Euskal nazionalismoa
eta
nazio lurraldea
Udako Euskal Unibertsitatea
Bilbo, 1996
Ane, Adrian eta Jon Anderri
© Julen Zabalo
© Udako Euskal Unibertsitatea
ISBN: 84-86967-73-2
Lege-gordailua: BI-1313-96
Inprimategia: RALI S.A. Particular de Costa 8-10, 7. 48010 BILBO
Azala: Iñigo Ordozgoiti
Banatzaileak: UEU. General Concha 25, 6. BILBO telf. 94-4217145
Zabaltzen: Igerabide, 88 DONOSTIA telf. 943-310301
Aurkibidea __________________________________________________________________
5
AURKIBIDEA
SARRERA .........................................................................................................
9
1. EUSKAL NAZIONALISMOA ETA LURRALDEA: EUSKADI .....................
13
1.1. Lurraldea, Nazionalismoa eta Euskal Herria.....................................
1.1.1. Lurraldea, etengabeko gatazka iturria .....................................
1.1.2. Nazionalismoa: estatuaren integraziorako eta
desintegraziorako tresna .........................................................
1.1.3. Euskal Herria eta nazionalismoa ............................................
13
13
1.2. Euskal lurraldearen erreibindikazioa historian zehar .......................
1.2.1. Euskal lurraldeen sorrera eta osaketa politikoaren historia .....
1.2.2. Euskal lurraldearen erreibindikazioa XX. mendera arte .........
1.2.3. Sabin Aranaren ekarpena ........................................................
1.2.4. EAJ-ren aktibitatea eta bere barruko eztabaidak ....................
1.2.5. Nazionalismo berriaren ekarpenak .........................................
43
43
49
56
59
69
1.3. Euskal lurraldearen erreibindikazioa gaur egun.................................
1.3.1. Nazionalismoak hartutako lurralde aukera: Euskadi ..............
1.3.2. Nazionalismoa eta nazio sentimentua .....................................
72
72
76
21
34
2. EUSKAL NAZIONALISMOA ETA LURRALDE DEFINIZIOAREN ARAZOA 87
2.1. Abagadunearen eragina ..................................................................... 87
2.1.1. Ekonomi testuingurua. Industri krisiaren eraginpean ............. 88
2.1.2. Ideologi eskala. Iharduera politikoaren alorra ......................... 99
2.1.3. Euskara arazo sozial bezala .................................................... 112
2.2. Espazio politikoaren mundu berreraketa ...........................................
2.2.1. Nazio-estatuaren etorkizuna ....................................................
2.2.2. Estatu txikien bideragarritasuna ..............................................
2.2.3. Europa: arazoen konponketa ala gehipena? .............................
129
130
133
135
2.3. Lurraldearen inportantzia euskal nazionalismoan .............................. 148
6
____________________________________________________________________________
2.4. Euskal nazionalismoaren lurralde aukera estrategikoak .................... 158
2.4.1. Independentzia ......................................................................... 159
2.4.2. Herrien Europa eta euskal nazionalismoa ............................. 168
ONDORIOAK ................................................................................................. 175
BIBLIOGRAFIA ............................................................................................. 183
IRUDIEN AURKIBIDEA
1. Irudia. Estatu barruko integrazio edo desintegrazio mailak .......................
35
2. Irudia. Euskal nazionalismoaren sorrera eta hedapen maila denbora
eta espazioan zehar ..........................................................................
42
3. Irudia. Nazionalismo moten hedapena botuen arabera (datu absolutuak) ...
80
4. Irudia. Nazionalismo moten hedapena botuen arabera
(populazioari proportzionalak) .......................................................
81
5. irudia. Lurraldea nazionalismoaren izaeraren bilakaeran (1960) ................ 156
6. irudia. Lurraldea nazionalismoaren izaeraren bilakaeran (gaur egun) ....... 157
KOADROEN AURKIBIDEA
1. koadroa. Euskal nazionalismoaren sorrera eta lehen hedapena
herrialdeka (udal batzarren kopuruaren arabera) ........................
41
2. Koadroa. Nazio identifikazioa EAE eta Ipar Euskal Herrian .....................
79
3. koadroa. Nazio identifikazioa EAEan .......................................................
82
4. koadroa. Nazio identifikazioa gazteen artean EAEan ...............................
82
5. koadroa. Euskal lurraldearen osaketa EAEko biztanleentzat .....................
83
6. koadroa. Zazpi lurraldedun Euskal Herriari buruzko iritzia .....................
84
7. koadroa
Nazio identifikazioa EAEko euskaldunen artean ......................
85
8. koadroa. Nazio identifikazioa Nafarroan .................................................
86
Aurkibidea __________________________________________________________________
7
9. koadroa Lurraldearen ulermena Nafarroan ..............................................
86
10. koadroa. Euskal hiztunen kopurua 1867an ............................................... 122
11. koadroa. Euskal hiztunen kopurua gaur egun ........................................... 122
12. koadroa. Euskal herritartasuna erabakitzeko elementuak .......................... 153
13. koadroa. Euskal herritartasuna erabakitzeko elementuak nazio
nortasunaren arabera ................................................................... 154
14. koadroa. Independentzi nahia Hego Euskal Herrian ................................. 160
MAPAK
1. mapa. Euskal leinuen hedapena erromatarkuntzaren aurretik ....................
44
2. mapa. Erromatarren lurralde administrazioa
(Augusto-ren garaian, k.a. I.go mendearen amaieran) .....................
45
3. mapa. Santxo III. Nafarroakoaren Inperioa ................................................
46
4. mapa. Nafarroako Erresuma XVI. mendearen hasieran ............................
47
5. mapa. Espainia eta Frantziako administrazio berdinketa
(XVIII eta XIX. mendeetan) ............................................................
48
6. mapa. Euskal Herriko mapa politikoa gaur egun ........................................
74
7. mapa. Nazionalismoaren hedapen zona nagusiak .......................................
77
8. mapa. Nazionalismo moderatu eta erradikalaren nagusigo zonak
78
............
9. mapa. Euskararen lurraldea historian zehar .................................................. 118
10. mapa. Euskararen lurraldea Aro Modernotik hona
................................. 119
11. mapa. Hizkuntza areak ............................................................................... 120
12. mapa. Euskararen ezaguera maila lurraldeka ........................................... 120
Sarrera _____________________________________________________________________
9
SARRERA
Lurraldea, nazionalismoa eta Euskal Herria; izenburuan agertzen diren hitzok
lan honen mamia eta muga zedarriztatzen dute. Nazionalismoa, bera delako
aztergaitzat hartu dugun eremu zabala; lurraldea, nazionalismoari aplikaturik
lanaren hari eroalea delako; eta Euskal Herria, marko fisikotzat hartu delako,
nazionalismoak erreibindikatzen dituen zazpi herrialdeak bezala ulerturik. Banaka
eta binaka sarritan aztertuak izan diren arren, ez da horrela gertatu hiruren arteko
interrelazioarekin. Hori dela eta, Euskal Herria markotzat harturik, lurraldearen
papera aztertu gura izan dugu nazionalismoaren barruan. Alde batetik, lurraldeak,
kontzeptu bezala, nazionalismoarentzako daukan garrantzian eta nazionalismoak
lurraldea eratzen daukan eraginean; bestetik, nazionalismoak hautatzen duen
lurraldeaz egiten duen botere aukera eta bere gradualizazio posiblean. Lana,
hortaz, “nazio” mailan (euskal nazionalismoak proposaturikoa, hain zuzen ere)
planteatzen da, hau da, Euskadi osotasun bezala nola ulertu, sentitu eta erabiltzen
den eta zelan gauzatu nahi den politikoki projektu hori. Lanaren zedarriztapenetik
kanpora gelditzen dira interesgarriak eta biziak diren beste gai batzuk: bere
barruko lurralde diferentziak, euskal nazionalismoaren hedapen desberdina
lurraldeka, eta abar. Edo, zehatzago esanez, nazionalismoak aldarrikatzen duen
lurralde batuketa eta beronen arazoak, izan ere bi estatutan hedatzen baita lurralde
hau; Nafarroako arazoa Hego Euskal Herriko batuketa lortzeko, eta abar.
Nazionalismoari dagokionez, mugimendu politiko bezala aztertu dela azaldu
behar da, maila honetan aurkezten baitira guri interesatu zaizkigun nazio lurralde
aukerak. Alde batera utzi dugu, ostera, “barrutik” eginiko analisia, nazionalismoa
talde bezala ulerturik. Nazionalismoa zerbait eratu bezala ulertzen dugu hemen,
praktika politikoan aritzen dena eta iharduera honek inposatzen dituen
baldintzapenak kontuan hartuta.
Lurralde eta nazionalismoaren arteko harreman hau aztertzeko derrigorrezkoa
iruditu zaigu orokortasuna ulertzea. Horretarako, momentu honetako testuingurua
eta baldintzak azalarazten saiatu gara. Ulermena osoagoa izan zedin testuinguru
historikoaz zerbait argitzen ahalegindu gara eta, azkenik, baina aurretik lanean, gai
orokor horiei buruzko berri laburra eman nahi izan dugu, lurraldeaz eta
nazionalismoaz, alegia. Ikerketa bi ataletan banatu dugu.
Lehen atalean, lanaren hiru zutabeen sarrera bat egiten da hasieran (lurraldea,
nazionalismoa eta euskal nazionalismoa) eta ondoren euskal lurraldearen garapen
historikoa, hala nazionalismoa sortu aurretik, nola sortu ostean, gure egunetara
heldu arte. Nazio sentimentu hori gaur egun nola eta zein indarrez heldu zaigun
aztertzen da azkenik.
10
____________________________________________________________________________
Bigarren atalean, nazionalismoa mugimendu politiko bezala aztertzen da. Era
horretara, helburu nazionalista antzekoak eduki arren, diferentzia ideologikoek
zatikatu egiten dute euskal nazionalismoa eta alderdiak sortzen dira. Ideologiek eta
iharduera politikoek baldintza batzuk ezartzen dituzte, zeintzuei gehitu behar
baitizkiegu abagaduneak, orokorrean ulerturik, gaineratzen dituenak. Lurraldean
zentraturik, baldintzapen eta behar hauetatik aukera nazionalista bakoitzak bere
nazio projektu desberdina eskainiko digu.
Lan hau 1992an aurkezturiko doktoradutza tesi baten bertsio laburtua eta
arindua da. Testua 1991-92 urteetan idatzia da eta bertsio hau 1993an, denbora
nahikoa zenbait gauza alda dadin. Testuari begira, aldaketarik adierazgarrienak
hiru dira: batetik, abertzaleen artean aztertu ziren Euskadiko Ezkerra eta Euskal
Ezkerra alderdiak desagerturik daudela gaur egun; bestetik abertzaleek
hauteskundeetan lortzen duten botu kopuruak beherantz egin duela Hego Euskal
Herrian; eta azkenik, orain datu gehiago eta jarraituago daudela nazio sentimentua
mailakatzeko eta baloratzeko. Beste aldaketa batzuk ere aipa daitezke, Europako
Batasunaren aurrerapausuak edo nazioarteko egoera, kasu. Hala ere, ez dut uste
lanaren mamiari eragiten diotenik eta lana bere hartan uztea pentsatu dut, orduan
idatzi bezala, hor-hemenkako aldaketatxo batzuk salbu (zaharkiturik zegoen
daturen bat, pare bat ohar lana noiz egina den gogorarazteko, eta abar). Nahiago
izan dut horrela jokatzea, aipaturiko aldaketei buruzko testua gaurkotu gabe, ezen
horrek beste aldaketa sakonagoak eska zitzakeen (planteamentuzkoak edo
teorikoak) eta lanaren batasuna apur zitekeen azkenean.
Gorago, bertsio laburtua dela esan dut, baina zehatzago esateko, tesiaren zati
bat da eta argitaratu gabe geratu behar zen zatiaren laburpena gehitu dut,
lehenengo atalaren lehenengo partea osatzen duena, hain zuzen ere. Laburpen
horretan ez dut, ordea, esaten tesia Geografia politikoaren esparruan kokatu behar
denik eta inportantea da hori argitzea, lanean zehar maiz agertzen baitira
Geografiarenak diren kontzeptuak. Dena den, kokapen hau bere zentzurik
zabalenean ulertu behar da, lana ez baita disziplina baten muga estuetan garatzen,
aise froga daitekeenez. Zuzenagoa dateke esatea ikerketa politiko bat dela eta
Geografiak (baina ez berak bakarrik) erabiltzen duen lurralde kontzeptua hartu
dela aztergaitzat.
Tesiaren zuzendaria Ander Gurrutxaga izan da, berezkoa zaion arduraz gain,
eraketa orokorreko beste batzuk ere hartu behar izan dituena, edozein motatako
laguntzarako beti prest agertu delarik.
Lanaren prozesu guztia ezagutu (eta jasan) duena Txoli Mateos izan da.
Berarekin eduki dudan harreman estuagoari esker, bere laguntza, ekarpen,
iradokizun, agindu eta kritikak jaso ahal izan ditut, dena modurik goxoenean edo,
behar zenean, zakarrenean esanda, elkarrenganako konfidantza osoaren jabe
izateak ematen duen lasaitasunarekin.
Sarrera _____________________________________________________________________
11
Zaila egiten zaidan Ekonomiaren arloan Goio Etxebarriaren laguntza eduki
dut eta bere iruzkin egokiek akats askotatik libratu nautela esan dezaket, oraindik
daudekeenen ardura osoa nirea bada ere. “Betidanik Bilbokoa” den Fernando
Etxegarai eta “errexildar toke egoskorra” txertatu zidan Juanjoxe Ugarterekin
edukitako solasaldiek eta beren iritzi eta ikuspegiek neure jarrera zehazten eta
sakontzen lagundu zidaten, beraiek agian jakin ez arren. Termino bereziak
zehazten, aipamen batzuen itzulpenean laguntzen, eta oro har, “hizkuntz
aholkulari” gisa, Julian Maia aritu da. Aipamen xume hau baino gehiago merezi
zuela pentsatzen dut, baina hark honekin nahikoa dela ziurtatu dit eta bere nahia
bete dut.
Ane Beldarrainek laguntza material eskerga eman dit, beti ondo zehazturik,
etiketaturik eta koloredun karpeta desberdinetan ondo sailkaturik, eta dena bere
iribarre iraunkorraz lagundurik. Arreba bi, Elisabet eta Rosi, testuaren azken
bertsioaz arduratu dira, nik bidaltzen nituen zuzenketak eta gehiketak testu
nagusian sartuz, mapak berreginaz, eta abar, behin ere kexatu gabe eta edozein
proposameni berehalako baietzarekin erantzunaz. Bestalde, momentu eta maila
desberdinetan, Anton Uriartek, Bego Etxebarriak, Gurutze Maguregik, Rosa de la
Asunciónek, Pili Leivak eta Pili Kortazarrek ere lagundu naute.
Kartzelan pentsatu eta burutu dudan lan honi ezin diot amaiera eman
aipamen orokor bat egin barik. Izan ere, eguneroko iharduera eskatzen duen
honelako lan bat aurrera ateratzeko gutxienezko baldintza materialak eta oreka
emozionala behar dira, neure egoera berezian lortzeko zailak zirenak. Alabaina,
familiak, kanpoko lagunek, barruko “kolegiek” eta, ezagutu ez arren, mila
modutan gurekiko atxikimendua adierazten duten horiek posible egin dute giro
egoki horren iraupena. Eskerrik asko denoi!
Euskal Nazionalismoa eta lurraldea: Euskadi ______________________________________
13
1. EUSKAL NAZIONALISMOA ETA LURRALDEA:
EUSKADI
1.1. LURRALDEA, NAZIONALISMOA ETA EUSKAL HERRIA
Ondoko atalotan landuko diren hiru arlo hauen berri teoriko laburra ematea
da puntu honen helburua. Laburra izanda ere, lurraldea* eta nazionalismoa luzeago
azalduko dira euskal nazionalismoa baino. Azken honetaz lerro nagusiak baino ez
dira aipatzen, alde batetik hurrengo puntuotan ere lantzen delako eta, bestetik,
errazagoa delako gai horri buruzko monografiak kontsultatzea.
1.1.1. Lurraldea, etengabeko gatazka iturria
Mundua maila desberdinetako mila zatitan banaturik dago. Animaliak zein
gizakiak taldetan banatzen dira eta talde bakoitza espazio mugatu batean bizi
izaten da gehienetan; noraezean ibiltzea ez da normalena. Animaliek edo gizakiek,
banaka edo taldeka, espazio bat hartzen dute propiotzat bizitza garatzeko, lurraldea
deitzen duguna. Banaketa hau, baina, ez da ez matematikoa ez iraunkorra. Hori
dela eta, gatazka iturri etengabea bihurtzen da, ez bakarrik gizakiarentzat,
animalientzat ere baizik. Espazioaren banaketak kontraesana dirudi gero eta
integrazio handiagoa ezagutzen ari den mundu honetan. Izan ere, harreman
ekonomiko, politiko eta soziokulturalak mundu mailan planteatzen dira gero eta
gehiago, baina, lurraldeek ondo markaturik eta zaindurik diraute eta espazio
propioa erreibindikatzen duten nazionalismoak eta estatuak ez dira gutxitzen.
Gottmann-ek dioenez, gizakiak sentimentu kontraesankorrak ditu:
“antza denez, jende zibilizatuak goiz erakutsi izan du unibertsalitate
nahia, baina arreta handiz zatitu izan du beti espazioa bere inguruan, bere
auzokoetatik aparte jartzeko”
Lurraldearen eraketa
Bizidun ororen beharrezko funtzioak elikapena, iraupena eta bersorkuntza
dira. Hirurak ziurtatzeko modu asko daude eta horietako bat lurraldea da. Hala ere,
lurralde zentzu hau ez dute espezie guztiek berdin erabiltzen. Hegaztiek muga
sendoak jartzen dituzten bitartean, ugaztunenak malguagoak dira. Azken hauen
kasuan, lurraldea mailakaturik geratzen da bere inportantziaren arabera: gehien
*. Lan guztian zehar, “lurralde” hitza gaztelerazko “territorio” eta frantsesezko “territoire”
berben baliokidetzat erabiltzen da.
14
____________________________________________________________________________
erabiltzen den aldea -erdigunea- zainduagoa eta babestuagoa izaten da gutxitan
erabiltzen dena baino -periferia-. Periferia honetan beste animalia batzuk ere sar
eta ibil daitezke (espezie bereko animaliak esan nahi dugu, zeren lurralde
kontzeptua espezie berekoei bakarrik dagokie). Erdigunerantz hurbiltzen garen
neurrian, ordea, are eta ezinagoa bihurtuko da aukera hori, gero eta aukera gehiago
izango baita ustezko “jabearekin” topo egiteko. Periferiaren helburua, hortaz,
erdigunea babestea da, berau baita benetan zaindu nahi dena. Erdigunearekiko
hurbiltasun graduazioaren arabera, ustezko “jabeak” defentsa sistema desberdinak
jarriko ditu praktikan kanpoko arriskua uxatzeko. Azken baliabidea erasoa izango
da, baina hau gutxitan gertatzen da, behin lurraldea markatu ondoren nahiko
errespetatua izaten da eta.
Baina lurraldea ez da marko fisiko honetara mugatzen. Bere bidez espazio
pertsonala ere adierazten da, “barrura begira” diharduena. Espazio pertsonal honen
arabera, taldearen barnean ere nolabaiteko zedarritzapenak daude: taldekide batzuk
errespetatuagoak dira besteak baino. Hemen ere hurbiltasun graduazioaz hitz egin
daiteke, zeinean status altuagoa daukatenenganako kontaktu fisikoa murriztu
egingo baita, beti diferentziak markatuz. Lurraldearen bigarren osagai hau, hortaz,
diferentziazio sozialarena da, eta espazio fisikoa aldatu arren mantendu egingo da,
talde barruko eraketa sozialari erantzuten dio eta.
Orain arte esanikoa bizidun guztiei aplikatu ahal bazaie eta esangura
instintiboa eman ahal badiogu, ezin dugu ondorioztatu, ordea, gizakiaren lurralde
jokaera oro instintiboa denik. Aitzitik, lurraldearen bidez behar fisiologikoei
erantzun ezezik, kulturalak ere bilatzen ditu gizakiak (esate baterako, nortasuna
adieraztea, statusa ezartzea edo besteen ezagupena lortzea). Horrez gain, gizakiak
jabego kontzeptua ere garatzen du, animaliekin ezin erabil dezakeguna, jabegoak
lurralde baten gaineko eskubide guztiak edukitzea esan nahi baitu, hots, eman,
saldu, aldatu, trukea egin, testatu edo desio dugun beste edozein gauza egin ahal
izatea (ikus Gold, 1982:47-48).
Talde primitiboen artean lurraldeak bi helburu edukitzen zituen, kanpokoen
agresioetatik babestea eta elikatzeko eremuak ziurtatzea. Taldearen iraupena
bilatzen da, beraz, kanpokoen erasoetatik defendatuz. Horraino animalien
jokaerarekin pareka liteke, baina hortxe amaitzen dira antzak, animalien
lurraldetasun kontzeptua horretara mugatzen baita eta gizakiarena, berriz, askoz
harago doa. Izan ere, gizakiarentzat lurraldeak funtzio soziala betetzen du eta,
leinu primitiboen artean batez ere, konnotazio sakratu nabaria dario kontzeptuari,
inolaz ere animaliaren jokaerarekin pareka ezin daitekeena. Gizakiaren kasuan
kontzeptua konplikatzen hasten da sedentarizatzen hasten den momentutik.
Gottmann-i jarraiki (1973), hiru etapa aipa daitezke gizakiaren bilakaeran:
• Neolitikoan, sakabanaturik bizi ziren taldeak biltzen hasten dira. Horra
Mesopotamia, Anatolia, Grezia, Nilo aldea eta Indo aldean osatzen diren hiri-
Euskal Nazionalismoa eta lurraldea: Euskadi ______________________________________
15
-estatuak, adibide bezala. Bizitza arautzeko legeak ezartzen dira, baliabide urriei
dagokienez batez ere (ura, kasu).
• Alexandro Haundiarekin beste fase bat zabaltzen da, inperioena, alegia.
Bere hedadura zela eta, lurralde banaketa egin beharko da: Probintziak edo beste
demarkazio motak sortzen dira. Adibide bezala Alexandro Haundiaren inperioa
bera aipa daiteke, edo Erromakoa, Konstantinoplakoa, Karlomagnorena, Ekialdeko
kalifena, Txinakoa eta abar.
• XVI. mendetik aurrera Europan nazio-estatuen fasea hasten da, gaur arte
heldu dena. Eraketa politiko berri honetan lurralde subiranotasunaren aniztasuna
onartzen da Europan, eta Erromatar Inperioaren ideiarekin behin betikoz amaitzen
da. Ondorioz, lurralde mugek inportantzia handiagoa hartuko dute. Erregearen
beraren subiranotasuna ahulduz zihoan neurrian, “lurraldea nazio nortasunaren
gorpuzketa legal eta fisikoa bihurtu zen” (Gottmann, 1973:49).
Sack-ek, aldiz, bi fase nagusitan desberdintzen du lurraldetasunaren historia
(1986), gizarte primitiboena batetik eta mundu zibilizatuarena, bestetik. Gizarte
primitiboen artean harremanak elkarrekikoak eta maila berekoen artean dira,
teknologia ez da monopolizatzen, lurrak kolektiboak dira eta klaserik gabeko
igualitarismoan bizi dira. Oinarrizkoak diren baliabideak ziurtatu nahi direnean
lurraldetasuna sortzen da (landaketak edo hazitako abereak beste inorentzat ez
direla jakiteko).
