Public Disclosure Authorized
Public Disclosure Authorized
Public Disclosure Authorized
Public Disclosure Authorized
Kosova:
Dallimet Gjinore në
Arsim, Shëndetësi dhe
Mundësitë Ekonomike
75930
Vlerësimi Gjinor, EAQ
Njësia për Uljen e Varfërisë dhe Menaxhimin Ekonomik
Rajoni i Evropës dhe Azisë Qendrore
Cover photo: World Bank photo/Yosef Hadar.
Raport 75930 - KV
Kosova:
Dallimet Gjinore në
Arsim, Shëndetësi dhe
Mundësitë Ekonomike
Korrik 2012
Njësia për Uljen e Varfërisë dhe Menaxhimin Ekonomik
Rajoni i Evropës dhe Azisë Qendrore
Përmbajtja
Mirënjohje
Përmbledhje Ekzekutive
Hyrje
Pjesa I. Çështjet gjinore në kapitalin njerëzor
A. Arsimi
B. Shëndetësia
Pjesa II. Pabarazitë gjinore në tregun e punës
A. Indikatorët kryesorë të tregut të punës
B. Trendet e punësimit
C. Organizimet fleksibile të punës dhe orari mesatar
Pjesa III. Ndërmarrësia dhe lidershipi
A. Përfshirja e grave në ndërmarrësi
B. Sektori formal
C. Kufizimet ndaj ndërmarrësisë
D. Hyrja në pozita udhëheqëse
iii
v
ix
1
1
6
13
13
19
22
25
25
27
29
30
Pjesa IV. Konkludime dhe ndikimet në politika
35
Referencat
41
Figurat
1
2
Përqindja e studentëve meshkuj dhe femra në
Universitetin e Prishtinës, Viti akademik 2009-2010
3
Përqindja e popullatës me diplomë universiteti
sipas gjinisë dhe grupmoshës, 2009
5
i
ii
Kosova: Dallimet Gjinore në Arsim, Shëndetësi dhe Mundësitë Ekonomike
3
Përqindjet e aktivitetit dhe punësimit sipas
lokacionit, 2009
15
4
Përqindjet e punësimit dhe arritjeve arsimore %
sipas gjinisë, 2009
16
5
Përqindja e papunësisë sipas grup moshës, 2009
18
6
Struktura e punësimit sipas statusit dhe gjinisë,
2009 (%)
26
Struktura e firmave sipas veprimtarisë dhe gjinisë
së pronarëve, 2009
27
Përqindja e firmave që i perceptojnë rregulloret e
biznesit si pengesë madhore ose shumë e rëndë
ndaj aktiviteteve aktuale, 2009
29
Pjesa e grave në struktura të ndryshme të pushtetit,
2011 (%)
32
7
8
9
Tabelat
1
Pjesa e nxënësve meshkuj dhe femra në institucionet
arsimore publike dhe private, 2009-2010
2
Numri i nxënësve në nivele të ndryshme të
arsimit, 2009-2010
2
3
Popullsia Analfabete (%), 2010
4
4
Arritjet arsimore të burrave dhe grave, 2009
(%, mosha 15 vjeç e më shumë)
5
Përqindja e grave të moshës 15-49 vjeçare që kanë
përdorur metoda kontraceptive, 2009
9
2
5
6
Indikatorët e tregut të punës për popullsinë
(mosha 15-64) në Kosovë dhe shtetet e
përzgjedhura të rajonit, 2009
13
Indikatorët e tregut të punës, 2002-2009
(popullsia e moshës 15-64)
14
8
Indikatorët e tregut të punës sipas rajonit, 2009
15
9
Punëdhënësit kryesorë, 2009 (%)
20
10
Punësimi sipas gjinisë dhe sektorit, 2009 (%)
21
11
Punësimi sipas gjinisë dhe arsimimit, 2009 (%)
22
12
Statusi juridik i firmës sipas gjinisë së pronarit, 2009
27
7
Falënderimet
Ky raport është përgatitur nga Banka Botërore nën ombrellën e punës
programatike gjinore në Ballkanin Perëndimor. Ekipi është udhëhequr
nga María Eugenia Dávalos dhe Sarosh Sattar (bashkë-liderë të ekipit të
detyrës), me përkrahjen e Kenneth Simler (Ekonomist i lartë që udhëheq
punën mbi varfërinë në Kosovë) dhe nën drejtimin e Benu Bidani
(Menaxher sektori). Raporti është përgatitur nga Anna Reva me të dhëna
sasiore nga Sasun Tsirunyan (konsultant). Rishikues nga ana e kolegëve
ishte María Beatriz Orlando. Ekipi gjithashtu ka marrë komente të vlefshme nga Lola Ibragimova.
iii
iv
Kosova: Dallimet Gjinore në Arsim, Shëndetësi dhe Mundësitë Ekonomike
Përmbledhje Ekzekutive
Ky dokument jep një pamje të gjerë të pabarazive gjinore në
Kosovë në arsim, shëndetësi dhe në qasje në mundësitë ekonomike. Duke e bërë këtë, ai ndërtohet mbi kornizën e raportit regjional
gjinor të Bankës Botërore Evropa dhe Azia Qendrore: Mundësitë për burrat
dhe gratë dhe raporti i zhvillimit botëror mbi gjininë dhe zhvillimin. Diagnostika
është përgatitur për të dhënë informacion për Strategjinë e Kosovës për
Partneritet (VF12-VF15). Shtrirja dhe thellësia e analizës janë të kufizuara nga mungesa e të dhënave të ndara sipas gjinisë për Kosovën.
Dokumenti bazohet në Anketën e buxhetit të ekonomive familjare 2010
(ABF), Anketën e fuqisë punëtore 2009 (AFP), Anketën e mjedisit të
biznesit dhe performancës së ndërmarrjeve 2008-09 (AMBPN), dhe një
shumëllojshmëri të burimeve dytësore. Të gjeturat kryesore të analizës
mund të përmblidhen si më poshtë:
Ka dallime të theksuara gjinore në arritjet në shkrim-lexim
dhe nivelin arsimor në favor të meshkujve. Kosova ka bërë përparim të rëndësishëm në përmirësimin e normave të shkrim-leximit që
nga viti 2003, veçanërisht në mesin e të rinjve. Pjesa e popullsisë (e
moshës 15 e më shumë) që nuk di të lexojë dhe të shkruajë ka rënë nga
8 për qind në vitin 2003 në 5 për qind në vitin 2010. Megjithatë, analfabetizmi është më i zakonshëm në mesin e grave të rritura, 7 për qind e të
cilave janë analfabete krahasuar me 2 për qind të meshkujve të rritur.
Nxënëset femra kanë më shumë gjasa të braktisin shkollën fillore, dhe
gratë në përgjithësi kanë kualifikim më të ulët arsimor sesa burrat: 62 për
qind e grave kanë vetëm shkollën fillore të kryer (deri në nëntë vjet të
shkollimit), në krahasim me 37 për qind të meshkujve dhe 6 për qind e
grave kanë diplomë universitare, krahasuar me 12 përqind të meshkujve.
Rezultatet shëndetësore për burrat dhe gratë në Kosovë krahasohen dobët me mesataret rajonale. Pritja e jetëgjatësisë mesatare
është përmirësuar gjatë dekadës së kaluar, por mbetet më e ulët se mesa-
v
vi
Kosova: Dallimet Gjinore në Arsim, Shëndetësi dhe Mundësitë Ekonomike
tarja në Evropë dhe Azinë Qendrore (EAQ) dhe vende të tjera të Ballkanit. Në vitin 2009, jetëgjatësia në lindje ishte 68 vjeç për burrat dhe 72
vjeç për gratë në Kosovë dhe 72 dhe 79 vjet, respektivisht në EAQ. Përqindja e vdekshmërisë së nënave në Kosovë është ndër më të lartat në
Evropë, dhe shumica e vdekjeve i atribuohen shkaqeve të parandalueshme. Dëshmitë nga anketa tregojnë se përdorimi i kontraceptivëve
modernë është në rënie në Kosovë, ndoshta për shkak të mbështetjes së
zvogëluar të donatorëve, si dhe incidenca e aborteve është e lartë (8 për
qind e grave të anketuara në vitin 2009 që kanë qenë ndonjëherë
shtatzënë kanë raportuar se kanë pasur një abort). Për më tepër, statistikat për shtatë vitet e fundit tregojnë se ka më shumë djem sesa vajza që
lindin në Kosovë (53 për qind e lindjeve të gjalla në vitin 2010 ishin
meshkuj), që është tregues i diskriminimit gjinor në lindje.
