Tore Godal er ein norsk lege med ein omfattande karrière nasjonalt og internasjonalt med arbeid for global helse og vaksinasjon. Han var ein av initiativtakarane til GAVI, Global Alliance of Vaccination and Immunization.
Godal er lege og dr. med. frå Universitetet i Oslo. I 1970 flytta han til Etiopia for å forske på lepra ved det nyoppretta Armauer Hansens forskingsinstitutt. Frå 1974 var han laboratoriesjef for immunlaboratoriet ved Radiumhospitalet. Han var formann i Verdshelseorganisasjonens (WHO) styringsgruppe for forsking innan lepraimmunologi i perioden 1975 til 1980 og tuberkuloseimmunologi frå 1983. I 1986 blei han avdelingsdirektør for WHO for programmet om forsking og undervisning innan tropesjukdommar.
Han var ein av initiativtakarane til den globale vaksinealliansen GAVI i 1999 og var leiar for alliansen i seks år. Han har vore spesialrådgivar for Gro Harlem Brundtland i WHO og har jobba på Statsministerens kontor og som spesialrådgivar for global helse i Utanriksdepartementet. Frå 2018 jobba han ved Folkehelseinstituttet.
Godal fekk Kongens fortenestmedalje i 2019.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.