Eldhraun er eit lavadekke i det sørlege Island og stammar frå utbrotet i Laki 1783–1784. Lavastraumen har eit areal på 565 kvadratkilometer og er sagt å vere verdas største. Lava strøymde nedover langs elva Skaftá og øydela jordbruksområde og gardar på sin veg. Lavadekket har ein tjukkleik på om lag 12 meter og er i dag dekt av mose.
Etter det store utbrotet følgde den verste hungersnauden som har herja Island. Befolkninga blei redusert til 30 000–40 000, og den danske kongen Christian 7 hadde da planer om å flytte alle islendingar til Jylland i Danmark. Utbrotet påverka klimaet i resten av Europa; i England blei sommaren kjent som «sandsommaren» og nedkjølinga av klimaet med påfølgande dårlege avlingar kan ha hjelpt til å utløyse den franske revolusjon.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.