Gizarte primitiboen lurraldetasunak oinarrizko eraketa soziala ziurtatzen du.
Hiru mailatan gertatzen da hau: I) taldekoak ez direnei sarrera debekatuz eta
baliabideak ukatuz. II) taldekoak direnei baliabideen banaketa egokia ziurtatuz,
euren arteko batasuna mantenduz. III) lurraldea, azkenik, harreman estuan dago
taldearekin, osotasun bat bezala (taldea-lurraldea). Oso urrun geldituko zen, beraz,
gaur eguneko kontzeptu funtzionalistatik, non espazioa hustu edo bete daitekeen
gauza baita (Sack, 1986:56-63).
Gizarte primitiboak utzita, aldaketa nabariak agertzen dira. Gizarte
aurremodernoetan lurra da ondare iturri nagusia eta nekazaritza lan okupaziorik
erabiliena, baina bitartean hiria hazten ari da. Lurraldea modu hierarkiko eta
asimetrikoan eratzen da, giza harremanak bezala. Leku batzuk sakralizatu egiten
dira, boterea bertan gordetzen da eta herriari zerbait helezina izango balitz bezala
aurkezten zaio. Lurraldearen mugak ez daude oraindik ondo zehazturik. Beroriek
zehazteko helburuz, hain zuzen ere, kartografiari inportantzia berezia emango zaio
Erdi Aroaren amaieratik aurrera.
Kapitalismoarekin, berriz, lurraldeak bere zentzu sakratu edo izpiritual guztia
galtzen du. Hustu egiten da eta merkantzia bihurtu, hau da, saldu, erosi edo
negozia daitekeen zerbait bihurtzen da. Espazioa gertakarien marko hutsera
mugatzen da, beste esangurarik gabe. Neutrala balitz bezala aurkezten zaigu.
16
____________________________________________________________________________
Lurraldea eta bere funtzioak
Zer da orduan lurraldea? Argitu behar den lehen puntua da espazioa eta
lurraldea ez direla gauza bera, batzuetan nahasten diren arren. Espazio kontzeptua
zabalagoa da. Lefebvre-k (1976) “espazio mentala” eta “espazio soziala”
desberdintzen ditu. Lehena errepresentazio teorikoa da, formala, matematikatik
hurbil dagoena eta, beraz, neutroa. Bigarrena, berriz, ez da behin ere neutroa,
gizakiak eraikia eta sortua baita, bizi izana. Espazio soziala Historian zehar osatuz
joan da, gizakien aktuazioen arabera, eta helburu politikoak lortzeko erabili da.
Honek guztiak esan nahi du espazioa ez dela intenporala eta produkzio modu
bakoitzak eredu bat daukala espazioa eratzeko. Espazioa hierarkizatu egiten da eta
espazio menperatzaileak eta espazio menperatuak sortzen dira ondorioz (Lefebvre,
1974:221). Hau da, espazioen arteko desberdintasunak agertzen dira: erdiguneak
eta periferiak (nazionalismoaren iturrietako bat).
Espazio mugatu baten gaineko boterea adierazten denean, berriz, lurraldeaz
hitz egiten ari gara. Lurraldeak, espazioa eta boterea jartzen ditu harremanetan,
botereak espazio bat behar baitu bere eragina zabaltzeko. Gehienetan lurralde hitza
estatuei loturik ikusten dugu eta maila horretan aztertuko dugu guk ere, baina
kontuan izan behar dugu lurraldetasuna edozein eskalatan ager eta erreibindika
daitekeela: etxeko gela batean, norberaren etxean, kalean, hirian eta abar.
Lurraldea eten gabe markatzen da bizitzan zehar, mailarik hurbilenean ere.
Ikus dezagun Sack-ek (1981:56-57) eskaintzen digun adibide erraz bat. Etxe bat
har dezakegu non gurasoek muga batzuk seinalatzen baitizkiote haurrari. Beronen
jokuak direla eta, gurasoek arriskuan ikus ditzakete beraientzat baliozkoak diren
zenbait gauza. Arrisku hori ekiditeko bi era daude: bata, haurrari arriskuaz
ohartaraztea (hitz eginaz) eta bestea, leku konkretu batera (gela batera, adibidez)
sarrera galeraztea. Bigarren kasu honetan ez dago elkarrizketarik, agindu hutsa
baizik. Gurasoek “lurraldea” markatzen dute, beste baten akzioak kontrolatzeko
asmoz. Modu honetan ulertuta lurraldetasuna kontzeptu zabala da, ez marko
politikora mugatua, normalean ulertzen dugunez. Ez da kontzeptu absolutua ere,
erlatiboa baizik, zeren, gorago esan denez, espazio oro ez da lurraldea. Gela bat,
adibidez, ez da beti lurraldea. Momentu batez hala izan daiteke, baina, lehengo
adibidera itzulita, haurra hazi ahala zentzu hori gal lezake. Definizio bat
ematekotan hauxe da Sack-ek eskaintzen duena:
“(jende, gauza, harreman eta abarren) akzio eta interakzioetan parte hartzeko,
eragiteko edo kontrolatzeko saioa, area geografiko jakin baten gaineko kontrola
aldarrikatuz eta betearazten ahaleginduz. Lurraldetasunak lurraldea boterez,
eraginez, agintez edo subiranotasunez betea balego bezala ikusarazten digu”
(1981:55) (azpimarrak autorearenak berarenak dira).
Euskal Nazionalismoa eta lurraldea: Euskadi ______________________________________
17
Gorago esan dugunez, gizakiaren kasuan lurraldea kulturari loturik doa.
Espazio hutsa gauza fisikoa da, baina lurraldeak funtzio sinboliko eta soziala
betetzen du gizakiarentzat. Dena dago harremanetan, “giza taldearen eraikintza
soziala, funtzio sinbolikoa eta lurraldearen eraketa” (Bonnemaison, 1981:256). Era
horretara, ez da bakarrik kultura eta lurraldea loturik doazela, baizik eta lurraldea
bera ere kulturan bertan sortzen dela. Horrela ulertuta, kultura gorde behar den
bezala, lurraldea ere kontserbatu beharko litzateke eta horretan ahalegintzen dira
gizarteak. Nazio lurraldea espazio fisiko mugatua baino gehiago bihurtzen da,
bertan balio historiko eta afektiboa txertatzen zaio eta.
“Nazioaren nortasuna oroitzapenari lotua dago eta oroitzapena
aberrian dago sustraiturik” (Williams/Smith, 1983:509)
Baina esangura kulturala ematen diogunez, zentzu aldakorra ere eman
beharko diogu lurraldeari, gizarteak aldatzen diren bezala. Garai historiko
bakoitzean gizarte bakoitzak modu batera eratuko du espazioa. Denbora faktore
hau ez da, ordea, beti kontuan hartua izaten, eta aldaezintzat ulertzen da sarritan.
Horixe da, adibidez, nazionalismoak bultzatzen duen ulerkera, berak formulaturiko
proposamenaren ondorio dela ahazturik. Denborarekin, eta gero eta jende gehiagok
formulazio hori onartzen duenan, proposatutako lurraldea naturaltzat hartuko du
jendeak, mugiezina den marko fisiko bat bezala.
Propiotzat erabakitako lurralde hori kontrolatzeko eskubidea aldarrikatzen du
taldeak. Horixe da, hain zuzen ere, lurraldearen funtziorik argiena, hots, talde
baten eragin eta kontrolaren zedarritzapena markatzea eta halaber beste taldeen
eragin eta kontrola galaraztea. Era horretara, taldeak beharrezko dituen baldintzak
ziurtatu nahi ditu, hartarako beste taldeei lurralde horretarako sarbidea ukatu behar
badie ere. Kontrolak, gainera, sekuritatea eta bizitza aurrera ateratzeko aukera esan
gura du. Baina funtzio primario hauez gain, ezin ditugu ahaztu gizakiaren jokaerei
loturik doazenak. Izan ere, lurraldearekin giza taldeen emozio erreakzioak sortzen
dira, identifikazio bat gertatzen baita talde eta espazio konkretu baten artean, azken
hau -lurraldea- ikur edo sinbolo bihurtzen delarik. Bere ezaugarri fisikoek
(mendiak, oihanak, basamortua....) zentzu berezia hartuko dute bertako
biztanleentzat eta ezaugarri horien kolorea bera ere (mendien berdeak,
basamortuaren horiskak...) sentituagoa eta ederragoa irudituko zaio jendeari.
Emozio kulturalak dira, zer esanik ez, baina zama afektibo hau inportantea da,
lurraldearekiko identifikazioa indartzen duelako. Nazionalismoan, behintzat,
oinarrizko elementua da taldearen homogeneizazioan (Schofer, 1975).
Nazionalismo hori estatu bati loturik doanean, gure garaian araua denez,
kontrol politikoa eta ideologikoa ere bilatuko ditu estatuak. Hori ziurtatzen ez bada
arazoak sor daitezke eta arazo horiek lurralde mugatu batean gertatzen badira,
lurralde bereizketa ere ager daiteke. Hori dela eta, estatuak arreta berezia jartzen
du homogeneizazio kultural horretan. Asmo horrekin kultura bakarra sustatuko du,
18
____________________________________________________________________________
egon daitezkeen beste kulturen kaltean, azken hauek debekatuak edo gutxienez
baztertuak izango baitira. Plan hori aurrera eramateko, aldarrikatzen duen
biolentziaren monopolioan oinarrituko da estatua, horixe baita gaur eguneko
nazioarteko sistemaren ezaugarrietako bat, alegia, bere lurraldearen mugen barruan
berak bakarrik daukala boterea eta inork ezin diola botere hori kuestionatu ez
barrutik ez kanpotik.
Lurraldea zehaztuz: mugak
Diogun guzti honengatik argi ageri da lurraldeak ondo markaturik egon behar
duela, erreibindikatzen diren eskubideak non aplikatzen diren zehazten jakiteko.
Helburu hori lurraldearen funtsezko elementua den mugak betetzen du. Lurraldeaz
genioen bezala, mugak ere aldakorrak dira denboran zehar. Gaur eguneko
gehienak, adibidez, XIX eta XX. mendeetan sortuak dira eta Europako muga asko
1919an erabakiak dira (Pariseko Itunean), gerora aldaketak izan badira ere, berriki
frogatu ahal izan dugunez.
Muga kontzeptua aldakorra da eta horrelaxe gertatu da historian zehar. Labur
laburrean esanda, inperio handietan bi muga eredu jarraitzen dira. Txinak lerro-muga aukeratzen du (murraila) eta Erromak, berriz, zona-muga. Arazo berdintsuei
aurre egiteko, defentsa modu diferenteak hautatzen dira bi kasu hauetan. Murrailak
bereizketa zehatz eta osoa markatu nahi du. Erromak, ordea, muga sistemak
eraikitzen ditu, ibaiak, mendiak eta beste natur ezaugarriez gain, kaminoak eta
defentsa dorreak eraikiz lurralde osoan zehar (Jones, 1959:246).
Erdi Aroan lurralde zentzua galtzen da, feudoek lur jabegoaren
diskontinuitatea zekarten eta. Joera hau Errenazimentuan hasten da aldatzen, estatu
modernoaren ideia indartzen hasten delarik. Mugak orain inportantzia handiagoa
hartzen du, kontrola erabatekoa egin gura da eta. Erdi Aroan zona-muga nagusi
bazen (gaizki zedarritua, informazio gutxi biltzen zelako), orain lerro-muga
hobetsiko da (ondo zedarritua). Diferentzia honetan helburu desberdinak agertzen
dira, noski, Erdi Aroan defentsa baitzen helburua eta nahikoa zitzaien horretarako
zona markatzea, “jaberik gabeko lur” bezala utziz sarritan, erdigunea zaindurik
zegoen bitartean. Baina Estatu Modernoak populazioaren kontrol estuagoa behar
du eta, hortaz, populazioa, lurraldea eta baliabideak ondo zedarritu behar dira
(Raffestin, 1980:150).
Nazio-estatuaren mugak ulertzeko, Frantziar Iraultzarekin batera aldarrikatu
zen berdintasun kontzeptua hartu behar da kontuan. Berdintasunak denontzako
arau bat bakarra ezarri nahi zuen, ordura arteko araua, desberdintasunean
oinarritua, baliogabetuz. Erreakzio honetan ezberdintasun oro pribilegiotzat hartu
zen, eta beraz, ezabatu beharrekoa. Maila sozialetan edo Zuzenbidean bezala,
lurraldean ere berdintzera joko dute aldaketa ideologiko honen partaideek.
Lurraldea batua behar da arautegi berdintzaile hori aplika dadin, bestela,
Euskal Nazionalismoa eta lurraldea: Euskadi ______________________________________
19
berdintasunari uko egingo lioketen herrialdeak -pribilegiodunak- geldituko lirateke
eta.
Apurka apurka lerro-muga inposatzen da eta espazioa kohesionatzeko eta
eratzeko erabiltzen da. Muga naturalen ideia hedatu egiten da XVIII. mendetik
aurrera eta bere bidez anexiorako aukera zabaldu. Erreakzio modura, ordea, nazio
kontzeptua eraikiko da, Alemanian hasieran, berdinketa inposatuari kontra egiteko.
Kohesioa eta integrazioa lortzeko, ondo zaindu beharko dira mugak, beste estatuen
erasoetatik libratzeko (gogoratu Napoleonen kanpainak). Estatuen arteko mugetaz
ardura handiagoa hartzen da orain, zedarriak zehatzago jartzen direlarik. Modu
horretan, estatu bakoitzaren espazioa (zeinean eragin baitezake) zein den adierazi
nahi zaie beste estatuei.
Mugak nazio-estatuaren subiranotasunaren sinbolo bihurtzen dira. Sakralizatu
egiten dira eta lerro mugituezina bihurtu, mapetan ondo markaturik biztanleek ikas
ditzaten, eta beharrezkoa bada, beren bizitza emateko ere prest ager daitezen
mugen integritatea salbatzeko. Mugak komunitatearen biolatuezineko lurraldea
seinalatzen du, arbasoek utzitakoa eta ondorengoei utzi beharko zaiena, taldea ezin
baita ulertu bere lurralderik barik, ez eta lurraldea bere talderik barik ere.
Konnotazio sakratu hau gizarte primitiboen pentsakeratik heldu zaigu, baina
gaurkoturik eta sekularturik nazionalismoaren bidez, Guichonnet eta Raffestin-ek
diotenez (1974:16).
Baina nazionalismoak mugei ematen dien zentzu intenporala gezurrezkoa da,
denboran zehar mugak aldatuz joan baitira: ez betikoak, ez betirako, ez
erabatekoak, ez zehatzak ez direla frogatzen da horrela. Nazio-estatuak zehatzak
egiten ahalegindu dira, baina ezin dute inoiz ziurtatu erabatekoak izango direnik.
Mugen aldarkotasun honek, gainera, beste ondorio batera garamatza, mugen
diseinu arbitrariora, alegia. Mugak artifizialak dira: asmatuak. Horixe da hain
aldakorrak izateko arrazoia. Ez dago, orduan, muga “naturalik”, ez “egokirik”, ez
“onik”, inguru geografikoak bere eragina badaukala aitortu arren. Mugak
“egokiak” eta “onak” izan daitezke, baina momentu historiko konkretu baterako
bakarrik. Egokitasun hori estatuaren indar eta kohesioaren arabera etorriko da,
mugei bere hartan eusteko ahalmenean baitatza egokitasuna. Barruan bizi den
jendeak estatua-lurraldea lotura onartzen badu eta estatua gai bada lurralde hori
defendatzeko, muga “egokia” izango da. Baina egoera horrek momentu historiko
bati erantzungo dionez, posible da beste egoera historiko batean egokitasun hori
galtzea eta, orduan, mugak “berregokitu” egin beharko lirateke.
Argi utzi behar da, haatik, mugen diseinua dela arbitrarioa eta ez muga bera
edo bere ondorioa, Raffestin-ek ohartarazten digunez,
“ez dago gauza zentzubakoagorik muga sistema oro arbitrario dela
esaten entzutea baino. Muga sistema oro konbentzionala da, noski, baina
pentsatua eta jarria izan denetik eta funtzionatzen duen momentutik, ez da
20
____________________________________________________________________________
hartaz gero arbitrarioa, projektu sozial baten lekupena ahalbideratzen baitu,
hots, gizarte jakin baten proiektuaren lekupena” (1980:149).
Afrikako muga asko, adibidez, arbitrarioak dira beren diseinuan, etnia asko
erdibiturik gelditu baitzen estatu diferenteetan, baina projektu kolonial baten
ondorio dira eta botere banaketa bati erantzuten diote. Mugen berregokipenak ekar
zitzakeen kalteak ekiditeko estatu berriek ez dute aldaketarik egin nahi izan. Hori
dela eta, euren projektu soziala muga hauen barruan garatu da eta konforme daude,
oro har, banaketa horri eusteko. Beraz, mugak “egokiak” direla esan daiteke,
momentu honetarako behinik behin, beren arbitrarietatea eta guzti. Mugen
azterketa osoa egin nahi badugu derrigorrezkoa zaigu, ikusten ari garenez,
abagadune historikoa kontuan hartzea.
Etengabeko gatazka iturria. Subiranotasunaren bila
Espazioa kontrolatzeko joera etengabeko gatazka iturri bihurtzen da, sarritan
erreibindikazio bat baino gehiago formulatzen baita espazio bererako. Arazoa da
lurralde bat helgarria egiten bada talde batentzat, beste talde baten kalterako izaten
dela normalean. Salbuespenak egoten dira, adiskidetasunezko itunetan, baina oso
gutxitan gertatzen dira eta balio estrategiko edo sinbolikorik ez duten lur
eremuetan gauzatzen dira. Desberdina da, haatik, nolabaiteko interesa duten
lurraldeen kasua, oso zaila izaten baita akordiotara heltzea. Gatazka izaten da
hemen normalena, zeina, maila desberdinetan bada ere, mundu osoan agertzen
baita: Etiopia eta Somaliaren artean, Errusia eta Txina, Txile-Argentina, Alemania-Polonia, Kaxmir-India, Biafra-Nigeria, Euskal Herria-Espainia eta Frantzia, eta
abar.
Lurralde gatazkak zailak izaten dira konpontzeko, nazio-estatuak lurraldearen
integritatea ezinbestekotzat jotzen du eta. Ez dago “inportantzia gutxiko”
lurralderik, txikiena izanda ere, zatiki guztiek baitaukate berebiziko garrantzia
nazio-estatuak erreibindikatzen duen lurralde osotasunerako (gogora dezagun
Gibraltarrek duen inportantzia Espainia osatzeko). Integritate kontzeptu hau
modernoa da eta ez zen hain era bortitzean agertzen aurreko sistemetan. Inperio
erromatarrean edo feudalismoan, esate baterako, errazagoa zen lurraldearen
jabegoa aldatzea. Ez zegoen taldea-kultura-lurraldea moduko identifikaziorik.
Posible zen era askotako itunetara heltzea (bakeak, ezkontzak, erregaluak,
sariak,...). Baina nazionalismoarekin pentsaezinak dira horrelako aldaketak,
lurraldea behar-beharrezkoa baitzaio estatuari, esan dugunez.
Nazio-estatuak kanpora zein barrura begira erreibindikatzen du bere
lurraldea. Gatazka egon arren, nahiko erraza izaten da begirune hori lortzea
kanpotik, nazioarteko sistemak mugak errespetatzera bultzatzen du eta. Zailagoa
da, ostera, begirune hori bere mugen barruan lortzea, estatuaren lurraldea ez
baitzaio askotan talde etniko bakar bati egokitzen. Estatuarekin identifikatzen ez
Euskal Nazionalismoa eta lurraldea: Euskadi ______________________________________
21
den taldeak bere lurralde propioa erreibindikatuko du, nazio-estatuek erabiltzen
duten argudioan oinarrituta, hau da, nortasun propioa duten talde etniko guztiek
badaukatela beren lurraldea kontrolatzeko eskubidea. Hemendik sortzen den nazio
gatazka ez da erraz konpontzen, talde biak argudio berean oinarritzen baitira;
arrazoi berean.
Hala ere, estaturik osatzen ez duten kultura guztiek ez dute beti beren lurralde
propioa erreibindikatzen. Historian zehar kultura asko galdu dira beste batzuetan
integratuz edo desagertuz. Nazio-estatuak sortu ahala ere kultura asko galdu izan
dira, norberaren kultura bigarren mailan geratzen izan baita estatuak bultzatzen
zuenaren aldean. Kultura propioa berbalorizatzekotan, berriz, talde intelektual
baten formulazio teorikoa behar zen. Kasu horretan, lurralde baten kontrola
proposatzen da, bertan kultura horren eragina nagusi dadin. Baina kontrol hori era
askotara uler daiteke. Zenbaitentzat nahikoa izan daiteke mehatxaturiko kulturaren
sustapena ziurtatzea eta horretarako gutxienezko neurri politikoak eta
administratiboak eskatuko dira, baina baliteke uste izatea kulturaren sustapen hori
aurrera ateratzeko neurri politikoak harago eraman behar direla, eta hartarako
independentzia eskatu. Pentsakera, uste eta analisi desberdinetatik projektu
diferenteak sortuko dira: autonomia, federazioa, konfederazioa, independentzia...
1.1.2. Nazionalismoa: Estatuaren integraziorako eta desintegraziorako tresna
Etnia eta entitate politikoak bat izatea helburu zaharra da. Hori dela eta,
Historian zehar beti izan dira arazo etnikoak. Hala ere, azken mende biotan eta
azpiko arazo etniko horiek profitatuz, nazionalismoak arrazionalizatu egin ditu
sentimentu horiek eta forma politikoa eman die. Hortxe dago diferentzia nagusia
(Smith, 1984; Connor, 1989). Ordutik aurrera, nazionalismoa presente egon da
estatua eraikitzeko, zabaltzeko edo defendatzeko eta, oro har, kultura propioa
sustatzeko jaulki diren formulazio teoriko guztietan, baita helburu horiek lortzeko
antolatu diren mugimendu politikoetan ere.
Izan ere, lurraren gainazal gehiena lurralde proportzio desberdinetan
zatikaturik aurkezten zaigu gaur egun, eta zati horietako bakoitzari estatu bat
dagokio. Egoera hau etengabe aldatzen da, esate baterako lur zati batzuk beste
estatu batek erreibindikatzen dituenean, edo estatua izatera iritsi nahi duen talde
bat dagoenean. Aztertzen ari garen lurraldearen ikuspuntutik hartuta,
nazionalismoa herrialde konkretu baten kontrola erreibindikatzen duen
mugimendua izango litzateke, dela kontrol hori lehenagotik baduelako, dela lortu
gura duelako.
Nazionalismoaren sorrera
Nazionalismoa XVIII. mendearen amaieran hasten da sortzen Europan.
Aurretik zegoen etnizismoa profitatzen du, esan dugunez, baina bere sorrera
22
____________________________________________________________________________
teorikoak bi eragin polo dauzkala esan daiteke. Bata, Frantziar Iraultza eta bestea,
Kant eta bere ondorengo pentsalari alemanak. Burgesia iraultzailea da
bultzatzailea, baina hasiera honetan bere erreibindikazioak herri osoaren
interesekoak dira. Berdintasun printzipioan oinarriturik, nobleziak jaiotzez lortzen
zituen pribilegioen kontrako burruka hasten du burgesiak. Berdintasun hori maila
guztietara zabaldu nahi da, hala pertsona mailara nola kolektibora. Azken maila
honek, hala ere, problema ugari sortarazi zituen, pribilegiotzat jotzen baitziren
herrien ohiturei loturiko hainbat eskubide. Frantziar Iraultzak berdintasun
kolektiboa aldarrikatzerakoan bere eredua inposatu nahi zuen, beronetaz ohartuz
edo gabe. Ideia hauen hedapenak nazio sentimentuekin egingo du topo Europara
zabaltzean eta gatazka ugari sortu, esan bezala, berdintasunak nazio sentimentu
hauek ezabatzea eskatzen zuen eta. Testuinguru honetan kokatu behar dugu
nazionalismoaren sorrera. Baina garapen ekonomikoan burgesiak merkatu librea
eskatu eta, erreakzio bezala, beste batzuek babesa eskatzen duten modu berberean,
garapen ideologikoan, frantziar filosofoak ideien merkatu librearen alde jarri
zirenean, beste herrietako klase intelektualak kontra azaldu ziren (Minogue,
1968:59-60).
