drott – Store norske leksikon

Ordet drott er brukt i den norske kongesangen, og betyr her «konge»

Kongesangen

Av Store norske leksikon.

Lisens: Avgrensa gjenbruk

Drott er eit eldre synonym for konge eller fyrste. Drott har også blitt brukt om den rikaste eller mektigaste personen på ein stad, til dømes jorddrott om ein person som har stor eigedom.

Faktaboks

Uttale: drått
Etymologi: etter norrønt dróttinn ‘konge, herre’, grunntyding ‘hirdførar’, avleidd av drótt ‘hovdings følge, hird’; til dels teke opp att på 1800-talet frå folkevisene (drott). Forma drott er oppstått av drotten, der -en er blitt oppfatta som bestemt artikkel.

Truleg under påverknad av folkevisene blei ordet teke opp att i dansk på 1800-talet i samansetningane jorddrott og landdrott, som tyder ‘jordeigar’. Men ordet var også brukt før den tid.

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må vere logga inn for å kommentere.

Fagansvarleg for Norske ord og uttrykk

Børge Nordbø

Magister i norrøn filologi