Treguesit e tregut të punës në Kosovë janë në nivelin më të
keq në Evropë, dhe gratë janë veçanërisht të pafavorizuara: 12 për
qind e femrave në moshë pune janë të punësuara, në krahasim me 34 për
qind të meshkujve në moshë pune. Normat jashtëzakonisht të ulëta të
punësimit të grave mund të shpjegohen me nivelin e ulët arsimor, mungesën e institucioneve të kujdesit për fëmijët, vazhdimësinë e roleve tradicionale shoqërore, si dhe kërkesën e ulët të tregut për femra në punë.
Arsimi është një përcaktues kryesor i rezultateve të tregut të punës.
Meshkujt me arsim universitar kanë mbi tri herë më shumë gjasa që të
hyjnë në punë sesa meshkujt që kanë përfunduar vetëm arsimin fillor
(8-9 vjet të shkollimit). Premiumi i arsimit është edhe më i lartë për femrat. Femrat e diplomuara në universitet kanë mbi 28 herë më shumë
gjasa të punësohen sesa femrat me arsim fillor.
Pjesëmarrja e gruas në ndërmarrësi dhe pronësi zyrtare të
biznesit në Kosovë është shumë e ulët sipas standardeve rajonale.
Në Kosovë, gratë përfaqësojnë 9 për qind të ndërmarrësve individuale (të
vetëpunësuara) dhe marrin pjesë në pronësi me vetëm 11 për qind të
bizneseve formale. Për krahasim, në EAQ gratë përfaqësojnë 33 për qind
të ndërmarrësve individualë dhe marrin pjesë në pronësi në 36 për qind
të ndërmarrjeve. Përfshirja e grave në ndërmarrësi mund të jetë e kufizuar nga një sërë faktorësh, duke përfshirë pronësinë e kufizuar të aseteve
(toka dhe prona janë të regjistruara shpesh në emër të bashkëshortit apo
të afërmit mashkull), barrën e përgjegjësive familjare, aftësitë joadekuate,
dhe mungesën e modeleve. Dëshmitë nga anketa gjithashtu tregojnë se
pronarët femra të firmave kanë dukshëm më shumë gjasa se sa homologët
e tyre meshkuj të konsiderojnë aspektet e caktuara të mjedisit të biznesit
dhe atij rregullativ (p.sh., administrata tatimore, licencat dhe lejet e
biznesit, gjykatat dhe qasjen në tokë) si pengesa për aktivitetet e firmës.
Kërkime të mëtejshme janë të nevojshme për të kuptuar nëse perceptimet më negative të klimës së biznesit nga firmat në pronësi të femrave
Përmbledhje Ekzekutive
janë për shkak të madhësisë më të vogël dhe sektorëve në të cilat ato
veprojnë ose të pengesave më të mëdha rregullative me të cilat përballen
pronaret femra të bizneseve.
Gratë në Kosovë rrallë kanë role udhëheqëse në institucione
qeveritare ose afariste. Vetëm 4 për qind të femrave të punësuara
përparojnë në pozita drejtuese. Femrat kanë më shumë gjasa për të ndërtuar karrierën e tyre dhe për të pasur role mbikëqyrëse në sektorin publik
se në kompanitë private. Për shembull, 79 përqind e të gjitha mbikëqyrëseve femra punojnë në institucionet qeveritare apo kompanitë shtetërore.
Anketat e ndërmarrjeve tregojnë se gratë në Kosovë përfaqësojnë vetëm
0.3 për qind të menaxherëve të lartë – përqindja më e ulët në EAQ, ku
gratë përbëjnë 20 për qind të menaxherëve të lartë. Kosova ka bërë përparim të rëndësishëm në përmirësimin e përfaqësimit politik të grave në
dekadën e fundit. Si rezultat i kuotave legjislative, gratë tani zënë një të
tretën e vendeve në Parlament. Për më tepër, një femër u zgjodh Presidente në vitin 2011. Megjithatë gratë udhëheqin vetëm dy prej gjashtëmbëdhjetë komisioneve parlamentare, ka vetëm një ministre femër, dhe
asnjë grua nuk është zgjedhur ndonjëherë kryetar komune.
Trajtimi i pabarazive gjinore në Kosovë do të kërkojë veprime
në disa fronte, duke përfshirë rritjen e arsimimit dhe të aftësive,
përmirësimin e rezultateve shëndetësore, krijimin e më shumë
vendeve të punës, forcimin e shërbimeve të punësimit, si dhe
heqjen e barrierave që pengojnë pjesëmarrjen e grave në ndërmarrësi dhe hyrjen në pozita udhëheqëse. Rritja e përqindjes së
regjistrimit në shkollë, përmirësimi i relevancës dhe cilësisë së arsimit,
dhe zhvillimi i mundësive të arsimit si shans i dytë për të rriturit, studimet
e të cilëve u ndërprenë nga lufta do të përmirësojë rezultatet e punësimit
për burrat si edhe gratë. Do të jetë gjithashtu e rëndësishme të kuptohen
më mirë dhe të trajtohen kufizimet specifike ndaj arsimimit të femrave.
Masat e mundshme mund të përfshijnë zvogëlimin e distancës nga shkollat, rritjen e ndërgjegjësimit në lidhje me përfitimet e arsimimit të femrave, dhe dhënien e transfereve të kushtëzuara në para për vajzat nga
familjet e varfëra. Intervenimet në shëndetësi duhet të përqendrohen në
uljen e vdekshmërisë së nënave dhe trajtimin e problemit të diskriminimit gjinor në lindje. Krijimi i më shumë vendeve të punës (përmes përmirësimit të regjimit rregullativ, tërheqjes së investimeve të huaja, si dhe
përmirësimit të mundësive për të marrë kredi) do të kenë rëndësi kritike
për rritjen e kërkesës për punë dhe përmirësimin e rezultateve të
punësimit për burrat si edhe gratë. Përveç kësaj, një numër i masave
duhet të futen për të trajtuar pengesat specifike ndaj punësimit të femrave. Iniciativat e tilla përfshijnë krijimin e institucioneve për kujdes ndaj
fëmijëve, nisjen e programeve aktive të tregut të punës që i synojnë femrat, si dhe zbatimin e Ligjit të ri të punës, që mundëson punësim me orar
vii
viii
Kosova: Dallimet Gjinore në Arsim, Shëndetësi dhe Mundësitë Ekonomike
të shkurtuar, pushim të paguar të lehonisë, pushim mjekësor, dhe pushim
vjetor. Sigurimi i të drejtave të pronës për femrat, krijimi i programeve të
ndërtimit të aftësive, dhe përmirësimi i mundësive për të marrë kredi do
të përmirësojnë shanset e grave për të filluar një biznes, ndërsa duke
treguar historitë e grave të suksesshme në media mund të luftohet ndikimi i stereotipeve dhe të ofrohet shembull pozitiv për udhëheqëset
potenciale femra.
Hyrje
Në shkurt të vitit 2012, Kosova festoi përvjetorin e saj të katërt të pavarësisë. Pavarësisht rritjes stabile ekonomike që nga fundi i konfliktit, vendi
përballet me një numër sfidash socio-ekonomike të përbashkëta me
ambientet tjera të brishta: infrastruktura e pazhvilluar, cilësia e dobët e
shërbimeve publike, investimet private të ulëta, dhe varfëria e përhapur.