Erreakzio hau Alemanian teorizatu eta gorpuzten da eta oso inportantea
izango da beranduago estatuaren barruko nazionalismo banatzaileak ager daitezen.
Oinarri teorikoa, baina ez zuzen-zuzenean, Kant-engan koka daiteke eta ondoren
Fichte, Herder eta beste batzuengan (ikus Kedourie, 1988). Postkantiarrek Estatua
herri baten osotasunak eraiki behar duela argudiatuko dute (“nazio organikoa”).
Herriak berez banatuta daudenez, horrela edukitzea da zentzuzkoena, naturaltasuna
baloratzen baita (eta ez beste egitura batzuek dakarten artifizialtasuna). Mundua
naziotan banatzen da eta egokiro gara daitezen nolabaiteko eraketa eman behar
zaie, Estatua izaki aproposena. Herder-en ideala “Estatu bat-Nazio bat” binomioa
da eta lokarri gisa hirugarren elementu bat: “Hizkuntza bat”.
Honela, badaukagu osaturik hainbesteko arrakasta lortuko duen
nazionalismoaren formulazioa, hau da, mundua berez naziotan banatzen dela eta
nazioaren ezaugarri nagusia hizkuntza dela. Baina Alemania batzeko mugimendua
sortzen lagundu zuen nazionalismoaren teorizazio honek ez zion eskubide bera
onartzen edozein herriri, ezen hizkuntza diferentea mintzatzeak ez zuen nazioa
halabeharrez suposatzen. Horretarako, Historian nortasun propioa eduki dela
erakutsi behar zen, “historiarik gabeko herriek” (beste baten menpe egon direnek
edo berezitasunik erakutsi ez dutenek) ez baitzuten Estatua eraikitzeko
eskubiderik: Historian arrastorik utzi gabe hiltzea eta desagertzea zen euren patua.
Ideologia liberalak zein berriki sorturiko sozialistak onartutako “historiarik
gabeko herrien” teoria honek ateak ixten zizkion Europako hainbat herri zapalduri,
baina garai hauetan zabaldu zen erromantizismoak herri guzti hauen berbalorazioa
zekarren. Nazio sentimentua pizten zen horrela, herriak subiranoak izateko
eskubidea aldarrikatzen zen eta. Hemendik sortuko den nazionalismo mota berria
Euskal Nazionalismoa eta lurraldea: Euskadi ______________________________________
23
ez du burgesia handiak bultzatuko, ordura arte bezala. Bere helburuak lortu
ondoren eta Estatua kontrolatuta, burgesia kontserbadore egiten da, batez ere
gorantz ari den langileriaren arriskuaz jabetzen denean. Nazionalismo esentzialista
sustatzen da orain, nondik arrazismoa, inperialismoa edo pan-nazionalismoak
sortuko edo indartuko baitira. Baina era berean, esentzialismo honek estaldura
ideologikoa eman zien hortik aurrera sortuko diren nazionalismo banatu-zaleei,
berauekin kontrako jokabide bat hasiko delarik Estatuari dagokionez. Ordura
arteko nazionalismoek integraziora jo badute (banatuta zeuden “nazio bateko”
zatikiak batzera, alegia), orain desintegraziora joko dute, hots, osatutako nazio-estatutik banatzera, nazio-estatu berria eraikitzeko asmoz.
Mugimendu hauek lehenagotik eraikitako nazio-estatuen periferietan sortuko
dira eta beren bultzatzaileak burgesia txiki eta ertaina izango dira. Helburua, esan
dugun legez, nazio-estatu berria eraikitzea da. Periferia zena erdigune bihurtzen da
horrela. Estatutik aldegiteko arrazoi bat behar zenez, diferentzia eta zapalketa
kontzeptuak landuko dituzte. Lehenaren bidez Estatua eraikitzeko eskubidea
bilatzen da eta bigarrenaren bidez, bere beharra, bestela heriotzera abiatzen baita
herria. Mugimendua azkar zabaldu zen Europatik eta I. Mundu Gerraren ostean
estatu berrien agerketa ekarri zuen, Wilson estatubatuar presidentea izan zelarik
bere bultzatzailerik inportanteenetakoa. Baina Europatik kolonietara ere pasatuko
da eta mugimendu antikolonialistak sortu. Talde hauetako askotan elementu berri
bat ageri da: sozialismoa. Beronen teoriko klasikoek garrantzi handiegirik eman ez
arren, mugimendu antikolonialista hauek egokitu egingo dituzte beren teoriak
problematika berezi hauetara. Sozialismo eta nazionalismoaren batuketa honek
kolonietan lortuko dituen emaitza positiboak (estatuaren eraikipen osoa), Europako
estaturik gabeko nazionalismoak sustatuko ditu azkenean, gaur egun ezagutzen
ditugun bezala.
Nazionalismo motak
Faktore askoren arabera sailka daitezke nazionalismoak, beronen
interpretazio bakoitzak sailkapen desberdinetara eramango gaitu eta. Hemen,
helburu eta ideologia politikoei dagokiena interesatzen zaigu gehien bat, baina
badaude ekonomian edo bilakaera historikoan oinarritu direnak ere. Azken
sailkapen hau aurreko puntuan garatu dugu eta azalpen aldetik balio handirik eduki
ez arren, deskripzio moduan interesgarria da.
Ekonomia oso erabilia izan da nazionalismoak desberdintzeko, interpretazio
ekonomizista egiten dutenen artean batez ere, jakina. Horietako bat Tom Nairn
dugu, zeinak hiru mota bereizten baititu:
1.- Herri azpigaratuek erreakzio bezala sortzen dutena. Helburua
industrializatuen mailara heltzea da eta horretarako metropoliarekiko loturak
apurtu behar dira (antikolonialismoa).
24
____________________________________________________________________________
2.- Herri inperialena. Konkista justifikatzeko erabili da (inperialismoa).
3.- Definizio zailagoa duen hirugarren taldea gelditzen da. Oro har,
lehenengoaren aldagai bezala uler daiteke, baina hemen herri garatu batetik askatu
beharrean, atzeratuago batetik askatu nahi da. Estatu zentrala ez da gai lurralde
horretan sortzen den edo sor litekeen potentzial ekonomikoari erantzuteko eta
garapen propioa bilatzera abiatzen da talde periferikoa. Hau da Belgika, Katalunia,
Biafra edo Euskal Herriaren kasua, baina horietako lehenean independentzia lortu
zen eta besteetan ez.
Kategoria bat gehiago sar daiteke talde honetan, Ipar Irlanda, Hegoafrika
zuria, Singapur edo Israeli dagokiena, alegia. Hemen ere garapen sendoagoa
ematen da inguruko lurraldeetan baino. Diferentzia hori, haatik, kolonialismoak
sortua da kasu honetan (Nairn, 1977:165-170).
Interpretazio eta sailkapen ekonomizista hauei kultura kontuan ez hartzea
leporatu zaie eta Europako kasuan behintzat derrigorrezkotzat jotzen da faktore
hori aintzat hartzea. Birch-entzat faktore bi hauetatik bakar batean oinarritzen den
mugimendu nazionalistak aukera gutxiago izango du arrakasta lortzeko.
Nazionalismo desorekatuaren adibide bi ipintzearren, Gales eta Mendebaleko
Australia aipa litezke. Lehen herrian kultura da ardatza, baina faktore ekonomikoa
falta denez, zabaldu ezinean aurkitzen da. Alderantziz gertatu zen mende hasieran
Mendebaleko Australian, non aldeko egoera ekonomiko berezi batek mugimendu
independentzizalea osatzera eroan baitzuen, baina kultur desberdintasunik ez
zegoenez, laster hustu zen mugimendua, hain zuzen ere erreibindikazio
ekonomikoei irtenbidea kausitu zitzaienean (Birch, 1989:226).
Helburuei begira ere diferentziak aurki ditzakegu nazionalismoen artean.
Orain arte esandakoagatik, badirudi nazionalismo mota guztiek estatu bat osatu
nahi dutela, baina hori ez dago hain argi, edo gutxienez, nazionalismo batzuek
tarteko pausuak garatzen dituzte. Smith-ek honelaxe sailkatzen ditu. Berak
deituriko “lurralde nazionalismoaz” gain (antikolonialista, hemen alde batera
utziko duguna), hiru mota desberdin aipatzen ditu nazionalismo etnikoa deitzen
duenaren barruan: separatismoa, irredentismoa eta berriztapena. Lehenak bere
indibidualitatea (norberatasuna) gorde ahal izateko herriarentzako autonomia
bilatzen du; bigarrenak, herri osoaren kohesioa eta indibidualitatea du jomuga, eta
hirugarrenak, berriz, kohesioa, autonomiaren bidez. Kasu guztietan subiranotasuna
eskatzen da, baina arrazoi taktikoak direla eta, forma desberdinak har ditzake
mugimenduak denboran zehar. Horregatik, oso zaila da asmatzea nazionalismo bat
autonomizale edo sezesiozalea den. Zuhurragoa dateke bien arteko diferentziazio
estuegirik ez egitea (Smith, 1982:18-19).
Interesa duen sailkapen mota honetan Orridge-k proposatutakoa ere ikus
genezake. “Nazionalismo anti-inperialista” deitzen duena (koloniena) berriz alde
batera utzirik, Orridge-k hiru mota bereizten ditu Europan, denak kultur
Euskal Nazionalismoa eta lurraldea: Euskadi ______________________________________
25
desberdintasunetan oinarrituak (anti-inperialista, aldiz, ekonomian oinarritzen
delarik):
• estatu-nazionalismoa: estatu egonkorrari dagokio. Kultura eta estatua guztiz
identifikatuta daude eta elkarri eusten diote.
• bateratze-nazionalismoa eta irredentismoa: kultura berekoak diren populazio
talde eta lurraldeak batzeko egiten den ahalegina. Irredentismoaren kasuan, zati bat
beste entitate politiko baten barruan dago eta orduan estatu horretatik banatzea
eskatzen du, kultura bera duen beste estatu batean integratzeko.
• nazionalismo autonomizalea: irredentismoan bezala, estatu bateko zati batek
banaketa eskatzen du, baina oraingoan beste estatu independientea osatzeko, eta ez
beste batekin bat egiteko. Zehatzago nahi bada, bi mota desberdin daitezke
kategoria honen barruan: autonomi eta bereizketa nazionalismoak, oso zaila
delarik bien arteko diferentzia azaltzea, autonomia pausu taktiko hutsa izan daiteke
eta (Orridge, 1982:44-45).
Sailkapen egokia iruditzen zaigu Europarako, non ekonomiaz gain oso paper
inportantea jokatzen baitu kultura faktoreak. Baina helburu politikoen araberako
sailkapena onartzerakoan beste hirugarren faktore indartsu bat azaltzen zaigu:
politika. Hori dela eta, ez da erraza nazionalismo baten helburua autonomia ala
independentzia den jakitea. Faktore honen arabera, nazionalismoa pentsakera
politiko bati lotzen zaio, etiketa bat eskuratuz: nazionalismo liberala,
kontserbadorea, sozialista... Baina argitu beharra dago hau guztia.
Izan ere, ideia nazionalistak ideologia politiko batekin lotzen direla diogu.
Lotura zentzua azpimarratzen dugu, zeren ez dugu uste nazionalismoa, berez eta
politikoki hitz eginaz, joera batekoa edo bestekoa denik. Bere historian zehar
behintzat ideologia politiko guztiekin lotu da. Hasiera batez normala bazen
liberalismo burges progresistarekin batzea, gero kontserbadoretzat jo zen.
Sozialistek ez zuten, oro har, begi onez ikusi. Hala ere, deskolonizazioarekin, batu
egin ziren biak. Lotura zentzu horretan ulertu behar dira nazionalismoaren
etiketak, izatez, nazionalismoa ez delako ideologia bat eta konpatible egiten delako
aukera politiko guztiekin. Nazionalismoak ez du gobernu forma konkretua
erreibindikatzen, eskubide kolektiboen sendoketa baizik. Adibide hurbil bat
bilatzekotan, euskal nazionalismoak “Komunio” izena hartu zuen 1916tik aurrera
eta Alderdi izena errefusatu, nazionalismoa gizarte osoari zegokiolako eta
euskalerritar ororen lana izan behar zela ulertzen zutelako. Behin euskal izaeraren
etorkizuna ziurtatu ondoren, bere lana amaitutzat emango zen eta desegin egingo
zen mugimendu bezala, orduan bai alderdientzako txanda helduko zelarik. Berdin
zen, bestalde, foruzaleen jarrera XIX. mendearen amaieran.
Etiketazio politikoaren arazoa, baina, ez dagokio bakarrik nazionalismoari.
Beste fenomeno sozialekin (feminismoa, ekologismoa...) berdin gertatzen da.
Arazoaren iturria fenomeno hauen interklasismoan datza, kasu batzuetan klase
guztietako populazioaren interesak bat etor daitezke eta. Horrela ulertzen dira
26
____________________________________________________________________________
noizbait sor daitezkeen aliantza bereziak: kultura zapaldua erreibindikatzeko
espektro politikoko indar nazionalista guztiak batuko dira, ideologia berekoak izan
litezkeen indar ez-nazionalisten kontra; emakumeen erreibindikazio batzuetan
(pornografia, demagun) emakume kontserbadoreak eta ezkertiar erradikalak bat
daitezke; natur ingurune baten defentsan, herrialde horretako biztanlego gehiena
agertuko da, edozein ideologiatakoa delarik ere; eta abar. Batasun hauek guztiz
koiunturalak dira, helburu zehatz batek biltzen baitu jendea eta ez bizitzaren
aurreko filosofia orokor batek.
Fenomeno sozial hauek eta ideologia politikoak, hortaz, kategoria
desberdinetan mugitzen dira. Horrela ulertuta, gizabanakoa liberala,
kontserbadorea, sozialista eta abar izango da eta, horrez gain, nazionalista,
ekologista edo feminista, adibidez, eta mugimendu hauetan bere ideologia
politikoa txertatuko du. Ideologia politikoa alderdien bidez bideratzen denez, iritzi
korronteak zabalduko dira gizartean alderdien inguruan, alderdiak eurak etiketatuz.
Horrela agertuko dira alderdi liberalak eta nazionalistak; kontserbadoreak eta
nazionalistak... Hau dena sinplifikatzeko, nazionalismo iraultzaileaz, kristauaz edo
liberalaz hitz egiten da, baina argi eduki beharko da helburu nazionalistak ez direla
desberdinak. Honekin ez dugu esan gura, noski, alderdi nazionalista guztiek
praktika nazionalista bera garatuko dutenik, alderdi politikoa koiunturako
faktoreen arabera mugitzen baita. Beraz, ideologia bakoitzak defendatzen duen
eredu sozioekonomikoa eta helburu nazionalistak espazio eta denbora zehatz
batean bilduko dira, bertatik aterako delarik alderdi nazionalistaren taktika berezia,
eta ondorioz, abagadune horretarako nazionalismo mota formulatuko.
Lurralde eskubideak, Pertsona eskubideak
Ikusitako nazionalismo mota hauek guztietan inplizituki lurralde eskubideak
erreibindikatzen dira, hots, lurralde bat osotasunean kontrolatu nahiaren
adierazpena egiten da, bertako biztanle guztiak barne. Gehienetan lurralde zentzu
honetan ulertzen den arren (nazio-estatuak horren adibide dira), badago
alderantzizkoa den beste kontzepzio bat, pertsona eskubideak erreibindikatzen
dituena, alegia. Ikuspegi desberdin hauek ondorio inportanteak eduki ditzakete
nazio arazoei irtenbidea ematerakoan praktikan. Baina polemika ez dagokio nazio
arazoei bakarrik, harago doa eta. Zuzenbidean, legeek lurralde hedapena eduki
behar duten ala pertsonari aplikatu behar zaizkion diskutitzen da. Administrazioan,
zergak lurraldeka edo pertsonaka bil daitezke. Hizkuntza kontuetan, berriz,
hizkuntza baten eskubide ofizialak lurralde bati atxikiturik ala pertsonari bakarrik
loturik ulertu behar diren eztabaidatzen da. Eta abar.
Ezagunagoak diren lurralde argudioak alde batera utzirik, pertsona eskubideei
arreta handiagoa ipini dietenen artean sozialismo austro-marxista aipa daiteke.
Beronetan zentratuz, 1899an Brünn-en egin zen kongresuan Inperio Austrohungariarraren konfigurazio multinazionalari eustea erabaki zen eta ondorioz
independentzi prozesuei sostengua kentzea. Bere ordez federalismoa proposatu
Euskal Nazionalismoa eta lurraldea: Euskadi ______________________________________
27
zen. Lurralde eskubidea ukatzen zen, beraren alde jotzeak Inperioaren urratzea
ekarri behar baitzuen halabeharrez, hain baitziren sakonak nazio diferentziak.
Jarrera hauek justifikatu eta teorizatu nahian ekarpen interesgarriak egin ziren,
Inperio barruko nazioak konforme geldi zitezen. Teoriko hauen artean Karl Renner
eta, agian adierazgarriena, Otto Bauer ditugu.
Nazio arazoaz kezkatua, Bauer alternatiba berri bat lantzen saiatu zen, arazoa
baztertzen zutenen kontra. Bere ustez, proletargoak “nazio autonomia” ere
erreibindikatu behar zuen. Baina, nola? Ez lurralde printzipioaren bidez. Izan ere,
printzipio horren arabera, nazioen eragin esferak beren lurraldean xedatzen dira,
muga garbiak jarriz. Era honetara, nazioen artean ematen diren mugimenduak
(migrazioak, hizkuntz muga aldakorrak...) guztiz ahazturik gelditzen dira. Zer
egin, adibidez, “Hizkuntz irlekin”? Lurralde printzipioak beti erakarriko du
gutxiengoen arazoa, beti egongo baita gutxiengo baten barruko gutxiengoa.
Bestalde, estatuak ezin ditu administrazio barrutiak nolanahi ezarri, erizpide
ekonomiko, judizial, administratiboa e.a. erabiliz baizik, eta horiek lege
ekonomikoek erabakitzen dituzte normalean. Estatuen errealitatea, beraz, lurralde
nazioaniztasuna da eta zenbat eta lurralde demarkazio handiagoa hartu, are
mistoagoa ageriko da. Bere ustez, lurralde printzipioak handitu egiten ditu nazio
diferentziak (Bauer, 1979:316 ta hur.).
Langileriak ez du, orduan, printzipio hori bereganatu behar, bere indarraren
zatiketa ekar lezake eta (lurraldeka banatzea, alegia). Alderantziz, langileek bat
egin behar dute nazio eta gizarte erreibindikazioak eskuratzeko, baturik lortuko
dira eta. Hori dena bideratzeko “pertsona printzipioa” proposatzen du, hots, nazioa
lurralde mugatu bati lotu beharrean, biztanleei lotzen zaie, edonon daudela, nazio
horretako partaideak baitira, eskubide guztiekin. Ez da egongo, beraz, nazio
lurralde esklusiborik:
“aitzitik, nazioek, nonnahi bizi direla ere, osotasun bat bezala
integratuak izan beharko dute, nazio arazoak bere kabuz administratuko
dituen gorputz bat osatzeko. Nazio bik edo gehiagok hiri berean
administrazio nazional autonomo bana edo hezkuntza institutu nazional bana
eraikiko zituzten sarritan, bata bestearen ondoan, elkarri enbarazu egin
gabe...” (Bauer, 1979:344)
Praktikara eramanaz, bizilagun bakoitzak erabaki beharko du zein naziotan
integratu nahi duen bere burua. Bere zergak nazio horretako administrazioari
emango dizkio eta bertatik zerbitzu publikoak eskuratuko ditu (eskolak eta abar).
Modu honetan, estatuak nazio gatazka gaindituko du, biztanle orok bere nazio
eskubideak gorderik ikusiko baititu. Nazioa eta estatuaren arteko identifikazioa
apurtu nahi du, horrela maila diferentetan planteatzen baitira bakoitzaren
betebeharrak. Estatuak ez du nazio bat oinarritzat hartu behar, ez eta bat hobetsi eta
besteak bigarren mailan baztertu behar ere. Baina honek guztiak ez du esan gura
28
____________________________________________________________________________
estatua nazioen arteko oreka mantentzeaz arduratu behar denik ere, hori ez baita
bere zeregina. Aitzitik, logikoa eta ekidinezina da nazio indartsuak ahulen kontura
haunditzea eta ez da komeni joera horri oztopoak ipintzea. Nazioa eta Estatua
modu honetan eratzea, bestalde, oso aproposa izango zen sozialismoarentzat, bere
garapena oztopatzen zuen nazio arazoari irtenbide egoki hau emanda bidea libre
gelditzen baitzen langileria mugarik gabe bil ledin.
Nazionalismoaren ezaugarriak
Nazionalismoen ezaugarriak historia eta espazioan markoztatu behar dira,
ezaugarri bera intentsitate desberdinez kausituko baitugu denboraren eta
espazioaren arabera. Adibide bat ipintzearren, euskal nazionalismoan arraza
kontzeptua ezin inportanteagoa izan zen garai batez, guztiz deitoratua bihurtzeko
gero. Erlijioa, berriz, lehen mailako ezaugarria da Irlandan, baina ez Euskal
Herrian. Ezaugarriak, beraz, aldakorrak dira, mugimendu nazionalistak berak
erabakitzen baititu hein batez, elementu batzuei lehentasuna emanaz momentuak
hala eskatzen badu. Hautaketa hori arbitrarioa da, nahiz eta taldeak somatu ez eta
berarentzat errealitate objektiboa izan. Hautaketa honekin beste herriekiko
diferentzia markatu nahi da, hori lortzen den neurrian nazioa osatzen baita eta
mugimendu nazionalista legitimatu. Baina kanpokoarekiko diferentzia markatzeko
barrukoa batu behar da. Nazionalismoak, beraz, lan bikoitza garatzen du arlo
honetan: desberdintasun sentimentua landu bere mugetatik at, eta berdintasuna,
berriz, mugetatik barrura.
Diferentzia hori faktore askotan funtsa daiteke, baina bi dira inportanteenak,
hizkuntza eta erlijioa, alegia. Bi faktore hauez gain, eta inportantzia gutxiagorekin,
beste batzuk aipa daitezke, hala nola arraza, historia, geografia, ekonomia eta abar.
Denetatik, hizkuntza da erabiliena, Europan batez ere (aurrerago itzuliko gara
puntu honetara). Erlijioa, ordea, indarra galtzen ari da, Israelen edo Islamen bizi-bizirik dagoen arren. Iraganean, aldiz, horixe izan da inportanteena. Inportantzia
txikiagoko faktoreen artean arraza oso deitoratua izan da eta gaur egun oso ahula
da. Historia, ostera, oso erabilia da kohesioa bilatzeko. Bertan bilatzen dira
nazioaren hastapena (“sorreraren mitoa”), nortasun historikoaren froga
(“garapenaren mitoa”) eta nortasun bakanaren froga (“bakantasunaren mitoa”),
Williams-en terminoak erabiliz (1981:396-397). Geografia oso aproposa da, berriz,
ezaugarri fisiko bereziren bat dagoenean: irlak, kasu. Ekonomia, azkenik, oso
inportantea da merkatua bateratzeko, kolonietan batez ere.
