Claire Hanna er ein irsk politikar, som vart vald som partileiar for det nord-irske Social Democratic and Labour Party (SDLP) i oktober 2024. Hanna har tidlegare vore SDLP-representant i Belfast City Council 2011–2015, representant i Northern Ireland Assembly 2015–2019 og representant i underhuset i London sidan 2019.
Claire Hanna
Faktaboks
Claire Hanna
Claire Aisling Hanna
- Fødd
- 19. juni 1980, Galway, Irland
Claire Hanna overtok som partileiar for Social Democratic and Labour Party (SDLP) etter Colum Eastwood i oktober 2024.
Av
David Woolfall/https://commons.wikimedia.org/wiki/File:Official_portrait_of_Claire_Hanna_MP_crop_2.jpg#/media/File:Official_portrait_of_Claire_Hanna_MP.jpg.
Lisens:
Familie, utdanning og arbeidsliv
Claire Hanna er gift med SDLP-politikaren Donal Lyons, og saman har dei tre døtrer. Ho har ein bachelorgrad i internasjonale relasjonar frå Open University og ein mastergrad i rettsvitskap frå Queen’s University Belfast.
Claire Hanna har arbeidd med internasjonale utviklingsspørsmål, særleg knytt til Zambia, Haiti og Bangladesh.
Politisk profil
I Northern Ireland Assembly markerte ho seg mellom anna med engasjement for amming og motstand mot å kalla opp ein leikepark i Newry etter IRA-fangen Raymond McCreesh som døydde i den store republikanske sveltestreiken i 1981 (sjå The Troubles).
Claire Hanna kom også på kant med eige parti då SDLP ynskte valsamarbeid med det irske partiet Fianna Fáil. Då ytra ho mellom anna at ho aldri ville vera Fianna Fáil-representant i Northern Ireland Assembly. I staden engsjerte ho seg for Irish Labour Party og det konservative partiet Fine Gael ved eit val i republikken Irland. Etter at Hanna vart vald inn i Londonparlamentet i 2019, måtte ho sverja truskap til til den britiske monarken, og markerte det ho kalla ein respektfull protest mot innhaldet i denne lojalitetseiden dagen etter. Dette utløyste kritikkreaksjonar.
Då Hanna vart vald til SDLP-leiar i oktober 2024, ytra ho at berre irsk samling kunne gjera ambisjonane hennar for Nord-Irland til røyndom.
Les meir i Store norske leksikon
- Nord-Irlands historie
- Nord-Irlands politiske system (del av artikkelen om Storbritannias politiske system)
- Social Democratic and Labour Party
Eksterne lenkjer
- Irish Times, 5. Oktober 2024; New United Ireland will “create a fairer more prosperous society” Claire Hanna tells SDLP conference.
- Social Democratic and Labour Party; Presentasjon av Claire Hanna: Claire Hanna – Social Democratic and Labour Party (sdlp.ie)
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.