工業革命
工業革命（英文：Industrial Revolution），係18到19世紀到英國開始嗰農業、製造業、礦業、運輸業嗰大革新。到箇隻時期裡頭，英國嗰社會、經濟同得文化都有很大的變動。箇滴子變化也末後影響到歐洲、北美乃至全世界。工業革命嗰發生係人類歷史上嗰隻重大轉折點，生活上嗰各方面都或多或少拕佢影響到嘍。
18世紀嗰督尾，英國嗰早先嗰人力、畜力為主嗰經濟開始轉為機器製造。佢起始自紡織業嗰機械化、冶鐵技術嗰發展同得精質煤嗰廣泛使用。[1]運河嗰開鑿、交通系統（公路、鐵路）嗰改良也舞得貿易交流快速擴張。蒸汽動力嗰引入、水車設備同得高能機器嗰推廣都保證嘍生產力嗰快速提高。[2]19世紀頭二十年，全金屬打造嗰機器工具拕廣泛應用，箇也舞得別嗰產生引進更多嗰機器以供生產。箇滴子變革到19世紀嗰時間已經發展到西歐、北美，末後最終影響到大部份嗰國家。佢對社會嗰影響都係好大嗰。[3]
揸得歷史學家大衛·蘭德（David Landes）嗰研究，Industrial Revolution箇隻詞係法國人路易季約姆·屋鐸（Louis-Guillaume Otto）到1799年7月6號嗰一封信裡頭至早使用嗰。[4]專話技術變革的Industrial Revolution係到1830年代開始普遍使用嗰，好似路易屋古斯拖·布朗基（Louis-Auguste Blanqui）到1837年的la révolution industrielle提及的。胡利帝什·恩格斯（Friedrich Engels）到《1844年英格蘭嗰工人階級的條件》（The Condition of the Working Class in England in 1844）裡頭話到「一隻工業革命，係話一隻同一時間改變正完隻文明社會嗰變革。」[5]
工業革命嗰誘因蠻複雜嗰，一徑係爭論嗰焦點，有滴子歷史學家覺得17世紀嗰英國內戰舞得全國嗰封建制度正式結束，𠵹工業革命就係許時間社會、體制變化嗰自然產物。國家嗰邊境拕更有效嗰管理，故係傳染病拕控制嘚，避免出現早先時常性嗰流行病。[6]活過幼年期嗰細人嗰百分比顯著提高，箇就提供正更大嗰勞動力。圈地運動同得英國農業改革也舞得糧食嗰生產更高校，冇必要許多嗰人工，𠵹盈下來嗰人到農業生產裡頭尋不到事做，就拕逼得進入棉紡工業，好似紡織業，之後就進城或新開嗰工廠。[7]17世紀嗰殖民擴張帶動國際貿易嗰發展，金融市場嗰產生、資本嗰大量積累、17世紀嗰科學革命就拕認為係工業革命嗰誘因。[8]
一徑到1980年代，學院歷史學家普遍認為技術創新係工業革命嗰主心骨，佢最關鍵嗰技術系蒸汽機嗰發明同得改進。[9]但箇下進入市場時代嗰研究對傳統搦供給為導向嗰觀點做出新嗰挑戰。[10]
Lewis Mumford提議工業革命嗰起因源自中世紀嗰早期，箇要早過大多數嗰估計。[11]佢話大量生產嗰標準模式係印刷行，工業時代嗰原型模式就係鐘錶。佢哈話到修道院對紀律、守時嗰強調、中世紀城市固定時間會搉市中心教堂嗰樓鐘等因素。
一隻巨大嗰國內市場嗰出現也係工業革命嗰一隻重要驅動力，尤其解釋得正啷會發生嘚英國。別嗰國家，好似法國，市場拕地方政府分頭控制，佢俚互相來往嗰貨物貿易經常要擐零零硁硁嗰稅。[12]
哈有一隻影響深遠嗰因素係政府部門一下保障發明者嗰專利體系同得限制佢嗰壟斷權力。專利嗰影響有好有壞，蒸汽機嗰歷史進程係工業化發展嗰重中之重。為得補還公開透露發明嗰發明者，專利體系准許發明者（好似瓦特）龍轉第一批蒸汽機嗰生產，箇就獎賞哩發明者也加快哩技術發展嗰速度。不過技術嗰壟斷也會損傷發明者嗰創造力。[13]好似，瓦特嗰龍特舞得別嗰發明者（好似Richard Trevithick、William Murdoch、Jonathan Hornblower）改善不正蒸汽機，箇都舞晏哩工業革命達20年。[14]
歐洲到17世界嗰殖民擴張、跨國貿易、資本市場嗰開發產生一隻全新嗰合法懂理嗰環境，箇也支持、保證嘍18世紀嗰工業增長。
有隻歷史學家非常感興趣嗰問題係，工業革命啷會產生嘚歐洲而不係18世紀世界嗰別嗰地方，好似中國、印度、中東，或者別嗰時間，好似古典時期[15]、中世紀[16]。蠻多嗰印度都拕提出來，佢俚有教育、「現代」政府、「現代」工作態度、生態、文化[17]。啓蒙時期不光係話產生嘍一大批嗰受教育人群，哈產生嘍對工作嗰現代意識。
工業革命啷會起自英國、舞得英國超吥別嗰國家一大莝，到今下哈有好多學者爭論嘚。有人強調英國到佢嗰海外殖民地獲得嗰自然、經濟資源嗰重要性，同得佢到非洲、加勒比海之間做嗰奴隸貿易裡頭賺到嗰利潤都係工業投資嗰原始資金。但也有人指出，奴隸貿易跟到西印度嗰獲利單係工業革命許幾年子嗰英國全國收入嗰5%。[18]即便話奴隸制係工業革命時期英國嗰經濟獲益嗰小頭，但基於加勒比海嗰市場需求也係英國工業輸出嗰12%。[19]
別嗰來話，一隻具有更大嗰自由度嗰大型商業平臺舞得英國能夠更有效嗰生產、使用時時湧現嗰科學、技術發展，不像有滴子君主制國家，好似俄羅斯同得中國。英國係拿破崙戰爭以來唯一一隻冇拕金融掠奪、經濟破壞嗰歐洲國家，佢也係唯一一直擁有有效規模嗰商業艦隊嗰（歐洲別嗰國家嗰商業艦隊都拕英國皇家海軍到戰爭裡頭摧毀吥嘍。）。英國大量嗰出口棉產業也保證嘍早期形式嗰手工產品嗰市場。𠵹也就舞得英國嗰戰爭開銷花費嘚海外貿易上頭，不像歐洲別嗰國家樣為得領土日日打仗，箇也得利於英國嗰地理條件——同得歐洲大陸隔開嗰一隻島。
