Wortel

Wortel
Panenan wortel
Klasifikasi ilmiah
Kingdom:	Plantae
Division:	Magnoliophyta
Class:	Magnoliopsida
Order:	Apiales
Family:	Apiaceae
Genus:	Daucus
Species:	D. carota
Namo binomial
Daucus carota L. Media: Wortel

Wortel, atau bahaso latinyo Daucus Carota, adolah tumbuahan biennial (punyo siklus hiduik 12 - 24 bulan) nan manyimpan karbohidrat dalam jumlah banyak untuak tumbuahan tasabuik babungo pado tahun kaduo. Batang bungo tumbuah satinggi sakitar 1 m, dengan bungo bawarna putiah, nan rasonyo manih langu. Bagian nan dapek dimakan dari wortel ko adolah bagian umbi atau akanyo.

Kagunoan

Wortel dapek dimakan dengan babagai caro. Pado wortel nan mantah hanyo 3% β-ririencha nan dilapehan salamo proses pancernaan, proses iko dapek ditingkekan hinggo 39% malalui pulping, mamasaknyo jo manambahan minyak sawit. Bisa juo dengan caro di buek jus wortel dan kanduangan vitaminnyo hampia samo jo wortel nan dimakan lansuang sajo. Wortel ko sangaik baguno untuak kasehatan, tarutamo kasehatan mato.

Pananaman

Untuak mandapekan hasia nan optimal wortel harus dibudidayoan di dataran tinggi dengan katinggian minimal 1000 mdpl dengan temperatur udaro optimal 15 -21 derajat Celsius. Karano alasan tasabuik kabun wortel biaso banyak ditamuan di daerah Batu, Nongkojajar, Dieng jo Priangan.

Nutrisi

Wortel manganduang vitamin A nan baiak untuak kasehatan mato. Mangkonsumsi wortel sangaik rancak untuak panglihatan pado mato, tarutamo bisa maningkekan pandangan jarak jauah. Salain vitamin A, wortel manganduang pulo vitamin B1, B2, B3, B6, B9, jo C, kalsium, zat besi, magnesium, fosfor, kalium, jo sodium.