Bortol
Bortol[1][2][3] (hurup Arab Gundul: بورتول atawa برتل) atawa bortel (hurup Arab Gundul: برتل) atawa wortel (hurup Arab Gundul: ورتل) entu atu jenis taneman. Ada banyak macem ragem nyang ada. Ni taneman punya nama Latin biasanya dipaké nyang Daucus carota. Ni taneman gableg oyod, warna oranye kena dimakan, ama kembang, biasanya puti. Bortol liar numbu alamiah di daèrah Èurasia. Adapun bortol bolé nanem bisa numbu di mana-mana bagèan Bumi bakal jadi makanan.
Bortol numbunya di dalem tana, èn dia punya oyod – sayuran nyang umum digares. Abisnya dicuci, tu oyod bisa' langsung digares menta atawa mateng. Biasanya, ni bortol juga' jadi bahan atawa bagèan deri macem-macem makanan. Hata di Portugal, ni bortol dijadiin selé nyang jadi dia punya ciri has.
Ruju'an
[permak | permak sumber]- ↑ al-Batāwī, Sayyid ʿUṡmān b. ʿAbd Allāh b. Yaḥyā. (1897). Kamus kecil: Arabiah-Melayu-Sunda. Betawi, h. 22.
- ↑ von de Wall, H. (1880). Maleisch-Nederlandsch Woordenboek: Op het last van het Gouvernement van Nederlandsch-Indië. J. 1. Lansdrukkerij. h. 217.
- ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta.