Распадот на СФР Југославија довел Хрватска, Словенија и Босна и Херцеговина да настапат самостојно на игрите, додека на спортистите од СФР Југославија им било забрането да настапат за својата репрезентација, па настапиле под Олимпиското знаме како независни олимписки учесници. Македонија не учествувала на игрите.
Виталиј Шчербо од Белорусија освоил 6 златни медали во гимнастика од кои 5 биле вои поединечна конкуренција со што го изедначил рекордот по број на освоени медали во поединечна конкуренција Ерик Хелден.
Во гимнастика во женска конкуренција, Татјана Гуцу освоила злато во комбинација.
Пливачите од РусијаАлександар Попов и Евгениј Садовиј доминирале во пливање во слободен стил. И двајцата освоиле по 2 златни медали, а Садовиј освоил и трет како дел од штафетата на Русија.
Елевин Ешфорд го освоила својот четврти златен, а трет златен во штафетата 4x100m во атлетика на Олимписките игри.
По демонстрацијата како спорт на 7 Олимиски игри, конечно бејзболот станал Олимписки спорт. Првиот комплет на медали го освоиле: Куба (злато), Кинески Тајпеј (сребро) и Јапонија (бронза).
Спортот хокеј на ролерки или попознат како Квад бил демонстративен спорт на игрите во Барселона. Репрезентациите настапиле поделени во две групи А и В. Во А групата биле Португалија, Аргентина, Италија, САД, Швајцарија и Јапонија додека во В групата настапиле Холандиоја, Бразил, Шпанија, Германија, Ангола и Австралија.
Спортот бадминтон станал дел од Олимписките игри. Исто така за првпат и спортистките настапиле во спортот џудо, а дисциплината кајак на диви води се вратила во натпреварувачката програма во спортот кано/кајак по пауза од 20 години.
Покрај хокејот на ролерки (Квад) и спортовите баскиска пелота и теквондо биле демонстративни спортови на игрите.
Линфорд Кристи, конечно на 32 години победил во трката на 100m со што станал најстариот победник во оваа атлетска тркачка дисциплина.
На 20-годишнината од Минхенскиот масакар и на 500-годишнината од Едиктот Алхамбра, Јаел Арад на својата земја Израел и го донела првиот медал на својата земја со освојувањето на сребрениот медал во џудо. Наредниот ден Орел Смаџа во истиот спорт освоил бронза.
За овие Олимписки игри напишани и изведени биле 2 музички теми. Првата носела наслов „Барселона“ и била напишана 5 години порано од Фреди Меркјури, а втората била „Пријатели за животот“ напишана од Ендрју Лој Вебер и Дон Блек.
На игрите во Барселона учество земале спортисти од 169 земји. Со распаѓањето на Советскиот Сијуз, балтичките земји Латвија, Литванија и Естонија учествувале самостојно, а останатите земји од поранешната држава учествувале како Заедница на независни држави. А, со распаѓањето на СФР Југославија, Хрватска, Словенија и Босна и Херцеговина настапиле самостојно, а на СФРЈ и било забрането да настапи, па нејзините спортисти настапиле како независни олимписки учесници. Македонија не настапила на игрите. На игрите дебитирала Намибија.
Шпанија
Франција
.svg){kind=small}
СФР Југославија
Австралија
.svg){kind=small}
Обединето Кралство
Холандија
Заедница на независни држави
САД
Германија
НР Кина
Куба
Република Кореја
Унгарија
