Middelskule var ein type skule som vart innført frå rundt 1870 som ein allmenndannande skule for åra mellom småskule og gymnas. Skulane kunne være statlege, kommunale eller private. Eit viktig skilje gjekk og mellom skuler med og utan eksamensrett. Ordninga bygde på lov om høgare allmennskuler av 1869. Høgare allmennskuler var fram til 1964 det offisielle namnet for skuler som leidde fram til middelskuleeksamen eller examen artium. Med felles lov om vidaregåande opplæring frå 1974 var høgare allmennskuler avvikla.
Faktaboks
- Også kjend som
-
middelskole; mellomskole; mellomskule
Middelskulen var først og fremst ein byskule og ein betalingsskule. Den fulgte bytradisjonen med eit vannskille mellom enkel opplæring for dei fleste og den akademiske eliteskulevegen, eit mønster som vara ved til overgangen til felles grunnskule for alle born (1969). Etter nokre år med barneskule eller heimeundervising kunne elevar i 11–12-årsalderen søkje opptak til ein seksårig middelskule med latinline og engelskline. Fullført middelskuleeksamen var føresetnad for at ein kunne gå vidare til gymnas og ta examen artium.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.