Faktore hauek eta momentu historikoak azalduko digute nazionalismoaren
sorrera, baina dena bideratzeko eta forma emateko guztiz beharrezkoa da eraketa
politikoa, bestela ezina izango bailitzateke mugimendu nazionalista aurrera
ateratzea, eraketa politikoaren bidez bakarrik lortzen baita derrigorrezkoa den
kontzientzia nazionalistaren sorrera. Lan honetan intelligentsiak ari beharko du,
nortasun etnikoa jendearengan piztu nahiz. Nortasun hori kanpokoarekiko
diferentzia landuz sendotzen da. Hala ere, kontuz ibili behar da, nazionalismoa ez
Euskal Nazionalismoa eta lurraldea: Euskadi ______________________________________
29
baita bakarrik kanpokoaren kontrako erreakzioa eta, alderantziz, kanpokoaren
kontrako erreakzio guztiak ere ez dira nazionalismoarekin nahastu behar,
burokraziaren gehiegikerien aurkako erreakzioak izan daitezke eta. Ondo
desberdindu beharko dira, orduan, independentziara jo nahi duten mugimenduak,
momentuko erreakzio modura sortzen direnetatik (Agnew, 1981:280-282).
Zentzu politiko honek eta jendearen atxikimendua lortu beharrak, ezaugarrien
aldaketa ekartzen du denboraren joanean. Linz-ek desberdintasun nabariak
aurkitzen ditu nazionalismoaren prozesuan. Hasieran “diferentzia” lantzen da,
baina mugimendu politikoa gorpuztu ahala behar berriak agertzen dira eta
“integrazioa” bilatzen da, jende ororengana heldu ahal izateko. Hasierako
nazionalismo honi “primordialista” deituko diogu, zeinean nazio sentimentua
hizkuntza, kultura edo, orokorrean esanda, talde bateko partaide sentitzetik sortzen
baita, aldi berean beste taldeetatiko banatasuna azpimarratzen delarik. Diferentzia
hauek historian, kulturan, erlijioan edo beste elementu batzuetan bilatuko dira.
Hala ere, denbora pasatu ahala, helburu batzuk lortzen direnean, ezin zaie
elementu hauei eutsi, populazioaren zati batek agian betetzen ez dituelako. Kasu
hori nabaria da inmigrazio handiko lurraldeetan. Orduan, batu beharrean, elementu
primordialek banatu besterik ez dute egiten. Gatazka soziala ekiditeko, beraz,
nazionalismo aurreratuetan primordialismoa baztertu egingo da eta partaidetza
beste elementu ez-diskriminatzaileetan bilatuko: lurraldean, alegia. Estatuak, edo
estatua eraiki nahi duen nazionalismoak, partaidetza aitortzen dio bere lurraldearen
barruan bizi den orori eta norbera izango da, bere borondatez, partaidetza
erabakiko duena edo, are gehiago, eskatu barik ere emango zaio, modu
unibertsalean. Primordialismoa, laburtzeko, hasieran agertzen da, baina
nazionalismoa mugimendu politiko sendoa bihurtzen denean bigarren mailara
pasatzen da eta lurraldetasun printzipioa onesten da (Linz, 1985:204-205).
Antzeko desberdintasuna aipatzen du Gurrutxagak. Hasieran etnozentrismoa
da nagusi, zeina kanpoko eraso baten kontrako erreakzio modura sortzen baita.
Baina oraindik ez dago nazionalismoa osaturik. Industrializazioak ekartzen du
erasoa. Ohizko bizimodua krisian sartzen da orduan eta mehatxu sentsazio horren
kontra aurreko izaeraren ezaugarriak goraipatzen dira, defentsa bezala. Hizkuntz
eta kultur berpizkundeen momentua izaten da. Laster, ordea, esangura politikoa
ematen zaio sentsazio kolektibo honi eta etnozentrismo modura jaio zena zerbait
eratuago eta arrazionalizatuago agertzen da (Gurrutxaga, 1990:48-49).
Nazionalismoa teorizatzen duen taldearen lana itzela izaten da, nortasun
etnikoa landu behar izaten baitu. Iharduera horretan nazionalismoak nazioa osatzen
du: forma fisikoa ematen zaio, mugak jarri, eskubide eta ezaugarri batzuk aitortu
eta, ondorio bezala, estatua eraikitzeko eskubidea erreibindikatzen da. Hala ere,
nazioa lan politiko (eta historiko) baten bidez egiten dela esateak, nazionalismoak
berak nazioari ematen dion espontaneitate eta naturaltasun kutsuarekin egiten du
topo, ezen nazionalismoak, nazio kontzeptua sortzerakoan, bera sortu aurretik
osaturik zegoen nazioaren produktua dela aldarrikatzen du.
30
____________________________________________________________________________
Nazioaz bi ikuspegi nagusi daude. Gellner-en terminoetan esateko, batari
“kulturala” dei diezaiokegu, zeinaren arabera nazioa kultura bati baitagokio.
Bestea, “boluntarista” da, zeinean nazioa gizakiak berak propiotzat aitortzen duena
baita (1988:20). Ikuspegi biek arrazoi zati bat daukate, baina ez osorik. Lehenaren
gabeziak adierazteko Gellner-ek historian zehar pluralismo kulturalean oinarritu
diren gizarteak aipatzen ditu (emaitza onak lortu dituzte, gainera). Jarrera
boluntaristaz, berriz, esan daiteke hori dela beste talde edo erakunde askoren kasua
(kultur edo kirol taldeena, esate baterako), borondatean oinarritzen dira eta. Bere
ustez, heredentzia historiko-kulturalak badauka bere inportantzia. Nazioa ez da
gauza natural bat, nazionalismoak sortzen baitu, baina horregatik ezin dugu esan
asmakizun artifiziala denik. Arazoa da nazionalistak uste duela bere heredentzia
historiko-kulturalarekin harreman estuan dagoela, baina alderantziz da, oso urruna
eta aldatua da eta (ikus Gellner, 1988:77 hh).
Nazionalismoaren interpretazioak
Nazionalismoa ikuspegi askotatik aztertu izan da. Nazionalismoak berak
interpretazio subjektibistak (esentzialistak) maite ditu, hots, herriaren arima
arriskuan dago eta salbatu egin behar da. Funtzionalismoak gogor eraso zion
interpretazio honi, zientifismoaren izenean. Beronen arabera, nazionalismoa
gizartearen egoera berri bati erantzuteko tresna edo modua izango litzateke,
industrializazioarekin batera doalarik normalean. Marxisten artean,
ekonomizismoa oso jarraitua izan da, hau da, periferiako klase batek
nazionalismoa sustatzen du ekonomikoki aurreratzeko. Oso jarraitua izan zen,
halaber, teoria kolonialista, zeinaren arabera periferia zapalduta sentitzen baita
ekonomi, gizarte zein kultur arloan, eta nazionalismoa, berriz, horren kontra
jotzeko modua izango litzateke. Azken urteotan, aldiz, kultur faktoreari
inportantzia handiagoa ematearen aldekoak agertu dira, gehiegizko
ekonomizismoaren kontra. Era berean, sentimendu, emozio eta altruismoaren
indarra azpimarratu dute. Faktore kulturalak eta ekonomikoak kontuan hartuz,
baina faktore politikoei dimentsio berezia emanaz eta, batez ere, hiruron arteko
harremanei inportantzia haundiagoa eskainiz, beste korronte batzuk ere sortu dira.
Euron arabera, nazionalismoa helburu politikoak lortzeko tresna bat da, ideologia
askorekin bil daitekeena. Ezin da, hortaz, indar sozial autonomo bezala aztertu ez
eta erregio determinismoan erori.
Aurrerantzean, eta azken joera hauei loturik, lan honetan defendatuko den
jarrera argitzen saiatuko gara. Gizakiak interes pertsonal eta kolektiboak garatzen
ditu gizartean eta biak defendatzen ditu (Agnew, 1981:278-279). Faktore
bakarrean oinarritutako teoriak onartezinak dira, baita orokortasuna azaltzeko
borondatearekin sortzen direnak ere. Aitzitik, leku diferenteetan era desberdinez
eragingo dute faktoreek, bilakaera historikoaren arabera. Sarritan aipaturiko
garapen ekonomikoa, adibidez, ezin da izan faktore bakarra, beste batzuen arteko
bat baizik. Espazioa eta Denboraren koordenaden arabera aztertu behar dugu,
beraz, nazionalismoa, eta koordenada hauetako bakoitzean egoera soziala,
Euskal Nazionalismoa eta lurraldea: Euskadi ______________________________________
31
politikoa, ekonomikoa eta kulturala oinarritzat jarri. Horrela hartuta nazionalismoetan egon daitezkeen diferentziak errazago ulertuko dira: momentu batzuetan
estatua osatzeko eta integratzeko borondatea erakutsiko dute eta beste batzuetan,
berriz, banatzeko grina adieraziko; batzuk burgesiak gidatuko ditu eta sozialismoak besteak; erlijioan, hizkuntzan edo beste faktoreren batean oinarrituko dira
(baina ez soilik); Hirugarren Munduko nazionalismo interetnikoa eta Europako
mugimendu etnizistak, eta abar.
Nazionalismoak ez dira ez halabeharrez (baldintza konkretu batzuk gertatuta),
ez nolanahi edo “nahi delako” (era guztiz arbitrarioan) sortzen. Zerbait gehiago
behar da; baldintza batzuen pean sortzen da, baina testuinguru historiko-sozial
konkretuetan, non gizakiak aktuatu egiten baitu eta bere interesak defendatu.
Testuinguru historiko-geografikoan sorturiko nazionalismoak berdefinitu
egiten du espazioa. Nazionalismoa sortu zenetik espazioa “nazio markoan” ere uler
daiteke. Espazioa maila askotan banatu ahal bada, estatuarena da erabilienetako
bat, hau da, nazio-estatua. Nazioaren bidez espazio soziala interpretatzeko eta
eraikitzeko modu berria eskaintzen du nazionalismoak.
Eraikuntza horretan nazionalismoak nazioa sortu du, baina inportanteena da
jendeak onartu egiten duela eraikuntza eta, nazioa bere-berea sentituz, bere alde
jotzen du su eta gar. Lurralde markoan sarturik gelditu den giza taldeak marko
horrekiko identifikazio progresibora jotzen du. Bilakaera horretan, dudarik ez,
paper handia jokatzen du harreman pertsonalen intentsifikazioak, komunikazioaren
bidez jendeak bere nortasuna aurkitzen baitu, kanpokoarekiko diferentzian
oinarriturik, batez ere.
Baina “nazio interesa” ez da beti gardena. Nazionalismoa, interklasista izan
arren, klase, talde eta pertsonen interesen pean mugitzen da, nahiz eta ezkutuan
gelditu, zeren nazionalismoa produktu politiko bat da eta ez giza ezaugarrietan
atzeman daitekeen berezko joera bat. Horrela ulertuta, nazionalismoa (eta bere
jokaera) praktika politikoan markoztatu behar da eta egiten zaizkion inputazio
esentzialista edo irrazionalistak testuinguru honetan aditu behar dira.
Nazionalismoa ezin da kontsideratu irrazionalitatearen eredutzat,
“bere funtsa, ordea, abantaila politikoa lortzeko legitimazio ez-politikoaren erreibindikazioan datza. Beste hitz batzuetan, nazionalismoak,
helburu politikoen bila dabilelarik, jo dezake nortasunaren kultur
sinboloetara, horietarik lehena estatua kontrolatzea delarik. Politika
praktiko bat da, ez indar transzendentala” (Agnew, 1989:174)
Horregatik egiten da hain inportantea testuinguru soziopolitikoa ondo
ulertzea, nazionalismoak “nazio sentimentu” (irrazionala) erabil dezakeelako hein
batez edo bestez bere helburuak lortzeko. Horregatik, “nazio sentimentuaren”
erabilpena aldatu egingo da, denbora eta lekuaren arabera ere.
32
____________________________________________________________________________
Hau guztiarekin, hala ere, ez dugu esan nahi aipaturiko kritika horiek erabat
erratuta doazenik, errealitatean gertatu egiten dira eta. Helburu politikoak lortzeko
esentzialismoa eta irrazionalismoa erabiltzen dira, batez ere gutxien politizaturiko
populazioaren aurrean. Baina kasu hori ez da nazionalismoan bakarrik gertatzen,
praktika politiko orokorrean baizik. Elitea-masaren arteko disoziazioaren ondorioa
izango litzateke. Arazoa, hortaz, elitismo politikoan legoke, beronen bidez
zabaltzen baitira horrelako sinbologiak, herri masaren euskarria mantentzeko.
Nazionalismoan eliteen papera inportantzia handikoa izan da eta sinbologiak
gehiegizko eraz erabili dira sarritan, baina ez dirudi nazionalismoak halabeharrez
horrela jokatu behar duenik. Agian, nazionalismoari bakarrik leporatu bazaio
kritika hori, erakarpen handia erakutsi duelako izan da, eta hala ageriago gelditu
delako.
Hain izan da handia erakarpen indar hori, gatazka iturri agortezina bilakatu
dela munduan, klase burrukekin batera. Nazio tirabirak konpontzea ez zaio erraz
egiten estatuari, aipaturiko zama irrazional horren azpian aurkezten delako sarritan
eta estatuaren defentsak (berauek ere nazio sentimentuan oinarrituak hein handi
batean) baliogabetzat uzten dituelako. Kontrol ezintasun hau dela eta, arazo hauek
intzidentzia handikoak izaten dira erregio koiuntura geopolitikoan. Arazoa sortu
denaren ondoko estatuetan arretaz begiratzen da problematikaren bilakaera, berdin
gerta ez dakien.
Nazionalismoaren erakarpen indarra nazio sentimentuan oinarritzen delarik,
nazio sentimentu hori landu egiten da politikoki. Baina ez da sentimentu guztiz
ezerezetik asmatua, azpitik badago zerbait. Kanpotik presio demografiko handi bat
jasaten denean talde etnikoa bere ezaugarriei atxikitzen zaie adore handiagoz eta
oraindik etnozentrista (eta ez nazionalista) den jarrera hartzen du. Kanpotik
datorren presio demografiko horren intentsitateak zeresan handia dauka erreakzio
horretan. Izan ere, inmigrazio txikia dagoenean integrazioa errazagoa izaten da,
batez ere inmigratuak hartzen duen lanpostuak bertakoekiko harremanak
posibilitatzen baditu. Uhin handiak etorriz gero, ordea, ezina egiten da integrazio
hori eta ondorioz bertakoari egoneza sartzen zaio, bere kulturak ematen zion
ziurtasuna arriskutan dago eta. Faktore askok erabakiko dute, ondoren, egoeraren
bilakaera: bertako kulturaren indarrak, inmigratuak kultura batekoak bakarrik edo
askotakoak izateak, elite teorizatzaile baten sorrerak, eta abar. Azken kasu honetan,
elite teorizatzaileak kanpotik etorrien kontrako ukapen sentimentua landuko du eta
iraganaren kontzientzia agertuko dio herriari, eta baita nortasun historikoa eskaini
eta talde kohesioa gehitu ere. Nazionalistak bere herriaren historia goraipatuko du
eta historia horretako partaide sentituko da, baina bereganatze horretan
iraganarekiko loturak estutuko ditu, eta orainaldikoak nolabait mespretxatu.
Azterketa diakroniko horretan “jatorrizkotasunaren” aztarnak bilatzen dira, baina
ikertzailea ezin da ageriko azterketa horretan gelditu; azterketa sinkronikoa ere
egin beharko du, ostera, mugimenduaren gauzapena testuinguru historikoan ulertu
beharko da eta. Nazionalismoa, hortaz, ez da ikusi behar “iraganaren aztarna” bat
bezala, “orainaldiko ideologia” legez baizik. Era horretan, argi ikusiko da iragan
Euskal Nazionalismoa eta lurraldea: Euskadi ______________________________________
33
bera errekuperatzea ez dela helburua, baizik eta orduko “garai onak” orainaldian berpiztea. Garai haietako arrakasta hura jendea baturik zegoelako gertatzen
zen eta nazionalismoak mezu hori zabaldu nahi du, orainaldiko egoerara
txertatzeko.
Nazionalismoa eta lurralde erreibindikazioak
Nazionalismoak lurralde erreibindikazio bat egiten duela argi egon arren,
lurralde horretaz eskatzen duen kontrol maila eztabaidatu egiten da. Sarritan
nazionalismoa estatu bat osatzearekin identifikatzen da, baina irudi hau hasierako
nazionalismotik eta deskolonizaziotik ateratzen dugu, berauekin batera beste
integrazio motak ere erreibindikatu dira eta. Nazionalismoaren lurralde helburua ez
da beti bera, baina gutxienez esan dezakegu lurralde batekiko nolabaiteko kontrola
erreibindikatzen duela. Beste alde batetik, kontuan hartu behar da mugimendu
nazionalistaren nahiak ez direla beti betetzen eta tartean beste pausu taktiko batzuk
hartu behar izaten dituela. Abagadune faktore hauen arabera, estatuaren barruko
lurralde unitate desberdinak modu batera edo bestera integratuko dira. Integrazio
erak baterakortasun osotik bereizketa osora pasatzen dira: estatu baterakoia,
deszentralizatua, federala, konfederala... eta bereizketa.
Helburuetan agertzen diren diferentzia hauek, ordea, ez gaituzte harritu behar,
zeren nazionalismoak daraman zama subjektiboak posible egiten du xede
desberdinak onartzea, jendearen nahi nagusi eta lehena ez baita beste estatu
guztien mailan jartzea, estatu bakar batekin parekatzea baizik, zapaltzailetzat
jotzen duenarekin, alegia. Horrela ulertuta, autonomia nahikoa izan liteke estatu
erdirakoiarekiko distantzia markatu ahal izateko eta jendearengan zapalketa
sentsazioa baretzen doala sentiarazteko (Connor, 1989:126).
Nazionalismoaren gorpuzteak gatazka erakarriko du estatuarekin, bientzako
funtsezkoa den lurraldea bereganatzeko lehian arituko dira eta. Banaketa
prozesuak tirabiratsuak izaten dira gehienetan, baina ez halabeharrez. Salbuespen
bezala kolonia izandako estatu batzuk aipa daitezke; Senegal Malitik banatu zen
1906an edo Singapur Malaysiatik 1965an. Europan ere kasu bereziak agertzen
dira. Norvegia Suediarekin batu zen 1815ean eta 1905ean era baketsuz banatu
(baina egoera tirabiratsuaren ondoren). Berrikiago, eta deigarriago,
Txekoslovakiaren zatiketa aipa daiteke. 1918an Bohemiak, Moraviak eta
Eslovakiak (eta gutxiengo batzuek ere) estatu bat osatu zuten eta 1993an bitan
banatu da: Txekiar Errepublika (txekiar eta moraviarrekin) eta Eslovakia. Hemen
ere tirabirak izan dira, baina Europan inoiz ezagutu den zatiketarik lasaiena izan
da.
Independentzia lortu ezean (edo lor ez dadin, estatuaren aldetik) beste aukera
batzuk agertzen dira. Subiranotasun gutxiagoko aukera hauek ez dira “txarragoak”
derrigorrez. Izan ere, nazio sentimentuak ez dira iraunkorrak ez orokorrak eta
aldatu egiten dira denboran eta espazioan. Momentu bateko independentzi nahia
34
____________________________________________________________________________
estatuaren federalizazioak itzal dezake eta berau autonomi nahia ere bihur daiteke
denborarekin. Eta alderantziz. Espazioan ere izan daitezke aldaketak, herrialde
desberdinetan sentimentu nazionalista desberdinak ager daitezke eta.
Nazionalismoaren helburu aniztasun honek irtenbide aniztasuna dakar ondorioz.
Gatazkan dauden aldeen arteko azken akordioa indar harremanek azalduko digute.
Konfederazio Ituna sortuko da estatuko unitateak subiranoak direla onesten bada.
Hortaz, neurri orokorrak aho batez onartu beharko dira, inork ezin izango baitu
bere aldetik ezer inposatu. Federazio Ituna sortuko da, berriz, subiranotasuna
baturik eta estatuan zentraturik badago. Unitateak autonomoak izango dira esfera
batzuetan eta Gobernu zentrala subiranoa izango da besteetan (estrategikoetan
batez ere). Maila apalagoan deszentralizazio administratiboak daude (Lege
Bereziak, Ordezkapen Legeak, Autonomi Estatutuak), zeintzuetan Gobernu
zentralak boterea gordetzen baitu eta autonomia eskaini zenbait unitateri (edo
denei), arlo batzuetan bakarrik.
Aipatu diren integrazio mota desberdinek nazionalismoaren helburu
diferentziak adierazten dizkigute. Horiekin guztiekin Aarebrot-ek (1982:80-84)
piramide bat osatu du, laburpen gisa argigarria suertatuko zaiguna (ikus 1. irudia).
Bere oinarrian herri sostengurik handiena eduki lezaketen helburuak agertzen dira
(aukera erdirakoiak). Helbururik bareenak, beraz, dira hobetsienak, eta alderantziz.
Dena dela, nazionalismoak fase desberdinak ezagutu ditzake bere garapenean,
jauzi bakoitzean herri sostengu sendoa eroan dezakeelarik. Norvegia, adibidez,
fase desberdinetatik pasatu zen 1860tik 1905era arte, noiz Suediatik banatzea lortu
baitzuen.
1.1.3. Euskal herria eta Nazionalismoa
Nazionalismoari buruzko interpretazio orokorrek euskal nazionalismoaren
azalpen desberdinak aurkezten dizkigute. Posible zaigu, horrela, erdiguneaperiferia eskemari jarraitzen zaizkion interpretazioak aurkitzea, edo gehien bat
arrazoi ekonomikoetan oinarritzen direnak edo, oro har, “garapen desberdinari”
egokitzen zaizkionak, zeinaren arabera periferiak garapen azkarragoa bilatzen
baitu nazionalismoaren bidez. Baina Anderson-ek seinalatzen duenez (1986:226230), Kataluniarako balio zezakeen teoria hau hutsala gertatzen da euskal kasuan,
beronen lehen nazionalismoaren formulazioa industrializazioaren kontrakoa baita,
ez garapen azkarragoaren aldekoa. Ezin gara, hortaz, faktore edo interpretazio ildo
bakarrean zentratu nazionalismoaren sorrera ulertzeko. Gure ustez, hiru ildori
begiratu behar zaio:
. nazio arazoan eragiten duten faktoreak (kultura, ekonomia, historia...).
. testuingurua (denboran eta espazioan).
. bideraketa politikoa (interes pertsonal eta kolektiboekin).
Euskal Nazionalismoa eta lurraldea: Euskadi ______________________________________
HELBURU MAILAKETA
ETAPA MAILAKETA
EKIMEN POLITIKOAK
Ondoko
estatu
batean
integratu
Independentzi
gerra edo
estatu mailako
negoziazioa
INDEPENDENTZIA
OSOA
SEPARATISMOA/
IRREDENTISMOA
KONFEDERALISMOA
35
Independentzia
Autonomia osoa.
