Juleroseslekta er ei slekt av fleirårige urter i soleiefamilien som består av omlag 20 artar. Artane i slekta er heimehøyrande i Europa og i Asia.
Faktaboks
- Vitskapeleg namn
- Helleborus
- Beskriven av
- Carl von Linné
juleroseslekta
Helleborus-blomar
Skildring
Plantene i juleroseslekta har store, delte blad. Blomane er samansett av store begerblad i ulike sjatteringar, og små røyrforma og nektarberande kronblad. Blomane vert pollinert av insekt, og frukta som vert danna, er ein belgkapsel. Alle plantene i slekta er giftige.
Bruk
Fleire av artane i slekta vert nytta som prydplanter. I Noreg er særskild julerose, H. niger, med svart jordstengel og kvite begerblad, ei populær plante til jul.
Systematikk
| Nivå | Vitenskapelig navn | Norsk navn |
|---|---|---|
| Rike | Plantae | planteriket |
| Rekke | Magnoliophyta | blomsterplanter, dekkfrøete planter, dekkfrøingar |
| Klasse | Eudicots | tofrøbladete planter |
| Orden | Ranunculales | soleieordenen |
| Familie | Ranunculaceae | soleiefamilien |
| Slekt | Helleborus | juleroseslekta |
Systematikken følger Artsdatabankens inndeling (2024).
Les meir i Store norske leksikon
Faktaboks
- Vitskapeleg namn
- Helleborus
- Artsdatabanken-ID
- 153708
- GBIF-ID
- 2741682
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.