan de Twiede Weense Sjaol. Naom de atonaliteit en 't twelftoenssysteem vaan ziene liermeister mer geleidelek aon euver en leet ummer de melodie veurgoon bove strikte touwpassing vaan de regele. Woort daomèt de populairste componis vaan atonaole meziek; veural zienen opera Wozzeck en zie vioolconcert zien nog ummer geleef.
Arthur Berger	1912-2003	Amerikaanse componis en veurvechter vaan gelierde, seriële meziek wie dee op Amerikaanse universiteite woort bedreve.
Ludwig Berger	1777 - 1839	Duitse pianis en componis, liermeister vaan Mendelssohn. Sjreef lejer, koerwerke en pianomeziek.
Luciano Berio	1925 - 2003	Italiaanse componis, lid vaan de nao-oorlogse avant-garde meh door aofwiekende technieke neet zier sterk daomèt geassocieerd. Bekind woorte veural zien Sequenze veur versjèllende solo-instruminte en zien Sinfonia, boe-in collaasjtechnieke weure gebruuk.
Irving Berlin	1888 - 1989	Ізраіль Бэйлін, Wit-Russisch-Amerikaanse componis vaan songs en musicals, sterk geassocieerd mèt Tin Pan Alley. Väöl vaan zien leedsjes zien nog ummer bekind, wie I'm dreaming of a white Christmas en No business like show business.
Hector Berlioz	1803 - 1869	Franse componis vaan koer- en orkesmeziek. Heer trok de lijn vaan Beethoven door: veur deen tied oongezeen groete orkeste, vrijheid vaan vörm en 'n sterke programmatische laojing. Um die kwaliteite neump me häöm wel ins d'n ierste gans romantische componis.
Leonard Bernstein	1918 - 1990	Amerikaansen dirizjènt en componis, perbeerde es componis 'n synthese te bewèrke tösse de klassieke meziek en de amusemintsmeziek wie ieder Gershwin dat had gedoon. 't Bekindste woort zienen opera-echtege musical West Side Story, daoneve sjreef heer oonder mie twie symfonieë.
Wallace Berry	1928 - 1991	Amerikaanse modernistitsche componis, lieverde evels kritiek op de werkwijs vaan Babbitt en zien naovolgers.
Franz Berwald	1796 - 1868	Zweedse componis en violis, de belaankriekste Zweedse componis vaan zienen tied, sjreef oonder mie symfonieë en kamermeziek die rappelere aon Mendelssohn.
Heinrich Ignaz Franz von Biber	1644 - 1704	Boheemse violis en componis vaan oonder mie de roezekranssonnate. Bekind um zien innovatieve viooltechnieke, boe-oonder scordatura (umstumming vaan de snaore) en dobbelspeul.
Gilles Binchois	ca. 1400 - 1460	Vreug lid vaan de Nederlandse Sjole, oonder dudeleken invlood vaan Dunstable en d'n Ingelse stijl.
Hildegard von Bingen	1098 - 1179	Duitse mystica en componiste vaan Gregoriaans-echtege gezaange mèt e groet bereik en groete intervalle.
Harrison Birtwistle	* 1934	Britse componis dee in 'nen eclectische meh veur zie land moderne stijl sjrijf.
Georges Bizet	1838 - 1875	Franse componis vaan veural opera's. Deeg d'n opéra-comique emancipere tot 'n ambitieus en feitelek ouch vrij irnsteg werk. Ziene Carmen is allewijl de mies gegeven opera vaan allemaol.
Luigi Boccherini	1743 - 1805	Italiaanse cellis en componis in de klassieke stijl. Veural bekind gebleve door zien celloconcerte en aandere meziek veur 't instrumint.
Jacopo da Bologna	fl. 1340 - ca. 1386	Italiaanse componis vaan ars nova-echtege dreistummege madrigaole (trecento).
Benjamin Boretz	* 1934	Amerikaanse componis en meziektheoreticus vaan meziek de modernistische traditie boemèt heer woort groetgebrach.
Guiraut de Bornelh	ca. 1138 - 1215	Troubadour, componis vaan oonder mie Reis glorios
Alexander Borodin	1833 - 1887	Алекса́ндр Порфи́рьевич Бороди́н; Russische sjemicus en componis, lid vaan 't Mechteg Hemfelke. Sjreef door zien drökke loupbaon in de wetensjap rillatief wieneg meziek, meh wat 'r sjreef weurt algemein geach tot de bèste Russische meziek oet zienen tied te hure.
Lili Boulanger	1893 - 1918	Franse componiste vaan werk wat oonder 't impressionisme vèlt te plaotse. Waor in 1913 de ierste vrouw die de Prix de Rome veur compositie won. Joonger zöster vaan Nadia Boulanger.
Nadia Boulanger	1887 - 1979	Franse componiste, dirizjènte en compositieliereres. Awwer zöster vaan Lili Boulanger. Vaan 't groetste belaank is neet häör eige werk meh häör groete klas vaan veural Amerikaanse compositiestudente die nao Paries kaome um in häören degeleke stijl te weure groetgebrach.
Pierre Boulez	1925 - 2016	Franse componis en dirizjènt, lierling vaan Messiaen en same mèt Stockhausen de groetste pioneer vaan 't serialisme. Componeerde sinds de jaore viefteg nog mer sporadisch en heet ziech sindsdeen veural op zien dirizjeercarrièr geriech.
William Boyce	1711 - 1779	Britse componis en keuninkleke kapelmeister. Sjreef oonder mie 'n serie vaan ach korte, rococo-echtege symfonieë.
Johannes Brahms	1833 - 1897	Duitse componis in versjèllende genres, boe-oonder alle soorte kamermeziek, symfonieë, concerte, koermeziek en klaveermeziek. Es joongemaan protégé vaan Schumann. Door zienen degeleke, klassiek-echtege stijl geleef bij conservatief meziekleefhöbbers; dèks nao veure gebrach es tegehaanger vaan Wagner en Bruckner.
George Brecht	1926 - 2008	Amerikaanse componis/conceptuele kunsteneer oet de Fluxus-beweging, dee zien composities tot e minimum aon instructies beperk zien.
Jehan Bretel	† 1272	Trouvère, meister vaan de jeu-parti.
Willem Breuker	1944 - 2010	Nederlandse saxofonis en componis. Pioneer vaan de geïmproviseerde meziek, meziek in 'n eclectisch idioom mèt jazz-echtege improvisatie. Riechde in 1974 't Willem Breuker Kollektief op.
Benjamin Britten	1913 - 1976	Britse componis vaan 'n euverwegend behawwend meh zier eclectisch idioom wat häöm de groetste Britse componis vaan zienen tied maakde. Zie divers werk umvat Anglicaanse koermeziek, opera's, orkesmeziek, kamermeziek en lejer.
Earle Brown	1926 - 2002	Amerikaanse componis, geassocierd mèt Cage. Veural bekind gewore door de vrijheid, soms extreem vrijheid, die heer door oonvaste notatie zien oetveurders gief. Dreef dit in December 1952 tot 'n uterste.
Max Bruch	1838 - 1920	Duitsen dirizjènt en componis; allewijl weurt veural zien Ierste Vioolconcert nog gespäöld.
Anton Bruckner	1824 - 1896	Oosterieksen organis en componis. Begós op rillatief late leeftied mèt 't componere vaan ambitieus mèsse en veuroetstrevende, hoegromantische symfonieë. Ziene stijl is dèks vergeleke mèt Wagner, deen 'r hendeg bewoonderde.
Antoine Busnoys	† 1492	Lid vaan de Twiede Nederlandse Sjaol, componis vaan ritmisch gecompleceerde meziek (veural motètte) in de geis vaan Ockeghem.
Sylvano Bussotti	* 1931	Italiaanse componis, eine vaan de minder Europeaone die ziech bezeghele mèt de veural in de VS bedreve conceptueel notatie. Zien partiture woorte dèks es kunswerke aon de moer gehaange.
Ferruccio Busoni	1866 - 1924	Italiaanse componis en pianis, combineerde in zie werk 'n diechte contrapunctische structuur mèt 'n extreem chromatiek, al sjreef heer noets atonaol.
Jacques Buus	ca. 1500 - 1565	Vlaomse componis en organis, liermeister vaan Willaert en eine vaan de ierste hoeggeachde componiste die instrumentaole meziek (oet)sjreef.
Dietrich Buxtehude	ca. 1637 - 1707	Deens-Duitsen organis en componis vaan örgelmeziek en lutheraonse kèrkmeziek. Groetste meister vaan de Noordduitse Örgelsjaol en de groetste veurgenger vaan Bach.
William Byrd	1543 - 1623	Väölzijegen Ingelse componis vaan zoewel kèrkmeziek (katheliek en Anglicaons) in de ars perfecta es wereldleke meziek en ouch instrumentaole meziek, dao-oonder ouch klaveermeziek.

C

Componis	Leve	Umsjrieving	Pleetsje
Antonio de Cabezón	1510 - 1566	Spaonse, blinden organis en componis vaan oonder mie klaveermeziek.
Giulio Caccini	1551 - 1618	Italiaanse componis vaan de monodische stijl, sjreef madrigaole en opera's.
John Cage	1912 - 1992	Amerikaanse componis, eine vaan de radicaolste vernuiers vaan d'n twintegsten iew. Heer stoont 'ne focus eweg vaan 't notemateriaol nao ritmische structure veur, 'n filosofie die heer veur 1950 al oetgebreid oontwikkelde. Ouch maak heer daan al gebruuk vaan oongewoen instruminte wie de prepared piano. Daan veraandert ziene stijl radicaol, es heer de aleatoriek in ziene meziek touwliet en 't notemateriaol (binne vaan teväöre vasgestèlde bepaolinge) door 't lot liet bestumme. Haolt cultstatus mèt zie werk 4'33", boe-in d'n oetveurende gans 't stök niks te doen heet.
Sethus Calvisius	1556 - 1615	Seth Kalwitz, Duitse componis vaan lutheraanse kèrkmeziek gooddeils nog in renaissancestijl.
Christian Cannabich	1731 - 1798	Duitse violis en componis vaan orkesmeziek, lid vaan de Mannheimer Sjaol.
Francesco Canova da Milano	1497 - 1543	Italiaanse componis vaan luitmeziek.
Marco Cara	† ca. 1525	Ouch Marchetto Cara; Italiaanse componis vaan frottole.
Cornelius Cardew	1936 - 1981	Britse componis, sjrief iers in 'n avant-garde-idioom op seriële en (later) aleatorische basis, meh bekierde ziech in zien lèste jaore op politieke grun tot 'nen tonaole, populistische stijl.
Giacomo Carissimi	1605 - 1674	Componis vaan de Romeinse Sjaol, sjreef veural cantate.
Johannes Carmen	ind veertienden iew	Franse componis vaan motètte mèt invlood vaan de Italiaonse caccia.
Elliott Carter	1908 - 2012	Amerikaanse componis, góng nao 'ne neoklassieken tied euver op 'nen atonaole, ritmisch complexe stijl. Bleef tot nao zien hoonderdste componere. Veural ziene kamermeziek weurt väöl gespäöld.
Giovanni da Cascia	midde veertienden iew	Italiaanse meister vaan 't trecento: polyfoon madrigaole oonder Fransen invlood.
Alfredo Casella	1883 - 1947	Italiaanse componis vaan veural instrumentaole meziek in neoklassieke stijl; de veuraonstoonde componis vaan fascistisch Italië.
Philipoctus de Caserta	fl. 1370 - 1390	Franse componis vaan Italiaansen aofkóms; sjreef ballades in de ritmisch complexe ars subtilior
Emilio de' Cavalieri	ca. 1550 - 1602	Italiaansen organis en componis vaan oonder mie intermedi (veurgengers vaan d'n opera); zelfbeneumden oetvinder vaan de monodische stijl.
Francesco Cavalli	1602 - 1676	Italiaanse componis vaan veural opera's, geïnspireerd op de late Monteverdi.
Girolamo Cavazzoni	ca. 1525 - nao 1577	Italiaansen organis en componis; zoon vaan de volgende en lierling vaan Willaert, belaankriek in de oontwikkeling vaan 't ricercare en de canzona.
Marco Antonio Cavazzoni	ca. 1490 - ca. 1560	Italiaansen organis en componis vaan polyfonen örgelmeziek; zoon vaan de veurgoonde.
Emmanuel Chabrier	1841 - 1894	Franse componis vaan oonder mie opera's en pianomeziek, rillatief modern veur 't Fraankriek vaan zien daog. Belaankrieke inspiratiebron veur de impressionistische componiste.
Luigi Cherubini	1760 - 1842	Italiaanse, in Fraankriek wèrkende componis vaan veural opera's en kèrkmeziek. Weurt algemein tot de vreugromantiek gerekend. Sterk bewoonderd door Beethoven.
Frédéric Chopin	1810 - 1849	Fryderyk Franciszek Chopin, Pools-Franse pianis en componis. Wiedoet 't mieste vaan zie werk is veur zien eigen instrumint en besteit oet zier romantische nocturnes, preludes, mazurka's. Oetvinder vaan de konzèr-etude ('n etude die ouch es veurdrachstök gesjik is).
Johannes Ciconia	ca. 1370 - 1412	Vlaomse componis vaan de late ars nova/ars subtilior zoewie vaan nao de renaissance veuroetwiezend werk.
Jacobus Clemens non Papa	ca. 1510 - ca. 1556	Vlaomse of Ziewse meister vaan de Veerde Nederlandse Sjaol, componis vaan oonder mie parodiemèsse, motètte, chansons en de psalmberijming Souterliedekens.
Muzio Clementi	1752 - 1832	Italiaanse, in 't Vereineg Keuninkriek wèrkzame pianis en componis in de klassieke stijl. Väöl vaan zien werke (zoegeneumde sonatines) weure ouch noe nog veur didactische doele gebruuk; waor evels ouch vaan invlood op Beethoven.
Jacques Colebault	1483 - 1595	Ouch Jaques vaan Mantua, Franse componis vaan kèrkmeziek. Sjreef neve mèsse en motètte ouch sumpeler hymnes, mie in de geis vaan 't Concilie vaan Trente.
Samuel Coleridge-Taylor	1875 - 1912	Britse, zwarte componis vaan romantische meziek in versjèllende genres. Zien cantaat Hiawatha waor bij leve zie bekindste werk.
Loyset Compère	† 1518	Noord-Franse meister van de Daarde Nederlandse Sjaol, lierling vaan Gaspar van Weerbeke, componis vaan rillatief löchteg, geïtalianiseerde motètte en chansons.
Edward T. Cone	1917 - 2004	Amerikaanse componis en publicis euver meziek, collega en geisverwant vaan Babbit.
Aaron Copland	1900 - 1990	Amerikaanse componis, studeerde wie väöl vaan zien landgenoete bij Nadia Boulanger en woort dao in de neoklassieke sjaol groetgebrach. Later woort ziene stijl moderner, wie heer ziech veur 't twelftoenssysteem góng intrèssere.
Arcangelo Corelli	1653 - 1713	Italiaanse violis en componis vaan d'n hoegbarok, ierste meister vaan 't concerto grosso en oontwikkeleer vaan de tonaliteit wie de westerse meziek ze kint.
John Corigliano	* 1938	Amerikaanse componis vaan oonder mie orkesmeziek in tonaole stijl. Sjreef de filmmeziek bij The Red Violin, dee heer later umwèrkde tot e vioolconcert.
Peter Cornelius	1824 - 1874	Duitse componis en diechter, Wagneriaon en oteur vaan inkel opera's.
Philip Corner	* 1933	Amerikaanse componis in versjèllende modern genres.
William Cornysh	† 1523	Ingelse meister vaan polyfone kèrkmeziek mèt zier lang en ritmisch gecompleceerde melismata.
Francesco Corteccia	1502 - 1571	Florentijnse componis vaan zoewel kèrkmeziek es intermedi.
François Couperin	1668 - 1733	Franse componis, organis en klavecinis, bijgeneump Le Grand. Vereinegde Franse en Italiaansen invlood in veur häöm typische suites. Neefke (noonk-zègker) vaan de volgende.
Louis Couperin	ca. 1626 - 1661	Franse componis en instrumintalis, vernuide oonder invlood vaan Froberger de Franse klaveermeziek sterk. Noonk vaan de veurege, dee väöl ouch vaan häöm euvernaom.
Henry Cowell	1897 - 1965	Amerikaanse componis en pianis. Waor 'ne pioneer mèt 't gebruuk vaan oonorthodoxe pianotechnieke wie clusters en tokkele.
Johann Baptist Cramer	1771 - 1858	Duits-Britse pianis en componis vaan vreugromantische pianomeziek.
Petrus de Cruce	ind daartienden iew	Obscure (Pierre de la Croix?) meh invloodrieke meister en theoreticus vaan 't klassiek motèt.
George Crumb	* 1929	Amerikaanse componis vaan avant-gardemeziek, maak väöl gebruuk vaan collaasjtechnieke.
César Cui	1835 - 1918	Це́зарь Анто́нович Кюи́; Frans-Litouwse componis en militairen inzjenieur, lid vaan 't Mechteg Hemfelke meh sjreef zelf euver 't algemein in 'ne westerse stijl.
Carl Czerny	1791 - 1857	Boheems-Oosteriekse pianis, lierling vaan Beethoven, sjreef 'n enorm opus aon didactische pianowerke bijein meh componeerde ouch in aander genres.

