Vaniljerot er ein 10-25 cm høg art i vaniljerotslekta i lyngfamilien. Heile planta er voksgul og utan klorofyll. I Noreg er det to underartar, lodden vaniljerot og snau vaniljerot. Vaniljerot og begge underartane er på Norsk raudliste for artar 2021 oppført som nær trua (NT).
Vaniljerot er ei 10-cm mykoheterotrof plante. Heile planta er voksgul. Stengelen har skjelforma blad. Blomane sit saman i klasar, og frukta som vert danna er ein kapsel. Loden vaniljerot har ein mangeblomstra klase, medan det er få blomar i klasen til snau vaniljerot. I tillegg er fruktknuten til snau vaniljerot snau.
Lodden vaniljerot er på Artsdatabanken sin Norsk raudliste for artar 2021 oppført som nær trua (NT). Bakgrunnen er ein antatt tilbakegang på over 15% grunna skogdrift i gamalskog.
Snau vaniljerot er på Artsdatabanken sin Norsk raudliste for artar 2021 oppført som nær trua (NT). Bakgrunnen er at underarten har eit avgrensa forekomstareal der det er ein tilbakegang i forekomstarealet og delpopulajsonar.
| Nivå | Vitenskapelig navn | Norsk navn |
|---|---|---|
| Rike | Plantae | planteriket |
| Rekke | Magnoliophyta | dekkfrøete planter, blomsterplanter, dekkfrøingar |
| Klasse | Eudicots | tofrøbladete planter |
| Orden | Ericales | lyngordenen |
| Familie | Ericaceae | lyngfamilien |
| Slekt | Monotropa | vaniljerotslekta |
| Art | Monotropa hypopitys | vaniljerot |
Systematikken følger Artsdatabankens inndeling (2024).
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.