Puja
|
Quest articol chì l'è scrivud in lombard, con la Noeuva Ortografia Lombarda |
| Puja Rejon | |||||
|---|---|---|---|---|---|
| |||||
 | |||||
| Dats aministrativ | |||||
| Stat | Itàlia | ||||
| Capolœg | Bari | ||||
| Politega | |||||
| President | Michele Emiliano (1º giugn 2015) | ||||
| Orgen lejislativ | Consili Regional de la Puja | ||||
| Territore | |||||
| Coordinade | 41°00′31″N 16°30′46″E / 41.008611°N 16.512778°E | ||||
| OSM | 40095 | ||||
| Superfix | 19 365,8 km² | ||||
| Abitants | 4 029 053 ab. (2019) | ||||
| Densitaa | 208.05 ab./km² | ||||
| Confin | Molise, Campania, Basilicada e Molise | ||||
| Fus orari | UTC+01:00 e UTC+02:00 | ||||
| Varie | |||||
| Codex ISO 3166 | IT-75 | ||||
| Codex ISTAT | 16 | ||||
| Codex catastal | |||||
| Sant protetor | San Nicola de Bari | ||||
| Cl. climatega | |||||
| Cl. sismega | |||||
| Localizazion | |||||
 | |||||
| Sit istituzional | |||||
La Puja (Puglia in italian) a l'è una region italiana a statut ordinari con capitala Bari.
Spartida in una cità metropolitana e in cinch province, la confina a Nord cont el Molis, a Ovest con la Campania e la Basilicada, per el rest l'è bagnada del mar. L'è anca la region pussee orientala d'Italia: el Capo d'Otranto l'è el pont pussee a est del Paes.
Geografia
[Modifega | modifica 'l sorgent]L'è la region pussee granda de la Bassitalia e con pussee longhezza di coste, che per la pupart se po fà el bagn.
A l'è una region indova che pianura e colline se messeden e l'è rari vedé montagne volte: el Tavoler di Puje a l'è la pianura pussee granda de la Penisola italiana e la segonda d'Italia, dopo de la Pianura Padana.
Pussee de precis, l'è pianura al 53%, collina al 45% e montagna domà al 2%: l'è donca la region men montagnera d'Italia. L'è anca ben succ, roba che la mena a poch rial e fium che corren in superfiss: la gh'hà di lagh coster, spartid del Mar Adriategh de mur de sabia.
Storia
[Modifega | modifica 'l sorgent]El nom de la region el vegn del latin Apulia, che 'l vegniva de vun di popoi che ghe viveven: i roman hann poeu fad su la Regio II Apulia et Calabria, un poo pussee larga de la region de adess: in l'età de Mez, tant 'me per Lombardia, Puja l'era rivad a volé dì tuta la Bassitalia.
Dopo la toma de l'Imperi roman d'Ocident el territori l'ha vist vari governi: i lombard, i normand e anca i bizantin, l'è finid infina sota el Regn de Napoli e gh'è stad adree al so destin fina a l'unità d'Italia.
Cultura
[Modifega | modifica 'l sorgent]Lengov e dialet
[Modifega | modifica 'l sorgent]La lengua ofizziala de la Puja l'è l'italian. In del Nord de la region se parlen dialet de la lengua napolitana, menter in del Salent se parla di dialet compagn del sicilian: el dialet tarantin, in del vesser comunque meridional, el fa de transizzion in tra i du sistema.
Gh'è anca una minoranza che la parla gregh.
Cusina
[Modifega | modifica 'l sorgent]La cusina pujesa l'è ben sciora e cognossuda in tuta Italia e anca foeura: mangià tant 'me i tarai, la pasta a l'assassina, i panzerot e i cartellate inn esempi de la cusina pujesa, ma gh'è anca di specialità propi locai, tant 'me el bescot de Ceglie.
Straport
[Modifega | modifica 'l sorgent]Strade
[Modifega | modifica 'l sorgent]La Puja l'è servida soratut di autostrade A14, che la riva fina a Bologna, e A16, che la riva fina a Napoli. Di ass regionai de gran importanza inn l'Adriatega, la SS379, la Appia, la Salentina, la SS90 di Puje e la 172 dei Trulli.
Ferrovie
[Modifega | modifica 'l sorgent]I linie ferroviarie statai pussee important inn la Ferrovia Adriatega, la Bari-Taranto e la Taranto-Brindisi, de che tachen linie per tuta la region: gh'è anca de tirà a man la Napoli-Foggia per i conligament con la Campania, la Foggia-Potenza per quei con la Basilicada e la ferrovia Jonica per quei con la Calabria.
Gh'è quater red de ferrovie in concession: i Ferrovie Appulo Lucane, i Ferrovie del Gargano, i Ferrovie del Sud Est e i Ferrovie del Nord Barese: insema gestissen una trata pussee larga de quella in man al servizzi statal.
Port
[Modifega | modifica 'l sorgent]Region de mar, la Puja la gh'ha vari port: i pussee important inn quei de Taranto, Bari, Brindisi, Bisceglie, Barletta, Trani, Molfetta e Manfredonia.
Aeroport
[Modifega | modifica 'l sorgent]I reoport principai inn quei de Bari, Brindisi e Foggia. Gh'è de tirà a man anca quei de Taranto, doperad per el cargo e bon de ricever i Boeing 747 LCF Dreamlifter con dent i toch per l'Alenia Aeronautica, de Lecce-San Cataldo, vert domà a servizzi segondari, e quei militar de Gioia del Colle, Lecce-Galatina e Amendola.
Economia
[Modifega | modifica 'l sorgent]
Istruzzion
[Modifega | modifica 'l sorgent]
Politega
[Modifega | modifica 'l sorgent]La region a l'è stada trada in pè dopo l'unità d'Italia a tacà insema trè circoscrizzion: la Capitanata, la Terra di Bari e la Terra d'Otranto. Al temp de la scritura de la Costituzzion italiana l'era stad insubid de spartìlla in Salento e Puja, ma infin la resta unida, anca se per un temp se prevedeva de fà quella spartizzion chi.
La Puja l'è governada de una sgionta guidada de 'n president, che incoeu a l'è el Michele Emiliano, independent de center-sinistra: i lesg inn fade del consili regional de la Puja, fad su de 50 consejer, pussee el president.
Riferiment
[Modifega | modifica 'l sorgent]
Alter proget
[Modifega | modifica 'l sorgent]
Wikiquote el gh'ha dent citazzion de o su Puja
Wikinotizie el gh'ha dent notizzie in su Puja
Wikimedia Commons el gh'ha dent imagin o alter archivi su Puja
Wikivoyage el gh'ha dent Informazzion turisteghe su Puja
|
Region d'Italia |
|
|---|---|---|
| Abruzz • Basilicada • Calabria • Campania • Emilia-Romagna • Friul-Venezia Giulia • Lazzi • Liguria • Lombardia • March • Molis • Piemont • Puja • Sardegna • Sicilia • Toscana • Trentin-Sud Tiroeu • Umbria • Val d'Aòsta • Veneto | ||