Gobernu zentrala
federazioen arteko
arazoez arduratzen da
Bereizteko saioak
Botere banaketa
gobernu zentrala eta
barruko unitateen
artean
Botere itzulketa
Autonomia estatuko
erregio batentzat baina
ez denentzat
Herri sostengu
handiko alderdi
nazionalista
REGIONALISMOA
Kultur
ezaugarrien
defentsa
Hauteskunde
partaidetzako alderdi
nazionalista/
regionalista
PERIFERI
PROTESTA
Erregio eskaerak
aintzat hartuak
izaten hasten dira
FEDERALISMOA
AUTONOMISMOA
PERIFERI
NORTASUNAREN
ERAIKIPENA
INTEGRAZIO
OSOA
Estatuaren baterakotasuna
zalantzan jartzen
hasten da
Estatu osoko
alderdiren batek
sostengu handia du
erregio horretan
Kulturaren
defentsaren
aldeko
elkarteak
Estatu bateko probintzia.
Kultur nortasun
berezirik ez
Aerebrot-engandik (1982:81) moldatua.
1. Irudia. Estatu barruko integrazio edo desintegrazio mailak.
36
____________________________________________________________________________
Euskal nazionalismoa XIX. mende amaieran Europan sortzen diren
mugimenduekin batera aztertu behar da. Era horretara, Europako nazionalismoen
ezaugarriak aurkezten ditu (zeintzuk beste kontinenteetakoetatik desberdinak
baitira hein batez), baina propioak ere agertzen ditu. Momentu horretan azaltzen
diren nazionalismoak periferikoak dira eta beren helburua eraikitako nazio-estatutik banatzea da. Ordurako sorturik dauden nazio-estatuetan erdiguneko klase
gidariak izan badira mugimenduaren eragileak, periferiako mugimendu hauetan
klase ertainak izaten dira eta kasu bietan herriaren sostengua bilatzen da. Lehen
nazionalismo mota berdintasunean oinarritzen da (mugen barruan geratzen diren
guztiena); nazionalismo berri hau, aldiz, desberdintasunean (mugen barruan
geratzen direnen berdintasuna aldarrikatu arren). Asmo horrekin erdigunearekiko
diferentziak azpimarratu egiten dira eta banatu-beharra frogatzeko argudioak
eskaintzen. Begira dezagun nola heltzen den egoera horretara.
XIX. mendean aurreko mendeetako bizimoduaren konstante batzuk zalantzan
jartzen dira Euskal Herrian. Aldaketa prozesu hau era traumatikoan garatu zen eta
gatazka ugari sortu zuen. Industrializazioa elementu erabakigarria da honetan
guztian. Bere agerpenak egitura ekonomiko zaharraren suntsiketa erakarri zuen eta
eredu berria inposatu, zeinak jende kontzentrazioa eskatzen baitzuen.
Urbanizazioaren arazoa sortzen da horrela. Jende gehiagoren beharrak, gainera,
berori kanpotik ekartzera bultzatu zuen: inmigrazioaren arazoa agertzen da.
Egitura ekonomikoak, bestalde, aldaketak eskatzen zituen maila politikoan. XIX.
mendeko gizartearen polarizazio politikoa aldaketa hauen alde eta kontrako
jarreretan aurkitzen dugu. Bizimodu berriak, azkenik, kolokan jartzen zituen
sinismen zaharrak. Erlijio arazoak sortzen dira horrela. Ikusten denez, aldaketak
orokorrak dira.
Barne gatazka hauei Madrilekiko harremanetatik datozenak gaineratu behar
zaizkie. Aurreko mendetik intentsifikatu diren estatuaren saio bateragileek oztopo
handiak aurkitu dituzte, herrialde desberdinek nahiago baitute garapen propioari
ekin, gobernuaren gidaritza iguriki gabe. Espainiak projektu inperialista bati eutsi
zion bere posizioa ahulegia zenean kanpo zein barne mailan. Estatu moderno eta
erdirakoia eraikitzeko pausuak berantatu egingo dira ondorioz. Industrializazioa,
gainera, nortasun handiko bi herrialdetan kontzentratuko da, estatuaren bihotza zen
Gaztelaren kalterako.
Nazionalismoaren protagonistak
Era eta maila guztietako krisi hau Karlistadetan gauzatuko da, Euskal Herrian
batez ere. Prozesuaren amaieran, 1876tik aurrera, industrializazioak aurki
zitzakeen oztopo administratibo eta politikoak desagertu egingo dira Foruen
ezabaketarekin. Baina guzti hau Bizkaia eta Gipuzkoari dagokie eta ez beste
herrialdeei. Bi lehenekin jarraituko dugu, bertan gertatzen baita nazionalismora
eramango duen bilakaera. Klase sozialen bilakaerari begira, jauntxo eta merkatari
Euskal Nazionalismoa eta lurraldea: Euskadi ______________________________________
37
batzuk ondo egokitzen zaizkio egoera berriari, gorantz ari den burgesia osatuko
dute eta. Baina nazioarteko lehiaketarako prestatuta ez dagoen burgesia honek
estatuaren babesa bilatu beharko du aurrera egiteko. Horretarako estatuko
alderdien laguntza bilatuko dute, liberalena lehenengo eta kontserbadoreena
azkenean. Madrilekiko loturak estutzen zituelarik, espainiartasuna bereganatuko
du eta Euskal Herria eta euskal kulturarekiko harremanak galdu eta, denborarekin,
gaitzetsi ere bai. Badago, ordea, joera honi segitzen ez dion burgesiaren zati bat,
ez-monopolista, hain zuzen ere. Hauetako batzuek nazionalismoari eutsiko diote.
Mende honetako aldaketetan jauntxoek botere politiko gehiena galtzen dute.
Euretako batzuek burgesia berria osatzen dute, baina beste askorentzat
industrializazioak hondamendira eramango ditu beren industria zaharrak,
konpetitibitatea galtzen dute eta. Botere ekonomikoa eta politikoa galtzen dituzte,
hortaz. Egoera horretan, gehienak erradikalizatu egingo dira eta euren jarrera
pribilegiatua ziurtatzen zuten Foruak eskatu. Foruzaletasuna bizkortuko dute,
Elkarteen bidez batez ere. Esparru politikora ere irten nahi izango dute, baina ez
zuten espazio politikorik bereganatu eta 1876 osteko foruzaletasun bolada agortzen
denean integrismoan amaituko dute.
Langileria berria etorkinek osatzen dute gehien bat. Euren egoera
deitoragarriari aurre egiteko eratu egingo dira. Bideraketa politikoa sozialismoaren
eskutik egingo dute. Orduko sozialista askoren antzera, nazionalismoa etsai bezala
hartuko da, langileria zatitzen zuelakoan. Foruen ezabapena izan zenean gutxi eta
eratu gabeak ziren oraindik, baina ondoren ere ez dute arreta gehiegirik ipiniko
gaian.
Bizkaiko eta Gipuzkoako nekazariek ez diote abantailarik aurkitzen egoera
berriari. Foruek mea, baso eta larrak era egokiagoz bermatzen zizkieten.
Soldaduzka ez zuten egin behar. Etorkinek beste ohiturak zekartzaten. Erlijioari ere
eraso egiten zaio... Aldaketak barne-barneraino heltzen zitzaizkien, beraz. Foruak
erreibindikatuko dituzte, erlijioari oso loturik. Apaizgo xehea izango da euren
gidaria sarritan, antzeko problematika bizi du eta.
Azkenerako uzten ditugu hiri burgesia ertain eta txikia, berauek eta
funtzionariak, enplegatuak eta intelektualak izango baitira nazionalismoaren lehen
sustatzaileak. Intelektualki prestaturiko jende hau da mezu nazionalista zabaltzen
hasiko dena. Lehenengo, inguruan zegoen burgesia txiki eta ertainari eta
beranduago nekazal eliteei eta nekazari arruntei. Baina zabalpen honetan,
nazionalismoak ez du lortuko hiru sektore inportanteren euskarria bereganatzea:
burgesia handia eta monopolista, langileria inmigratua eta, azkenik, ezkerreko
jarrerak edo aurrerazaleak defendatzen zituztenak oro har, sozialistak edo liberalak
izaki beraiek. Nazionalismoaren arrazismoa, integrismo katolikoa eta
tradizionalismoa inkonpatibleak ziren berauen ideiekin.
38
____________________________________________________________________________
Nazionalismoaren bideraketa politikoa
Mugimenduaren hasiera XIX. mendearen azken urteotan jarri behar bada,
kontuan hartu behar da mende osoko giroa, Karlistadekin, Foruen kontrako
giroarekin Madrilen, eta Foruen ezabapenarekin 1876an. Azken hau gertatu zenean
Euskal Herria osorik kontra jarri zela esan daiteke. Orduko euskal diputatu guztiak
ere Legearen kontra mintzatu ziren Korteetan. Giro horren ondorio
foruzaletasunaren sendoketa da. Aurretik ere existitzen bazen ere, orain hartuko du
benetazko inportantzia. Zuzpertze horretan elkarte kultural eta politikoek eragin
zuten, ezagunenak Nafarroako “Asociación Euskara” (Euskal Elkartea) eta
Bizkaiko “Sociedad Euskalerria” (Euskalerria Elkartea) izan zirelarik. Lehena
Campion, Iturralde, Obanos edo Estanislao Aranzadiri loturik dago eta bigarrena
Sagarminagari batez ere, baina bere barruan EAJn amaituko duen Sota eta bere
taldea daude.
Foruzaleen interpretazioan euskal probintziak (foruzaletasuna Hegoaldeaz ari
da normalean), borondatez batu ziren Gaztelarekin, independienteak zirelarik, eta
Foruak gordetzeko eta errespetatzeko baldintzapean. Gaztelako aldaketa politikoek
ez zuten, beraz, eraginik euskal probintzietan, berauek aldatzeko gogoa ez bazuten
adierazten. Baina hau guztia ukatuta gelditu da 1839 eta 1876ko Legeekin.
Foruzaleek ez diote Espainiarekin loturik segitzeari uko egingo, baina Foruen
itzulketa exigituko dute. Planteamendu hau ukatu egingo du Aranak, ikusiko
dugunez.
Nafarroako «Asociación Euskara»k lan inportantea egingo du kultura eta
gizarte mailan, baina huts egingo du politika arloan. Euren formulazio politikoa
interesgarria zen, baina Nafarroako errealitatea Erregimen Zaharrarena zen
oraindik. Ez zegoen aldaketa nahikorik horrelako berplanteamentuak egiteko. Hori
dela eta, esperientzia honek ez du arrakastarik lortuko. Alderdi Karlista moduko
erakundea hobeto egokitzen zitzaion egoerari eta bertan amaituko dute Nafarroako
foruzale gehienek. Nazionalismora trantsizioa egin zutenak, berriz, apur batzuk
izango dira, Araba eta Iparraldean bezala. Izan ere, azken lurralde hauetan
guztietan ez dago oraindik industrializazioren aztarna sendorik. Badaude, egon,
industria apur batzuk Baiona, Gasteiz, Iruñea, Altsasu, Kastejon eta Aiara aldeetan
baina intentsitaterik gabekoak. Gainera, gehienetan lehen sektoreari lotuta daude
(kontserbak, ongarriak...). Gizartean ez da aldaketa nabaririk somatzen eta aukera
politiko nagusiak kutsu tradizionalistakoak izango dira, nazionalismoa, ostera,
aldaketa aroan dagoen gizarteari dagokiolarik (Beltza, 1974:326).
Horrelako egoera Bizkaian eta, apur bat beranduago, Gipuzkoan kausi
dezakegu. Esan dugunez, 1876an Foruen alde agertu badira denak, Legeak
negoziagai uzten zituen puntuei heldu ala ez diskutitzean ezberdintasunak hasiko
dira. “Intransigente” deiturikoek Foruak beren osotasunean berreskuratzea
eskatzen dute. “Transigente” deitutakoak, berriz, bide hori profitatzearen aldekoak
Euskal Nazionalismoa eta lurraldea: Euskadi ______________________________________
39
dira. Bertatik sortuko dira Kontzertu Ekonomikoak, botere politikoa kontrolatzen
hasia den burgesia monopolistak hain egokiro aprobetxatuko dituenak. Ordutik
aurrera, burgesia hau guztiz aldentzen da Foruen erreibindikaziotik, zeina
tradizionalistagoak diren intransigenteen eskuetara pasatuko baita gehien bat.
Mugimendu hau Bilboko Euskalerria Elkarteak gidatuko du. Politikoki «Unión
Vasco-Navarra» eratu zuten, baina porrot nabaria izan zen kontzentrazio
koalizioaren ideia hau eta beste aukera politiko baten antzera aritu zen azkenean,
tradizionalismoari loturik eta “Jaungoikoa eta Foruak” lemapean. 1879ko
hauteskundeetara presentatu ziren eta Sagarminaga diputatu ateratzea lortuko dute,
baina hortik ez dira pasatuko eta laster integristekin batuko dira. Mende
amaierarako hiru joera desberdintzen ditu Corcuera-k (1979:142-143): integristak,
mauristak (Alderdi kontserbadorearen adar bat) eta nazionalistak. Azken hauek
Sotak gidatzen ditu. Katalandar ereduaren araberako kutsu liberaleko
nazionalismoa eraikitzen saiatuko dira, baina ezina egingo zaie eta Aranaren
gidaritza onartu beharko dute, berorrekin elkarlanean hasiko baitira, 1898tik
aurrera batez ere, Euskalerria Elkartea behin betikoz utzi eta gero.
Politikoki giro karlistan hazitako Sabin Arana izango da nazionalismoari
bideraketa politikoa emango diona. Ideologikoki tradizionalista eta integrista izaki,
gizartean nabaritzen ari diren aldaketen kontra azalduko da: sozialki
industrializazioa eta politikoki liberalismoa zein sozialismoa gaitzetsiko ditu. Hori
guztiaren ordez, euskal nortasuna gordetzen jakin duen tradizio sistema
defendatuko du, nekazal munduari loturik dauden betiko euskal ohitura eta
erakundeak erreibindikatzen ditu eta. Lerro nagusi bezala, katolizismoaren
defentsa berbaieztatzen du. Oinarri horiekin euskal nazionalismoa formulatzen du.
Euskal Herria nazio historikoa da. Horren frogatzat euskaldunen elementu berezi
batzuk aipatzen ditu, inportanteena arraza, ezaguna denez. Horrez gain, Euskal
Herria independientea izan dela argudiatzen du, baina ez du onartzen, foruzaleek
bezala, bere lurraldeek (Hegoaldekoek, alegia) Espainiarekin bat borondatez egin
zutenik. Aitzitik, Espainiarekiko harremana norberaren independentzia galdu gabe
egin zen eta 1839tik aurrera bakarrik apurtu da itun hori, Espainiak euskal
probintziak konkistatu dituenean. Bere mezua zuzena da: Espainiarekin segituez
gero Euskal Herriaren hondamena ziurtzat jo behar da. Irtenbide bakarra behingoz
lotura guztiak apurtzea eta independentzia aldarrikatzea da.
Ideia horrekin, Sabin Arana, bere anaia Luisekin batera, mugimendu berria
eratzen saiatuko da XIX. mendeko azken hamarkadatik aurrera. Lan horri ekiteko
euskal kutsuko elkarguneak antolatzen saiatu zen: batzokiak. Horiek
koordinatzeko eta lan politikoari sakonago eusteko Euzko Alderdi Jeltzalea
sortuko du, zeinarekin hauteskundeetara aurkezten hasiko baitira. Baina iharduera
honek exigentzia pertsonalak eta materialak zekartzan berarekin (dirua, egitura
sendoa, jende prestatua). Lehen aipaturiko Sotaren taldeak laguntza eskerga
emango dio arlo horretan. Baina, esan dugunez, Sotaren talde honek
nazionalismoaren kontzepzio liberalagoa zeukan. Lankidetza onartzean, lehen
40
____________________________________________________________________________
momentuan bultzatutako nazionalismo “hutsari” amaiera ematen zitzaion.
Hasieran Aranak militanteen “kalitatea” bilatu badu, behin oinarriaren zabalpena
onartu eta hausteskundeetara presentatu ondoren, kopuruari ere begiratu beharko
zaio, ideien sendotasunaren kalterako.
Horrela sortuko dira gerora EAJren konstantea izango diren bi sektore
klasikoak:
• “Lehen Aranaren” sektorea (“sabindarrak”): tradizionalismotik dator eta
ideologiaz kontserbadorea da. Independentziaren aldekoa. Arana hil ostean (1903)
alderdiaren kontrola hartuko du, baina handik urte gutxitara galdu. Ondoren,
“Aber~i” aldizkariaren inguruan bildutako gazteek (“aberritarrak”) bereganatu
egingo dute independentziaren helburua, ideologia mailan gaurkotzen badira ere.
Errepublika garaian “Yagi-Yagi” aldizkariaren inguruan bildutako gazteek (“jagijagiak”) antzera jokatuko dute. Kasu biotan sabindar zaharren euskarria edukiko
dute.
• Sotaren sektorea. Euskalerria Elkartetik datorrena (“euskalerriatarrak”):
katalandar burgesiaren eredu liberalari atxikitzen zaio eta Aranaren “fase
espainiarzale” eztabaidatua hartzen du oinarri ideologikotzat autonomiaren alde
jotzeko. Laster hartuko dute alderdiaren kontrola eta autonomiaren bideari ekingo
diote, I. Mundu Gerra ostean eta Errepublika garaian batez ere.
Errepublikarekin amaitzen den fase hau, hala ere, Bizkai eta Gipuzkoara
mugatu da oro har. Araba eta Nafarroa Errepublikaren urte hauetan hasi dira
benetan eratzen eta Iparralde osoan ez dago oraindik talde politiko eraturik.
Espazio faktore hau kontuan harturik eta denboran gaur arte helduz, begira
ditzagun euskal nazionalismoan zehar gertatzen diren diferentzia nagusiak. Bi
etapa desberdin daitezke:
1.- XIX. mende amaieratik aurrera Bizkaian sortu eta laster Gipuzkoara
pasatzen dena. Lehenengoz industriguneetan gertatzen da eta gero ondoko nekazal
inguruetara hedatzen da. Bitartean, beste herrialdeetan ez dago ekimenik, leku
bakan batzuetan izan ezik. Nazionalismo honen teorizatzailea Sabin Arana da,
norentzat arraza baita euskalerritartasunaren faktore nagusia. Bideraketa politikoa
EAJk egiten du.
Etapa honetan jarraituz, 1930etik aurrera ekimen politikoa indartu egiten da
eta nazionalismoa bera zabaldu. Bizkaian eta Gipuzkoan herri guztietara heltzen da
eta hauteskundeetan emaitza onak lortzen ditu, sarritan bera izaten delarik nagusi.
Araban eta Nafarroan apur bat gehiago hedatzen da, hiri handietan batez ere.
Iparraldean, berriz, lehen zirkuluak osatzen dira, baina batere indarrik gabe.
Aktibitate politiko hau, haatik, gerrak moztuko du eta ondoko urteetan
nazionalismoak sendo jarraitzen badu atzerrian, denborarekin itzali egingo da,
1950eko hamarkadan krisian sartuz (ikus 1. koadroa).
Euskal Nazionalismoa eta lurraldea: Euskadi ______________________________________
Herrialdeak
Urteak
41
BIZKAIA GIPUZKOA ARABA NAFARROA IPARRALDEA
1904
20
5
1908
37
40
1
(1912 aldera)
11
1930
53
45
1
25
1932
90
65
7-10
76
OHARRAK: 1908an, Gipuzkoan 40 joan ziren Nazio Batzarrera, baina 51 zirela dio Beosinek.
1932ko kopuruetan Bizkaia eta Gipuzkoan ia herri guztietan daude udal batzarreak edo laster
eraikiko dira. Araban bost herritatik batean bakarrik agertzen dira eta Nafarroan, lautik batean.
ITURRIAK: Beosin (1953), de la Granja (1986), Larronde (1977), Letamendia (1987), Martinez-Peñuela (1989), de Pablo (1985;1988).
1. koadroa. Euskal nazionalismoaren sorrera eta lehen
hedapena herrialdeka (udal batzarren kopuruaren arabera)
2.- 1950-60ko hamarkadetatik aurrera nazionalismoaren berformulazioa
gertatzen da, egoera berrira moldatzeko. Bizkaian eta Gipuzkoan industrializazio
berria hasten da, baina orain Nafarroan eta Araban ere emango da. Industrigune
hauetatik inguruetara hedatuko da nazionalismoa. Inmigrazio uhin itzelak etorri
arren, nazionalismoak ez du arrazismo kontzeptua berraipatzen (arazo sozialak
agertzen badira ere). Garai hauetan, dudarik ez, kontzeptua oso desprestigiaturik
dago. Giza eskubideak aldarrikatzen dira eta, gainera, sozialismoaren eraginak
langileria oro batzera dei egiten du. Arraza ez da dagoeneko faktore nagusia euskal
nortasunean, hizkuntza baizik eta, ikusiko dugunez, lurraldea ere bai.
Nazionalismo berri honen teorizatzaileak gerra galdu dutenen ondorengoak dira,
EAJ utzi eta zerbait berria bilatzen dutenak, ETAren bidez batez ere. Bideraketa
politikoa ETAk eta bere inguruan sorturiko taldeek egingo dute hasiera batean eta
gero beste alderdietara ere pasatuko da. Ekimen politikoa Hegoaldean klandestinitatean garatu behar da 1977ra arte gutxienez, baina 70eko hamarkadan gero eta
intentsoagoa da. Tartean, Iparraldean lehen nazionalismoa hasten da garatzen.
Etapa honen gailurra 1977tik aurrera lortzen da. 1930etik aurrera bezala,
nazionalismoa hauteskundeetara presentatzen da Hegoaldean eta indar handia
erakusten du, oro har. Bizkaian eta Gipuzkoan (gehiago oraindik bigarren honetan)
nazionalismoa da gehienetan nagusi. Araban oso hedatuta dago eta emaitza onak
lortzen ditu. Nafarroan nahiko hedatuta agertzen da eta emaitza onak erdiesten ditu
lurralde horretan ere, baina zona batzuetan bakarrik, besteetan oso ahul dirauen
bitartean. Iparraldean aktibitate politikoa areagotu egin da 1980ko hamarkadaren
erditik aurrera. Oraindik hedapen fasean dago, emaitza urriekin, baina gorantz ari
dira (ikus 2. irudia).
1930
1940
1950
1960 1970
1980
1990
IPARRALDEA
NAFARROA
GARAIA
ARABA
1890
1910
1920
1930
1940
1950
2. Irudia. Euskal nazionalismoaren sorrera eta hedapen maila
denbora eta espazioan zehar.
1960 1970
1980
1990
Hazkunde aroa. hedapenari ekiten zaio, baina ez dauka indar handirik
Osotasun aroa. Denetik hedatua eta herri edo hauteskunde indar handikoa
Formazio aroa. Talde gutxi eta sakabanatuak
1900
Gutxi hedatua
Indar gutxikoa
Nahiko hedatua
Indar ertainekoa
Ondo hedatua
Nahiko indartsua
Ondo hedatua
eta indartsua
1920
GIPUZKOA
1910
Ondo hedatua
eta indartsua
1900
BIZKAIA
1890
42
____________________________________________________________________________
Euskal Nazionalismoa eta lurraldea: Euskadi ______________________________________
43
1.2. EUSKAL LURRALDEAREN ERREIBINDIKAZIOA HISTORIAN ZEHAR
Nazionalismo orok lurralde zehatz bat erreibindikatzen du, dakigunez, eta
lurralde horrek bere iharduketaren mugak markatzen ditu. Erreibindikazio hori
faktore askoren arabera egin daiteke. Hori dela eta, modu askotara uler daiteke eta
erreibindikazio desberdinen artean tirabirak sortuko dira. Behin zehaztu ondoren,
hautaturiko lurraldearen homogeneitate eta bakantasun historikoak justifikatu nahi
izango dira eta horretarako historiaren berdefinizioa egingo du nazionalismoak.
