Şoreşa pîşesaziyê werçerxaneke mezin bû di rewşa teknolojî, civakî-aborî û kulturî ya Ewropayê da. Ev werçerxan li dawiya sedsala 18ê û destpêka sedsala 19ê dest pê bû û heta evro jî wekî pîşesazîkirin berdewam e. Ev şoreş li Brîtanyaya Mezin dest pê bû û ber bi hemî welatên cîhanê belav bû. Li wî çaxî berhemanîna makîneyî cihê berhemanîna girêdayî karê destî yê karkeran girt. Şoreş bi zêdebûna berhemanîna makîneyî ya pîşesaziya pateyî, geşbûna teknîkên çêkirina asin û polayî û zêdebûna bikaranîna komir anko rejûya berîn dest pê bû.