D

Componis	Leve	Umsjrieving	Pleetsje
Arnaut Daniel	fl. 1180 - 1200	Ridder-troubadour, taolvirtuoze meister vaan de trobar clus.
Aleksander Dargomyzjki	1813 - 1869	Александр Сергеевич Даргомыжский; Russische componis vaan nationalistisch getinte meziek, boe-oonder opera's.
Mario Davidovsky	* 1934	Argentijns-Amerikaanse componis vaan elektronische meziek boebij 'ne livemusicus samespäölt mèt 'ne geluidsband.
Peter Maxwell Davies	* 1934	Britse componis, begós in e radicaol modernisme meh kaom later bij 'ne postmoderne stijl oet.
Claude Debussy	1862 - 1918	Franse componis, vaajer vaan de stijl die me impressionisme is goon neume. Sjreef 'nen opera, orkesmeziek, kamermeziek en klaveermeziek, boemèt heer 'n revolutie op geng brach in 't conservatief Frans meziekleve.
Léo Delibes	1836 - 1891	Franse componis vaan oonder mie opera's en ballètte.
Josquin Desprez	† 1521	Ouch wel gewoen Josquin. Groetste meister vaan de Daarde Nederlandse Sjaol en eine vaan de groetste componiste vaan de renaissance. Heer componeerde in alle groete genres die 't toen gaof. Euver 't algemein versóppelt heer de streng canonische werke vaan ziene veurgenger Ockeghem. 't Motèt weurt bij (en daankzij) häöm belaankrieker es liturgisch genre.
Anton Diabelli	1781 - 1858	Oosteriekse meziekoetgever en componis. Sjreef oonder mie sonatines die noe nog wel veur didactische doele weure gespäöld; daoneve componeerde heer 't welske boe-euver Beethoven zien 33 Diabelli-variaties sjreef.
Alphons Diepenbrock	1862 - 1921	Nederlandse componis vaan bekaans exclusief vocaole meziek, dèks mèt koer, in laatromantische stijl. Waor bevrund mèt Mahler, deen heer zeker heet beïnvleujd.
Carl Ditters von Dittersdorf	1739 - 1799	Oosteriekse violis en componis in versjèllende genres, boe-oonder symfonieë en Singspiele. Gerekend tot 't Weens classicisme.
Charles Dodge	* 1942	Amerikaanse componis, eine vaan de ierste dee bij 't doen klinke vaan elektronische meziek de computer gebruukde.
Theodor Döhler	1814 - 1856	Duitse, in Italië woenende pianovirtuoos en componis, sjreef veural composities die zien eige talent móste tuine.
Gaetano Donizetti	1797 - 1848	Italiaanse componis vaan opera's. Wie ziene generatiegenoet Bellini ligk zien veurnaomst verdeenste in 't oontwikkele vaan 'n eigetiedse (romantische) versie vaan de aw opera seria.
John Dowland	1563 - 1626	Ingelse componis vaan lejer mèt luitbegleiding die in zienen tied hendeg populair waore.
Benedictus Ducis	ca. 1492 - 1544	Zuid-Duitse componis vaan vreuge protestantse kèrkmeziek.
Guillaume Dufay	ca. 1397 - 1474	Franse componis, zier belaankriek in d'n euvergaank vaan middeliewse meziek nao renaissancemeziek. Vaan invlood zien zien mèsse meh veural de fauxbourdontechniek oet zien chansons.
Paul Dukas	1865 - 1935	Franse componis vaan mer e hemfelke werke in impressionistische geis. Veural 't symfonisch scherzo L'apprenti sorcier heel rippertoir.
Tan Dun	* 1957	Chinese componis dee zie werk drejt um de confrontatie tösse Oosterse en Westerse meziek. Raakde in 1996 internationaol bekind mèt zienen opera Marco Polo.
John Dunstable	ca. 1390 - 1453	Ingelse componis in de typerende stijl vaan zie land (mèt väöl tertse en sexte), wèrkzaam in Fraankriek en dao zier invloodriek op de ierste generatie echte renaissancecomponiste.
Marcel Dupré	1886 - 1971	Fransen organis, pianis en componis, in 't bezunder vaan gemaoteg modern örgelwerk.
Maurice Duruflé	1902 - 1986	Fransen organis en componis vaan rillatief conservatief werk, in 't bezunder bekind gebleve door zie requiem oet 1947.
Jan Ladislav Dusík	1760 - 1812	Johann Ludwig Dussek, Boheemse pianis en componis vaan klassieke en vreugromantische klaveermeziek.
Henri Dutilleux	1916 - 2013	Franse componis vaan rillatief conservatieve, ecletische meziek.
Antonín Dvořák	1841 - 1904	Boheemse componis vaan oonder mie symfonieë en kamermeziek. Combineerde de romantiek succesvol mèt eleminte oet de Boheemse volksmeziek en, in later werk, soms ouch mèt Afro-Amerikaanse meziek.

E

Componis	Leve	Umsjrieving	Pleetsje
Herbert Eimert	1897 - 1972	Duitse componis vaan twelftoensmeziek, nao d'n oorlog pioneer in d'n elektronische meziek en d'n directeur vaan de studio veur Radio Kölle.
Hanns Eisler	1898 - 1962	Oosterieks-Duitse componis vaan communistische zaankmeziek veur de massa (agitprop), bekind gebleve door 't Solidaritätslied.
Edward Elgar	1857 - 1934	Britse componis vaan veural orkesmeziek in romantischen trant. De groetsten Ingelse componis sinds Purcell.
Duke Ellington	1899 - 1974	Amerikaanse jazzpianis, bandleader en componis. Belaankriekste figuur oet 't swingtiedperk, en deeginnege dee 't mies oetgesproke gebruuk maakde vaan klassieke veurbeelder.
George Enescu	1881 - 1955	Roemeense, in Fraankriek wèrkende componis, pianis en violis (dao bekind es Georges Énesco). Zien orkeswerke zien nog oetgesproke romantisch, ziene kamermeziek is get moderner, meh neet väöl.
Ferenc Erkel	1810 - 1893	Erkel Ferenc, Franz Erkel; Hongaarse pianis, dirizjènt en componis vaan oonder mie opera's boe-in heer es eine vaan de ierste eleminte oet de Hongaarse volksmeziek verwèrkde.

F

Componis	Leve	Umsjrieving	Pleetsje
Manuel de Falla	1876 - 1946	Spaonse componis; hanteerde 'n neoklassieke stijl boe-in heer väöl eleminte oet de Spaonse volksmeziek verwèrkde.
Michel Fano	* 1929	Franse componis oet de sjaol vaan Messiaen, mesjiens de sjriever vaan de allerierste serieel compositie. Later ouch filmcomponis, väölal mèt elektronische middele.
Gabriel Fauré	1845 - 1924	Fransen organis, pianis en componis vaan romantisch werk wat veuroetwijs nao 't neoclassicisme. Bekind vaan oonder mie ziene pianomeziek en zie Requiem.
Morton Feldman	1926 - 1987	Amerikaanse componis, wie John Cage geassocieerd mèt de aleatoriek. De werke oet zien lèste tien jaor (beveurbeeld 't twiede striekkwartèt) dore dèks extreem laank.
Brian Ferneyhough	* 1943	Britse componis vaan complexe, op de nao-oorlogsen avant-garde trökgriepende meziek mèt hiel väöl oongewoen maotverdeilinge.
Luc Ferrari	1929 - 2005	Fransen avant-gardecomponis in diverse genres, veural bekind gewore door zie musique concrètestök Presque rien.
Antoine de Févin	ca. 1470 - 1512	Fransen edelmaan, naovolger vaan Josquin en sjijns d'n oetvinder vaan de parodiemès.
John Field	1782 - 1837	Ierse pianis en componis, sjreef veural klaveerconcerte en nocturnes, e genre wat heer zelf oontwikkelde en boe-in Chopin häöm later zouw naovolge.
Michael Finnissy	* 1946	Britse componis vaan avant-gardemeziek mèt 'n sterk politieke kleuring.
Gherardello da Firenze	† 1363	Italiaanse componis (trecento) vaan ballate en caccie.
Friedrich von Flotow	1812 - 1883	Duitse componis vaan opera's nao 't veurbeeld vaan de Franse kemikken opera. Zien Martha bleef nog e tiedsje populair, meh allewijl is heer zoe good wie vergete.
Carolus Antonius Fodor	1768 - 1846	Nederlandse componis in de klassieke en vreug-romantische stijl, gebore in Venlo, wèrkend in Amsterdam es laankjaoregen dirizjènt vaan 't Felix Meritis-orkes.
Julian Fontana	1810 - 1869	Poolse pianis en componis, mèt-lierling, generatiegenoet en geisverwant vaan Chopin.
César Franck	1822 - 1890	Nederlands/Belsj/Fransen organis, pianis en componis. De veurnaomste componis vaan örgelmeziek oet de romantiek; sjreef daoneve ouch pianomeziek, kamermeziek en orkesmeziek (boe-oonder 'n symfonie).
Robert Franz	1815 - 1892	Duitse componis vaan oonder mie lejer die veur hunnen tied zier modern waore. Verzörgde ouch 'gemoderniseerde' edities vaan 't werk vaan Bach en Händel.
Girolamo Frescobaldi	1583 - 1643	Italiaansen organis en klavecinis, neve Sweelinck eine vaan de veurnaomste meister vaan de vreugbarokke klaveermeziek.
Johann Jakob Froberger	1616 - 1667	Duitse, in Fraankriek wèrkende klavecinis, organis en componis vaan oonder mie partite/suites, welk genre heer in Fraankriek populair maakde.
Walter Frye	†1474?	Rillatief conservatieve componis vaan typisch Ingelse polyfone meziek in de geis vaan Power en Dunstable.
Anis Fuleihan	1900 - 1970	Cypriotisch-Amerikaanse componis, oonder mie bekind vaan e concert veur d'n theremin.
Johann Joseph Fux	1660 - 1741	Oosteriekse componis en meziektheoreticus, sjreef opera's, kèrkmeziek en instrumentaole meziek meh bleef veural vaan belaank door zie contrapuntlierbook Gradus ad Parnassum.

G

Componis	Leve	Umsjrieving	Pleetsje
Andrea Gabrieli	ca. 1532 - 1585	Italiaanse componis, noonk vaan de volgende. Wèrkzaom aon de San Marco in Venetië. Pioneer vaan de mierkoeregheid in zien gruuts opgezatte mèsse die d'n inzèt vaan meziekinstruminte implicere; 'n oontwikkeling typerend veur de contrarifformatie.
Giovanni Gabrieli	ca. 1553 - 1612	Italiaanse componis, neef vaan de veurgoonde en op dezelfde plaots wèrkzaam. Zien motètte zien wie de noonk zien mèsse mierkoereg en vraoge es ierste werke um specifieke instruminte; Gabrieli jr. is daomèt d'n ierste componis dee 'n orkes veursjrijf.
Niels Gade	1817 - 1890	Deense componis en dirizjènt, domineerde 't meziekleve in zie land.
Marco da Gagliano	1582 - 1643	Italiaanse componis vaan madrigaole en opera's.
Vincenzo Galilei	ca. 1530 - 1591	Italiaanse luitis, sjriever vaan polemische stökker boe-in heer ageerde tege de polyfonie. Pa vaan d'n astronoom Galileo Galilei.
Jacobus Gallus	1550 - 1591	Eigelek Jacob Handl, Duits-Sloveense componis vaan mystieke kèrkmeziek boe-in heer technieke vaan de madrigaliste touwpasde.
Baldassare Galuppi	1706 - 1785	Italiaanse componis in de rococostijl, veural bekind gewore door opere buffe zoewie door zien innovatief klaveersonnate.
Joseph Gelinek	1758 - 1825	Joseph Jelínek; Boheems-Oosteriekse pianis en componis in vreugromantische stijl.
George Gershwin	1898 - 1937	Amerikaanse componis en pianis. Waor mèt Irving Berlin de groetste sjriever vaan songs en musicals vaan Tin Pan Alley, meh sjreef ouch serieus werk (orkesmeziek en pianomeziek) boe-in heer de romantische traditie perbeerde te verminge mèt idioom oet de jazzmeziek zoewie aander componiste dat mèt volksmeziek hadde gedoon.
Carlo Gesualdo	1560 - 1613	Prins vaan Venosa en componis vaan soms extreem chromatische madrigaole.
Johannes Ghiselin	fl. 1491 - 1507	Noord-Franse componis, lid vaan de Daarde Nederlandse Sjaol.
Girolamo Giacobbi	1569 - 1629	Italiaanse componis vaan kèrkmeziek en opera's.
Alberto Ginastera	1916 - 1983	Argentijnse componis, oonder mie vaan orkesmeziek. Sjreef iers in 'n nationalistische stijl geveujd door d'n Argentijnse folklore, meh kaom nao d'n oorlog tot 't zoegeneump neo-expressionisme, boebij heer inspiratie haolde bij oonder mie Schönberg.
Philip Glass	* 1937	Amerikaanse componis, neve Reich de bekindste figuur vaan de minimal music. Riechde ziech mier es Reich op groeter vörm wie d'n opera (beveurbeeld Einstein on the Beach). Góng ind jaore 1980 euver op 'ne minder minimaole stijl, dee soms es neoromantisch weurt umsjreve. Sjrijf neve opera's ouch symfonieë, concerte en striekkwartètte.
Aleksandr Glazoenov	1865 - 1936	Алекса́ндр Константи́нович Глазуно́в, Russische componis in e laatromantisch idioom, wie ouch compositielierer. Ziene bekindste lierling waor Sjostakovitsj.
Michail Ivanovitsj Glinka	1804 - 1857	Михаи́л Ива́нович Гли́нка; Russische componis vaan oonder mie opera's, eine vaan de ierste musici vaan beteikenis oet zie land en vaan zier groeten invlood op de generaties nao häöm.
Christoph Willibald von Gluck	1714 - 1787	Duitse componis vaan opera's, wèrkzaam in Paries. Brach 'n gemoderniseerde, klassieke versie vaan de irnstegen opera en waor daomèt de tegespeuler vaan Niccolò Piccini.
Sofija Goebajdoelina	1931	In 't Russisch Софи́я Асгатовна Губайду́лина, in 't Tataars Sofia Äsğät qızı Ğöbäydullina; Russische componiste vaan euverwegend atonaole meziek mèt bekaans ummer 'nen apert christeleken inspiratiebron.
Hermann Goetz	1840 - 1876	Duitse componis, in zie kort leve zier populair meh daonao gaw vergete um zienen awwerwètse stijl.
Karel Goeyvaerts	1923 - 1993	Belzje componis. Es pioneer in 't serialisme en d'n elektronische meziek waor heer vaan groeten invlood op veural Stockhausen, allewel tot me ziene meziek zelf neet väöl mie huurt.
Osvaldo Golijov	* 1960	Argentijnse componis vaan postmodernistisch werk.
Nicolaes Gombert	ca. 1495 - ca. 1560	Vlaomse componis, lid vaan de Veerde Nederlandse Sjaol, sjreef veural motètte mèt streng imitatie en väöl dissonante.
Henryk Górecki	1933 - 2010	Poolse componis. Begós te componere in e sterk modernistisch idioom, meh góng vaanaof de jaore 1970 euver op e christelek geïnspireerd minimalisme. Zien Symfonie vaan klaaglejer woort in de jaore 1990 hendeg populair, ouch in 't weste.
François-Joseph Gossec	1734 - 1829	Franse componis vaan opera's, koerwerke, symfonieë en striekkwartètte in de klassieke stijl; geassocieerd mèt de Franse Revolutie en Napoleon.
Claude Goudimel	ca. 1514 - 1572	Franse componis vaan chansons, zoewie harmonisator vaan 't Geneefs psalter.
Charles Gounod	1818 - 1893	Franse componis vaan veural vocaol werk. Zien beteikenis ligk bij d'n opera, allewel tot heer neet de beteikenis vaan ziene generatiegenoet Bizet heet kinne hole.
Percy Grainger	1882 - 1961	Australische, in Europa en de Vereinegde Staote wèrkende componis en pianis.
Enrique Granados	1867 - 1916	Spaonse componis vaan folkloristisch getinte pianomeziek en lejer.
Edvard Grieg	1843 - 1907	Noorse pianis en componis vaan oonder mie klaveermeziek en koerwerke. In ziene meziek weurt de romantiek verriek mèt invlood oet de Noorse volksmeziek. In zie later werk weure de hermenieë dissonanter, zoetot ziene meziek al de modernistische kant op geit.
Gérard Grisey	1946 - 1998	Franse componis vaan spectraolmeziek, 'ne vörm vaan elektronische meziek boebij natuurleke, opgenome klaanke vervörmp weure.
Guymont	ind veertienden iew?	Oonbekinde meister vaan e modern Kyrie oet 't Apt-manuscrip (geassocieerd mèt Avignon en de tegepause).

H

Componis	Leve	Umsjrieving	Pleetsje
Alois Hába	1893 - 1973	Tsjechische componis vaan meziek in diverse genres, oonder mie kamermeziek. Hanteerde es eine vaan de ierste microtoene, veural kwarttoene. Oondaanks dees beteikenisvol vernuiing weurt zienen meziek allewijl koelek nog gespäöld.
Carel Hacquaert	ca. 1640 - 1701?	Zuid-Nederlandse, nao de Noordeleke Nederlen geëmigreerde musicus. Oonder zie gepubliceerd werk is oonder mie d'n ierste Nederlandsen opera. Broor vaan gambis Philip Hacquart, dee ouch componeerde.
Jacques-Fromental Halévy	1799 - 1862	Franse componis vaan veural opera's in de stijl vaan de grand-opéra.
Adam de la Halle	† ca. 1307	Belaankriekste vaan de trouvères (en eine vaan de lèste), actief in versjèllende vaste veersvörm.
Georg Friedrich Händel	1685 - 1759	Duitse componis en organis, in Italië bekind es Giorgio Federico Hendel, in 't Vereineg Keuninkriek es George Frideric Handel. Woort 't bekindste mèt opere serie en Ingelstaolege oratoria, meh sjreef ouch orkessuites, concerte (boe-oonder de vrij unieke concerte veur örgel en orkes), klaveersuites en nog aander werk. Woort in zienen tied es de groetste levende componis gezeen.
Roy Harris	1898 - 1979	Amerikaanse componis, sjreef in 'ne zier gemaoteg moderne stijl dee es 'typisch Amerikaans' woort gezeen, zoonder evels Amerikaanse bronne te gebruke.
Lou Harrison	1917 - 2003	Amerikaanse componis, zoch zien inspriratie väöl in de neet-westerse meziek en wèrkde naovenant mèt rein stumminge en microtoene.
Karl Amadeus Hartmann	1905 - 1963	Componis vaan oonder mie cantates, symfonieë en striekkwartètte in e gemaoteg modern, expressionistisch idioom. Góng in 't Daarde Riek in innerleke emigratie, meh publiceerde zie werk nao d'n oorlog mèt väöl succes.
Johann Adolph Hasse	1699 - 1783	Duitse componis vaan opera's in Italiaanse stijl, in laatbarok mèt de ierste kinmerke vaan 't rococo/vreugklassiek al in ziech. Wèrkde väöl same mèt meisterlibrettis Pietro Metastasio. Waor op zie huugdepunt oongekind populair in groete deile vaan Europa, meh waor nao zienen doed gaw vergete.
Josef Matthias Hauer	1883 - 1959	Oosteriekse componis en theoreticus. Nump de atonaliteit, later de twelftoensmeziek, euver vaan Schönberg en weurt daorum wel ins tot de Twiede Weense Sjaol gerekend. Heer behandelt deze techniek ummer mie wiskundeg en ummer minder creatief, tot heer oetindelek vaan Zwölftonsspiel (en neet 'compositie') geit spreke.
Joseph Haydn	1732 - 1809	Oosteriekse componis, jaorelaank in deens vaan de Hongaarse femilie Esterházy. Sjreef veur de voors werke in alle genres die 't toen gaof. Waor oondaanks of zjus daankzij zien isolatie de sleutelmaan in de ganse oontwikkeling vaan de klassieke meziekstijl, vaan de naodaog vaan de barok tot aon 't begin vaan de romantiek. Maakde vaan de symfonie en 't striekkwartèt, in 1750 nog compleet oonbeteikenend, de mies prestigieus meziekgenres. Had invlood op alle componiste oet zienen tied, neet in 't minste oet Mozart en Beethoven. Op 't ind vaan zie leve blees heer 't oratorium nui leve in.
Michael Haydn	1737 - 1806	Oosteriekse componis vaan oonder mie opera's en symfonieë, broor vaan de veurege.
Wim Hendrickx	* 1962	Belzje componis vaan eclectische meziek in versjèllende genres. Docent aon 't Amsterdams conservatorium.
Pierre Henry	* 1927	Franse componis vaan musique concrète.
Roy Henry	1367 - 1413? 1386 - 1422?	Keuning Hendrik IV of Hendrik V vaan Ingeland, aon wee twie liturgische zèttinge, deils in Ingelse stijl (mèt frequinte tertse en sexte) weure touwgesjreve.
Fanny Hensel	1805 - 1847	Gebore Mendelssohn; Duitse pianiste en componiste, veural solowerk veur häör instrument. Zöster vaan Felix Mendelssohn.
Hans Werner Henze	1926 - 2012	Duitse componis vaan oonder mie tien symfonieë in e gemaoteg modern, eclectisch idioom. Väöl vaan zie werk is geteikend door zie links engagemint.
Jennifer Higdon	* 1962	Amerikaanse componiste vaan neoromantisch gekleurde meziek.
Lejaren Hiller	1924 - 1994	Amerikaanse componis, veural bekind door zie veerde striekkwartèt, de Illiac-suite, gecomponeerd mèt 'ne computer.
Paul Hindemith	1895 - 1963	Duitse componis en altviolis. Componeerde in 'n neoklassieke stijl. In vergelieking mèt de Franse neoklassieke is zie werk agressiever. Zien meziekfilosofie is antiromantisch, neet allein in esthetiek meh ouch in zien idee euver de beteikenis vaan de meziek: heer propageert Gebrauchsmusik, d.w.z. meziek die veur de gelegenheid weurt gesjreve.
E.T.A. Hoffmann	1776 - 1822	Duitse sjriever, componis en criticus. Allewel tot zie muzikaol werk (oonder mie de vertèlselkesopera Undine) neet tot de wereldtop huurt, waor heer door zien zier sterke associatie mèt de romantiek vaan wezelek belaank in de oontwikkeling vaan 't dinke euver meziek.
Leopold Hofmann	1738 - 1793	Oosteriekse rocococomponis, sjreef veural väöl concerte veur oetereinloupende solo-instruminte.
Gustav Holst	1874 - 1934	Britse componis vaan werke in diverse genres. Allewijl 't bekindste um zien orkeswerk The Planets, boe-in laatromantische, impressionistische en expressionistische invlode te hure zien.
Simeon ten Holt	1923 - 2012	Nederlandse componis. Begós in 'ne neoklassieke, gemaoteg modernistische stijl, die heer in de jaore 1960 verruilde veur e radicaol modernisme. Vaanaof ind jaore 1970 góng heer weer tonaol componere, in 'n eige versie vaan de minimal music. Zie Canto ostinato zouw hendeg populair weure.
Arthur Honegger	1892 - 1955	Zwitsers-Franse componis vaan neoklassiek werk, lid vaan Les Six.
Johann Nepomuk Hummel	1778 - 1837	Oosteriekse pianis en componis vaan oonder mie klaveerconcerte in de vreugromantiek.
Engelbert Humperdinck	1854 - 1921	Duitse componis, veural bekind gebleve door zienen opera Hänsel und Gretel.

