Katla

Katla har truleg hatt meir en 150 førhistoriske utbrot og rundt 20 utbrot i historisk tid, etter 874. Store utbrot skjedde mellom anna i 935, 1485, 1625, 1660, 1721, 1755–1756 og sist 12. oktober til 5. november 1918. Vanleg periodisitet for utbrot har vore 40–80 år; eit nytt utbrot er derfor venta.

Utbrota varer normalt baere to til tre veker, men det lengste utbrotet (i 1755–1756) varte i 120 dagar. Global oppvarming fører til større issmelting om sommaren og dermed mindre vekt oppå Katla, som igjen fører til auka aktivitet i vulkanen.

Vulkanen har utbrot av sur og seigtflytande lava med mykje tefra.

Ved utbrot brånar isen og kan føre til store jøkullaup. I 1918 blei vassmassane frå jøkullaupet utrekna til å vere på 200 000 kubikkmeter per sekund i to dagar, noko som svarar til ein til to gonger vassføringa i Amazonas. Tettstaden Vík i Mýrdal kan vere i faresona viss det kjem eit jøkullaup. Samtidig er området eit svært populært reisemål, det blir stadig bygd nye overnattingsstader for vulkanturistar. Katla kan ha fleire tusen besøkande samtidig. Mange av desse vil også kunne vere i fare ved eit utbrot. Eit utbrot kan òg gi ei stor oskesky som rammar flytrafikken.

• Islands geografi
• Island
• vulkan
• jøkullaup