Gaur egun Euskadi izenez ezagutzen dugun lurraldea Sabin Aranaren
formulazioaren ondorioa da, baina berak markatu zuen lurraldea bat dator historikoki euskal herrialdeak izan direnen mugekin. Aranaren lana herrialde hauen batasun politikoa proposatzea izan zen, zeinarentat izen berria ere asmatu baitzuen. Ondorengo euskal nazionalismoak marko hau onartu eta zabaldu du bere iharduketarako.
1.2.1. Euskal lurraldeen sorrera eta osaketa politikoaren historia
Lurralde honen lehen berri historikoa kronista greko eta latinoek ematen
digute. Momentu hartan euskararen zabalerak markatzen zuen euskal
lurraldetasunaren muga, biak bat zirelarik. Lurralde hori oraingoa baino zabalagoa
zen eta izen desberdineko leinuek betetzen zuten. Hala ere, eztabaida handiak
daude ikerlarien artean leinuak zeintzuk ziren erabakitzeko. Interpretazio bat
hautatzearren Estornes Lasarena (1978) hartu dugu. Berarentzat, Mendebaldetik
Ekialdera hauexek ziren: autrigoiak, karistioak, barduluak, baskoiak, beszitanoak
eta zereteak. Horiez gain beroiak Hegomendebaldean; ilergeteak Hegoekialdean;
akitaniarrak Iparmendebaldean eta azkenik, taruskoak Iparrekialdean. Beraien
arteko banaketaren eragina orain arte heldu zaigu kasu batzuetan, euskalkietan
adibidez. Horrela, bizkaiera eta gipuzkeraren arteko muga karistio eta barduluen
artekoarekin bat letorke, karistioen lurraldea Deba ibaiaren alderaino helduko zen
eta. Gipuzkeraren ekialdeko muga, bestalde, bardulu eta baskoinen arteko
banaketarena ere izango zen, Oiartzun aldea baskoia zelarik (ikus 1. mapa).
Erromatarkuntza nahiko intentsoa izan omen zen Hegoalde fisikoan
(erromatarrek “ager vasconum” esaten ziotena) eta azalekoa Iparralde fisikoan
(“saltus vasconum”). Erromatarrek lehen administrazio sarea jarriko dute Euskal
Herrian eta beraiekin lehen lurralde banaketa ere egingo dute, gerora ia konstante
bat bihurtuko dena, euskal herrialdeak banaturik agertuko baitzaizkigu ia historia
osoan zehar. Erromatarrek bi probintziatan banatu zuten Euskal Herria.
Pirinioetatik Hegoalderako lurraldea “Tarraconensis” probintziaren barruan
geldituko da eta Pirinioetatik Iparralderakoa “Aquitania” probintzian, hasiera
batean, eta “Novempopulana”-n geroago. “Tarraconensis”-aren barruan, gainera,
bi “conventus juridicus” desberdinetan banatuko dute euskal lurraldea:
baskoietatik Mendebalderako leinuak batetik (“conventus cluniensis”) eta
Ekialderakoak bestetik (“conventus caesaraugustanus”) (ikus 2. mapa).
44
____________________________________________________________________________
CARISTIA
V
A
RD
U
LI
A
TA
RU
SC
I
VASCONIA
BERONIA
V
ES
CE
TA
N
IA
AUTRIGONIA
AQUITANIA
CERETES
TES
RGE
ILE
(BERNARDO ESTORNES LASA, 1978:178)
1. mapa. Euskal leinuen hedapena erromatarkuntzaren aurretik.
Erdi Aroan banaturik ikusten ditugu herrialdeak. Urte batzuetan Nafarroako
Erresumaren pean dago lurralde gehiena, baina ordurako herrialde bakoitzak
badauka bere nortasun propioa (ikus 3. mapa). Ez dira, beraz, Nafarroaren “zati
banaezinak”, bere pean integraturik dauden herrialdeak baizik. Jite independiente
honek beste babes batzuk bilatzera eramango ditu.
Lapurdi bizkonterri aldarrikatu zuen Santxo III.ak 1023an eta 1193an
Inglaterrako Rikardo Lehoibihotzaren eskuetara pasatu zen, ezkontzaren bidez.
1449an, Ehun Urteko Gerran, Frantziako Erregeak konkistatu zuen, Baiona eta
Zuberoarekin batera. Botere efektiboa berreskuratu zuen horrela (nominala
bazeukan eta). Baiona, bestalde, Lapurdiko zatia izan zen 1193ra arte, urte honetan
Rikardo Lehoibihotzak foru berezia eman baitzion eta zuzenean Erregeren
dependentzian egotera pasatu zen.
Zuberoa ere bizkonterri izendatu zuen Santxo III.ak. 1307an Inglaterrako
Erregearen eskuetara pasatu zen, baina, esan dugunez, Frantziako Erregeak
konkistatu zuen 1449an. Apur bat beranduago, 1463an, Biarnoko Jaunari eman
zioten eta 1520an Frantziako Erregearen menpera itzuli zen berriz.
Euskal Nazionalismoa eta lurraldea: Euskadi ______________________________________
45
BELGICA
L
U
G
D
N
U
E
Probintzietako mugak
N
S
"Conventus juridicus"-etako mugak
LU
T
SI
A
N
IA
RR
Clunia
AC
ON
E
NS
IS
N
A
RB
O
N
EN
SI
S
AQ
UI
TA
NI
A
IS
TA
Caesaraugusta
CA
TI
E
BA
2. mapa. Erromatarren lurralde administrazioa
(Augusto-ren garaian, k.a. I.go mendearen amaieran)
Arabako lehen berri historikoa VIII. mendekoa da, orduan Oviedoko
monarkiari loturik dagoelarik, konterri bezala. Gero Asturias-Leoneko monarkiari
loturik agertzen da eta Santxo III.arekin Nafarroara pasatu zen, beti konterri
bezala. 1199an Alfonso VIII.ak, Gaztelako Erregeak, inbaditu zuen eta bere pean
gelditu zen. 1332an Arabako ordezkapen politikoa zen Arriagako Kofradiak
desagertzea erabaki zuen, Gaztelan integratzeko. XV. mendean, azkenik, Laudio
eta Aiara bildu zitzaizkion Arabari. Trebiño, Miranda eta Pancorbo, aldiz, banatu
egin ziren eta hala gelditu zen osoturik gaur egun ezagutzen dugun herrialdea.
46
____________________________________________________________________________
Gipuzkoa Nafarroako monarkiari loturik agertzen da hasieran. 1200ean
Gaztelako Koroara batu zen (baina ez Erresumara), ordura arte Nafarroako
koroapean egona zelarik. Alfonso VIII. Gaztelakoak Oiartzun aldea konkistatu
zuen, Gipuzkoari lotu aurretik Nafarroaren zatia zena. 1845ean, Oñati aldea ere
batu zen.
Bizkaiko lehen Jauna 1040an dago dokumentaturik. Nafarroara loturik
hasieran, Gaztelarekin harremanetan jarri zen beranduago eta bere Jauna zenak
titulu biak bildu zituen Gaztelako Erregea bihurtu zenean (Juan I, 1379an).
Hasierako erdiguneari (Busturia, Markina, Uribe, Arratia) Enkarterria batu zitzaion
XVI. mendean, Durangaldea 1212an (baina 1628an erabatez) eta Orozko aldea
1785ean.
Ondare pertsonala
Aginte nominala (Lokarri feudala)
Barne banaketa nagusia
.
Bordele
GASKUINAKO
DUKERRIA
.
Oviedo
ASTURIAS-LEON
IRUÑEKO
Iruñea
ERRESUMA
.
.
.
Burgos. Naxera
Leon
Astorga
LEON
.
Palencia
Zamora
.
GAZTELA
. Tutera
S
R OB
G IBA RA
O
RB
RZ
E
A
.
.
Logroño ARAGOA
KATALANDAR
KONTERRIAK
. Zaragoza
AK
RALDE
N LUR
A
M
L
SU
TA MU
RAK E
R
U
L
BEKO
IK GA
JABER
3. mapa. Santxo III. Nafarroakoaren Inperioa.
.
Bartzelona
Euskal Nazionalismoa eta lurraldea: Euskadi ______________________________________
47
Nafarroako Erresumaren hasiera 824. urtera arte atzeratu ahal dugu, data
horretan Iruñean errege bat bazegoela dokumentaturik dago eta. Erresuma honek
Pirinio aldean izango zituen mugak hasieran, baina XI. mendean Europako
erresumetarik inportanteenetakoa izango da Santxo III.aren pean eta oraingo
euskal lurralde gehienetan aginduko du. Hurrengo mendeetan Iparraldera
(Nafarroa Beherea) eta Hegoaldera (Erribera) hedatuko da, baina Ekialdetik eta,
batez ere, Mendebaldetik lurraldeak galduko ditu. 1512an Gaztelak konkiskatu
zuen. Gerra eta gatazka batzuen ostean, 1530ean Nafarroa Beherea (Pirinioetatik
Iparraldera gelditzen zena) banatu egin zen erabat eta erresuma bezala segitu.
Beste lurraldea, Nafarroa Garaia, Gaztelara loturik geldituko da betiko. 1589an,
Nafarroako Errege zen Henri III.ak Frantziako koroa ere bereganatu zuen (Henri
IV), baina ez zuen nahi izan Nafarroa Frantzian integratzerik eta koroa biak
mantendu zituen, 1620an bere seme Luis XIII Frantziakoak biak bateratu arte,
nahiz eta bi erresuma izaten jarraitu Frantziar Iraultzara arte (ikus 4. mapa).
AK
ERE
H
E
B
HER
LUXENBURG
N
SUITZA
PO
R
TU
G
A
L
OA
RR
FA
NA
A
IA
SABOIA
Estatu
elkartuak
FR
TZ
FRANKO
KONTERRIA
G
A
ZT
E
LA
-A
R
A
G
O
A
4. mapa. Nafarroako Erresuma XVI. mendearen hasieran.
48
____________________________________________________________________________
Espainia eta Frantziako erresumetan integraturik egon arren, euskal
herrialdeek nortasun markatua gordeko dute eta uko egingo diote integratze
sakonago bati. Gaztelak Euskal Herriarekiko barne mugak apurtu eta kostaldera
eramateko egingo dituen ahaleginak lurraldea berdefinitzeko eginiko saioen islada
dira. Bateraketa lortzea, baina, derrigorrezkoa zitzaien estatu erdirakoiei. 1789ko
Abuztuaren 4eko Nazio Asanbladan bateratu egin ziren frantziar estatuko erakunde
eta arau guztiak, eta orduan galdu ziren betiko Lapurdi, Nafarroa Behereko eta
Zuberoako erakunde propioak. 1839-1876 tartean berdin jazoko da Araba, Bizkaia,
Gipuzkoa eta Nafarroarekin, kasu hauetan Kontzertu Ekonomikoak, lehen
hiruretan, eta “Ley Paccionada” delakoa, Nafarroan, geldituko badira ere. Aldaketa
prozesu guztian, haatik, kexa eta kontrako iritzi ugari altxatuko da (ikus 5. mapa).
5. mapa. Espainia eta Frantziako administrazio berdinketa
(XVIII eta XIX. mendeetan).
Euskal Nazionalismoa eta lurraldea: Euskadi ______________________________________
49
1.2.2. Euskal lurraldearen erreibindikazioa XX. mendera arte
Batasun politikorik eduki ez arren, bai izan da euskal herrialdeen artean
nolabaiteko lotura historikoa, hizkuntzari atxikiturik batik bat. Hasiera batean
Euskal Herria euskaraz mintzatzen zen herria bazen, beranduago ondo ezagutzen
ditugun herrialde historikoekin identifikatuko da, nahiz eta herrialde osoan euskara
erabili ez, Nafarroa Garaian gertatuko den bezala. Diogun hau guztia Axularrek
frogatzen digu, 1643an Gero liburua argitaratuko duenean, euskalkien arazoa
planteatuko baitu, bide batez Euskal Herria zeintzuk lurraldez osatua zegoen
argituz:
”Zeren anitz moldez eta diferentki mintzatzen baitira euskal herrian,
Nafarroa garaian, Nafarroa beherean, Zuberoan, Lapurdin, Bizkaian,
Gipuzkoan, Alaba-herrian, eta bertze anitz lekutan” (1988:17)1
Urte apur batzuk lehenago, 1638an, Arnaut Oihenartek latinez argitaratu du
Euskal Herriari buruzko historia bat (Notitia utriusque Vasconiae...), zeinean
euskal lurraldeak iraganean zabalagoak izan direla argitzen baitu, orain zazpi
herrialde ezagunetara mugatzen bada ere. Lurralde horretara mugatzeko arrazoi
historiko eta linguistikoak daude eta, horrez gain, usadioak horrela adierazten du,
tradizionalki herrialde hauei ematen baitzaie euskaldun izena (ikus Oyenart, 1929).
Euskal Herria herrialde politiko hauekin batzeko tradizioak iraun egingo du
XVIII. mendean, euskarak lurraldea galtzen segitu arren. Euskararen geroaz hain
kezkaturik agertzen den Etxeberri Sarakoak horrela egiten du. Euskaraz egiten den
herrialde politikoek osatzen dute Euskal Herria, eta ez euskaraz mintzaten den
lurraldeak soilik. Herrialde hauen euskal herritartasuna oso argi dauka. Euskal
herritarren laudorio egiteko, beren merezimentuak aipatzen ditu eta horien artean
Nafarroako errege-erreginak, hauxe dioelarik hauetako batez:
“Bertze alde Doña Katalina Iruñeko alaba, Nafarroako erregina zenaz
geroztikan, ezta dudarik hura ere eskualduna zela, ezen Eskual Herriko umea
zer ahal dateke baizik eskualduna? hala nola Parisko umea, Paristarra?
Madrilgoa, Madriltarra?” (1972:75)
Euskara eta Euskal Herriaren defentsa horretan Larramendik eman zion
hasiera Euskal Herria politikoki batzeko proposamenen tradizioari, bere
proposamenaren arrazoia eta asmoak bestelakoak izan arren, antza denez. Izan ere,
Larramendi euskararen defendatzaile sutsua da, eta bere baliagarritasuna erakutsi
nahi du. Baina harago doa, euskara defendatzeaz gain, Euskal Herria ere
erreibindikatuko baitu, integrazio asmo batekin nonbait. Erreibindikazio horretan,
Foruen berezitasuna azpimarratuko du behin eta berriz, pribilegioak ez direla
esanaz, lege bereziak baizik. Hala ere, Larramendiren ideiarik harrigarriena Sobre
1. Argitarapen faksimila; gaurkotu egin dut ortografia.
50
____________________________________________________________________________
los Fueros de Guipuzcoa liburuan (1983) agertuko da, euskal herrialdeen
independentziari buruzko proposamen iluna botako duenean.
Liburuan Larramendik Gipuzkoako Foruen apologia egin nahi du. Hipotesi
bat garatzen du, zeinean Gaztelak Gipuzkoa abandonatu baitu. Gipuzkoan, zer egin
pentsatzen ari direla (IV. eta V. hitzaldiak) eta beste iritzi desberdinen artean,
agure bat mintzatzen da, Larramendik aurkezpen barregarria egiten diola. Hauxe
dio:
“Zer arrazoi dago euskal nazioa, Espainiakoa ezezik inguru guztiko
lehen populatzailea izanik, nazio berezia ez izateko, berezko nazioa, nazio
banatua eta besteetatik independientea ez izateko ? (...) zergatik euskarak,
hizkuntza hain bizia eta beste ezein baino bizitza luzeagokoa delarik, ez ditu
ikusi behar bere euskaldun guztiak baturik eta bat eginik nazio libre bakar
batean, beste hizkuntzarik eta naziorik gabe? Zergatik Espainian (eta
Nafarroako erresuma hizpidera ekarri ere ez dut egingo) egon behar dute hiru
Probintziak Gaztelaren menpe: Gipuzkoa, Araba eta Bizkaiak; eta beste hiruk
Frantziaren menpe: Lapurdi, Zuberoa eta Nafarroa Behereak?” (1983:58)
Diskurtsua jarraituz, hizlaria kexu da Iparraldeko herrialdeak libertatea
galtzen ari direlako eta Bizkaia eta Gipuzkoako patu bera jasan beharko dutelako.
Hau dena fikzio modura presentatzen da eta kasu horretan ager litezkeen aukerak
aztertzen dira: Gaztelarekin berriz batzea, beste batekin egitea (Frantzia edo
Ingalaterra) edo bakarrik gelditzea. Azkenean, iritzi batek errealismoz jokatu
beharraz ohartarazten du eta estatu handi baten itzala bilatu behar dela dio eta
errealistena Gaztelarekin jarraitzea izango zela.
Ikusten denez, hor proposatzen da lehenengoz zazpi herrialdeen batasun
politikoa. Entitate berri honek “Pirinioko Probintzia Batuak” izena eramango zuen
(“Provincias Unidas del Pirineo”). Telletxeak apuntatzen duenez, Larramendik
hizkuntza hartzen du oinarritzat eta beraren arabera proposatzen du euskal
lurraldeen batasuna, nazio bakarra osatzeko (in Larramendi, 1983:63, 9. oharra).
Asko diskutitu da ia proposamen hori Larramendiren iritziarekin bat zetorren.
Kontuan hartu behar da garai hartan oso txarrak zirela Monarkia eta jesulagunen
arteko harremanak (handik gutxira erresumatik espulsatuak izango direlarik).
Dena den, baliteke Larramendik aukera independentzizale hori benetan ez sinestea.
Hala ere, inportanteena, gure ustez, proposamenaren formulatzea bera da,
zentzu politikoa emanaz. Garai hartan aukera bezala antzematea da baloratu behar
dena.
Edozein modutan ere, Larramendiren idatziak Gipuzkoako Foruak
goraipatzea dauka helburutzat, bere ohizko statusaren iraunarazpena eskatzen
duela behin eta berriz. Foruak defendatzearren metodo guztiak erabil daitezke,
baita armen bidezkoa ere. Agresioa balego, armekin defendatzeko eskubidea
leukake Gipuzkoak,
Euskal Nazionalismoa eta lurraldea: Euskadi ______________________________________
51
“Eta Gipuzkoa bera bakarra ez bada on aski bere herriekin
erresistentzia egiteko, dei egin diezaieke Bizkaia eta Araba eta Nafarroa eta
Frantziako herri lagunei, eta baita bere burua atxiki eta eskaini beste errege
bati ere, bere askatasunaren eta foruen defentsan” (Larramendi, 1983:282)
Ukaezina da Larramendik ondo gogoan dituela beti beste euskal herrialdeak
eta ziurtzat ematen duela, gainera, foru eta libertateen alde burrukatzeko beren
laguntza luzatuko dutena denek. Argi dago, halaber, Foruak lehen mailan ipintzen
dituela, beraien defentsan Gaztelarekiko harremanak ere berplanteatu
daitezkeelarik.
XVIII. mendean oraindik, Jean Philippe Bela militar zuberotarrak Histoire
des basques liburua idatziko du, zeinean zazpi herrialdeek osaturiko “euskal
nazioaz” mintzatuko baita. Askoz mugatuagoa da, ostera, “Real Sociedad
Bascongada de Amigos del Pais” izeneko elkarteak (1766an sortua) hartuko duen
lurralde oinarria, Mendebaldeko hiru probintzietara bakarrik hedatuko da eta,
“Hirurak-bat” lemapean.
Frantziako Iraultzak eta Frantziak estatu sendo eta boteretsu bezala lortu zuen
ospeak kolokan ipiniko du Gipuzkoaren leialtasuna Gaztelarekiko. Frantzia
Europatik hedatzen hasten denean, Gipuzkoak status berezia negoziatu nahi izango
du Frantziarekin Konbentzioko Gerran, estatu neutral gelditzeko. Baina ekimen
honek ez zuen arrakastarik lortu. Zorte bera izan zuen Garaten proposamenak,
zeinak Frantziako hedapenak Europako mapa politikoa alda zezakeela antzematen
baitzuen. Aukera hori profitaturik, Euskal Herriko zazpi herrialdeak politikoki
batzeko lehen proposamen “errealista” egingo zuen. Hona nola.
Joseph Dominique Garat, abokatua, Lapurdik hautaturiko azken ordezkaria
izan zen, bere anaiarekin batera. 1789ko Abuztuaren 4ean, Parisen, norbanako eta
herrien “pribilegioen” ezabaketa erabaki zuen Biltzarrean hartu zuen parte, hau da,
ordezkaria zen Uztaritzeko Biltzarrearen desagerpena onartu zuen. Gero karrera
politikoa egin zuen Parisen, Justizia eta Barne ministraria izatera iritsi zelarik.
Napoleon boterera heldu zenean, postu onetan iraun zuen. Beste alde, Euskal
Herriari amodio handia erakutsi zion. Agian horregatik, eta 1789ko Abuztuaren
4eko legea izenpetzeaz damuturik nonbait (Agudo, 1983:40), Euskal Herri osoa
bilduko zuen projektu politiko bat bideratu nahi izan zuen. Giroa nahiko aldekoa
zen, bestalde. Esan dugunez, Gipuzkoak eskatua zuen ordurako status berezia eta,
gainera, Parisen ez zen gaizki ikusten Ebrotik Pirinioetara zabalduko zen estatu
tartekatu bat jartzea, Espainia eta Frantziaren arteko mugak hobeto ziurtatzeko.
Giro honetan ulertu behar da Garaten projektua. Beronen lehen albisteak
1808koak dira, Iberiar penintsulako inbasioa hasi ostean. Garatek lehen projektua
presentatzen dio Napoleoni, Espainia eta Frantziako euskal herrialdeak bi edo hiru
departamentu berritan biltzeko, enperadorearen pean zuzenean jarriz. Napoleon
interesaturik agertu zen eta zerbait zehatzago eskatu zion Garati, honek bigarren
52
____________________________________________________________________________
idatzi bat egin baitzuen (“Fenizia Berriaren Projektua”), gauza berri gutxi eskaini
arren. Baina Garat asko berantatu zen bigarren projektu hau idazten eta entregatu
zuenerako, 1811n, mundu egoera asko aldatu da. Espainiako kanpaina amaitzear
dago eta Napoleonen interesa Errusian dago orain. Ondorioa da Napoleonek ez
zuela interesik erakutsi eta projektua betiko ahaztu zen (Agudo, 1983:40-42).
Projektuan entitate politiko berri bat sortzen zen, “Fenizia Berria” izena
izango zuena, euskaldunak feniziar zaharren ondorengoak zirela pentsatzen
baitzuen Garatek. Eraketari buruz, hauxe zioen:
“Lau kantoi espainol euskaldunek eta hiru frantses euskaldunek
Inperioaren bi edo hiru departamentu berri osa ditzatela (...) Frantziak eta
Espainiak herri hauetan sartu dituzketen diferentziak ziurrago eta azkarrago
ezabatzeko, beharrezkoa litzateke departamentu bakoitza zati espainolez eta
frantsesez, bietatik nahasian, osatzea (...) Nafarroa Garaiak eta Nafarroa
frantsesak, elkarren ondokoak eta euskaldunak izaki biak, aukera handiak
eskaintzen dituzte horretarako; orobat gertatuko litzateke Baztango
haranarekin, Espainian dena, eta Frantzian den Errobiko haran edo
Lapurdiko herriarekin. Batetik bertzera iragateko aski litzateke mendi bakar
bat zeharkatzea. Deusek ez luke galaraziko, eta bai ordea kontsiderazio
politiko anitzek hala galdatuko, Bidasoaren bi aldeak departamentu berean
sarraraz litezela: Hondarribia eta Hendaia” (Agudo, 1982:42-43)
Euskararen papera oso inportantea izango zen, euskaldunen lokarri bezala.