I

Componis	Leve	Umsjrieving	Pleetsje
Sigismondo d'India	ca. 1582 - 1629	Italiaanse componis vaan zoewel polyfoon es monodische werke.
Vincent d'Indy	1851 - 1931	Franse componis vaan opera's in de Franse traditie (opéra lyrique), meh mèt zekeren invlood vaan Wagner.
Airat Ichmouratov	1973	Russisch: Айрат Рафаилович Ишмуратов, is 'ne Russisch en Canadese componis, dirizjènt en klarinetist.
Heinrich Isaac	ca. 1450 - 1517	Oersprunkelek Vlaomse, in Duitsland en Italië wèrkende componis vaan talloes kèrkeleke en wereldleke werke.
Charles Ives	1874 - 1954	Amerikaanse verzekereer en amateurcomponis vaan progressief, meh veural excentriek werk, boe-in heer de meziek vaan zien jäög koppelt aon technieke wie atonaliteit, polytonaliteit, polyritmiek, clusters, kwarttoene etc. De mieste vaan zien werke bleve bij zie leve oonoetgeveurd.

J

Componis	Leve	Umsjrieving	Pleetsje
Leoš Janáček	1854 - 1928	Tsjechische componis, hanteerde in zienen instrumentaole meziek nog 'ne romantische stijl meh experimenteerde in zien opera's mèt natuurleke, op gesproke taol geènte zaanklijne die heer in 'ne moderne componeertrant verwèrkde.
Clément Janequin	ca. 1485 - 1558	Franse preester en componis vaan populair, onomatopeïsche chansons.
Guus Janssen	* 1951	Nederlandse componis vaan posmoderne meziek boe stijlcitaote in 'n statische, quasi-tonaol umgeving zien ingebèd.
Karl Jenkins	* 1944	Britse componis vaan vocaole meziek, oonder mie 't easy listeningalbum Adiemus en 't quasi-liturgisch koerwerk The Armed Man.
Joseph Joachim	1831 - 1907	Duitse violis, dirizjènt en componis, componeerde veural virtuoze vioolmeziek veur eige gebruuk.
Betsy Jolas	* 1926	Franse componiste, beïnvleujd door Webern en de sjaol vaan Darmstadt meh minder radicaol vaan stijl.
Niccolò Jommelli	1714 - 1774	Italiaanse componis vaan rococo-opera's en geisteleke meziek.
Scott Joplin	1867/8? - 1917	Amerikaanse componis en pianis vaan ragtimes, woort de Keuning vaan de rag geneump. Zie werk umvat neve ragtimes veur piano ouch 'nen opera in Afro-Amerikaans idioom, Treemonisha.

K

Componis	Leve	Umsjrieving	Pleetsje
Mauricio Kagel	1931 - 2008	Argentijns-Duitse componis, groetgebrach in de Sjaol vaan Darmstadt. Componeerde in diverse genres en stijle; verbindend elemint in zie werk is 't theatraolt: ouch bij concertante werke sjrijf 'r ziechbaar acties veur.
Emmerich Kálmán	1882 - 1953	Imre Koppstein, Kálmán Imre, Hongaarse componis vaan operètte wie Die Czardasfürstin. Mèt Lehár geassocieerd mèt 't Zèlvere Tiedperk vaan de operèt.
Mieczysław Karłowicz	1876 - 1909	Poolsen dirizjènt en componis in laatromantische stijl.
Laura Karpman	* 1959	Amerikaanse componiste, lierling evaan oonder mie Milton Babbitt. Sjrijf veural film- en buunmeziek.
Wilhelm Kienzl	1857 - 1941	Oosteriekse componis, sjreef in diverse genres meh had 't mieste succes mèt zien opera's.
Hikari Kiyama	* 1983	Japanse componis vaan astrante meziek mèt jazz- en rockinvlood, dèks geïnspireerd op de Japanse cultuur.
Bernhard Klein	1793 - 1832	Duitse componis vaan rillatief conservatief werk in diverse genres, oonder mie vaan lejer.
Zoltán Kodály	1882 - 1967	Kodály Zoltán, Hongaarse componis en etnomusicoloog. Zoch mèt Bartók 't land aof nao volksmeziek en verwèrkde die ouch in ziene meziek; ziene stijl is evels traditioneler es dee vaan ziene collega.
Erich Wolfgang Korngold	1897 - 1957	Oosterieks-Amerikaanse componis, sjreef aonvenkelek werke in laatromantische stijl meh woort nao zien migratie nao de VS pioneer in de filmmeziek.
Anna Korsoen	* 1986	Анна Корсун, Oekraïens componiste vaan meziek mèt 'ne sterke theatraole componint en dèks e lieg volume.
Takehisa Kosugi	* 1934	小杉 武久, Kosugi Takehisa, Japanse componis oet de Fluxus-beweging.
Joseph Martin Kraus	1756 - 1792	Duits-Zweedse componis vaan oonder mie symfonieë, vaan vitaol belaank veur de meziekcultuur in zie twiede vaajerland.
Johann Ludwig Krebs	1713 - 1780	Duitse componis en organis, lierling vaan Bach. Oondaanks invlood vaan d'n empfindsame stijl aoseme zien werke veural de stijl vaan ziene meister; ze gelle daorum es awwerwèts veur hunnen tied.
Ernst Krenek	1900 - 1991	Oosteriekse, later Amerikaanse componis; stortde ziech in de jaore twinteg op e provocatief idioom mèt jazzinvlood, meh góng nao d'n oorlog euver op 't serialisme.
Franz Krommer	1759 - 1831	Eigelek František Vincenc Kramář; Boheemse violis en componis, veural vaan vioolconcerte en kamermeziek veur zien instrumint.
Friedrich Kuhlau	1786 - 1832	Duits-Deense componis, veural nog bekind um ziene klaveermeziek (sonatines) meh ouch d'n oteur vaan d'n opera Lulu.
Johann Kuhnau	1660 - 1722	Duitse componis en sjriever, componeerde oonder mie zien Biebelse sonnate.
Karol Kurpiński	1785 - 1857	Poolse componis en dirizjènt, componeerde kemikke opera's mèt Poolsen invlood.
György Kurtág	* 1926	Hongaarse componis vaan modernistische meziek mèt versjèllende invlode.

L

Componis	Leve	Umsjrieving	Pleetsje
Helmut Lachenmann	* 1935	Duitse componis vaan modernistische meziek in d'n trant vaan Luigi Nono.
Francesco Landini	1325 - 1397	Blinden organis en componis in 'Franse' stijl; groetste meister vaan 't trecento.
Vanessa Lann	* 1968	Amerikaans-Nederlandse componiste vaan tonaole meziek in versjèllende genres.
Joseph Lanner	1801 - 1843	Oosteriekse componis en violis, neve Johann Strauss sr. de groondlègker vaan de Weense wals.
Orlando di Lasso	1532 - 1594	Ouch Orlandus Lassus of Orlande de Lassus. Henegouwse, in Italië wèrkende componis vaan oonder mie de sterk chromatische Prophetiae Sibyllarum.
Ton de Leeuw	1926 - 1996	Nederlandse componis, aonvenkelek neoklassiek meh nao lesse bij Messiaen en bezeuke aon Darmstadt 'nen euvertuigden avantgardis, dee in zie werk perbeerde 't serialisme te verbinde mèt de oosterse meziek.
Louis James Alfred Lefébure-Wély	1817 - 1869	Fransen organis en componis vaan salonechtege stökker.
Franz Lehár	1870 - 1948	Lehár Ferenc, Hongaars-Oosteriekse componis vaan operètte. Gelt es de belaankriekste meister in 't genre nao d'n doed vaan Johann Strauss jr. en weurt daomèt geassocieerd mèt 't zèlvere tiedperk vaan de operèt' .
Ruggiero Leoncavallo	1858 - 1919	Italiaanse componis vaan opera's, bekind gebleve door I Pagliacci. Naovolger vaan Mascagni en wie dee sterk geassocieerd mèt 't verisme.
Leoninus	† ca. 1201?	Meister vaan 't mierstummeg organum aon de Nôtre Dame, entans volgens Anonymus IV.
Fred Lerdahl	* 1943	Amerikaanse componis en theoreticus, eine vaan de veurvechters vaan 't postmodernisme wat heer op cognitief grun verdeideg.
György Ligeti	1923 - 2006	Hongaarse componis. Heer oondersjeide ziech vaan aander leie vaan de nao-oorlogsen avant-garde door zien geriechheid op versjuivende clusters en klaankvelder, die heer mèt micropolyfonie tot stand brach.
Paul Lincke	1866 - 1946	Duitse componis, groondlègker vaan de Berliense operèt (oonder mie Frau Luna oet 1899).
Magnus Lindberg	* 1958	Finse pianis en componis vaan sterk modernistisch werk mèt invlode wie serialisme en clusters, meh ouch computergesjikde compositie.
Karol Lipiński	1790 - 1861	Poolse violis en componis, beïnvlood door Paganini.
Franz Liszt	1811 - 1888	Liszt Ferenc(z); Hongaarse pianis en componis, algemein gezeen es eine vaan de groetste pianovirtuoze oets. Sjreef 'n umvaankriek corpus aon pianowerke bijein meh sjreef ouch symfonieë, concerte en kèrkmeziek. Väöl vaan zien werke kinne invlood oet de Zigeundermeziek.
Alonso Lobo	1555 - 1617	Spaonse componis in de renaissancemeziek roond de iewwisseling vaan de 16de en 17de iew.
Theo Loevendie	* 1930	Nederlandse componis vaan posmoderne meziek mèt jazzinvlood.
Carl Loewe	1796 - 1869	Duitse componis vaan typisch romantische lejer.
Antoine de Longueval	fl. 1498 - 1525	Franse zanger en componis; aon häöm weurt 'n polyfoon passie touwgesjreve.
Albert Lortzing	1801 - 1851	Duitse componis vaan kemikke opera's, veural bekind vaan Zar und Zimmermann.
Jean-Baptiste Lully	1632 - 1687	Gebore Giovanni Battista Lulli, Italiaans-Franse componis vaan opera's aon d'n hoof vaan Lewie XIV. Wis 'n eige, typisch Franse stijl te sjöppe mèt gepuncteerde ritmes, wieneg chromatiek en väöl ballèt.
Martin Luther	1483 - 1546	Duitsen theoloog en kèrkhervörmer; amateurcomponis vaan motètte en vaan bepaolde lutheraonse koraolmelodieë.
Witold Lutosławski	1913 - 1994	Poolse componis en dirizjènt, haakde aon bij versjèllende oontwikkelinge vaan de avant-garde meh is toch e stök minder radicaol es zien tiedgenoete.