另一隻理論話英國得到工業革命時期取得巨大成功係因為佢擁有嗰重要資源。佢滴子大嗰地理面積住嘚大量人口。圈地運動同得相關嗰農業革命舞得充沛嗰勞動力去供給產業所需。英格蘭北部、中部、南威爾士、蘇格蘭低地嗰當地自然資源提供嘚煤、鐵、鉛、銅、錫、石灰、水力，各滴子優良資源都保證嘍工業嗰發展、擴大。英格蘭西北部嗰潮濕、熱和嗰氣候也為得紡織產業嗰壯大提供嘍完美嗰條件。
1688年以來英國穩定嗰政治局面同等群眾求變嗰心態也拕話成係誘發工業革命嗰因素。因為圈地運動嗰展開，耕田傳統拕工業化進程摧毀圓，𠵹有地嗰上層階級開始做佢理嗰資本生意，冇再有過任何阻礙。[20]
- ↑ Beck B., Roger (1999). World History: Patterns of Interaction. Evanston, Illinois: McDougal Littell.
- ↑ Business and Economics. Leading Issues in Economic Development, Oxford University Press US. ISBN 0-19-511589-9 Read it
- ↑ Russell Brown, Lester. Eco-Economy, James & James / Earthscan. ISBN 1-85383-904-3 Read it
- ↑ Mokyr, Joel (1999). The British industrial revolution: an economic perspective. Westview Press. ISBN 081333389X.
- ↑ 「An industrial revolution, a revolution which at the same time changed the whole of civil society.」
- ↑ BBC – Plague in Tudor and Stuart Britain。 bbc.co.uk。
- ↑ The Origins of the Industrial Revolution in England
- ↑ "Scientific Revolution". Microsoft Encarta Online Encyclopedia 2009. 2009-10-31.
- ↑ Hudson, Pat. The Industrial Revolution, Oxford University Press US. ISBN 0-7131-6531-6
- ↑ Fullerton, Ronald A. (January 1988). "How Modern Is Modern Marketing? Marketing's Evolution and the Myth of the "Production Era"". The Journal of Marketing (New York City, NY: American Marketing Association) 52 (1): 108–125. doi:.
- ↑ Technics & Civilization。 Lewis Mumford。
- ↑ Deane, Phyllis. The First Industrial Revolution, Cambridge University Press. ISBN 0-521-29609-9 Read it
- ↑ Eric Schiff, Industrialisation without national patents: the Netherlands, 1869-1912; Switzerland, 1850-1907, Princeton University Press, 1971.
- ↑ Michele Boldrin and David K. Levine, Economic and Game Theory Against Intellectual Monopoly, Chapter 1, 11 November 2005 revisionPDF (143 KB), page 3.
- ↑ Why No Industrial Revolution in Ancient Greece? J. Bradford DeLong, Professor of Economics, University of California at Berkeley, 20 September 2002.
- ↑ The Origins of the Industrial Revolution in England | The History Guide, Steven Kreis, 11 October 2006 – Accessed January 2007
- ↑ The Industrial Revolution – Causes
- ↑ Was slavery the engine of economic growth? Digital History
- ↑ The Industrial Revolution by Pat Hudson, pg. 198
- ↑ Barrington Moore, Jr., Social Origins of Dictatorship and Democracy: Lord and Peasant in the Making of the Modern World, pp. 29-30, Boston, Beacon Press, 1966.