Eskoletan euskara irakatsiko zen eta erdaldunek debekatuta edukiko zuten Euskal
Herrirako sarbidea (Goyhenetxe, 1985:94-96). Fenizia Berri hau enperadorearen
pean geldituko zen, baina Garatek ez zuen gehiago argitu puntu hau. Ostera, ondo
adierazi zizkion Napoleoni atzeman zitzakeen abantailak. Batzuek praktikoak
ziren. Espainiaren errendaketa eta Inglaterraren itsas boterearen murrizketa
(beraien kontra ariko baitziren euskaldunak). Besteak, berriz, laudoriozkoak.
Nahikoa izan zitekeen, apika, Napoleonen onespena jasotzeko, 1811rako egoera
hain aldaturik ez balitz egon (Agudo, 1983:46). Larramendiren kasuan bezala,
asko diskutitu da bere benetazko asmoaz. Asmo nazionalistarik ez edukitzea ere
leporatu zaio, bere interesik handiena Frantzia zelarik eta ez Euskal Herria.
Eztabaida horietatik kanpo, argi dagoena da Garaten projektua abagadunearen
analisi oinarritu batean sustraitzen zela eta estatu tartekatuaren ideia erakargarria
zela, ezen gogoratu behar da estatu tartekatuak zorte onekoak izan direla historian,
beren independentzia ziurtatuta gelditu baita inguruko estatu boteretsuen
onespenarekin. Horixe izan da Uruguay edo Afganistanen kasua, esate baterako.
Iritzi eta projektu hauek maila indibidualean gelditzen dira, baina XVIII.
mendetik aurrera euskal lurraldeen bereiztasun sentimentua gero eta sarriago
agertzen da, bai Euskal Herrian egindako idatzietan nabaritzen denez, eta bai
atzerritarrek eginiko deskripzio eta iruzkinetan irakur daitekeenez. Izan ere,
Borboiekin nagusitu ziren zentralizazio eta berrestrukturazio nahiek ezer gutxi
Euskal Nazionalismoa eta lurraldea: Euskadi ______________________________________
53
eskain ziezaioketen Euskal Herriari, bere Foruekin abantaila handiagoak
eskuratzen zituen eta. Erdiratze projektuak, hortaz, euskal erakundeen
kontraerasoa ekarri zuen, euskal lurraldeen aintzinako independentzia eta
estatuarekiko borondatezko batuketan zentraturik. Estatua ere saiatu zen bere
aldetik kontrakoa frogatzen, polemika intelektual eta politiko bizi eta luzea
suertatu zelarik. Polemika honek XIX.mende osoko bizitza politikoaren zati handi
bat zentratzen du. Foruak zirela eta ez zirela, enfrentamentu ugari emango da
mendean zehar: Espainia-Hego Euskal Herriko herrialdeak; hiria-baserria;
liberalismoa-karlismoa; industrializazioa-ordenu zaharra, eta abar. Tirabira
hauetatik, eta lurraldeari dagokionez, euskal lurraldeen arteko loturak estutu
egingo dira eta bertatik formulazio politiko berriak sortu.
Asko dira XIX. mendean egiten diren lurralde erreibindikazioak. I.go Gerra
Karlistan herriak duen Foruen aldeko jarrera, lurraldearen erreibindikazio
oharkabekoa da. Badaude, ordea, jakinaren gaineko aldarrikapen konszienteak..
Horietako bat liberal baten eskutik dator, Muñagorri, bere bertsoetan euskal
herrialdeen patua gerrako eta kanpoko gorabeheretatik bereiztu nahi duelarik, bere
helburua karlismoari Foruen aldeko bandera kentzea bazen ere. Gardenagoa da,
ostera, Xahoren jarrera, bera izango baita lehena zazpi euskal herrialdeen
independentzia politikoa publikoki erreibindikatzen.
Agustin Xaho (edo Chaho) (1811-1858) Zuberoan jaiotako kazetaria da,
zenbait urtez Parisen biziko dena. Garaiko erromantizismoak kutsatua, euskal
independentziaren erreibindikatzaile eta bozeramailea izango da. Justifikazio
bezala, eta nazionalisten ezaugarri batzuk bildurik, euskal “diferentzia” landuko
du, antropologia, historia eta hizkuntzan oinarriturik. Bera izango da Aitorren
mitoaren asmatzailea eta gerra karlistak nazio gerratzat interpretatuko duen lehena.
Gerra honetan karlismoaren defendatzaile amorratua izan zen, liberalen etsai
agertuz, bera ideologiaz liberal eta errepublikazalea izan arren. Baina nazio
helburua gainetik jarriko du. Era horretara, Espainia zapaltzaile bezala agertarazten
du eta zapalketa horren aurkako erreakzioa izango zen gerra, zeina independentzia
lortzeko profitatu behar baitzen, Espainia eta Frantzian banaturik egon arren,
euskaldunak bat sentitu baitira beti. Horrela, zentzurik ez duten bi aldeetako
euskaldunen arteko iskanbilak ere konponduko lirateke:
“Agian egun batez euskaldunak saiatuko dira aintzina gozatzen zuten
nazio batasuna berreskuratzen” (Xaho, 1976:136)
Larramendik Zazpiak-bat ideia posibletzat jo badu, Garatek projektu oinarritu
bat aurkeztu du eta Xahok ideia horren aldeko sentimentu eta militantzia ipini ditu.
Baina mezuak ez dauka oraindik herriarengana heltzeko aukerarik. Garai honetako
ardura Foruak dira eta 1839ko Legeak gutxiturik utzi baditu ere, nahikoak dira
momentuz egoera lasaitzeko. Foruei buruzko polemika, ordea, ez da itxi eta 1839
aurreko egoerara itzultzea eskatzen da, lurralde bakoitzeko Foruetan oinarriturik.
Foruzaleek Lege Zaharraren laudorioa egiten dute eta aurreko ohiturak eta
54
____________________________________________________________________________
bizimodua goraipatzen dira. Eginiko idatzietan maitasun gutxiz begiratzen da
Espainia, Xahok ere aurreratu bezala, egoeraren errudun moduan ikusten dute eta.
Foruei eutsi-beharrak euskal herrialdeak batzeko ondoriora eramango du. Laurakbat ideia arrunta egiten da urte hauetan. Ortiz de Zaratek politikoki eta arrazionalki
formulatuko du ideia hori, euskal federazio bat (Hegoaldeko herrialdeena, alegia)
proposatuz, 1839aren aurreko Foruetan oinarrituta. Berarentzat, Hirurak-bat lema
tradizio handikoa izan arren, beharrezkoa da, orduko egoeran, Nafarroa ere
gehitzea, hala efikazagoa izango zen eta. Are gehiago, Iparraldeko lurraldeak ere
hartzen ditu kontuan, zeren
“Hauek ere neba-arrebak ditugu odolez eta hizkuntzaz. Hauek ere
osatzen dute zinez aintzinakoa eta noblea den euskal leinuaren bostgarren
familia. Ez dugu zalantzan jartzen lehenago edo beranduago hori gertatuko
dena. Ahalik eta gehien azkartu dadila nahi dugu guk. Orduan eskainiko
diogu munduari ikuskizun bikaina, bost familia euskaldunak talde bakar
batean baturik egonaz” (1867:287)
Ikusten denez, bere azken helburua euskal herrialde guztiak batzea litzateke,
Bostak-bat moduko elkarte batean bildurik. Dena den, Hegoaldeko herrialdeak
batzeko projektuari ekingo dio su eta gar. Baina batasun hau ez da bakarrik
historian edo, oro har, sentimentuan sustraituko. Ortiz de Zarateren ekarpena bere
errealismoa da, lau herrialdeak bilduez gero dudaezineko abantaila ekonomikoak
ondorioztatuko lirateke eta.
1867an Nekazal Erakusketa bat egin zen Iruñean, Sanferminetan. Nafarroako
Diputazioak Hegoaldeko beste euskal Diputazioei luzatu zien gonbidapena.
Ospaturiko omenezko oturuntzan, eta brindisen momentua heldu zenean, Juan
Iturraldek Laurak-bat-en aldeko deia egin zuen, pil-pilean zegoen gaia
gogoraraziz. Antza denez, lema hori Nekazal Erakusketa honetan sortu zen. Hala
ere, batzuek hain ondo onartu zuten ikur berria (lau esku bata besteari loturik
agertzen zirela) ez omen zen denen gustukoa izan, Campionek dioenez, ikurrak
“txalo gutxi eta gaitzespen ugari” jaso zituen eta (in Corcuera, 1979:124, 195.
oharra).
Hala eta guztiz ere, Hego Euskal Herriko herrialdeen batasun beharra zabaldu
egingo da herrian eta hurrengo urteetan oihu bihurtu, gerra karlista eta 1876ko
Foru Ezabapenaren Legearen ostean batez ere. Iparragirre edo Xenpelarren
bertsoak2 adibide zuzena dira. Orain arte ekimen indibidualak edo talde txikienak
izan direnak zabaldu egiten dira orain eta Foruen aldeko elkarteak eta alderdiak
sortzen dira: “Asociación Euskara”, “Sociedad Euskalerria”, “Partido Fuerista”.
Kasu guztietan Hego Euskal Herriko lau herrialdeen Foruak berreskuratzea dute
helburutzat eta estatu mailako alderdiak baztertzen dira.
2. Adibidez, “Gernikako Arbola” lehenaren kasuan, edo “Ia guriak egin du” bigarrenean.
Euskal Nazionalismoa eta lurraldea: Euskadi ______________________________________
55
Baina politikoki Hegoaldeko lau herrialdeen batasunerantz jotzen bada, zazpi
herrialdeen lotura historikoei buruzko aipamenak gero eta ugariagoak egiten dira.
Ideia horren bultzatzaileetako bat Nafarroako “Asociación Euskara” izango da,
hemen ere. Bere ikurrean ideia hori isladatuko du: Zazpiak-bat lemapean
Gernikako Arbola agertzen zen, azpian gurutze bat zuela, eta enborraren gainean
Nafarroako kateak, hondoan zazpi mendi zeudelarik, zazpi euskal herrialdeak
ordezkatuz (Martínez-Peñuela, 1989:27). Elkarte honen dinamizatzaileen artean
ezin ahantz dezakegu Arturo Campionen eragina. Berarentzat argi dago “euskal
nazioa” existitzen dena, zazpi herrialdeek osatua. Hala ere, herrialde bakoitzak oso
nortasun propioa gorde du (euskal nortasuna bera ere indibidualista da eta), eta
hala, zeinek bere bidea ibili du. Berak tradizioan ikusten du arazoentzako
irtenbidea. Egokiena, beraz, 1839 aurreko egoerara itzultzea litzateke, Foruak
ziurtatuz eta Espainiari loturik segituz Hegoaldean.
Zazpi euskal herrialdeen batasuna ideia arrunta bihurtu zen XIX. mendeko
azken laurdenean. Bere zabalpenean Lore-Jokuek eragin zuten eta Lore-Jokuei
loturik Felipe Arrese Beitiaren irudia agertzen zaigu, horietako askotan parte hartu
zuen eta. Bere olerkietan sarritan aipatzen dira zazpi probintziak, euskarari
atxikiturik normalean. Orduko ohiturari jarraituz, politikoki Hegoaldeko lau
herrialdeen batasuna eskatzen du, Euskal Herriko zazpi zatiak erreibindikatzen
baditu ere. Adibide bat “Jaungoikoa eta Foruak” olerkian aurki dezakegu:
¡O! Esperantza gure zarean
Aretx samur ta laztana!
Orra or datoz Bizkaya legez
Gipuzkoa ta Araba;
orra or dator oneen antzera
bai Nafarroa azkarra,
baita Frantzian beste anayak
diñoe elduko dirala,
zazpirok egin daigun Erri bat
derichakona ‘Euskara’
(Arrese Beitia, 1987:80)
Honelako beste jaietan, Azpeitian, azalduko zen lehenengoz, 1893an, oso
herritarra egin den poesia, “Gauden gu euskaldun”, Gratian Adema «Zaldubi»rena.
Ideia berari ekiten zaio, baina sortzen ari den nazionalismoaren beste ideia bat ere
batzen da, ez baitu nahi euskara arrotzek ikas dezaten, kantu berean dioenez3.
3. Honela dio zatirik famatuenak:
Zazpi Eskualherriek
bat egin dezagun
guziak beti, beti,
gauden gu eskualdun.
Agur eta ohore
Euskalherriari;
Lapurdi, Basa-Nabar
Zibero gainari;
Bizkai, Nabar, Gipuzko,
eta Alabari
Zazpiak bat besarka
lot beitetz elgarri.
56
____________________________________________________________________________
Zazpi herrialdeen tradizio hau izango da Aranak bereganatu eta zabalduko
duena, oraingoan zentzu politikoa emanaz batasunari. Beraren ostean, arrunta
egingo da zazpi lurraldeez eta beren batasunaz hitz egitea. Baina Aranaren
proposamen landuagora pasa aurretik, interesgarria da formula eta inguru hauetatik
at gelditzen den beste erreibindikazio bat: Nafarroako Alderdi Federalarena. Pi y
Margall-ek fundaturiko alderdi hau (ofizialki “Partido Republicano Demócrata
Federal”) Madrilen bildu zen 1882an eta Hispaniako Federazioa proposatuz,
Estatu bakoitzaren Konstituzioa idaztea eskatu zen. Guztira hiru projektu aurkeztu
ziren: Kataluniakoa, Galiziakoa eta, denboran lehena, Nafarroakoa. Azken hau
Tuteran aurkeztu zen 1883an, “Constitución futura de Navarra” izenpean. Bertan
Foru zaharrak erreibindikatzen dira, momentuko errealitateari egokiturik. Bigarren
oinarrian lurralde zedarritzapena egiten da eta Nafarroa oso zentzu zabalean ulertzen da, Araba, Bizkaia, Gipuzkoa, Nafarroa Beherea eta Errioxa biltzen dituelarik:
“Nafarroak, bere oraingo mugen barrenean, Herrialde bat osatuko du,
prest baitago lehenago nafarrak izan ziren Errioxako, Baskongadako eta
(gaur egun frantsesa den) Bortuz bertzaldeko Seigarren Merinaldeko
lurraldeen borondatezko berreransketa onartzera; baiezta daitekeelarik ezen
haietako batzuetan dagoenekoz ere badela, izan, hain senide-giroko eta egoki
den batasunerantzako joera abertzalea, egoerak hala permiti dezanean” 4
1.2.3. Sabin Aranaren ekarpena
Lurralde formulazioari dagokionez, Aranak bi ekarpen funtsezko egingo ditu;
bata, zazpi herrialdeen batasuna aldarrikatzea helburu politiko bezala, eta bestea,
Espainia (eta Frantziarekiko) loturak apurtu beharra. Ideia hauek diskurtsu politiko
sendo baten barruan sartuko ditu, bere garaian dudaezineko efektua lortu zuena.
Horrez gain, eraketa politikoari ere ekin zion. Era honetara, bere ideiak ez ziren hil
berarekin, aurreko kasuetan bezala, bera bezain konbentzituriko jarraitzaile asko
gelditu baitziren bere heriotzean. Begira ditzagun aipaturiko bi ekarpenok.
Aranak Bizkaian zentratuko du bere iharduera politikoa, baina euskal zazpi
herrialdeon batasuna gero eta ideia kutunagoa izango da berarentzat. Hasiera batez
Bizkaiaz bakarrik hitz egiten badu, argi dauka Euskal Herriaren hedapena,
orduantxe zabaltzen ari den ideiari jarraituz. 1894erako lehen proposamen
politikoa plazaratzen du:
“Arrazaz, mintzairaz, fedez, izaeraz eta ohiturez Alaba, Benabarre,
Gipuzkoa, Lapurdi, Nabarra eta Suberoaren haurride izaki, Bizkaya sei herri
hauekin lotu edo konfederatuko da, Euskelerria (Euskeria) izeneko osotasuna
eraikitzeko, baina norberaren autonomiaren murrizketarik gabe. Doktrina
hau ondoko printzipio honen bidez adierazten da: Bizkaia askea Euskeria
askean” 5
4. “Base 2ª De Navarra y de los navarros” pasartearen lehen puntua. Testu osoa in Estornes
(1990: 2. eranskina, 572-576 orr.). Ik. ere Corcuera (1979: 117).
5. “Euskaldun Batzokija”-ren Araudiaren 8. art. 1894-7-15ean onartua. Lekuizenak, berak
erabili bezala daude.
Euskal Nazionalismoa eta lurraldea: Euskadi ______________________________________
57
Hilabete batzuk aurrerago, Apirilean, Konfederazioaren ideia ere bota du,
antzeko terminoetan, baina herrialde bakoitzaren autonomiaren gaiari ekin gabe.
Gai hau, haatik, ez zeukan oraindik oso landurik, zeren artikulu berean adierazten
du bere nazionalismoaren helburuaz:
“Bizkaia nazio guztiz independientea bihur dadila, Espainiarekin
nazioarteko harremanak baino besterik gorde gabe” 6
Euskal nortasunaren hondamena izaki Aranaren buruhaustea,
berreskurapenaren alde aritzea izango da bere betebeharra, horretarako diskurtsu
landuagoa beharko duela. Lan horretan, helburu horren kontra jotzen zuten
faktoreak aztertu zituen eta argi ikusi zuen euskal herritartasuna espainiartasunean
urturik gelditzen zena. Euskal nortasuna berreskuratzekotan termino biak
desberdindu beharra zegoen. Gurrutxagak dioenez, Aranak espazio propioa
definitu behar zuen eta, nazionalismoaren bidez, edukiz bete. Eraikitako espazio
minorizatu hori gatazkan sartzen da bere zapaltzailea den estatuaren espazioarekin
(Gurruchaga, 1985:124).
Espazio berria definitzerakoan, Aranak historia hartzen du oinarritzat,
momentuko eta aurreko mendeetako idazleen tradizioa jarraituz. Izan ere, eredu
garbiagoa zen hizkuntzarena baino, lurralde askotan ez baitzen ordurako euskaraz
egiten. Euskal herrialdeak aztertzerakoan norberaren autonomia historikoaz ohartu
zen eta puntu horretan kontu handia jarri zuen beti. Hala ere, orduko kinka larria
ikusita, beharrezkoa zen denen indarrak batzea, bakarka segitzeak hondamendia
baino ez baitzuen emaitza bezala ekarri behar. Euskal herrialdeek, banaturik ibili
badira historian zehar, batu beharra daukate orain eta eraketa politikorik egokiena
konfederazioa da, batasunaren indarra eta norberaren autonomia bateragarriak
egiten dira eta. 1897rako proposamen landuagoa botako du, non Euskal
Konfederazio baten barruan, estatu guztiak baldintza berdinetan sartzen baitziren
eskubide eta betebeharretan, bereizteko eskubidea gorderik. Kanpo harremanak eta
ordena soziala Konfederazioaren eskuetan gelditzen ziren eta gainontzekoan estatu
bakoitzak aginduko zuen. Hala ere, Aranak ez zuen gehiago garatu projektu hau
eta bere iharduera Bizkaira mugatu zen ia osorik. Beste alde batetik, Historia
ezagututa, esan dugunez, Aranak ez zuen egoki ikusten beste herrialdeen arazoetan
sartzerik, norberaren subiranotasuna ezagutzen baitzuen. Bizkaiaz gehiegi
arduratzea leporatu zaion arren, bere azken idatzietan argi dauka bizkaitartasuna
euskal herritartasunaren pean dagoela:
“Zeren bizkaitarrak, abertzaleak direnean izango dira bizkaitar; baina
bizkaitar baino lehenago euskal herritar dira. Eta euskal arraza salbatzeko
Bizkai osoa sakrifikatu behar bada, horretaraino ere emango dute amore!” 7
6. “Fuerismo es separatismo”, Bizkaitarra II:8, 1894-4-22 (ik. Arana, 1980:267).
7. “Cartas a don J. M.”, La Patria III:86, 1903-6-14 (ik. Arana, 1980:2288).
58
____________________________________________________________________________
Aranaren bigarren ekarpen nagusia, lurraldeari dagokionez, independentziaren beharra da. Euskal herrialdeak ez dira izan Espainiaren zatia (Hegoaldeaz
mintzo da normalean Arana), independienteak baizik, eta egoera horretara bihurtu
behar dute. Nazionalismo guztietan bezala, historian momentuko jarrera politikoa
justifikatu nahi da. Iharduera horretan, Aranak nahiago du “Foru” hitza baztertzea,
berba horri “pribilegio” esangura ematen baitio, hots, Espainiak “emaniko
pribilegioa” iradokitzen baitzuen. Horren ordez Lege Zaharrak erreibindikatzen
ditu. Beraien bidez eratu dira euskal herrialdeak, eta erregea Gaztelakoa izan arren,
bazegoen hura errefusatzeko eskubidea. Erregeak, gainera, bertako Legeak
onartzeko baldintzapean hartzen zuen beti titulua. Ukaezineko froga, beraz,
lurralde hauek ez zirela bere jabegoa, beste erresuma batzuk bezala. Aranak ez du
onartzen, hortaz, borondatezko elkarketarik gertatu denik, foruzaleek zioten
moduan, baizik eta independentzia mantendu dela. 1839an, orduan, Espainiak
konkistatu egiten du Euskal Herria eta, indarrez, espainiar legepean jartzen du,
horretarako eskubiderik ez zeukalarik, Lege Zaharrak ez baitira estatuak emaniko
Foruak. Hau ez da izan Espainiaren lehen erasoa, baina aurreko guztietan euskal
herritarrak ahobatez asaldatu dira saio horien kontra (Arrigorriaga, Mungia,
Matxinadak...). Nazionalismoaren erantzuna berdina izan behar da orain, baina
elementu berriak ageri direnez, egoera gero eta larriagoa da. Hori dela eta, euskal
herritarrek behin betiko apurtu behar dituzte Espainiarekiko loturak eta
independentzia aldarrikatu aipaturiko konfederazioan sartuz.
Baina lurralde arloan horren ekarpen garrantzitsuak egin arren, Aranak ez
zion ematen inportantzia handirik lurraldeari. Jakina da berarentzat arraza dela
euskal herritartasunaren ardatza eta berorrek markatzen duela euskal hiritartasuna
eta ez lurraldeak. Jaiotzearekin hartzen dugun ezaugarria da eta bizitza osorako
balio duena, lekuz aldatu arren. Lurraldeari baino, Aranak biztanle komunitateari
begiratzen dio gehiago. Hori dela eta, euskal arraza beste testuinguru geografiko
batean ere gara daitekeen bitartean, gaur eguneko lurraldeari ezin izango genioke
Euskal Herria deitu beste arraza batek beteko balu, euskaraz hitz egin arren. Argi
azaltzen du guzti hau 1894ean, Karmelo Etxegarairi egiten dion erantzun
artikuluan. Etxegaraik, Kantabriaz hitz egiten zuela, Euskal Herriko luzapen bezala
ulertzen eta sentitzen zuen Kantabria, bere artikulu batean aitortzen zuenez.