M

Componis	Leve	Umsjrieving	Pleetsje
Paul McCartney	* 1942	Britse songsjriever, zenger en basgitaris, lid vaan de Beatles, daonao solo. Woort door zie werk in de Beatles mèt John Lennon eine vaan de groetste songsjrievers vaan d'n twintegsten iew. Nao hun breuk sjreef heer solowerk vaan wisselende kwaliteit, en sinds ind jaore 1990 ouch 'klassieke' stökker veur orkes en striekkwartèt.
Edward MacDowell	1860-1908	Amerikaanse componis, eine vaan de ierste in zie land dee ziech waogde aon orkesmeziek.
Guillaume de Machaut	† 1377	Mies verierden diechter en componis vaan zienen tied, groetste figuur vaan d'n ars nova. Sjreef neve motètte en virelais ouch es ierste 'n complete mès.
Bruno Maderna	1920 - 1973	Italiaanse, later Duitse componis en dirizjènt, lid vaan de nao-oorlogse avant-garde. Zie werk aosemp de sfeer vaan de Sjaol vaan Darmstadt.
Gustav Mahler	1860 - 1911	Oosteriekse componis en dirizjènt. Sjreef veural laatromantische symfonieë vaan oongewoen proporties en mèt bezèttinge vaan hoonderde speulers en zengers.
Stephan Mahu	1480-90 - nao. 1541	Dinkelek Vlaomse componis; sjreef polyfoon bewèrkinge vaan lutheraonse koraolmelodieë.
Gian Francesco Malipiero	1882 - 1973	Italiaanse componis en musicoloog. Sjreef lesteg te plaotse werk (oonder mie symfonieë) wat neoklassiek te neume vèlt. Oonder zien lierlinge waore Luigi Nono en Bruno Maderna.
Marcabru	fl. 1130-1150	Troubadour vaan oonder mie pastorelas.
Luca Marenzio	1553 - 1599	Italiaonse madrigalis, pioneer in väöl technieke vaan de madrigaliste wie woordsjèldere en wiedgoonde chomatiek.
Heinrich Marschner	1795 - 1861	Duitsen operacomponis, belaankriek es sjakel tösse 't werk vaan Weber en Wagner.
Vicente Martín y Soler	1754 - 1806	Spaonse componis vaan veural komische opera's, e genre boe-in heer concurrent waor vaan oonder mie Mozart.
Johannes Martini	† 1498	Franco-Vlaomse componis vaan oonder mie subtiel chansons.
Bohuslav Martinů	1890 - 1959	Tsjecho-Slowaakse componis vaan gemaoteg moderne meziek mèt dudeleken invlood vaan de volksmeziek oet zie vaajerland.
Giuseppe Martucci	1856 - 1909	Italiaanse pianis, dirizjènt en componis, sjreef väöl klaveermeziek en symfonieë in 'nen tied tot zie land gedomineerd woort door opera. Holp ouch 't werk vaan Wagner in Italië te verspreie.
Pietro Mascagni	1863 - 1945	Italiaanse componis vaan opera's, muzikaol neet zoe aanders es die vaan Verdi meh inhajdelek e stök realistischer (verisme).
Lorenzo Masini	† ca. 1372	Italiaanse componis vaan ballate.
Jules Massenet	1842 - 1912	Franse componis vaan d'n opéra lyrique. Roond 1880 hendeg populair in Paries.
Richard Maxfield	1927 - 1969	Amerikaanse avant-gardecomponis in diverse genres.
Johann Simon Mayr	1763 - 1845	Duitse, in Italië wèrkende componis vaan e groet aontal populair opera's.
Nikolaj Medtner	1880 - 1951	Никола́й Ка́рлович Ме́тнер, Russische componis in e traditioneel, romantisch idioom.
Étienne-Nicolas Méhul	1763 - 1817	Franse componis vaan opera's en instrumentaole meziek, eine vaan de ierste vertrejjers vaan de romantiek.
Heinrich von Meissen	† 1318	Minnesänger, diechter vaan Frauenlob.
Felix Mendelssohn	1809 - 1847	Ouch Felix Mendelssohn Bartholdy; Duitse componis, pianis en organis. Zien werke, die in de negentienden en twintegsten iew zier populair bleve, aoseme de sfeer vaan de vreugromantiek. Wijers is heer vaan beteikenis es d'n heroontdèkker vaan Bach zien Mattheuspassie.
Misha Mengelberg	* 1935	Nederlandse componis en pianis, geassocieerd mèt de improvisatiescene roond Willem Breuker.
Claudio Merulo	1533 - 1604	Italiaansen organis en componis vaan toccata's; eine vaan de ierste groete klaveercomponiste.
Olivier Messiaen	1908 - 1992	Franse componis, organis en pianis, eine vaan de belaankriekste componiste vaan d'n twintegsten iew. Zienen invlood löp vaan diverse stijle vaan 'klassieke' meziek euver Oosterse mezike (en filosofie) tot vogelgeluid. Heer stèlde diverse modi en typische ritmes op, die 't theoretisch fundamint vaan zie werk vörme. Zien experimint mèt seriële meziek kort nao d'n oorlog maakde groeten indrök op Boulez en Stockhausen, al kierde heer ziech dao zelf snel weer vaan aof. Zie werk umvat 'n symfonie, diverse lejer en väöl piano- en örgelmeziek.
Giacomo Meyerbeer	1791 - 1864	Jacob Liebmann Beer, Duitse, in Frankriek wèrkende componis, wie geinen aandere geassocieerd mèt de grand-opéra, boe heer enorm succes mèt had. Zie bekindste werk is Les Huguenots.
Darius Milhaud	1892 - 1974	Franse componis, lid vaan Les Six en zoonder mie de mies productieve vaan hun. Zie werk dreug alle typische eleminte vaan dees gróp: neoclassicisme, polytonaliteit en aofkier vaan groete proporties. Leet ziech ouch inspirere door de jazz.
Raimon de Miraval	† ca. 1215	Troubadour, diechter vaan cansò.
Nikolaj Mjaskovski	1881 - 1950	Никола́й Я́ковлевич Мяско́вский, Russische daan wel Sovjet-Russische componis vaan veurnaomelek orkeswerke, nog gooddeils in e romantisch idioom.
Modest Moessorgski	1839 - 1881	Модест Петрович Мусоргский, Russische componis, lid vaan 't Mechteg Hemfelke. Sjreef oonder mie de pre-modernistischen opera Boris Godoenov en de pianosuite Sjèlderijetentoenstèlling, later door Ravel veur orkes bewèrk.
Jean-Joseph de Mondonville	1711 - 1772	Franse componis vaan rococomeziek in diverse genres.
Stanisław Moniuszko	1819 - 1872	Poolsen dirzjènt en componis vaan lejer en opera's mèt nationalistischen inhaajd.
Meredith Monk	* 1942	Amerikanse componiste en stumkunsteneres; veurt häör eige werk zelf oet.
Claudio Monteverdi	1567 - 1643	Italiaanse componis, aonvenkelek vaan polyfoon madrigaole, meh later sjriever vaan de ierste groete meisterwerke in de monodische stijl, boe-oonder ouch versjèllende opera's.
Kate Moore	* 1979	Australische componiste vaan instrumentaole minimal music.
Cristóbal de Morales	ca. 1500 - 1553	Spaonse componis vaan kèrkmeziek.
Thomas Morley	1557/8 - 1602	Ingelse componis vaan madrigaole in Ingelse stijl, boe-oonder Now is the month of maying.
Ennio Morricone	* 1928	Italiaanse componis, veural bekind door ziene filmmeziek bij spaghettiwesterns; sjreef ouch meziek veur hoonderde aander films zoewie veur de konzèrzaol.
Robert Morton	ca. 1430 - 1479	Ingelse componis vaan kèrkmeziek.
Ignaz Moscheles	1794 - 1870	Boheems-Oosteriekse pianis, componis en pianopedagoog. Sjreef oonder mie zeve pianoconcerte. Liermeister vaan Grieg. Zie werk heel nao zienen doed gei rippertoir.
Franz Xaver Wolfgang Mozart	1791 - 1844	Ouch wel W.A. Mozart Sohn, Oosteriekse pianis en componis, zoon vaan Wolfgang Amadeus Mozart en kleinzoon vaan Leopold Mozart. Ziene vreugromantische klaveermeziek wijs al veuroet nao Chopin.
Leopold Mozart	1719 - 1787	Duits-Oosteriekse violis en componis. Vaajer vaan Wolfgang Amadeus Mozart. Reisde gans Europa door mèt zien begaafde kinder. Zien belaankriekste werk is de vioolmethode Versuch einer gründlichen Violinschule.
Wolfgang Amadeus Mozart	1756 - 1791	Oosteriekse componis, pianis en (alt-)violis. Woort al vreug door ziene pa (zuug bove) es woonderkeend door Europa mètgeveurd, boe heer in aonraking kaom mèt versjèllende stijle oet 't rococo/ de vreugklassieken tied. Oonbetwiste meister vaan 't Weens classicisme. Excelleerde es volwassene in alle genres die toen bestoonte; waor zelf vaan zier groet belaank in de oontwikkeling vaan 't klaveerconcert en 't Duitstaoleg Singspiel. Sinds zienen doed eine vaan de mies bewoonderde en geleefde componiste oets.
Georg Muffat	1653 - 1704	Ouch George Muffat, Duits-Franse componis en organis, oteur vaan oonder mie toccata's.

N

Componis	Leve	Umsjrieving	Pleetsje
Blondel de Nesle	ca. 1155 - 1202?	Eine vaan de ierste trouvères.
Otto Nicolai	1810 - 1849	Duitse componis vaan oonder mie de kemikken opera Die lustigen Weiber von Windsor en opriechter vaan de Wiener Philharmoniker.
Luigi Nono	1924 - 1990	Italiaanse componis dee werke in seriële stijl mèt 'n sterk politieke laojing sjreef. Heer componeerde oonder mie d'n opera Intolleranza 1960.
Anthonie van Noordt	1619 - 1675	Nederlandsen organis en componis vaan 'n aontal zèttinge vaan calvinistische psalm- en gezaankmelodieë.
Jean de Noyers	ca. 1370 - 1408-10	Ouch Jean Tapissier. Franse componis tösse middeliewe en renaissance; heer stoont in hoeg aonzien tijens zijn leve meh wieneg composities vaan häöm zien bewoerd.

O

Componis	Leve	Umsjrieving	Pleetsje
Jacob Obrecht	1457/8 - 1505	Ouch Hobrecht; Vlaomse of Noord-Braobantse componis vaan sterk gelierde kèrkmeziek.
Johannes Ockeghem	1410 - 1497	Groetste meister vaan de Twiede Nederlandse Sjaol. Gebruuk dèks gecompleceerde sjema's wie proportiecanons in zine mèsse. Vaan groeten invlood op zien tiedgenoete en de generatie nao häöm, zeker ouch op Josquin.
Galina Oestvolskaja	1919 - 2006	Гали́на Ива́новна Уство́льская, Sovjet-Russiche daan wel Russische componiste van veur häören tied zier opmerkeleke en progressieve meziek (toenclusters, oonorthodoxe späölwijze etc.) dee pas nao de Val vaan de Moer wijer oonder de aondach kaom.
Jacques Offenbach	1819 - 1880	Duits-Franse componis en cellis, oontwikkelde oet de kemikken opera de operèt.
Carl Orff	1895 - 1982	Duitse componis en meziekpedagoog. In zie gemaoteg modern werk is 'n ummer touwnummende spaorzaamheid mèt 't muzikaol materiaol te herkinne, zoewie 'n veurleefde veur archaïsch aondoende (modaol) melodieë.
Antoni Orłowski	1811 - 1861	Poolse pianis, violis, dirizjènt en componis, mètlierling vaan Chopin.
Diego Ortiz	ca. 1510 - ca. 1550	Spaonsen instrumentalis, publiceerde e tractaot euver verseringe en improvisatie.
Lucas Osiander sr.	1534 - 1604	Duitse lutheraonsen dominee, theoloog en amateurmusicus, geassocieerd mèt 't geistelek leed Christ lag in Todesbanden.
Hans Otte	1926 - 2007	Duitse componis en pianis, sjreef veural meditatief, minimalistische meziek.

P

Componis	Leve	Umsjrieving	Pleetsje
Johann Pachelbel	1653 - 1706	Duitsen organis en componis vaan örgelmeziek. Lèste groete meister vaan de Zuid-Duitse Örgelsjaol veur Bach.
Marchetto da Padova	† 1326	Meister vaan 't trecento, madrigalis.
Niccolò Paganini	1782 - 1840	Italiaanse violis en componis. Leide e leve es zwervende virtuoos en haolde dao in groete deile vaan Europa enorm sucesse mèt. In zien composities combineert heer e romantisch idioom mèt 'n boetegewoen virtuositeit, die de stökker tot op d'n huiegen daag tot ultiem oetdaginge maak.
Nam June Paik	1932 - 2006	백남준, Baek Namjun, Koreaans-Amerikaanse multimedia-arties geasocieerd mèt Fluxus.
Giovanni Paisiello	1740 - 1816	Italiaonse componis, veural bekind door zien opera's, die oonder mie Mozart höbbe beïnvlood.
Arvo Pärt	* 1935	Estische componis vaan christelek geïnspireerde, minimalistische en zier touwgenkeleke meziek. Sinds ind jaore 1990 bezunder populair ouch in 't weste.
Harry Partch	1901 - 1974	Amerikaanse componis vaan meziek mèt rein stumminge en microtoene; bouwde veur ziene meziek 'n aontal zier oonorthodoxe, bezunder oetziende instruminte.
Giovanni Pierluigi da Palestrina	ca. 1525 - 1594	Italiaanse componis vaan mèsse en motètte, gezeen es 't summum vaan de ars perfecta (de late renaissancepolyfonie). Ziene stijl zouw iewelaank maotgevend blieve veur de lier vaan 't contrapunt in de westerse meziek.
Krzysztof Penderecki	* 1933	Poolse componis, sjreef aonvenkelek avant-gardistische meziek mèt sterke, statische clusters, meh góng later euver op 'ne neoromantische stijl. Zie bekindste werk is Klaagzaank veur de slachoffers vaan Hiroshima; wijer genete ouch zien symfonieë populariteit.
Johann Christoph Pepusch	1667 - 1752	Duitse componis en meziekhistoricus, wèrkzaam in Londe. Veural bekind gewore (en gebleve) mèt The Beggar's Opera (op libretto vaan John Gay), 'n parodie op de opere serie vaan Händel.
Giovanni Battista Pergolesi	1710 - 1736	Italiaanse violis en componis. Historisch vaan belaank zien veural zien komische opera's wie La serva padrona, die de weeg nao de rococo plavejje; heer sjreef evels ouch zier serjeuze (en barokke) kèrkmeziek en kamermeziek. Ziene vreugen doed zörgde veur legendarische status; heidoor heet heer oongewoen väöl composities oondergesjove gekrege.
Jacopo Peri	1561 - 1633	Italiaanse componis. Pioneer vaan de monodie, weurt algemein gezeen es de sjriever vaan d'n alleriersten opera (Dafne, ca. 1597) zoewie d'n ierste bewoerden opera (Euridice, 1600).
Perotinus	fl. ca. 1200	D'n aandere groete meister vaan 't Paries organum, volgens Anonymus IV; opvolger vaan Leoninus. Zie bestoon vèlt neet vas te stèlle; de magnifieke veerstummege organa die me häöm touwsjrijf zien evels wel bewoerd.
Astor Piazzolla	1921 - 1992	Argentijne componis vaan tangomeziek, welk genre heer mèt invlood vaan de klassieke meziek en jazz tot e nui niveau lufde.
Niccolò Piccinni	1728 - 1800	Italiaanse, in Paries wèrkende componis, mèt zien komische opera's de tegespeuler vaan Gluck, meh feitelek same mèt häöm de groete vernuier vaan de Fransen opera.
Maestro Piero	ca. 1300 - 1350	Italiaon (trecento), pioneer vaan 't madrigaol.
Willem Pijper	1894 - 1947	Nederlandse componis vaan neoklassieke meziek in Franse stijl, mèt frequint gebruuk vaan bitonaliteit. Maakde gebruuk vaan 't zoegeneump kiemcelprinciep, boebij 'n ganse compositie weurt opgegbouwd oet 't materiaol wat gans aon 't begin (beveurbeeld in ein of twie maote) weurt geëxposeerd.
Ignaz Josef Pleyel	1575 - 1831	Oosteriekse componis en pianobouwer. Sjreef oonder mie symfonieë en striekkwartètte in de stijl vaan ziene meister Haydn.
Amilcare Ponchielli	1834 - 1886	Italiaanse componis vaan opera's nao 't model vaan de Franse grand-opéra; bekind bleef veural zien La Gioconda.
Francis Poulenc	1899 - 1963	Franse componis vaan neoklassiek werk, geassocieerd mèt Les Six. Ziene latere meziek begint vaan 't typisch Les Six-idioom aof te wieke.
Henri Pousseur	1929 - 2009	Belzje componis oet de Sjaol vaan Darmstadt, ouch (meh neet allein) vaan spraokmakende elektronische meziek nao serieel principes.
Leonel Power	† 1445	Ingelse componis, pioneer vaan de cantusfirmusmès.
Michael Praetorius	1571 - 1621	Eigelek Michael Schultheiß; Duitse componis vaan zoewel renaissance- es barokmeziek, veural bekind gebleve um zien lutheraonse kèrkmeziek.
Adam Precentor	† 1146	Alias Adam vaan Sint-Victor. Componis vaan tientalle sequense, boe-oonder Lauda Sion.
Sergej Prokovjev	1891 - 1953	Сергей Сергеевич Прокофьев; Russische componis vaan neoklassieke meziek in versjèllende genres. Vlöchde nao de Revolutie nao de Vereinegde Staote meh kierde oet eige beweging trök nao de Sovjet-Unie, boe heer ziech nog herhaoldelek um zie te modern idioom mós verantwoorde.
Giacomo Puccini	1858 - 1924	Italiaanse componis vaan opera's, in stijl verwant aon ziene groete concurrent Verdi. Tot aon zienen doed populair; eine vaan de lèste groete meisters vaan de romantiek.
Henry Purcell	1659 - 1695	Veeroet de belaankrieksten Ingelse componis vaan de barok, geassocieerd mèt de Restauratie. Sjreef meziek in hiel väöl actueel genres; zienen opera Dido and Aeneas is 'n unicum.
Pycard	fl. ind 14en iew	Mesjiens Jean Pycard, 'ne Franse keplaon in Ingelsen deens, componis vaan motètechtege mèsdeile.

