Bedia

Bedia
	Bizkaia, Euskal Herria
	Bediako udaletxea
Administrazioa
Estatua	Espainia
Erkidegoa	Euskal Autonomia Erkidegoa
Lurraldea	Bizkaia
Eskualdea	Arratia
Izen ofiziala	Bedia
Alkatea	Aitor Sorriketa Larrea (EAJ)
Posta kodea	48390
INE kodea	48092
Herritarra	bediar, bediaztar
Kokapena
Koordenatuak	43°12′30″N 2°48′07″W / 43.2084°N 2.802°W
Azalera	16,5 km²
Garaiera	62 metro
Distantzia	14 km Bilbora
Demografia
Biztanleria	1.114 (2023); 12 (2022)
Dentsitatea	6,75 bizt/km²
Hazkundea; (2003-2013)	% 3,55
Zahartze tasa	% 21,17
Ugalkortasun tasa	‰ 52,63
Ekonomia
Jarduera tasa	% 79,69 (2011)
Genero desoreka	% 7,16 (2011)
Langabezia erregistratua	% 11,65 (2013)
Euskara
Euskaldunak	% 54,93 (2010)
Kaleko erabilera	% (2016)
Etxeko erabilera	% 40.57 (2016)
Datu gehigarriak
Webgunea	http://www.bedia.biz/

Bedia Bizkaiko erdialdean dagoen udalerri txikia da, Arratia eskualdean. 2016. urtean 1.026 biztanle zituen.

Geografia

Ingurune naturala

Ibaizabal ibaia udalerriko lurretatik igarotzen da.

Auzoak

Bediak honako auzo hauek ditu:

Udalerri mugakideak

Galdakao ipar eta mendebaldean
Lemoa ekialdean
Igorre eta Zeberio hegoaldean

Historia

Herriaren sorrera XI. mendean izan omen zen, orduan Jauregizuria, Barroeta, Tosubando, Hutxarain eta Gortazar izeneko oinetxe eta arma-etxeak biltzen zituela.
San Joan Bataiatzailearen eliza, herriko nagusia, 1742an egin zuten.
Herriari 1858an eman zioten elizate titulua, eserlekua eta botoa lortuz Gernikako Batzar Nagusietan.

Demografia

Bediako biztanleria

Politika

2015eko maiatzaren 24ko hauteskundeetako emaitzen ondorioz Aitor Sorriketa Larrea (EAJ) da Bediako alkatea, karguan 2003tik. Sorriketak alkatetza berritu zuen bere taldearen baiezko botoei esker, gehiengo osoaz.

2015eko udal hauteskundeak

Bediako udalbatza
Alderdia		2015eko maiatzaren 24a		2011ko maiatzaren 22a
Alderdia		Zinegotziak	Boto kopurua	Zinegotziak	Boto kopurua
	Euzko Alderdi Jeltzalea (EAJ-PNV)	6 / 9	374 (% 63,61)	5 / 7	349 (% 58,95)
	Euskal Herria Bildu (EH BILDU)*	3 / 9	184 (% 31,29)	2 / 7	189 (% 31,93)
* 2011n Bildu koalizioa aurkeztu zen.
Datuen iturria: 2015eko Udal hauteskundeak. Behin-behineko emaitzak euskadi.eus webgunean

Euskara

Bediako euskara Arratiako euskaran^[5]^[6] dago katalogaturik, era berean, mendebaldeko sartaldeko euskaran. Arratia eskualde guztiz euskalduna da, biztanleria osoaren %75 baino gehiagok euskara erabiltzen baitu egunerokoan. Hala ere, alde handiak daude herri batzuen eta besteen artean. Gauzak horrela, esan ohi da Zeanuri dela udalerririk euskaldunena, eta Areatza erdaldunena. Euskal hiztunen portzentajeagatik, UEMAko kideak dira, Arratian, lau udalerri: Arteaga, Dima, Zeanuri eta Areatza. Oro har, Mendebaleko euskararen aldaera bat dute jatorrizko euskalkia eskualdean.

Bediako Jose Mintegi hiztunaren testigantza. Euskal Herriko Ahotsak^[5]^[6] proiekturako egindako elkarrizketa, ahozko ondarea jaso eta zabaltzeko.

Arratia eskualdeko euskara gorde eta berreskuratzeko helburuarekin sortu zen duela urte batzuk Geure Berbategie programa. Programa horrek bertoko euskararen irautea bideratu nahi du, eta horretarako kanta herrikoiak, esaerak, aditzak, lexikologia, toponimia etab. aztertu eta ikasi dira, betiko gordetzeko asmotan. Etengabeko lana da, egunero-egunero berriztu beharrekoa. Aipatutako kantak ezagutarazteko asmotan, AK-37 taldea sortu da, Igorreko Institutuko ikasleek osatuta. Talde horrek gerra zibilaren garaiko kantak moldatu eta musikaz nahastu ostean, disko bat argitaratu dute, bai eta Bizkaia osotik kontzertuak eskaini ere.

Garraioa

Arratia eskualdea gurutzatzen duen N-240 errepidea herrigunetik igarotzen da. Era berean, Bilbo eta Donostia arteko eta Urdaibaiko EuskoTren lineetako Bediako geltokia dauka herriak.4