Aranaren erantzuna garratza (eta umoretsua) izango da, ohi bezala. Hauxe diotso
pasarte batean:
“Ikusten denez, Etxegarai Jnak. metroz neurtzen du Aberria, hau da
beronek betetzen duen lurraldearen arabera; eta deitoragarria da, idazle
izan nahi duen batengan, lurra Aberriaren elementu funtsezko eta konstantea
delako sineste atzeratu hori. Gera bitez integritate aberritar hauek
espainiarrentzat; guk euskeriarrok, jakin behar dugu Aberria arrazaz,
historiaz, legez, ohiturez, izaeraz eta mintzairaz neurtzen dela, eta gure
Euskeria hau berdin izan daitekeela Euskeria, bai Mendebaldeko Pirinio
inguruan eta Bizkaiko Golkoan kokaturik, zein Pazifikoko uharte batera edo
Afrikako laku handien kostaldeetara aldaturik; eta baita ez litzatekeela
Euskal Nazionalismoa eta lurraldea: Euskadi ______________________________________
59
Euskeria izango, gauzak orain arte bezala jarraitzekotan, lur honetako
arraza maketoak denboraz berton eraikiko lukeena” 8
1.2.4. EAJren aktibitatea eta bere barruko eztabaidak
Orain arte ikusi dugun independentziaren aldeko jarrera hau ez da, sarritan
horrela iruditu arren, nazionalismoaren jarrera bakarra. Hasiera honetatik jada,
Aranak nazionalismoa beste modu batera ulertzen duen talde bat ezagutzen du,
berak nazionalistatzat jotzen ez badu ere. Beste korronte hau, Sotak ordezkatzen
duena, gehiago isladatzen da kataluniar ereduan Aranarenean baino eta politika
posibilistaren aldekoa izango da. Aranaren hasierako arbuioa ez da inoiz guztiz
galduko, baina denborarekin samurtu egingo da. Are gehiago, bere “garapen
espainiarzalean” arrazoia ematen diela dirudi. Hala ere, projektu honen iluntasunak
duda handiak utziko ditu eta Aranak ez ditu argituko. Argitze falta honek posible
egingo du bere heriotz ostean korronte biak Aranaren jarraitzaile bezala ager
daitezela, biak bere testu eta esanetan oinarritzen direla.
Bere bizitzan Arana eztabaidatu ezineko gidaria izan zen, korronte biek
onartua. Hil aurretik Anjel Zabala izendatu zuen ondorengo bezala, baina Sotaren
taldeak ez du onartuko bere gidaritza, jarrera independentzizale ortodoxoaren
aldekoa baitzen. Hemendik aurrera, alderdiaren kontrola lortzeko lehia bizia pizten
da talde bien artean. Lurralde helburuari dagokionez, independentzia/autonomiaren arteko eztabaida historiko bati ematen zaio hasiera era honetara,
nazionalismoaren traiektoria osoa markatuko duena.
Jarrera independentzizalea (sabindarra, edo ortodoxoa) aski azaldurik utzi
dugu aurreko puntuan. Momentu honetako teorizatzaile nagusia Jose Arriandiaga
(«Joala») da. Aranaren argudio eta testu klasikoak errepikatzen dira eta lurralde
helburua euskal konfederazio independientean gauzatzen da. Militantzia gehiena
berorren alde dago, alderdiaren aparatoa barne. Jokaera honen zabalpenean
inportantzia handia edukiko du A. Evangelista Ibero kaputxinoak, zeinak 1906an
oso erabilia izango den nazionalismoaren bulgarizazio bat argitaratuko baitu.
Liburu hau, “Ami Vasco”, katezismo modura planteatzen zen, galdera-erantzunen
bidez. Aranari jarraituz, arraza da oinarrizko kontzeptua eta lurraldea bigarren
mailan gelditzen da. Edonon bizi delarik ere, euskal herritarra beti euskal herritar
izango da, Euskal Herritik kanpo jaioa eta bizi izana izan arren. Lurraldea arbasoen
ekintzen marko modura ulertzen du Iberok, heredentzia modura hartzen dena.
Euskal Herriaren etorkizuna, jakina, bere independentzian datza (1979).
Jarrera autonomizalea (“euskalerriatarra”, edo posibilista) ez da
gehiengoarena hasiera honetan, baina bai da koadrorik prestatuenak eta baliabide
gehien dituena. Hala ere, gutxiengoa izateak kontuz jotzera behartzen zituen,
militantziaren euskarria ez galtzeko. Bere teorizatzaileen formulazioetan korronte
8. “Vulgaridades”, Bizkaitarra II:18, 1894-12-31 (ik. Arana, 1980:426).
60
____________________________________________________________________________
biak pozik uzteko ahalegina igertzen da, homogeneizatu nahian. Tradizio hau
laster hasten da. Arana hil ostean sortzen diren indezisioak eta norabide falta
konpondu guran, Miguel Cortés-ek arrakastatsua suertatu zen formulazio berria
proposatu zuen 1904ean. Cortések 1839 aurreko egoerara itzultzea eskatzen du,
separatismoa uxatuz, Aranak esan duenez nazionalismoa ez baita separatismoa.9
Modu honetan, gobernuak derrigor onetsi beharko zuen alderdia, independentzia
eskatzean egoera historiko bat erreibindikatzen da eta. Ez dago, beraz, legalitatetik
kanpo ibili beharrik, Estatuak emaniko lege baten ezabapena baizik ez baita
eskatzen. Foru berreskurapen ideia hau egokia gertatu zen alderdi barruko
banaketa arriskua ekiditeko, behar bezain iluna baitzen korronte biak barruan
edukitzeko. Iluntasun kalkulatu hori, bestalde, are inportanteagoa izango da
militante eta eusle xumeen sostengua ziurtatzeko. Projektu autonomizalea garatuko
duten burukideak eta gogo independentzizalea erakutsiko duen alderdiaren oinarria
batera edukitzea posibilitatzen zen horrela. Garapen espainiarzaleak ez zeukan,
harrez gero, izateko arrazoirik (Corcuera, 1979:573-575).
Joera biak elkartuko dituen lan teorikoa Luis Eleizalde eta Engrazio Aranzadi
«Kizkitza»ri zor zaie. Posibilismoaren alde joko dute biek, nahiz eta Sotaren
taldearekin guztiz bat etorri ez. Independentzia bigarren mailan gelditzen da
bientzat. Eleizalderentzat, independentzia ez da alderdiaren helburu bakarra.
Inportanteena 1839 aurreko egoera berreskuratzea da eta gero erabaki beharko da
zer egin. Autodeterminazio horretan independentzia beste aukera bat baino ez da
izango, besterik ez.
Aranzadirentzat ere, nazionalismoak ez du derrigorrez independentzia ekarri
behar. Helburua ez da independentzia politikoa lortzea, baizik eta nazioaren izaera
gorde eta iraunaraztea. Forma politikoa bigarren mailan gelditzen da eta berdin
jazotzen da lurraldearekin, nazioa edozein lurraldetan gara daiteke eta, horregatik
bere izaera galdu gabe (1931:28 ta hur.). Nazio izaera da, beraz, lehen helburua eta
nazionalismoaren ahaleginik handienak beraren berreskurapenaren alde egin behar
dira. Honen gauzapen politikoa 1839 aurreko egoera berreskuratzea da, baldintza
haietan garapen egoki eta orekatua izan baita. Horrek ez du esan nahi momentuko
egoerara moldatu behar ez denik, baina beti ere Lege Zaharren izaera galdu gabe.
Gehiago ezin da eskatu (independentzia, adibidez), Lege Zaharren muga hautsiko
bailitzateke eta beraiek baitira, esan denez, euskal izaeraren gordelekua.
Nazionalismoa, bere ustez, ez da definizio politikoen burrukan sartu behar.
Foruzaleei jarraituz, nazionalismoaren sorrera euskal arima arriskutan dagoelako
gertatu da eta zeregin horretan kontzentratu behar dira bere ahaleginak. Izaera
salbu dagoenean, nazionalismoaren lana amaituta egongo da eta alderdien tenorea
helduko da (Aranzadi, 1931:242 hh).
9. Aranari, izan ere, ez zaio “separatismo” hitza gustatzen, Euskal Herria (Bizkaia) inoiz ez baita
izan Espainiaren zatia. Dena den, hitza onartu beharko balitz ere, helburua Euskal Herriaren
(Bizkaiaren) independentzia litzateke, Cortesen argudioaren kontra (ik. “Fuerismo es separatismo”,
Bizkaitarra II:8, 1894-4-22, edo Arana, 1980:267). Ideia bera beste idatzi batzuetan ere atzeman
daiteke.
Euskal Nazionalismoa eta lurraldea: Euskadi ______________________________________
61
Garapen teorikoa “euskalerriatarrekin” bat etorri ez arren, praktikan autonomi
bidea defendatuko dute Eleizaldek, Aranzadik eta posibilistek. Autonomia
bitarteko bezala ulertuko da, baina alderdiaren kemen guztia jasoz. Era horretara,
gainera, «azken Arana»ren esanak betetzen ziren. Aurka «lehen Arana»ren
aldekoak azalduko dira, beraientzat autonomi eskaeretan sartzea euskal herritarrei
ez dagokien gaian sartzea baita. Independentzia izan behar da alderdiaren indarrak
bildu behar dituena. Joera bien artean alternantziak egongo dira: autonomi
projektuak eskuragarriak direnean autonomizaleak nagusituko dira, baina projektu
hori urrunago ikusten denean, independentzizaleak indar gehiagoz agertuko dira.
Aldaki gutxirekin hauexek izango dira nazionalismoaren lurraldeari buruzko
jarrerak.
Hasierako konpromezuzko irtenbidea 1906an eginiko Nazio Asanbladan
igerriko da. Bertan adierazten da Euskadi sei herrialdeek (Nafarroa biak bat
eginda) osaturik dagoela eta helburu bezala 1789 eta 1839 aurreko egoera
juridikora itzultzea aldarrikatzen da; handik aurrerako legeak ezabatzea eskatzen
da, hortaz. Ofizialki, testu hau hurrengo nazio asanbladetan ere errepikatuko da,
Errepublikara arte. Hala ere, urte berean, 1906an, tirabira gogorrak izan dira talde
bien artean Kontzertu Ekonomikoak direla eta. Bere negoziaketa oso sentitua izan
zen eta Gipuzkoan “Liga Foral Autonomista” izeneko alderdi koalizioa osatu zen,
Franzisko Gaskue-k bultzaturik. Foru autonomia eskatzen zen, aurreko mendeko
foruzaleen azken aztarna bezala, baina ideologiaz aurrerazaleagoak ziren.
Erreibindikazio ekonomikoa lortu zenean, haatik, hustu egin zen mugimendua,
administrazio erreibindikazioa albo batera utzirik. EAJk, dena den, ez zuen
parterik hartu mugimenduan, euskal herritarren arazoa ez zela adieraziz,
posibilistak negoziatzearen aldekoak izan arren.
Hurrengo urteetan, eta apurka apurka, posibilistek alderdiaren kontrola
erdiesten dute. 1913an “Mankomunitate Probintzialen” dekretua agertu da, helburu
administratiboekin. Lege hori profitaturik, alderdia (“Comunión” izena hartu
duena, alderdi hitza baztertuta) autonomi bidean jartzen da eta 1917an Hegoaldeko
lau herrialdeentzako “Euskal Mankomunitatea” proposatzen du, momentuz ezina
delako Iparraldekoekin (Lapurdi eta Zuberoa testuan) batasunik osatzea. Hala ere,
“arraza senidetasuna” aldarrikatzen da eta batasun hori gauza desiragarritzat jotzen
da10. Projektua giro on batean markoztatzen da eta autonomiaren eskaera zabaldu
egiten da herritarren artean eta arrunta bihurtzen. Giro horretan Cambó-ren bidaiak
laguntzen du, dudarik gabe.
Urte berean, 1917ko Uztailaren 15 eta 16an, Araba, Bizkaia eta Gipuzkoako
Diputazioak bildu ziren Gasteizen. Autonomiaren eskaera luzatzen da berriz,
hirurentzako oraingoan, baina Nafarroari batzeko deia eginaz 11 . Abuztuan
10. Ik. Mankomunitatearen testua in Estornés (1990:557-580, 3. eranskina). Urte hauetako
projektuez, ik. Beltza (1974), García Venero (1968) eta Estornes (1990).
11. Agiriaren testua in Estornes (1990:102-104).
62
____________________________________________________________________________
udalerriak biltzen dira, Gernikan, Diputazioen ahaleginari eusteko. Azaroan Diputazioak biltzen dira berriro, Gasteizen, eta Gobernuari mezu bat bidaltzen diote
Foruen berreskurapena edo, gutxienez, autonomia eskatuz, zeinean Administrazio
lokala, Nekazaritza, Industria, Meagintza eta Merkataritza sartzen baitziren. Projektuak hiru herrialde hauetako Senadore eta Diputatu gehienen sostengua lortu zuen
eta Madrilen aurkeztu zen Abenduan, baina konpetentziak ondo zehaztu gabe.
Hala ere, Madrilen larregizkoa iruditu zitzaien eta isilpean gordetzea erabaki zen.
1918an hauteskunde berrietara deitzen da eta projektu hau ahazturik geldituko da.
Denbora hau guztian giro soziala bero-bero eginda dago eta autonomi eskaera
oso sentitua da. I. Mundu Gerraren amaierarekin, gainera, Wilson-ek
autodeterminazioaren aldeko iritzia azaldu du eta independentzi prozesu batzuk
zabaldu dira Europan. Hori argudio bezala erabilita, manifestazioak egingo dira
Euskal Herrian, zeintzuetan Foruen berreskurapena eta autonomia eskatzen baitira.
Giro horretan, 1918ko hauteskundeetan emaitza onak lortzen ditu nazionalismoak
(5 diputatu Bizkaian, 1 Gipuzkoan, 1 Nafarroan) eta hauteskunde ostean diputatu
nazionalistek eskaera egiten dute berriz ere:
“zertarako-eta, dagokion egunean, Araba, Gipuzkoa, Bizkaia eta
Nafarroako legezko ordezkaritzekin tratatu eta bat etorri ahal izan daitezen
ea zer-nolako oinarrien gainean ezarri behar den lurralde horien eta
Espainiako Estatuaren arteko elkarbizitza bihotzekoa” 12
Nafarroako udalek ez zuten onartu eskaera eta 1919an beste hiru
herrialdeentzako autonomia eztabaidatu zen Korteetan. Batzorde bat eratzen da,
baina ez zen ezer aurreratu, borondaterik ez zegoen eta. Laster, gainera, hauteskunde berrietara dei egiten da eta ostera ere geldiarazten da projektua. Galarazte
politika honekin giroa hoztu egin zen. Eskuina, bestalde, kontraerasoka hasi zen
eta zerbait lortzeko itxaropena urrundu egin zen. Hurrengo hauteskunde hauetan
nazionalistek diputatu bakarra lortuko dute eta, txarrago oraindik, Bizkaiko
Diputazioa eskuinak bereganatzen du, zeinarekin autonomiaren ideiak indarra
galtzen baitzuen.
Primo de Rivera-ren diktaduraren hasieran beste saio bat egingo da oraindik,
Gipuzkoako Diputazioak bultzaturik eta hiru herrialdeetara zabaldurik. Berriz ere
Foru berreskurapena edo, gutxienez, autonomia eskatzen da. Baina, Arabak onartu
arren, Bizkaiko Diputazioak ez zion testuari eutsi. Apur bat beranduago,
Gipuzkoak berriro bidali zuen projektua, apur bat aldaturik, baina guztiz
zokoraturik gelditu zen13. Primo de Rivera-ren diktadurapean beste saiorik ez da
aurrerantzean izango.
Projektu autonomizalearen porrotak independentzizaleen berraktibazioa
erakarri zuen. Giroa epeldu ahala, independentzizaleak indartuz doaz eta beste
12. Aurkezturiko projektuaren 3. art. (in Beltza, 1974:179-180).
13. Ik. testua in García de Cortázar/Montero (1982:149-150).
Euskal Nazionalismoa eta lurraldea: Euskadi ______________________________________
63
korrontearen kontrako kritikak areagotu egiten dira. Kritika horretan, Madrileko
Gobernuarekiko lankidetza aipatzen da, zeina ez baita euskal herritarron jokaera
izan behar. Iritzi hauek Aberrik bideratzen ditu, azkenean alderditik espulsatuak
izango direlarik. Espulsatuok eta beste nazionalista zahar batzuek (Luis Arana
barne) EAJ berfundatuko dute. Programan euskal estatuaren konfederazioa
proposatzen da berriro. Helburua independentzia da, hasieran bezala. Primo de
Rivera-ren diktadurak, haatik, eten egingo du iharduera politikoa ofizialki. Urte
hauetan, EAJ berri hau aktiboagoa azalduko da Komunioa baino. Edozein
modutan ere, hamarkadaren amaiera aldera biak batzeko ahaleginak egiten dira.
Harreman hauetatik Errepublikak markatuko zuen etapa berrirako alderdi sendo
bat eraikiko zen.
Alderdi bien berbatuketa Bergaran egin zen 1930eko Azaroaren 16an.
Onarturiko printzipioak tradizio sabindarrari atxikitzen zaizkio. Hortaz, sei estatu
historikoen konfederazioa proposatuko da ofizialki. Sabinen dotrina bere
osotasunean errespetatzea paktatua zegoen alderdi bien artean. Hala ere, eta gai
honi dagokionez, Komunioak inposatu egin zuen konfederazio barruko estatuek
bereizte eskubiderik ez edukitzea, Aranak esandakoaren kontra. Bestalde, orain ez
da 1839ko Legearen ezabapena eskatzen, ez eta Foruen berreskurapena
erreklamatzen (de la Granja, 1986:51-52). Erreibindikazio sabindarra Aberri
zaharrekoen eragina da, zeintzuk izango baitira aktiboenak urte hauetan. Baina
lehengo erradikaltasuna albo batera utzita, autonomia eta independentzia
helburuak batzen ahaleginduko dira. Maila teorikoan independentziarako
eskubidea aldarrikatzen da, Euskal Herriko iragan autonomoan oinarriturik.
Autonomia urrats bat besterik ez da eta Estatua, berriz, bidearen amaiera.
Alderdiaren oinarriak sinbologia sabindarra erabiliko du, independentzi gogoa
gorderik, baina alderdiaren lerro nagusiak autonomi bidetik abiatuko dira. Sistema
ideologikoa mantentzen da, baina praktika politikoan posibilismoari eusten zaio
(Elorza, 1978:427-431).
Bergarako Batuketa Asanbladan programa sabindarrarekin konforme ez
dagoen talde batek alde egingo du, alderdi liberalago bat egiteko asmoz (EAE,
gazteleraz ANV). EAEren lurralde jarrera jakiteko14 1931ko Apirilaren 17an
ateratako agiria har daiteke. Euren azken helburua Iparralde eta Hegoaldea batuko
dituen Estatua eraikitzea da, baina taktikoki Hegoaldera mugatzen da eta lau
herrialdeentzako autogobernua eskatzen da. Gobernu bakarrarekin, ordea, eta ez
Aranaren konfederazio formarekin. Hau guztirako hiru etapa formulatzen dira:
1. Hegoaldeko lau herrialdeentzako behinbehineko gobernua: autonomia.
2. Espainia federal barruko euskal estatua eraikitzea (epe laburrera).
3. Ipar eta Hegoaldea batzea (eperik gabe).
14. Alderdi honi buruz, de la Granja-ren lana jarraitzen dugu (1986:131-132 eta 593-596).
64
____________________________________________________________________________
Alderdiaren politika bigarren etapa lortzera abiatzen da. Lehenengoa
behinbehinekotzat jotzen da eta hirugarrena, aldiz, urrutiko helburutzat. Tarteko
helburu hori lortzeko asmoarekin Errepublikari eutsiko diote.
Politika honen teorizazioari begira, berriz, Foruak ez dira honez gero oinarria,
autodeterminazio eskubidea baizik. Ez da, beraz, iraganean sustraitzen, orainaldian
baizik. Onartu egiten dute, bai, Foruen izpiritua, baina momentuko errealitatera
egokiturik. Hori dela eta, herrialdeen arteko diferentziazioa ukatzen dute, nazio
bakarra eraikitzea baitute helburutzat.
Helburu hauek aldatu gabe egongo dira ia Errepublikaren denbora guztian.
1936ko Ekainaren 28an Nazio Bilera egin zuten Bilbon, zeinean sozialki
ezkerretara jo baitzuten. Lurraldeari buruz, sei herrialde historikoen osotasuna
ezagutzen da, Euskadi bakarra dela aldarrikatuz. Hala ere, aurreko urteetan
konturatu dira dagoenekoz probintzien indarraz eta, errealitatera egokituz,
nolabaiteko autonomia onartuko zaie herrialdeei Euskadi barruan, baina
diferentziak ezabatzeko planteamentuarekin. Dena den, oraingo aldaketarik
esanguratsuena Euskadiren independentzia eta berbatuketa eskatzea da, aurreko
etapako lehen fase biak (autonomia eta federalizazioa) aipatu gabe uzten direlarik.
Helburu berri honen gauzapena Mendebal Europako Herrien Konfederazioan
egingo litzateke. Edozein modutan ere, argitu beharra dago EAEren benetako
politikak lehenago bezala jarraitu zuela, autonomiaren alde su eta gar joaz. Izan
ere, EAJk eta EAEk ahalegin guztiak egingo dituzte Errepublikan zehar autonomi
estatutua lortzeko.
Estatutuaren historia lehendik zetorren, ikusi dugunez. Errepublika
aldarrikatzeaz bat, EAJk ideiari ekiten dio eta Agirrek gidaturik, alkateen bilera
batera konbokatzen du Gernikan, Apirilaren 17an. Hala ere, Gobernadoreak
debekatu egin zuen. Presentatu behar zen dokumentua iragarri zen, dena den.
Bertan, Espainiar Errepublika onartzen zen eta bere barruan Euskal Gobernu
Errepublikarra eraikitzea eskatzen zen, autodeterminazio eskubidearen izenean.
Beste puntu batean Bizkaiko Udalerrietako Apoderatuek eginiko Agiria onartzea
eskatzen zen. Agiri honetan katolizismoa aldarrikatzeaz gain, Euskal
Errepublikaren alde jotzen zen. Bertan Bizkaia integratuko zen eta dei egiten
zitzaien Araba, Gipuzkoa eta Nafarroari berdin egin zezaten. Berriztapenik
handiena estatuaren osaketari dagokio, Euskal Errepublika Iberiar Penintsulako
beste estatuekin federatuko zen eta 15. Iberiar federazio honen ideia nahiko
zabaldurik egon zen urte hauetan eta behin baino sarriagotan aipatuko da
(“Galeuzca”-n, esate baterako).
15. Bizkaiko Apoderatuen Agiriaren testu hau in García de Cortázar/Montero (1982:152-154).
Garai honetako Estatutu Projektu eta ekimenez, ik. besteak beste, Beltza (1974), Estornes (1990),
García Venero (1968), Sarrailh de Ihartza (1979).
Euskal Nazionalismoa eta lurraldea: Euskadi ______________________________________
65
EAJk udalerrien mugimenduari eusten segitu zuen, eta Hegoaldeko udalerri
gehienen oniritziarekin estatutuaren alde jotzea erabaki zen azkenik.
Aurreprojektua Eusko Ikaskuntzari (EI) eskatu zitzaion, aurretik ere ideia hori
lantzen zetorrena. Lan honetan eragin handia hartuko zuen EAEk. Egoera
politikoak hala eskaturik, arineketan egin behar izan zen lana, 1931ko Maiatzaren
31rako EIk onetsi egiten zuelarik bere aurreprojektua. Bertan, Hegoaldeko lau
probintziek Estatu autonomoa osatzen zuten “Espainiako Estatu”aren osotasunaren
barruan, “País Vasco” izenarekin. Probintzia bakoitzak bere autonomia zeukan
barne eraketan. Dena den, herrialde hauez gain, beste herrialde batzuek har
zezaketen parte, beren biztanleriaren %80k hala eskatzen bazuen (gehi beste
betebehar batzuk). Eskubide hau Euskal Estatu honekiko mugan zeuden lurraldeei
bakarrik luzatzen zitzaien, lurralde zatiketarik ez zedin izan (2. art.)16.
Beste herriald