Q

Componis	Leve	Umsjrieving	Pleetsje
Johann Joachim Quantz	1697 - 1773	Duitse fluitis en componis vaan talloes sonnate en concerte veur zien instrumint. In deen vaan Frederik de Groete vaan Pruses, neet allein es componis meh ouch es fluitlierer.

R

Componis	Leve	Umsjrieving	Pleetsje
Sergej Rachmaninov	1873 - 1943	Russisch-Amerikaanse pianis en componis. Vlöchde nao de revolutie nao de VS. Heer bleef zie leve laank in 'ne romantische stijl componere; ziene pianomeziek, concerte en symfonieë genote evels groete populariteit.
Nicolaus de Radom	14en iew	Poolse naovolger vaan d'n ars nova.
Joachim Raff	1822 - 1882	Zwitsers-Duitse componis vaan oonder mie programmatische symfonieë in e Mendelssohn-echteg idioom.
Jean-Philippe Rameau	1683 - 1764	Franse componis en meziektheoreticus. In zien theoretische gesjrifte waor heer eine vaan de groondlègkers vaan de hermenielier en de bedinker vaan d'n term dominant; es componis waor heer de belaankrieksten operacomponis in Fraankriek nao d'n doed vaan Lully.
Ariel Ramírez	1921 - 2010	Argentijnse componis vaan gemekelek aonsprekende meziek mèt sterken invlood vaan Indiaonse, creoolse en blaanke volksmeziek oet Zuid-Amerika. Veural bekind um ziene Misa Criolla.
Einojuhani Rautavaara	1928 - 2016	Finse componis, sjreef aonvenkelek in 't twelftoenssysteem meh góng later euver op 'n neoromantische, soms filmische componeerstijl boe heer veural roond 2000 väöl succes mèt had.
Maurice Ravel	1875 - 1937	Franse componis, weurt mèt Debussy dèks bij 't impressionisme ingedeild meh hanteerde väöl mier es dee 'n neoklassieke esthetiek. 'ne Kundegen orkestrator.
Max Reger	1873 - 1916	Duitsen organis, pianis en componis, veural bekind um zienen örgelmeziek. Hei-in combineert heer de contrapunctische vörm vaan Bach (ziene favoriete componis) mèt de laatromantische chromatiek.
Steve Reich	* 1936	Amerikaanse componis, eine vaan de groetste meisters vaan de minimal music. Zien radicaolste werke (Piano phase, Four organs) hure nog ummer oonder zien bekindste; wijer succes had heer mèt 't striekkwartèt-mèt-band Different trains.
Johann Friedrich Reichardt	1752 - 1814	Duitse componis en criticus, sjreef Singspiele en talloes lejer die bij Goethe in de smaak vele.
Johann Adam Reincken	1643 - 1722	Nederlands-Duitsen organis, gambis en componis vaan de Noord-Duitse Örgelsjaol en daomèt sjriever vaan invloodrieke fuga's, sonnate en koraolveurspeule.
Carl Reinecke	1824 - 1910	Duitse componis, hoof vaan 't conservatorium in Leipzig en dirizjènt vaan 't Gewandhausorchester vaan 1860 tot 1895. Sjreef bezunder conservatief romantische meziek in diverse genres. Had 'n mechtege positie in 't meziekleve en väöl bekinde lierlinge.
Ottorino Respighi	1879 - 1936	Italiaanse componis, musicoloog en dirizjènt, veural bekind um zien drei 'Romeinse' symfonische gediechter boe-in heer laatromantische en impressionistischen invlood vermingk.
Neidhardt von Reuenthal	† ca. 1250	Kruusridder en Minnesänger, componis vaan danslejer (Sommerlieder en Winterlieder).
Josef Gabriel Rheinberger	1839 - 1901	Liechtensteins-Duitse componis en organis, sjreef diverse sonnate veur zien instrumint.
Richard I vaan Ingeland	1157 - 1199	Bekinde keuning ('Richard Liewehart') en trouvère, eine vaan de vreugere dee de Occitaanse troubadours in 't Frans naovolg.
Wolfgang Rihm	* 1952	Duitse componis vaan werk geènt op 't modernisme meh mèt ouch tonaol passages en doordroonge vaan 't romantisch ideaol vaan expressie.
Terry Riley	* 1935	Amerikaanse minimalistische componis; d'n ierste dee in die stijlriechting dreiklaanke góng gebruke. Zie werk In C oet 1964 brach 'n klein revolutie op gaank in de meziekwereld.
Nikolaj Rimski-Korssakov	1844 - 1908	Николай Андреевич Римский-Корсаков; Russische componis, lid vaan 't Mechteg Hemfelke en vaan hun 't mieste bedreve in orkestratie. Väöl vaan ziene meziek is deep folkloristisch geteikend.
Jehan Robert	fl. 1380-1400	Alias 'Trebor', diechter-componis vaan de ars subtilior.
George Rochberg	1918 - 2005	Amerikaanse componis dee ziech tot n'n oetgesproke posmoderne stijl bekierde.
Cipriano de Rore	ca. 1515 - 1565	Franco-Vlaomse, in Italië wèrkende lierling vaan Willaert, meh ouch eine vaan de ierste dee, in zien madrigaole, mèt de streng contrapuntregele vaan ziene liermeister braok.
Ned Rorem	* 1923	Amerikaanse componis vaanoonde rmie lejer in e veur zien generatie oongewoen aonsprekend en melodisch idioom.
Gioachino Rossini	1792 - 1868	Italiaanse componis vaan opere buffe (kemikke opera's), die mèt hun melodische dimensie sterk aon Mozart rappelere en häöm de bekindste componis vaan zienen tied maakde. Veel nao 1829 zoe good wie compleet stèl.
Hans Rott	1858 - 1884	Joonkgestorven Oosteriekse componis en organis. Zien symfonie is vaan groet belaank in de oontwikkeling vaan Bruckner nao Mahler.
Albert Roussel	1869 - 1937	Franse componis, kaom rillatief laat mèt 'n aontal composities boe-in romantische en impressionistische invlode trök te vinde zien. Veural zien symfonieë bleve bekind. Waor lierling vaan d'Indy en liermeister vaan Satie en Varèse.
Edmund Rubbra	1901 - 1986	Britse componis vaan koermeziek, kamermeziek en symfonieë. Bleef wie väöl vaan zien landgenoete trouw aon de romantische stijl.
Anton Rubinstein	1829 - 1894	Антон Григорьевич Рубинштейн, Russische componis, pianis en dirizjènt. Zie werk in diverse vocaol en instrumintaol genres is Westers geriech en conservatief. 't Waor bij zie leve zier populair, meh nao zienen doed heel 't gei rippertoir.
Dane Rudhyar	1895 - 1985	Echte naom Daniel Chennevière, Frans-Amerikaanse componis, sjriever en astroloog. Zien esoterische intrèsses vertaolde ziech in e modernistisch (atonaol) idioom.
Luigi Russolo	1883 - 1947	Italiaanse, futuristische componis en sjèlder. Gebruukde veur zien composities gein toene mie meh roesjklaanke, mèt speciaol mesjiene die heer intonarumori neumde. Zien partiture en instruminte zien neet bewoerd gebleve.
John Rutter	* 1945	Britse componis en dirizjènt. Sjrijf veural koermeziek in touwgenkeleke stijl. Heer woort 't bekindste door zie requiem oet 1985.
Frederic Rzewski	* 1938	Amerikaanse pianis en componis. Sjrijf rillatief touwgenkeleken, tonaole pianomeziek (meh wel mèt invlood oet d'n avant-garde) mèt 'n oetgesproke links engagemint.
Vincenzo Ruffo	ca. 1508 - 1587	Italiaonse componis vaan kèrkmeziek in de geis vaan 't Concilie vaan Trente, mèt 'n sterk versumpelde textuur.

S

Componis	Leve	Umsjrieving	Pleetsje
Hans Sachs	1494 - 1576	Rillatief late Meistersinger, oonsterfelek gemaak in Wagner zienen opera Die Meistersinger von Nürnberg.
Joseph Bologne de Saint-Georges	1745 - 1799	Fransen edelmaan, componis en violis, gebore op Guadeloupe es zoon vaan 'ne planter en 'n slavin. Bijgenaomp de 'Zwarte Mozart'. Zien bekindste werke zien zien virtuoos en geveulege vioolconcerte. Waor neve musicus ouch militair en atleet.
Camille Saint-Saëns	1835 - 1921	Franse componis, organis, pianis en dirizjènt, veural bekind vaan diverse orkeswerke. Waor in zien jong jaore deil vaan de Franse avant-garde, meh woort al gaw oetgesproke conservatief, in 't bezunder nao 't ind vaan zie leve touw. Zie werk is evels ummer populair gebleve.
Antonio Salieri	1750 - 1825	Italiaanse componis vaan veural opera's, wèrkzaam in Wene en dao zier succesvol. Had oonder mie Schubert, Beethoven en Liszt es lierlinge. Allewijl veural bekind door legendevörming roond d'n doed vaan ziene concurrent Mozart.
Eric Salzman	* 1933	Amerikaanse componis vaan wat heer zelf neump Nui Meziektheater, boe-in de musici nao eige inziech op vrij minimaol aonwiezinge mote reagere.
Claudio Saracini	1586 - 1630	Italiaanse componis en luitis; eine vaan de pionere vaan de monodische stijl, die heer in lejer oetoefende.
Pablo Sarasate	1844 - 1908	Spaonse violis en componis, eine vaan de groete vioolvirtuoze vaan zienen iew. Ziene meziek geïnspireerd op 't zigeunderidioom is nog ummer geleef.
Erik Satie	1866 - 1925	Franse componis vaan veural, meh neet oetsletend, pianomeziek vaan besjeien opzat. Mèt zien anti-romantische, meh ouch anti-impressionistische esthetiek had heer groeten invlood op de generatie Franse componiste nao häöm (Les Six).
Alessandro Scarlatti	1660 - 1725	Italiaanse componis vaan opera's en cantate; algemein geassocieerd mèt de neoklassieken opera en d'n dao-op volgenden opera seria, dee begin achtienden iew zier populair zouw zien.
Domenico Scarlatti	1685 - 1757	Italiaanse componis in Spaonsen deens, veural bekind door e groet aontal eindeilege klaveerwerke die me allewijl sonnate neump, en boe-in d'n euvergaank vaan barok nao klassiek dudelek vèlt aon te wieze. Zoon vaan Alessandro Scarlatti.
Pierre Schaeffer	1910 - 1995	Franse componis vaan elektronische meziek, pioneer vaan de musique concrète.
Heinrich Scheidemann	ca. 1596 - 1663	Duitsen organis en componis, lierling vaan Sweelinck en eine vaan de ierste figure vaan de Noord-Duitse Örgelsjaol. Liermeister ouch vaan Reincken.
Samuel Scheidt	1587 - 1654	Duitsen organis en componis vaan örgelmeziek in tabulatuur zoewie kèrkmeziek. Lierling vaan Sweelinck.
Andreas Anton Schmelzer	1653 - 1701	Oosteriekse violis en componis, zoon vaan de volgende.
Johann Heinrich Schmelzer	ca. 1623 - 1680	Oosteriekse violis en componis vaan instrumentale meziek. Zien beteikenis is te vergelieke mèt die vaan Biber.
Franz Schmidt	1874 - 1939	Oosteriekse componis vaan laatromantisch werk, boe-oonder veer symfonieë.
Alfred Schnittke	1934 - 1998	Альфред Гарриевич Шнитке, Russische componis en pianis, sjreef posmodern geneumde meziek die sterk gebruuk maak vaan collaasjtechnieke en stijlcitaote.
Arnold Schönberg	1874 - 1951	Oosteriekse, later Amerikaanse componis, in 't Ingels miestens es Schoenberg gesjreve. Oontwikkelde d'n atonale meziek, dee heer later systematiseerde in d'n twelftoensmeziek. Heer leet de Twiede Weense Sjaol nao, mèt neve häöm Alban Berg en Anton Webern es belaankriekste figure. Zie werk is divers: 't umvat oonder mie 'nen opera, versjèllende koerwerke, concerte en kamermeziek.
Jörg Schönfelder	fl. ca. 1510	Obscuren Duitse componis vaan Tenorlieder, boe-oonder 't later door Brahms gebruuk 'Von edler Art'.
Franz Schreker	1878 - 1934	Eigelek Schrecker; Oosteriekse componis vaan laatromantisch werk, veural opera's. Raakde nao zienen doed in de vergetelheid.
Franz Schubert	1797 - 1828	Oosteriekse componis vaan de vreugromantiek. Sjreef in de versjèllende gernes vaan 't Weens classicisme (symfonieë, kamermeziek en klaveersonnate), meh is veural bekind gewore door zien lejer op tekste vaan groete Duitse diechters, zoewie door zien impromptu's veur klaveer. Veural gepreze um zie melodisch talent.
Erwin Schulhoff	1894 - 1942	Duits-Tsjechische componis. Waor artistiek geïntrèsseerd in 't dadaïsme, meh hanteerde in de praktijk 'n gemaoteg modernistische stijl mèt dudeleken invlood vaan de versjèllende modern struiminge oet deen tied.
Gunther Schuller	1925 - 2015	Amerikaanse crossovermusicus, dach de third stream oet, boe-in ziech modern klassiek en moderne jazz móste verminge.
Johann Abraham Peter Schulz	1747 - 1800	Duitse componis, pioneer vaan de volkse leedzètting die later tot 't kunsleed zouw oetgreuje.
Clara Schumann	1819 - 1896	Gebore Wieck; Duitse pianiste en componiste, vrouw vaan Robert Schumann. Sjreef composities min of mie in de geis vaan häöre maan; häör lejer en pianostökker zien de bèste. Ouch geassocieerd (in eder geval artistiek, mesjiens ouch romantisch) mèt Johannes Brahms.
Robert Schumann	1810 - 1856	Duitse componis, pianis en criticus, veural bekind gewore door lejer boe-in heer de lijn vaan Schubert wijerzat.
Heinrich Schütz	1585 - 1672	Duitse componis vaan wereldleke en kèrkeleke vocaol werke in versjèllende stijle die zienen tied te beie had. Sjreef oonder mie de concertante motètte Symphoniae sacrae, 'n Duitstaolege passie en d'n iersten Duitstaolegen opera, Daphne (verlore gegaange).
Ruth Crawford Seeger	1901 - 1953	Amerikaanse componiste vaan modernistische meziek mèt diverse invlode. Vaan belaank veur de oontwikkeling vaan onder mie Elliott Carter.
Carlos de Seixas	1704 - 1742	Portugese componis en klavecinis. Geisverwant vaan Scarlatti en wie heer oteur vaan e groet aontal vernuiiende klaveerwerke.
Ludwig Senfl	ca. 1486 - ca. 1543	Ouch Sennfl; Zwitserse lierling vaan Isaac.
Claudin de Sermisy	ca. 1490 - 1562	Franse componis vaan kèrkmeziek en chansons, boe-oonder 't zier populair Tant que vivray.
Giovanni Sgambati	1841 - 1914	Italiaanse pianis en componis vaan klaveermeziek en orkesmeziek.
Jean Sibelius	1865 - 1957	Finse componis vaan orkesmeziek, veural symfonieë, in e laatromantisch meh zier persoenelek idioom, die nog ummertouw väöl weure gespeuld.
Hucblad vaan Sint-Amand	† 930	Meziektheoreticus, vreuger besjriever vaan de modi en d'n ierste dee note mèt lètters beneumde; ouch componis vaan oonder mie laude um in zie werk zien theorieë te illustrere.
Dmitri Sjostakovitsj	1906 - 1975	Дмитрий Дмитриевич Шостакович; Russische componis vaan gemaoteg modern, lesteg te plaotse werk. Bleef nao de Revolutie in zie vaajerland, boe heer e groet deil vaan zie leve (veural oonder Stalin) te make had mèt vervolging en berispinge um ziene meziek. Bij leve woort heer in 't weste wieneg serjeus genome, meh vaanaof de jaore tachteg steeg de internationaol waardering veur zien oeuvre sterk.
Nikos Skalkottas	1904 - 1949	Nίκος Σκαλκώτας, Griekse naovolger vaan de Twiede Weense Sjaol en naovenant touwpasser vaan 't twelftoonssysteem.
Alexander Skrjabin	1872 - 1915	Алекса́ндр Никола́евич Скря́бин; Russische componis vaan oonder mie pianomeziek en orkesmeziek. Begós in 'ne stijl sterk beïnvleujd door Chopin, meh naom begin twintegsten iew, door ziene zin veur mystiek en lidmaotsjap vaan de theosofe, 'n compleet eige stijl aon, boe-in heer de traditioneel tonaliteit vervóng door 't zoegeneump mystiek akkoord.
Bedřich Smetana	1824 - 1884	Gebore es Friedrich Smetena, Boheemse componis, naovolger vaan Liszt. Sjreef oonder mie symfonische gediechte en opera's. Cultiveerde in ziene meziek ummer mie e Boheems/Tsjechisch nationalisme.
Johann August Söderman	1832 - 1876	Zweedsen dirizjènt en componis vaan buunmeziek in zien mojertaol.
Solage	ind 14en iew	Componis vaan de ars subtilior, sjreef veur middeliewse meziek oongewoen chromatische rondele.
Antonio Soler	1729 - 1783	Spaonse paoter, componis en organis. Sjreef klaveersonnate die aonvenkelek dudelek geènt zien op 't werk vaan Scarlatti meh later aonsleting zeuke bij nuier trends oet de res vaan Europa.
Fernando Sor	1778 - 1839	Spaonse gitaris en componis, veural vaan serieuze meziek veur zien eigen instrument.
Francesco Spinacino	fl. 1507	Italiaanse luitis, componis vaan de ierste twie deile vaan luitmeziek in tabulatuur oetgegeve door Ottaviano Petrucci.
Louis Spohr	1784 - 1859	Duitse componis, violis, dirizjènt en meziekpedagoog. Zie werk is typerend veur de vreugromantiek.
Gaspare Spontini	1774 - 1851	Italiaanse componis vaan opera's in nog gooddeils achtienden-iewse stijl; nao zienen doed gaw in de vergetelheid geraak.
Carl Stamitz	1745 - 1801	Duitse componis en violis, de bekindste meister vaan de Mannheimer Sjaol en daomèt oteur vaan väöl symfonieë zoewie concerte veur alderlei instruminte. Zoon vaan Johann Stamitz.
Johann Stamitz	1717 - 1757	Jan Stamic, Boheems-Duitse violis en componis. Bouwde de hofkapel in Mannheim oet tot 't bèste orkes vaan de wereld en is daomèt de stiechter vaan de Mannheimer Sjaol. Waor zelf belaankriek in de oontwikkeling vaan de symfonie. Vaajer vaan Carl Stamitz.
Karlheinz Stockhausen	1928 - 2007	Duitse componis en compositielierer, de groetste figuur vaan de nao-oorlogse avant-garde. Waor mèt Pierre Boulez veurtrèkker vaan 't serialisme, wat heer op zien eige meneer oontwikkelde. Reep al vreug de hölp vaan elektronica in. Vaanaof de jaore 1970 verruilde heer 't serialisme veur de zoegeneumde formulaïsche meziek, boe 't mie um de melodie geit. Al gaw begós heer ziech oetsletend bezeg te hawwe mèt zien opera-heptalogie Licht, die in 2004 veerdeg kaom. Zienen invlood reik tot wied boete de avant-garde, neet in 't minste zien ouch väöl popmusici door häöm beïnvlood.
Bernardo Storace	fl. 1664	Obscuren (oonvindbaren) Italiaanse componis vaan klaveermeziek, bekind allein oet 'n gedrökde blomlezing vaan ziene meziek.
Johann Strauss sr.	1804 - 1849	Oosteriekse componis vaan amusemintsmeziek: väöl walse en de Radetzkymarsj. Vaajer vaan de volgende.
Johann Strauss jr.	1825 - 1899	Oosteriekse componis vaan walse (bekind es Der Waltzerkönig) en de ierste Weense operètte.
Josef Strauss	1827 - 1870	Oosteriekse componis, zoon vaan Johann Strauss sr. en broor vaan Johann Strauss jr., sjreef wie zien femilie väöl walse die ouch noe nog weure gespäöld.
Richard Strauss	1864 - 1949	Duitse componis en dirizjènt. Oontwikkelde in de jaore 1900 'n zier laat romantische, bekaans atonaole stijl (zien opera's Salome en Elektra zien de bèste veurbeelder), meh góng kort daonao weer väöl traditioneler componere. Gein femilie vaan de Weense Strauss-componiste.
Igor Stravinsky	1882 - 1971	Игорь Фёдорович Стравинский; Russische, daan Franse en tot slot Amerikaanse componis. Begós in 'n romantische stijl mèt typisch Russische eleminte, meh góng kort nao d'n Ierste Wereldoorlog euver op 'n neoklassieke stijl. Neve ziene meziek waor ouch zien filosofie oetgesproke antiromantisch; heer verworp veural de krach vaan meziek um boetemuzikaol dinger oet te beelde. Heer waor 't boegbeeld vaan de neoklassieke componiste, veural ouch umtot heer 'ne zekere vörm vaan tonaliteit aonheel, meh verbaosde kort nao d'n Twiede Wereldoorlog door Schönberg zien twelftoenssysteem euver te numme.
Barbara Strozzi	1619 - 1677	Italiaanse zengeres en componiste vaan veural cantate en madrigaole die ze publiceerde en die bij häör leve väölgevraog waore.
Arthur Sullivan	1842 - 1900	Britse componis vaan savoy operas, de Londesen tegehenger vaan de operèt, die heer sjreef op tekste vaan W.S. Gilbert (zuug Gilbert & Sullivan).
Johan Svendsen	1840 - 1911	Noorse componis en dirizjènt, noe veural nog bekind um zien Romance in G veur viool en orkes.
Jan Pieterszoon Sweelinck	1562 - 1621	Nederlandse componis vaan vocaole meziek en klaveermeziek in diverse genres; invloodrieke stiechter vaan de Noord-Duitse Örgelsjaol.
Maria Szymanowska	1789 - 1831	Poolse pianiste en componiste vaan veural pianomeziek, dèks mèt invlood oet de Poolse volksmeziek en daomèt 'n belaankrieke veurluipster vaan Chopin.
Karol Szymanowski	1882 - 1937	Poolse componis, begós in e romantisch idioom meh góng al gaw nao 'ne modernere stijl euver, aoventouw tot kortbij de atonaliteit.

T

Componis	Leve	Umsjrieving	Pleetsje
Toru Takemitsu	1930 - 1996	Japanse componis vaan avantgardistische meh oondogmatische meziek.
Thomas Tallis	ca. 1505 - 1585	Ingelse componis vaan vocaole meziek, boe-oonder de Lamentaties vaan Jeremias.
Tannhäuser	13en iew	Beierse Minnesänger, naovolger vaan Neidhardt, bekind gewore door de gelieknaomegen opera vaan Wagner.
John Tavener	1944 - 2013	Britse componis vaan minimalistische meziek mèt e meditatief en religieus karakter, verwant aon 't werk vaan Arvo Pärt.
John Taverner	ca. 1490 - 1545	Ingelse componis en organis, sjreef polyfoon werke mèt extreem lang melisma's en zoonder doorgoonde imitatie (wie op 't continent gebrukelek).
Georg Philipp Telemann	1681 - 1767	Duitse componis vaan oonder mie orkesmeziek en lutheraonse kèrkmeziek, gesjreve in 'nen Italiaons getinte laatbarok. Zier productief en zier populair bij leve, raakden 't nao zienen doed snel in de vergetelheid. Pas mèt de koms vaan de awwemeziekbeweging in d'n twintegsten iew kaom heer weer trök op 't repertoir.
Sigismund Thalberg	1812 - 1871	Oosteriekse pianis en componis. Zie werk besteit oet pianocomposities mèt 'n meujelekheidsgraad vergeliekbaar mèt zien generatiegenoete Chopin en Liszt.
Ambroise Thomas	1811 - 1896	Franse componis, geassocieerd mèt d'n opéra lyrique.
Virgil Thomson	1898 - 1989	Amerikaanse componis mèt sterke Fransen inslaag, vèlt te plaotse oonder 't neoclassicisme.
Johannes Tinctoris	ca. 1435 - 1511	Franco-Vlaomse meziektheoreticus en componis vaan veural mèsse en chansons.
Michael Tippett	1905 - 1998	Britse componis, de modernste vaan zien generatie en de belaankriekste Britse componis vaan zienen tied nao Britten.
Ernst Toch	1887 - 1964	Oosteriekse componis in neoklassieke, mer zier gemaoteg moderne stijl.
Jacopone da Todi	ca. 1230 - 1306	Florentijnse componis vaan geistelek werk geïnspireerd op de troubadours.
Wenzel Johann Tomaschek	1774 - 1850	Václav Jan Tomášek, Boheemse meziekpedagoog en componis vaan de vreug romantiek.
David Del Tredici	1937 - 2023	Amerikaanse componis, eine vaan de veurtrèkkers vaan de neoromantiek en d'n trökkier nao tonaliteit.
Pjotr Iljitsj Tsjaikovski	1840 - 1893	Пётр Ильи́ч Чайко́вский; Russische componis vaan de romantiek. Sjreef in versjèllende genres, wie d'n opera, de symfonie, 't concert en de sonnaat; zien groetste beteikenis ligk evels bij de oontwikkeling vaan de ballètmeziek.

U

Componis	Leve	Umsjrieving	Pleetsje
Ignaz Umlauf	1746 - 1796	Oosteriekse componis en altviolis. Wèrkde in Wene mèt Mozart same.
Vladimir Ussachevsky	1911 - 1990	Владимир Алексеевич Усачевский, Vladimir Aleksejevitsj Oesatsjevski, Amerikaanse componis vaan Russische aofkoms, had 'ne groeten invlood op de oontwikkeling vaan d'n elektronische meziek in zie land.

V

Componis	Leve	Umsjrieving	Pleetsje
Johann Baptist Vanhal	1739 - 1813	Jan Křtitel Vaňhal, Boheemse componis vaan kamermeziek, symfonieë en kèrkmeziek in de stijl vaan 't Weens classicisme.
Edgard Varèse	1883 - 1965	Frans-Amerikaanse componis vaan zier moderne meziek, neet allein atonaol meh ouch oongewoen vaan textuur. Mier es in melodie of hermenie waor heer in klaankkleur en ritme geïntresseerd. Al in de jaore daarteg dach heer nao euver elektronische meziek; nao d'n Oorlog maakde heer dees druim es eine vaan de ierste woer.
Ralph Vaughan Williams	1872 - 1958	Britse componis vaan oonder mie symfonisch werk en filmmeziek in e conservatief idioom.
Bernart de Ventadorn	† ca. 1200	De bekindste en hoegs geachde vaan alle troubadours, componeerde veural cansò (lejer vaan hoofse leefde).
Philippe Verdelot	ca. 1480 - ca. 1530	Noord-Franse componis vaan chansons.
Giuseppe Verdi	1813 - 1901	De groetsten Italiaanse componis vaan zienen tied. Moderniseerde d'n opera door häöm mie op 't drama te sjrieve en minder op de kwaliteite vaan de zengers. Sjreef daoneve ouch kèrkmeziek vaan beteikenis.
Johannes Verhulst	1816 - 1891	Nederlandsen dirizjènt en componis in de stijl vaan Duitse romantische meisters wie Mendelssohn en Robert Schumann. Sjreef oonder mie 'n mès en lejer op tekste vaan J.P. Heije. Waor 'ne centraole figuur in 't Nederlands meziekleve, meh zien weigering um modern meisters wie Wagner oet te veure leide tot zien oontslaag en isolatie.
Matthijs Vermeulen	1888 - 1967	Eigelek Matheas van der Meulen, Nederlandse criticus componis vaan atonaole meziek, in 't bezunder symfonieë. Zoch in Paries e beter klimaot veur zienen moderne meziek, meh umtot dao 't neoclassicisme in de mode waor, bleve ouch in Fraankriek zien werke gooddeils oongehuurd.
Lodovico Viadana	ca. 1560 - 1627	Italiaanse geisteleke en componis vaan concertante motètte die al nao de monodie neige.
Nicola Vicentino	1511-1575?	Italiaonse componis vaan madrigale in 't door häöm oontwikkeld 31-toensstèlsel.
Tomás Luis de Victoria	1548 - 1611	Spaonse componis vaan groet opgezètte motètte, die heer in Roeme had liere sjrieve.
Louis Vierne	1870 - 1937	Fransen organis en componis. Sjreef veural werk veur zien eigen instrumint, dèks in 'ne breie, symfonischen örgelstijl.
Henri Vieuxtemps	1820 - 1881	Belzje vioolvirtuoos en componis, in de ierste plaots veur zien eige instrumint.
Jheronimus Vinders	fl. 1525-6	Vlaomse componis vaan de Veerde Nederlandse Sjaol, veural bekind gewore door zie motèt O mors inevitabilis.
Giovanni Battista Viotti	1755 - 1824	Italiaanse violis en componis vaan oonder aandere talrieke vioolconcerte. Noe en daan weurt nog ins eint gespäöld.
Philippe de Vitry	1291 - 1361	Componis en groete theoreticus en polemis vaan de ars nova.
Antonio Vivaldi	1678 - 1741	Italiaanse violis en componis vaan kèrkmeziek, opera's, kamermeziek meh veural mier es 600 concerte veur alle meugeleke solo-instruminte. Door zienen invlood kreeg 't concert d'n dreideilege vörm.
Claude Vivier	1948 - 1983	Canadese componis, lierling vaan Stockhausen. Ziene stijl kint oostersen invlood en concentreert ziech op klaankkleur- en bovetoeneffekte.
Walther von der Vogelweide	† ca. 1230	Oosteriekse Minnesänger, de belaankriekste vaan de ierste generatie.
Andrej Volonski	1933 - 2008	Sovjetrussische componis vaan twelftoensmeziek mèt barokinvlood.

W

Componis	Leve	Umsjrieving	Pleetsje
Richard Wagner	1813 - 1883	Duitse componis; groondege hervörmer vaan d'n Duitsen opera, die heer maakde tot wat heer meziekdrama neumde. Zie zier chromatisch idioom en de zoegeneumde unendliche Melodie waore vernuiinge die de romantische meziek op d'n door tot kortbij de atonaliteit brachte. Zien persoen wèrkde bij leve zier polariserend, meh op de langen door stoonte alle componiste nao häöm wel oonder zienen invlood.
Siegfried Wagner	1869 - 1930	Duitse componis en dirizjènt, zoon vaan Richard Wagner (dee häöm de Siegfried-Idyll componeerde) en componis vaan 'n aontal opera's in de geis vaan ziene pa. Leide sinds 1908 de Bayreuther Festspiele.
Johann Gottfried Walther	1684 - 1748	Duitsen organis en componis vaan örgelmeziek, boe-oonder väöl bewèrkinge vaan soloconcerte.
Unico Wilhelm van Wassenaer	1692 - 1766	Nederlandsen edelmaan, diplomaot en amateurcomponis. Kaom de meziekhistorie binne es oteur vaan de Concerti armonici, die iewelaank oonterech aon Pergolesi waore touwgesjreve.
Andrew Lloyd Webber	* 1948	Britse componis, veural vaan 'n aontal zier populair musicals. Sjreef wijer oonder mie e requiem.
Carl Maria von Weber	1786 - 1826	Duitse pianis en componis vaan de vreugromantiek. Zienen orkesmeziek en kamermeziek is nog rillatief conventioneel, meh in zien opera's, in 't bezunder Der Freischütz, wijs heer al veuroet nao de meziek vaan Wagner.
Anton Webern	1883 - 1945	Tot 1919 Anton von Webern, Oosteriekse componis en dirizjènt. Lierling vaan Schönberg en lid vaan de Twiede Weense Sjaol. Heer oondersjeide ziech vaan Schönberg en Berg door zien strikte, bekaans wiskundege behandeling vaan 't twelftoenssysteem, boeveur heer oonder mie inspiratie zoch bij de Nederlandse Sjole. Bij leve waor zie werk vrij oonbekind, meh componiste vaan de nao-oorlogsen avant-garde, veural Boulez en Stockhausen, lepe mèt häöm weg.
Gaspar van Weerbeke	ca. 1455 - nao 1517	Zuid-Nederlandse componis vaan de Daarde Nederlandse Sjaol, meh stilistisch nog sterk sjtapliechteg aon de generatie veur häöm.
Kurt Weill	1900 - 1950	Duits-Amerikaanse componis vaan meziektheater, de Dreigroschenoper in Duitsland, versjèllende musicals in de VS, boe-in door vervreemden amusemintsmeziek 'n politieke kemissie weurt euvergebrach.
Felix von Weingartner	1863 - 1942	Sinds 1919 Felix Weingartner; Oosteriekse componis en pianis, heel 'ne laatromantische stijl aon.
Jacques de Wert	1535 - 1596	Antwerpse, in Italië wèrkende componis vaan madrigaole.
Peter Westergaard	* 1931	Amerikaanse componis, groetgebrach in de serieel traditie vaan Babbitt die heer trouw is gebleve.
Charles-Marie Widor	1844 - 1937	Fransen organis en componis, späölde 'n groete rol in de opleving vaan de Franse örgelkuns. Haolde inspiratie bij Franck, meh ouch bij Duitse meisters wie Reger. Voont de zoegeneumde 'örgelsymfonie' oet.
Henryk Wieniawski	1835 - 1880	Poolse violis en componis, wèrkzaam in Rusland; vaan belaank in de oontwikkeling vaan de viooltechniek in 't algemein en de Russische Sjaol in 't bezunder.
Philip van Wilder	ca. 1500 - 1554	Vlaomse componis in deens vaan keuning Hendrik VIII vaan Ingeland; sjreef dao geisteleke werke in de ars perfecta.
Adriaen Willaert	ca. 1490 - 1562	Vlaomse componis vaan kèrkmeziek; 't groet veurbeeld veur theoretici vaan 't contrapunt veur de opkoms vaan Palestrina en daomèt geassocieerd mèt de ars perfecta.
Wipo	11en iew	Duitse monnek, componis vaan de paossequens Victimae paschali laudes.
Oswald von Wolkenstein	ca. 1376 - 1445	Late Minnesänger, sjreef ouch polyfoon Minnesänge.
Hugo Wolf	1860 - 1903	Oosterieks-Sloveense componis vaan lejer in chromatische, laatromantische stijl.
Ermanno Wolf-Ferrari	1876 - 1948	Italiaans-Duitse componis vaan opera's in d'n Italiaanse stijl. Ze gónge dèks in Duitsland en première en höbbe daorum es regel 'n Duitstaolege versie.
Julia Wolfe	*1958	Amerikaanse componiste oet de minimalistische traditie. Waor vaanaof 't begin betrokke bij 't Bang on a Can Ensemble.
Christian Wolff	*1934	Amerikaanse componis vaan touwvalsmeziek mèt 'n sterk politieke laojing.
Wöllem IX vaan Aquitanië	1071 - ca. 1127	Hertog en troubadour; d'n ierste middeliewsen diechter in de volkstaol vaan wee werk is bewoerd gebleve.
Stefan Wolpe	1902 - 1972	Duitse, later Amerikaanse componis vaan meziek in neoklassieke stijl en links engagemint. Nao d'n oorlog sterk oet de mode.
Charles Wuorinen	* 1938	Amerikaanse componis vaan modernistische meziek in de zin vaan Babbitt en Carter, góng ziech in later decennia touwnummend op 't meziektheater concentrere.

X

Componis	Leve	Umsjrieving	Pleetsje
Jannis Xenakis	1922 - 2001	Γιάννης Ξενάκης, Iannis Xenakis, Grieks-Franse componis en arsjitek, oontwikkelde es reactie op 't serialisme de stochastische meziek, dee ziech minder op de individueel note meh mie op de ganse structuur riech. Had wijer 'ne veurkäör veur glissandi.

Y

Componis	Leve	Umsjrieving	Pleetsje
La Monte Young	* 1935	Amerikaanse componis, sterk geobsedeerd mèt kwinte en rein stumminge. Vaan groeten invlood op Terry Riley, algemein erkind es de stiechter vaan de minimal music.
Eugène Ysaÿe	1858 - 1931	Belzje violis en componis, bleef veural bekind door zien virtuoos composities veur viool solo.

Z

Componis	Leve	Umsjrieving	Pleetsje
Frank Zappa	1940 - 1993	Amerikaansen avant-gardepopmusicus dee gans naodrökkelek zien inspiratie bij modern componiste wie Varèse (en bij modernen jazz) haolde. Sjreef zelf neve zie popwerk ouch modern-klassieke stökker, die heer door 't Ensemble InterContemporain mèt Boulez leet oetveure.
Gioseffe Zarlino	1517 - 1590	Italiaonse componis en meziektheoreticus. Stèlde aon de hand vaan de groete polyfoniste invloodrieke regele veur 't contrapunt op. Had väöl invloodrieke musici oonder zien lierlinge, boe-oonder Claudio Merulo en Vincenzo Galilei, dee de polyfone stijl later hel zouw aonvalle.
Carl Friedrich Zelter	1758 - 1832	Duitse componis en dirizjènt, liermeister vaan Mendelssohn. In zien lejer wiek heer es eine vaan de ierste aof vaan 't volksleedechtege ideaol um 't klaveer mie ruimte te geve.
Alexander von Zemlinsky	1871 - 1942	Sinds 1919 Alexander Zemlinsky; Oosteriekse componis en dirizjènt vaan laatromantische meziek, boe-oonder twie symfonieë. Zie wèrk heet 'n hoeg kwaliteit meh haolt 't neet bij tiedgenoete wie Mahler, Schönberg en Berg.
Anton Zimmermann	1741 - 1781	Oosteriekse componis vaan vreug-klassieke werke, oonder mie striekkwartètte.
Bernd Alois Zimmermann	1918 - 1970	Duitse componis, sloot ziech bij de nao-oorlogse avant-garde en de Sjaol vaan Darmstadt aon en góng seriële meziek sjrieve. Bekind woort zienen opera Die Soldaten, dee dèks is vergeleke mèt Wozzeck vaan Alban Berg.
Niccolò Antonio Zingarelli	1752 - 1837	Italiaanse componis vaan veural opera's.
Heinrich Zöllner	1854 - 1941	Duitse componis en dirizjènt, naovolger vaan Wagner.
John Zorn	* 1953	Amerikaanse musicus oet de jazz/improvisatiewereld dee ziene meziek ziech kinmerk door extreem snel wisselinge vaan stijl en thematisch materiaol.
Johann Rudolf Zumsteeg	1760 - 1802	Oosteriekse componis vaan dramatisch werk en leedechtege ballades.

Zuug ouch

• Lies vaan einentwintegsteniewse componiste