Me një BPV për kokë banori prej 1850 €, Kosova është një nga vendet më
të varfra në Evropë (Banka Botërore 2010). Në vitin 2009, 35 për qind e
popullsisë jetonin nën kufirin e varfërisë (vlerësuar si 1.55€/ditë për
ekuivalentin e të rriturve). Kosova gjithashtu ka rezultatet më të këqija
të tregut të punës në Evropë, me më pak se një e katërtën e popullsisë së
rritur të punësuar.
Sfidat e rindërtimit dhe zhvillimit të pasluftës ndikuan ndryshe në
burrat në krahasim me gratë. Ky dokument është përgatitur kryesisht si
një kontribut kyç për Strategjinë e Kosovës për partneritet (VF12-VF15)
dhe synon të ofrojë një pasqyrë të pabarazive gjinore në tri fusha kryesore: kapitali njerëzor, tregu i punës, dhe ndërmarrësia. Duke bërë
kështu, ai ndërtohet mbi kornizën e Bankës Botërore për raportin
regjional gjinor Evropa dhe Azia Qendrore: Mundësitë për burrat dhe gratë
(Banka Botërore 2011) dhe Raporti i zhvillimit botëror për gjininë dhe zhvillimin (Banka Botërore 2011). Dokumenti plotësohet me një punim që
analizon dallimet në përvojat e tregut të punës të segmentit më të ri të
fuqisë punëtore. 1
Mungesa e të dhënave statistikore në Kosovë, dhe veçanërisht të të
dhënave të ndara sipas gjinisë, kufizon thellësinë dhe shtrirjen e kësaj
diagnostike gjinore. Për më tepër, shumë prej treguesve socio-ekonomikë
të vendit nuk janë të mbuluar nga bazat ndërkombëtare të të dhënave
(p.sh., indikatorët zhvillimorë botërorë të Bankës Botërore, baza e të dhënave Transmonee e UNICEF-it, Eurostat), që e bën të vështirë që Kosova
të krahasohet me vendet e krahasueshme. Grumbullimi i të dhënave
shtesë do të jetë vendimtar për një studim më të hollësishëm gjinor.
1. Pastore, Francesco; Sarosh Sattar, dhe Erwin R. Tiongson (2012) “Dallimet
gjinore në pagë dhe ofertën në fuqinë punëtore në karrierën e hershme: Dëshmitë nga anketa e tranzicionit nga shkolla në punë në Kosovë.”
ix
x
Kosova: Dallimet Gjinore në Arsim, Shëndetësi dhe Mundësitë Ekonomike
Diagnostika aktuale mbështetet kryesisht në Anketën e buxhetit të
ekonomive familjare 2010 (ABF), Anketën e fuqisë punëtore 2009 (AFP),
Anketën e mjedisit të biznesit dhe performancës së ndërmarrjeve 200809 (AMBPN), dhe një shumëllojshmëri të burimeve dytësore, të cilat
ofrojnë një tablo të gjerë të çështjeve kyçe gjinore në Kosovë. Rezultatet
e analizës tregojnë se ekzistojnë pabarazi të mëdha gjinore në kapitalin
njerëzor dhe qasjen në mundësitë ekonomike. Të gjeturat kryesore mund
të përmblidhen si më poshtë:
• Burrat dhe gratë në Kosovë kanë nivele të ulëta të arsimit në
krahasim me burrat dhe gratë në BE. Gjysma e popullsisë së
moshës 15 vjeçare e më shumë kanë deri në nëntë vjet shkollim. Niveli
arsimor i grave, megjithatë, është shumë më i ulët se i meshkujve: 7
përqind të femrave të rritura dhe 2 për qind e meshkujve janë analfabetë, 62 për qind e femrave dhe 37 përqind e meshkujve kanë vetëm
arsimin fillor (deri në nëntë vjet shkollim), dhe 6 përqind e femrave
dhe 12 përqind e meshkujve kanë diplomë universitare.
• Jetëgjatësia në Kosovë është më e ulët se mesatarja në EAQ,
dhe shkalla e vdekshmërisë së nënave është ndër më të lartat
në Evropë. Shumica e rasteve të vdekjes së nënave janë për shkaqe
të parandalueshme.
• Rezultatet e tregut të punës janë në nivelin më të keq në
Evropë, dhe gratë janë veçanërisht të pafavorizuara: 12 për
qind e grave janë të punësuara, në krahasim me 34 për qind të
meshkujve. Normat jashtëzakonisht të ulëta të punësimit të grave
janë të lidhura kryesisht me nivelin më të ulët arsimor2. Faktorë të
tjerë përfshijnë qasjen e kufizuar në institucionet e kujdesit për fëmijët, vazhdimësinë e roleve tradicionale shoqërore, si dhe kërkesën së
ulët të tregut për femra në fuqi punëtore.
• Gratë përbëjnë më pak se 10 për qind të të gjithë ndërmarrësve
dhe 0.3 për qind të pozitave të larta të menaxhmentit. Aftësitë
joadekuate, pronësia e kufizuar e pronës, dhe mungesa e femrave
model janë ndër faktorët që pengojnë përfshirjen e grave në ndërmarrësi.
Pjesa tjetër e këtij dokumenti është e organizuar si më poshtë: pjesa 1
nxjerr në pah dallimet gjinore në kapitalin njerëzor duke u përqendruar
në rezultatet në arsim dhe shëndetësi, pjesa 2 përshkruan tendencat relative të punësimit të burrave dhe grave, pjesa 3 përqendrohet në pabarazitë gjinore në ndërmarrësi dhe avancim në karrierë në biznes dhe
politikë, dhe pjesa 4 jep vërejtjet përfundimtare.
2. Përkrahur me dëshmi nga Pastore, Sattar dhe Tiongson (2012).
PJESA I
Çështjet Gjinore
në Kapitalin
Njerëzor
A.
Arsimi
Gjatë dekadës së kaluar, sistemi arsimor i Kosovës u përball me rindërtimin e pasluftës të shkollave dhe objekteve arsimore, si dhe me zhvillimin
e kurrikulave dhe teksteve të reja. Mbulimi i përgjithshëm arsimor është
përmirësuar, por një numër i problemeve vazhdojnë të ekzistojnë me
cilësinë e arsimit, duke përfshirë klasat e tejmbushura dhe mungesa e
mësuesve të kualifikuar dhe materialeve arsimore. Për më tepër, pabarazitë gjinore në regjistrim në shkollë dhe nivelet e shkrim-leximit mbeten
shqetësim. Ka edhe mungesë të statistikave arsimore, sepse anketat e
familjeve nuk mbulojnë arsimin (me përjashtim të nivelit të shkrim-leximit). Pjesa më e madhe e informacionit në këtë pjesë, pra vjen nga
burime dytësore.
Fillor dhe i mesëm
Shumica dërrmuese e fëmijëve të moshës së shkollës fillore janë të regjistruar në shkollë. Përqindjet e regjistrimit janë gati universale në mesin e
shqiptarëve të Kosovës dhe komuniteteve serbe të Kosovës (97.5 dhe 99
për qind respektivisht), por përqindja e regjistrimit është relativisht e ulët
në mesin e pakicave etnike jo-serbe (p.sh., romë, ashkali, egjiptianë, turq,
boshnjakë), me vetëm 77 për qind të fëmijëve të moshave ndërmjet 6 dhe
14 vjeçare që janë të regjistruar në shkollë.3
Femrat janë të përfaqësuara dobët në çdo nivel të arsimit, përveç universitetit (Tabela 1). Pabarazia më e madhe gjinore në regjistrim ndodh
3. UNICEF në Kosovë. http://www.unicef.org/kosovo/children_3474.html e
marrë më 13 janar 2011.
1
2
Kosova: Dallimet Gjinore në Arsim, Shëndetësi dhe Mundësitë Ekonomike
TABELA 1
Pjesa e nxënësve meshkuj dhe femra në institucionet arsimore publike
dhe private, 2009-2010
Meshkuj
Femra
Parafillor
52
48
Fillor dhe i mesëm i ulët
52
48
I mesëm i lartë
55
45
I mesëm i lartë special
60
40
Universitar
49
51
Burimi: ESK, 2010. Statistikat arsimore 2009-2010.
në shkollat e mesme të larta speciale4 dhe nivelet e arsimit të mesëm të
lartë. Me shumicën e popullsisë që jeton në zonat rurale, kjo potencialisht
mund të shpjegohet me faktorë të tillë si a) kthimi i ulët i perceptuar nga
arsimimi i femrave në zonat rurale, b) vështirësi ekonomike, dhe c) distanca e madhe deri në institucionet arsimore të mesme, që mund të luajë
një rol të rëndësishëm në zonat rurale.
TABELA 2
Numri i nxënësve në nivele të ndryshme të arsimit, 2009-2010
Meshkuj
Femra
Total
Fillor
88,495
81,860
170,355
I mesëm i ulët
69,931
66,013
135,944
I mesëm i lartë
57,564
47,242
104,806
Burimi: ESK, 2010. Statistikat arsimore 2009-2010.
Femrat kanë gjithashtu më shumë gjasa ta braktisin shkollën fillore.
Në vitin akademik 2008-2009, femrat përbënin 55 për qind të rasteve të
braktisjes5. Siç tregon Tabela 2, numri i nxënësve zvogëlohet në mënyrë
progresive me çdo nivel të arsimit. Dyzet e dy për qind më pak femra dhe
35 përqind më pak meshkuj janë të regjistruar në nivelin e mesëm të lartë
sesa në nivelin fillor.
Kërkime të mëtejshme janë të nevojshme për të kuptuar arsyet pas
dallimeve në mbulimin arsimor në mesin e grupeve të veçanta etnike,
popullatave rurale dhe urbane, si dhe nivelit të lartë të braktisjes së shkollës nga ana e femrave. Kërkimet e tilla mund t’u ndihmojnë politikëbërësve të zhvillojnë politika të përshtatura për të trajtuar shkaqet e
këtyre dallimeve. Për shembull, në qoftë se shumica e femrave që brakti4. Fillor, i mesëm i ulët, i mesëm i lartë special janë të dedikuar për fëmijë dhe
të rinj me vështirësi në zhvillim. Shkollat speciale mund të jenë të pavarura ose
zakonshme me drejtori të përbashkët (ESK, 2010).
5. ESK 2011 “Gratë dhe burrat”.
Seksion I. Çështjet gjinore në kapitalin njerëzor
FIGURA 1
Përqindja e studentëve meshkuj dhe femra në Universitetin e Prishtinës,
Viti akademik 2009-2010
Burimi: ESK, 2010. Statistikat arsimore 2009-2010.
sin shkollën vijnë nga familje të varfra, transferet e kushtëzuara të parave
mund të ndihmojnë përmirësimin e situatës. Banka Botërore do të ndërmarrë një vlerësim të thellë të arsimit që do të mbulojë këto çështje.
Arsimi universitar
Ndërmjet viteve akademike 2000-01 dhe 2009-10, numri i studentëve të
universitetit pothuajse është dyfishuar nga 19,060 në 37,839. Aktualisht
nuk ekziston pabarazi gjinore në numrin e regjistrimeve universitare.
Drejtimet më të popullarizuara janë ekonomia, juridiku, dhe arsimi, të
cilat janë zgjedhur nga 43 për qind e studentëve të Universitetit të Prishtinës. 6 Ashtu si në vendet e tjera të rajonit, zgjedhja e drejtimit në Kosovë
ka tendencë të dallojë sipas gjinisë (Figura 1). Studentet femra janë të
tejpërfaqësuara në arsim, filologji, dhe filozofi, ndërsa të rinjtë përbëjnë
mbi dy të tretat e atyre që studiojnë makineri ndërtimtari, arkitekturë,
dhe inxhinieri elektrike. Meshkujt gjithashtu kanë konsiderueshëm më
shumë gjasa të diplomojnë në edukatë fizike. Faktorët prapa zgjedhjes së
drejtimit për meshkujt dhe femrat nuk janë hulumtuar mirë, por mund
të përfshijnë perceptimet tradicionale të punëve më të përshtatshme për
burrat dhe gratë, si dhe dëshirën e grave për të punuar me orar të shkurtuar ose për të hyrë në sektorin publik, ku vendet e punës janë zakonisht
më të sigurta.
6. Universiteti i Prishtinës është universiteti kryesor në Kosovë. Është themeluar në vitin 1970 dhe përgatit specialistë në mbi 50 drejtime të ndryshme. Në
vitet e fundit, një universitet në gjuhën serbe është themeluar në Mitrovicë
dhe rreth 10 universitete private janë themeluar në Prishtinë (UNDP 2006).
Megjithatë, këto institucione të arsimit të lartë përbëjnë një pjesë relativisht të
vogël të numrit të të regjistruarve në universitet dhe nuk ka statistika të ndara
sipas gjinive për studentët e tyre.
3
4
Kosova: Dallimet Gjinore në Arsim, Shëndetësi dhe Mundësitë Ekonomike
Aftësitë e shkrim-leximit dhe arritjes arsimore te të rriturit
Kosova ka bërë përparim të dukshëm në përmirësimin e aftësisë së
shkrim-leximit që nga viti 2003. Pjesa e personave (të moshës 15 vjeç dhe
më të vjetër), të cilët nuk dinë të lexojnë dhe shkruajnë ka rënë nga 8 për
qind në vitin 2003 në 5 për qind në vitin 20107. Analfabetizmi pothuajse
është zhdukur në mesin e atyre të moshës 15-34 vjeçare, më pak se 1 për
qind prej të cilëve janë tash analfabetë (Tabela 3). Megjithatë, më shumë
se një e katërta e njerëzve mbi moshën 65 vjeç nuk dinë të lexojnë dhe
shkruajnë, dhe kjo grup-moshë ka pabarazi gjinore të rëndë, ku 45 për
qind të grave dhe 13 përqind të burrave nuk janë në gjendje të lexojnë
dhe shkruajnë. Analfabetizmi është më i zakonshëm në zonat rurale, ku
jeton shumica e popullsisë.
TABELA 3
Popullsia Analfabete (%), 2010
Urbane
Rurale
Total
Mosha
Meshkuj
Femra
Total
Meshkuj
Femra
Total
Meshkuj
Femra
Total
15-24
0.8
0.3
0.6
0.5
0.6
0.5
0.6
0.5
0.5
25-34
0.2
0.4
0.3
0.6
1.1
0.9
0.5
0.9
0.7
35- 44
0.8
2.1
1.5
0.7
5.4
3.2
0.7
4.1
2.6
45 -54
0.0
3.3
1.7
1.2
4.3
2.7
0.7
3.9
2.3
55- 64
0.9
7.5
4.4
5.1
13.1
9.2
3.3
10.6
7.1
65+
6.2
32.8
18.9
16.4
50.2
33.3
13.0
44.6
28.5
Total
1.1
4.8
3.0
2.8
8.7
5.8
2.2
7.2
4.7
Burimi: ABF 2010.
Nivelet e arsimit në Kosovë janë të ulëta si për burrat ashtu edhe gratë
me standardet e BE-së. Gjysma e popullsisë së moshës 15 vjeçare dhe më
të vjetër ka nëntë vjet shkollim ose më pak, gjë që mund të kufizojë
mundësitë e zhvillimit ekonomik. Gratë kanë arritje shumë më të ulët
arsimore sesa meshkujt (Tabela 4). Më pak se 6 për qind e grave dhe 12
përqind e meshkujve të moshës 25-64 vjeçare kanë kualifikime të nivelit
terciar (d.m.th., diplomë universitare ose më shumë). Për krahasim, në
BE, 27 përqind e femrave dhe 25 përqind e meshkujve kanë arritur këtë
nivel të arsimit.8 Figura 2 krahason arritjen nivelit arsimor terciar sipas
gjinisë dhe grup-moshave, duke treguar ndryshimet në nivelet e arsimit
7. ESK. 2007.”Burrat dhe gratë në Kosovë” dhe ESK. 2010. Anketa e buxheteve të ekonomive familjare (ABF).
8. Eurostat. 2010. “Personat me arritjet arsimore terciare sipas moshës dhe
gjinisë” http://appsso.eurostat.ec.europa.eu/nui/setupModifyTableLayout.do, e
marrë më 19 shkurt 2012.
5
Seksion I. Çështjet gjinore në kapitalin njerëzor
me kalimin e kohës. Ajo tregon tendencat e ndryshme në arritjet universitare për burrat dhe gratë. Burrat më të moshuar kanë më shumë të
ngjarë të kenë diplomë universitare, që mund të shpjegohet me pengesat
në sistemin arsimor gjatë luftës dhe ndoshta një prirje më të madhe të të
rinjve të arsimuar për të emigruar. Numri i grave me diploma universi-
TABELA 4
Arritjet arsimore të burrave dhe grave, 2009
(%, mosha 15 vjeç e më shumë)
Niveli Arsimor
Meshkuj
Femra
Total
Pa shkollë
1.4
4.9
3.2
Arsimi fillor (klasat I-IV ose I-V)
4.3
11.1
7.7
8/9-vjet shkollë (klasat V-VIII ose V-IX)
31.6
45.6
38.6
E mesme e lartë – profesionale 2-3 vjet
7.7
2.6
5.1
E mesme e lartë – profesionale 4-5 vjet
24.9
15.1
20.0
E mesme e lartë – e përgjithshme (gjimnaz)
18.3
13.7
16.0
Shkolla e lartë*
3.1
2.4
2.7
Terciare / Universitet
7.8
4.3
6.1
Postdiplomike / Master
0.8
0.2
0.5
Doktoraturë
0.2
0.1
0.1
Total
100
100
100
Shënim: *Në Kosovë, “shkolla e lartë” i referohet dy viteve të para të arsimit universitar.
Burimi: AFP Kosovë 2009.
FIGURA 2
Përqindja e popullatës me diplomë universiteti sipas gjinisë dhe grupmoshës, 2009
Shënim: Grafiku paraqet personat me diplomë universiteti, master dhe doktoraturë
Burimi: AFP Kosovë 2009.
6
Kosova: Dallimet Gjinore në Arsim, Shëndetësi dhe Mundësitë Ekonomike
tare, megjithatë, nuk ka ndryshuar shumë gjatë dy dekadave të fundit.
Kjo është krejt e ndryshme nga situata në vendet e BE-së, ku brezat e rinj
kanë tendencë të kenë nivele më të larta të arsimit dhe vajzat e reja kanë
më shumë gjasa sesa djemtë e rinj që të marrin diplomë universitare.9
B.
Shëndetësia
Megjithë investimet e mëdha në sistemin shëndetësor të Kosovës nga ana
e qeverisë dhe komunitetit të donatorëve, një numër problemesh të
rëndësishme vazhdojnë. Këto përfshijnë infrastrukturën e dobët mjekësore, mungesën e specialistëve të kualifikuar mjekësorë, pajisjet dhe
furnizimet mjekësore joadekuate, mungesa e mjekëve në punë, dhe korrupsioni dhe praktikat joetike të personelit mjekësor (p.sh., mjekët që
punojnë edhe në institucione publike edhe private i drejtojnë pacientët
në ordinancat private për shërbime që janë në dispozicion në klinikat e
shëndetit publik).10
Ka edhe mungesë të statistikave të besueshme shëndetësore në
Kosovë, dhe shumë pak tregues janë të ndarë sipas gjinisë. Të dhënat në
dispozicion tregojnë për jetëgjatësinë e ulët në lindje, vdekshmëri të lartë
të nënave, dhe prevalencë të ulët të përdorimit të kontracepcionit. Nëse
nuk ceket ndryshe, i gjithë informacioni në pjesën e shëndetësisë është i
bazuar në Anketën Demografike dhe Shëndetësore të Kosovës (ADSHK)
2009 dhe raportin e lidhur me të të Entit të Statistikave të Kosovës,
“Anketa Demografike, Sociale dhe e Shëndetit Riprodhues në Kosovë.”
Jetëgjatësia në lindje
Jetëgjatësia është përmirësuar gjatë dekadës së fundit, por mbetet më e
ulët se mesatarja në EAQ dhe vendet e tjera të Ballkanit. Në vitin 2009,
jetëgjatësia në lindje në Kosovë ishte 68 vjeç për burrat dhe 72 vjeç për
gratë, në krahasim me 72 vjeç dhe 79 vjeç respektivisht, në EAQ. Dallimi
në jetëgjatësinë ndërmjet meshkujve dhe femrave pra është më i vogël në
Kosovë sesa në EAQ. Krahasuar me vitin 2000, jetëgjatësia në Kosovë
është rritur për 1.6 vjet për meshkujt dhe 1.8 vjet për gratë, që është pak
më e ulët se rritja mesatare në rajon.
9. Beck-Domzalska, Marta. 2007. “Ngushtimi i dallimit arsimor ndërmjet grave
dhe burrave”. Statistikat në fokus – Popullata dhe kushtet sociale 130/2007,
Eurostat; dhe Eurostat. 2011. “Evropa në shifra: Vjetari i Eurostat-it 2011”,
Luksemburg.
10. BIRN. 2009. “Raport për sistemin e kujdesit shëndetësor në Kosovë,”
Prishtinë.
Seksion I. Çështjet gjinore në kapitalin njerëzor
Fertiliteti dhe shëndeti i nënave
Përqindjet e vdekshmërisë së nënave dhe përqindjet e komplikimeve të
shtatzënisë janë të larta në Kosovë, pavarësisht uljes së normës së lindshmërisë gjatë dekadës së kaluar. Shkalla e lindjeve ka rënë ndërmjet viteve
2002 dhe 2010 nga 18 në 15 lindje për 1000 njerëz (Statistikat jetësore
për Kosovën 2010). Vlerësimet nga anketa ADSHK e vitit 2009 sugjerojnë një koeficient total të fertilitetit (KTF) prej 2 fëmijë për grua për vitin
para anketës, që paraqet një rënie nga 3 e vlerësuar në anketën ADSHK
të vitit 2003. Nuk ka dallime të mëdha në normat e fertilitetit ndërmjet
grave rurale dhe urbane. KTF është 2.1 për gratë rurale dhe 1.9 për gratë
urbane.
Sistemi informativ kombëtar i shëndetit aktualisht nuk mbledh të
dhëna mbi normat e vdekshmërisë së nënave apo shkaqet kryesore të
vdekjeve të nënave. Është vlerësuar se në vitin 2009, rreth 43 nëna vdesin në 100,000 lindje, që përfaqëson një nga normat më të larta të vdekshmërisë së nënave në Evropë.11 Cilësia joadekuate e kujdesit para lindjes,
hemorragjia, infeksionet, hipertensioni dhe abortet e pasigurta janë ndër
shkaqet kryesore të vdekjes së nënave.12 Të ushqyerit e dobët dhe anemia
janë gjithashtu faktorë të rëndësishëm kontribuues. Është vlerësuar se 23
për qind e grave shtatzëna në Kosovë janë anemike.13
Shkalla e aborteve dhe vdekjes së fetusit është gjithashtu e lartë. Nga
gratë në mostrën e ADSHK të cilat kanë përjetuar shtatzëninë, 20 për
qind kanë raportuar se kanë pasur të paktën një abort dhe 3 përqind kanë
raportuar se ka lindur fëmijën e vdekur. Përqindja e grave që kanë përjetuar këto rezultate negative rritet me rritjen e moshës. Në mesin e grave
të moshës 30 vjeç ose më të vjetra, më shumë se një e pesta kanë raportuar se kanë pasur një abort. Për gratë e moshës 45-49 vjeç, kjo përqindje
rritet në 24 për qind. Tre e gjysmë për qind e femrave të moshës 40-44
dhe 4.4 për qind e femrave të moshës 45-49 kanë raportuar se kanë lindur fëmijën e vdekur. Kjo mund të jetë për shkak se gratë më të moshuara në mostër kanë pasur më shumë shtatzëni dhe kështu kanë pasur
gjasa më të mëdha për të përjetuar një prej këtyre komplikimeve, ose për
shkak se gratë e moshuara kanë nivel më të ulët arsimor dhe për këtë
arsye kanë më pak gjasa për t’u kujdesur si duhet për shëndetin e tyre.
Shkalla e aborteve dhe vdekjes së fetusit është dukshëm më e ulët në
11. UNDP Kosovë. “Progresi sipas qëllimeve në Kosovë” http://www.kosovo.
undp.org/?cid=2,120, e marrë më 19 shkurt 2012.
12. UNICEF, UNFPA dhe WHO. “Marrëveshja e përbashkët programore ndërmjet UNICEF-it, UNFPA dhe WHO: Përmirësimi i shëndetit të grave dhe fëmijëve
në Kosovë (2007-2010),” Kosovë.
13. Federata ndërkombëtare e shoqatave të Kryqit të Kuq dhe Gjysmëhënës së
Kuqe. Plani i rishikuar 2011 http://reliefweb.int/sites/reliefweb.int/files/resourc
es/69917A7A4D0D5390852577CB0067835B-Full_Report.pdf
7
8
Kosova: Dallimet Gjinore në Arsim, Shëndetësi dhe Mundësitë Ekonomike
mesin e grave të shkolluara, ndoshta për shkak se ato i japin rëndësi më
të madhe nevojave të tyre shëndetësore dhe ka më shumë gjasa të
kërkojnë kujdes para lindjes dhe të kërkojnë cilësi më të mirë të shërbimeve nga ofruesit e shërbimeve shëndetësore.
Aborti duket të jetë mjaft i përhapur në Kosovë. Në mesin e grave që
kanë raportuar se kanë qenë ndonjëherë shtatzënë në anketën e ADSHK
të vitit 2009, 8 për qind kanë raportuar se kanë pasur të paktën një abort.
Incidenca e vërtetë mund të jetë edhe më e lartë, pasi disa gra mund të
zgjedhin që të mos raportojnë abortet. Numri i grave që kanë pasur abort
ka tendencë të rritet me moshën dhe është më i larti në mesin e grave në
grup moshën 40-44 vjeçare. Femrat me arsim të lartë të mesëm dhe arsim
universitar kanë më pak gjasa që të abortojnë se sa gratë me nivel më të
ulët arsimor. Aborti është më pak i përhapur në mesin e grave të zonave
rurale, që mund të jetë një reflektim i ndikimit më të madh të vlerave
tradicionale në zonat rurale. Gratë e pamartuara që kanë qenë shtatzëna
kanë më shumë gjasa të raportojnë se kanë pasur abort sesa gratë e martuara, që mund të jetë për shkak të vështirësive financiare për ta rritur
fëmijën e vetme, qëndrimeve negative të shoqërisë ndaj femrave që kanë
fëmijë jashtë martese, dhe qëndrimeve negative ndaj fëmijëve nga familjet me një prind.
Sipas një studimi të kryer nga UNFPA dhe Universiteti i Groningenit,
gratë e martuara në Kosovë në përgjithësi e konsiderojnë abortin një
opsion të pranueshëm për planifikimin familjar. Rrethanat financiare,
mbetja shtatzënë shumë shpejt pas lindjes së fëmijës së mëparshëm, preferencat për djalë (përzgjedhja gjinore), dhe kompleksi i gjyshes (mbetja
shtatzënë në kohën kur fëmijët më të vjetër janë gati të kenë fëmijët e
tyre) ishin ndër arsyet kryesore që janë dhënë për abort. Gjinekologët
pjesëmarrës në studim pohuan se edhe pse kjo praktikë nuk është e pazakontë, numri i grave që zgjedhin gjininë e fëmijës (nëpërmjet abortit të
fetusit femër) është në rënie. 14 Të dhënat nga Enti Statistikor i Kosovës
tregojnë se gjatë shtatë viteve të fundit, kanë lindur më shumë djem se
vajza në Kosovë. Në vitin 2010, nga 33,751 lindje të gjalla, 53 për qind
ishin djem dhe 47 për qind ishin vajza. 15 Nëse ky trend vazhdon, shumë
burra në Kosovë do të mbeten të pamartuar për shkak të mosekuilibrit
gjinor dhe për këtë arsye nuk do të mund të krijojnë familje. Ky problem
kërkon hulumtime të mëtejshme, në veçanti për të përcaktuar nëse disa
lloje të familjeve (p.sh., familjet e varfëra, familjet rurale) kanë më shumë
gjasa për t’u angazhuar në përzgjedhjen gjinore. Të kuptuarit e rrënjës së
14. Basha, Vlora dhe Inge Hutter. 2006. “Shtatzënia dhe planifikimi familjar në
Kosovë: Një studim kualitativ” UNFPA dhe Universiteti i Groningen.
15. Enti Statistikor i Kosovës. 2011. “Burrat dhe gratë në Kosovë”, Prishtinë
dhe Enti Statistikor i Kosovës. 2010. “Statistikat e lindjeve në Kosovë 2010”,
Prishtinë.
9
Seksion I. Çështjet gjinore në kapitalin njerëzor
problemit mund t’u ndihmojë politikëbërësve për të hartuar legjislacionin efektiv për të ndaluar diskriminimin gjinor në lindje.
Përdorimi i kontraceptivëve
Gati të gjitha gratë në Kosovë (95 për qind e atyre të moshës 15-49
vjeçare) e di të paktën një metodë kontraceptive moderne, megjithatë,
shumica e grave raportojnë se mbështeten në metodat tradicionale të
planifikimit familjar. Nga të gjitha gratë e moshës 15-49 vjeçare, 42 përq-
IUD
Injeksion
Shkumë/gel
Kondom
Sterilizimi femëror
1.7
0.3
0.1
0.1
0.7
0.9
0.1
0
2.8
0.8
2
19.7
7.5
1.2
0.8
0.4
0.8
5.5
0.2
0.2
18.8
3.3
15.5
25-29
44.7
18.6
5.7
3.5
1
1.8
12.1
0.7
0.1
43.2
8.6
34.6
30-34
58.9
21.6
4.9
6.5
1.2
0.9
11.2
1.5
0.1
54.7
8.8
46
35-39
64.8
27.5
5.4
8.6
1.7
1.6
15
1.5
0.1
58.6
10
48.6
40-44
68.9
26.5
5.7
11.2
1
0.6
10.8
2.2
0
64.2
10.4
53.8
45-49
64.9
29
7.3
12.4
1.8
1.5
11
3.4
0.3
58.1
11
47
Total
42.1
17.1
3.9
5.3
0.9
1.1
8.8
1.2
0.1
38.9
6.9
32.1
Urban
44
19
4.6
5.5
0.6
0.6
10.5
1.2
0.2
39.3
6.3
33
Rural
41
15.9
3.5
5.2
1.1
1.4
7.8
1.1
0.1
38.7
7.2
31.5
Martuar
69.2
27.8
6.5
8.9
1.6
1.5
14.4
1.9
0.2
64.6
11.3
53.3
Pamartuar
3.1
2
0.2
0.2
0
0.5
1.1
0.2
0
2.1
0.7
1.5
Pa arsimuar
45.5
14.8
2.9
5.3
0.5
0.5
5.7
1.9
0
41.6
5.7
35.9
Fillor
42.9
16.2
3.7
4.9
0.2
0.9
6.3
2.1
0.2
39.4
5.8
33.6
I mesëm i ulët
42.7
16.2
4
6.4
1.3
1.3
7
1.3
0.1
39.8
7.1
32.7
I mesëm i lartë
41
17.8
3.5
4.1
0.6
1
11.5
0.7
0.1
38.4
7.2
31.2
42.6
21
5.4
3.7
1
0.2
13.6
1.5
0.2
36.1
5.7
30.4
Ndërprerja
Pilula
3.5
20-24
Kalendar
Çfarëdo metode moderne
15-19
Karakteristikat
Çfarëdo tradicionale
Çfarëdo metode
Sterilizimi mashkullor
TABELA 5
Përqindja e grave të moshës 15-49 vjeçare që kanë përdorur metoda kontraceptive, 2009
Mosha
Vendbanimi
Statusi Martesor
Arsimimi
Universitar
Burimi: Përshtatur nga ESK 2009. “Anketa demografike, sociale dhe e shëndetit riprodhues në Kosovë.”
10
Kosova: Dallimet Gjinore në Arsim, Shëndetësi dhe Mundësitë Ekonomike
ind kanë përdorur ndonjëherë metodë të kontracepcionit, por vetëm 17
për qind kanë përdorur metodë moderne kontraceptive, dhe më e zakonshmja është përdorimi i kondomëve për meshkuj. Ekziston një korelacion pozitiv ndërmjet nivelit arsimor dhe përdorimit të metodave
moderne kontraceptive (Tabela 5).
Përdorimi i metodave kontraceptive moderne ka rënë gjatë pesë viteve
të fundit në Kosovë, që mund t’i atribuohet uljes së mbështetjes së donatorëve për shëndetin riprodhues. Në vitin 2009, vetëm 15 për qind e
grave të martuara të moshës riprodhuese kanë përdorur metodë moderne të kontracepcionit, në krahasim me 23 për qind në vitin 2003. Pajisjet brenda mitrës (IUD-të) dhe kondomët për meshkuj janë metodat
moderne kontraceptive më të zakonshme. Shumica e grave të martuara
të moshës riprodhuese ose nuk e praktikojnë kontracepsionin (41 për
qind) ose përdorin metoda tradicionale kontraceptive (44 përqind), kryesisht ndërprerjen e marrëdhënies seksuale.
Shumica e përdoruesve të metodave moderne të kontrollit të lindjeve
kanë mësuar rreth tyre në spital, kjo është veçanërisht e vërtetë për gratë
që mbështeten në IUD. Shumica e grave që praktikojnë metodat tradicionale kanë mësuar për to nga miqtë dhe të afërmit. Shumë pak të anketuara (3 përqind) kanë raportuar se janë vizituar nga profesionistët
shëndetësorë apo punëtorët socialë të cilët kanë folur me to në lidhje me
planifikimin familjar. Gratë fshatare ka dy herë më shumë mundësi të
jenë vizituar (4 përqind) sesa gratë urbane (2 përqind), që pasqyron faktin se shumica e aktiviteteve të planifikimit familjar në terren në Kosovë
janë përqendruar në zonat rurale.
Njohuritë për HIV/AIDS
Aktualisht, prevalenca e HIV-it është e ulët në Kosovë, me më pak se një
për qind e popullsisë të infektuar. Statistikat zyrtare kanë regjistruar
vetëm 74 raste të HIV/AIDS ndërmjet viteve 1986 dhe 2008, dhe shumica
e të infektuarve (61 për qind) janë meshkuj.16 Ndërkohë që këto shifra të
ulëta janë inkurajuese, megjithatë ka shqetësime se statistikat zyrtare e
nënvlerësojnë përhapjen e problemit. Për më tepër, Kosova ka një numër
faktorësh të rrezikut që mund të kontribuojnë në përhapjen e shpejtë të
infeksioneve të reja, duke përfshirë një popullsi shumë të re, papunësi të
lartë dhe varfëri të lartë, rritjen e përdorimit të drogës, një industri të
seksit që është në rritje, lëvizshmërinë e lartë të kosovarëve në dhe nga
16. Balkan Insight. 2009. http://www.balkaninsight.com/en/article/hiv-aids-inkosovo-among-world-s-lowest e marrë më 14 dhjetor 2011.
Seksion I. Çështjet gjinore në kapitalin njerëzor
vendet Evropiane dhe të Ballkanit me prevalencë më të lartë të HIV-it, si
dhe ndryshimet në sjelljen seksuale.17
Niveli i vetëdijesimit për HIV/AIDS është i lartë. Në mesin e atyre të
moshës 15 vjeç dhe më të vjetër, 89 për qind e meshkujve dhe mbi 82 për
qind e femrave kanë dëgjuar për HIV/AIDS-in. Niveli i vetëdijesimit për
parandalimin e HIV/AIDS-it, megjithatë, është më pak mbresëlënës: 25
për qind e meshkujve dhe 29 për qind e femrave nuk e dinë se rreziku i
infektimit me HIV zvogëlohet me mosangazhim në kontakte seksuale,
dhe 19 për qind e meshkujve dhe 23 për qind e femrave nuk e dinë se
kondomët zvogëlojë rrezikun e marrjes së HIV-it. Për më tepër, 60 për
qind e meshkujve dhe 67 për qind e femrave pohojnë se nuk do të blinin
perime të freskëta nga një person me HIV/AIDS. Vetëdijesimi për HIV/
AIDS dhe parandalimin e HIV/AIDS është më i lartë në mesin e të rinjve
dhe personave të moshës së mesme se sa në mesin e popullatës më të
vjetër. Ai është gjithashtu më i lartë tek meshkujt se te femrat.
17. Ekipi i Kombeve të Bashkuara në Kosovë. “Forcimi i luftës ndaj HIV-it në
Kosovë” http://www.unkt.org/repository/docs/Strengthening_HIV_response_
in_Kosovo.pdf?phpMyAdmin=WkPxhYYrO3l4GvCxnRoloy0Xka9
11
12
Kosova: Dallimet Gjinore në Arsim, Shëndetësi dhe Mundësitë Ekonomike
PJESA II
Pabarazitë Gjinore
në Tregun e Punës
A.
Indikatorët kryesorë të tregut të punës
Kosova ka përjetuar rritje stabile ekonomike që nga fundi i konfliktit, por
ajo rritje ende nuk është përkthyer në krijimin e vendeve të punës.
Kosova ka treguesit e tregut të punës më të dobët në Evropë (Tabela 6)
dhe nuk ka treguar përmirësim ndërmjet viteve 2002 dhe 2009. Infrastruktura joadekuate, një sektor privat i dobët, niveli i ulët i investimeve
të huaja direkte, dhe arsimi i ulët dhe aftësitë e dobëta të popullsisë janë
ndër arsyet për performancën e dobët të tregut të punës. Përderisa situata
e përgjithshme në tregun e punës është e vështirë, gratë duket të jenë
prekur në mënyrë disproporcionale. Faktorët që kufizojnë pjesëmarrjen
e grave në fuqinë punëtore përfshijnë mungesën e institucioneve të
kujdesit për fëmijët, qasjen joadekuate në marrëveshje fleksibile të punës,
dhe një pjesë disproporcionale e përgjegjësive shtëpiake.
TABELA 6
Indikatorët e tregut të punës për popullsinë (mosha 15-64) në Kosovë
dhe shtetet e përzgjedhura të rajonit, 2009
Rajon
Përqindja e Aktivitetit
Përqindja e Punësimit Përqindja e Papunësisë
BE-27
71
65
9
Shqipëria
62
53
14
Kroacia
62
57
9
Maqedonia
64
43
32
Serbia
61
50
17
Kosova
42
23
45
Burimi: Për Kosovë dhe Serbi – vlerësimet e personelit të BB bazuar në AFP; për Shqipëri dhe
Maqedoni – anketat e AFP bazuar në publikimet e agjencive kombëtare statistikore; për BE27 dhe Kroaci – Baza e të dhënave e AFP në Eurostat.
13
14
Kosova: Dallimet Gjinore në Arsim, Shëndetësi dhe Mundësitë Ekonomike
Aktiviteti dhe përqindja e punësimit
Ndërmjet viteve 2002 dhe 2009, përqindja e aktivitetit ka rënë (Tabela 7),
sigurisht për shkak të një rritjeje në popullsinë e dekurajuar (13 për qind
e meshkujve dhe 30 për qind e femrave në vitin 2009) dhe një rritjeje në
përqindjen e të rinjve që vazhdojnë arsimimin.18 Përqindja e punësimit
mbeti stagnuese dhe e ulët gjatë kësaj periudhe kohore, me përjashtim të
viteve 2004-2006, një periudhë e rritjes së shpejtë ekonomike e nxitur
nga flukset e mëdha të ndihmës ndërkombëtare dhe dërgesave nga diaspora.
TABELA 7
Indikatorët e tregut të punës, 2002-2009 (popullsia e moshës 15-64)
Përqindja e Aktivitetit
Përqindja e Punësimit Përqindja e Papunësisë
Viti
Burra
Gra
Burra
Gra
Burra
Gra
2002
72
35
39
9
45
74
2003
72
30
43
8
40
72
2004
68
25
46
10
31
61
2005
68
30
46
12
33
60
2006
61
31
46
12
35
62
2007
62
28
41
13
39
55
2008
63
26
38
11
43
60
2009
58
26
34
12
41
56
Burimi: Kosovë, AFP 2009 dhe ESK. 2011. “Burrat dhe gratë në Kosovë.”
Në vitin 2009, punësimi në Kosovë ishte 23 për qind, shumë më i ulët
se mesatarja e BE-së prej 65 për qind dhe e objektivit të Lisbonës prej 70
për qind për vendet e BE-së.19 Punësimi i ulët ka tendencë të çojë në një
rritje në nivelet e varfërisë, dhe me të vërtetë në vitin 2009, 35 për qind
e popullsisë në Kosovë ishte duke jetuar nën kufirin e varfërisë.20 Shumë
prej të varfërve jetojnë në familje të mëdha me bashkëbanues kryesisht
të papunë dhe mbijetojnë nga punimi i tokës dhe nga dërgesat nga diaspora.
Perspektivat e punësimit janë veçanërisht të dobëta për gratë në
Kosovë, ku vetëm 12 për qind e femrave në moshë pune janë të punësuara. Kjo normë jashtëzakonisht e ulët e punësimit mund të shpjegohet
18. Popullsia e dekurajuar janë personat që nuk janë duke punuar dhe nuk
janë duke kërkuar punë, por do ta pranonin punën nëse u vendoset në dispozicion.
19. Në tërë dokumentin të gjithë indikatorët e tregut të punës janë dhënë për
popullsinë e moshës 15-64 vjeçare.
20. Banka Botërore dhe Enti Statistikor i Kosovës. 2011. “Varfëria e konsumit
në Republikën e Kosovës në vitin 2009.”
15
Seksion II. Pabarazitë gjinore në tregun e punës
me arsim të pamjaftueshëm (62 për qind e femrave kanë përfunduar
nëntë ose më pak vite të shkollimit, në krahasim me 37 për qind të meshkujve), mungesë të institucioneve të kujdesit për fëmijët jashtë Prishtinës, vazhdimësinë e roleve tradicionale shoqërore, dhe kërkesën e ulët të
tregut për femra në punë. Në lidhje me normat sociale, në veçanti, studimet nga vendet e tjera (p.sh., industria e veshjeve në Bangladesh, industria e luleve të prera në Ekuador) tregojnë se edhe në shoqëritë shumë
tradicionale, kur shfaqen mundësitë fitimprurëse për punë, familjet ndryshojnë ndarjen e përgjegjësive familjare për të lejuar gratë të përfitojnë
nga punësimi i paguar. Kjo mund të sugjerojë se rolet tradicionale sociale
mund të jenë më pak pengesë për punësimin e femrave kur shfaqen
mundësitë fitimprurëse ekonomike.
TABELA 8
Indikatorët e tregut të punës sipas rajonit, 2009
Përqindja e Aktivitetit
Përqindja e Punësimit
Përqindja e Papunësisë
Rajon
Burra
Gra
Burra
Gra
Burra
Gra
Kosova
58
26
34
12
41
56
Gjakova
60
27
36
13
40
52
Gjilani
58
27
36
11
38
58
Mitrovica
56
26
35
12
38
55
Peja
59
24
34
10
43
58
Prizreni
58
26
34
10
41
60
Prishtina
56
25
31
11
44
58
Ferizaji
57
29
35
14
40
54
Burimi: AFP Kosovë, 2009.
FIGURA 3
Përqindjet e aktivitetit dhe punësimit sipas lokacionit, 2009
Burimi: AFP Kosovë, 2009.
16
Kosova: Dallimet Gjinore në Arsim, Shëndetësi dhe Mundësitë Ekonomike
Nuk janë vërejtur dallime të rëndësishme në aktivitetin dhe normat e
punësimit sipas rajonit (Tabela 8) ose sipas lokacionit rural-urban (Figura
3). Kjo mund të shpjegohet me disa faktorë. Së pari, Kosova është një
vend mjaft i vogël, dhe të gjitha rajonet administrative janë në distancë
vozitjeje me njëri-tjetrin. Së dyti, ka ndodhur migrim i konsiderueshëm
në kryeqytetin e Prishtinës gjatë dekadës së kaluar, që megjithatë nuk
ishte shoqëruar me një rritje në krijimin e vendeve të punës. Ndryshe nga
vendet e tjera në EAQ, pra, kryeqyteti i Kosovës nuk mburret me
mundësitë më të mira të tregut të punës në vend (të paktën jo në bazë për
kokë banori). Së treti, ekzistojnë disa probleme përkufizimi me mënyrën
se si AFP e Kosovës e definon shkallën e punësimit ku njerëzit që punojnë
në fermat e tyre konsiderohen të punësuar vetëm nëse ata shesin disa nga
prodhimet e tyre, pavarësisht nga vlera e tyre. Përjashtimi i bujqve nga
kategoria e “të punësuarve” ka si rezultat një normë më të ulët zyrtare të
punësimit në zonat rurale dhe pjesërisht shpjegon normën jashtëzakonisht të ulët kombëtare të punësimit.
Përqindjet e aktivitetit dhe punësimit kanë tendencë të rriten me
rritjen e arsimit si për burrat ashtu edhe gratë. Për shembull, përqindja e
aktivitetit të grave ndryshon nga 6 për qind për të paarsimuarat deri në
90 për qind për ato me diplomë universitare. Përqindjet përkatëse për
meshkuj janë 16 për qind dhe 91 për qind. Përqindjet e punësimit ndjekin
një trend të ngjashëm (Figura 4). Meshkujt me diploma universitare kanë
mbi tre herë më shumë gjasa që të gjejnë punë sesa ata që kanë përfunduar vetëm arsimin fillor (8-9 vjet shkollim). Premiumi i arsimit është
edhe më i lartë për femrat. Femrat me diploma universitare kanë mbi 28
herë më shumë gjasa të jenë të punësuara sesa gratë me arsim fillor. Këto
rezultate sugjerojnë kërkesë më të lartë për punëtorë të kualifikuar në
FIGURA 4
Përqindjet e punësimit dhe arritjeve arsimore % sipas gjinisë, 2009
Burimi: AFP, 2009.
Seksion II. Pabarazitë gjinore në tregun e punës
tregun e punës në Kosovë se për punëtorë të pakualifikuar. Ato gjithashtu
tregojnë një ndryshim të rëndësishëm në perspektivën e punësimit për
burrat dhe gratë me arsim fillor. Meshkujt me arsim fillor kanë gati tetë
herë më shumë gjasa që të kenë punë se sa femrat me arsim fillor.
Vazhdimësia e roleve tradicionale shoqërore, dhe ndoshta një ndryshim në normat e kompensimit material ndërmjet burrave dhe grave me
arsim fillor, mund të shpjegojnë pjesërisht përqindjet e ulëta të punësimit
të femrave me arsim fillor. Kur u pyetën për arsyet pse nuk kërkojnë
punë, 48 për qind e femrave me arsim fillor dhe 29 përqind e femrave me
diploma të arsimit të lartë përmendën përgjegjësitë shtëpiake. Mungesa e
të dhënave për paga në AFP të Kosovës pengon analizën e dallimeve në
të ardhura ndërmjet burrave dhe grave. Është mjaft e mundshme,
megjithatë, se ata ndjekin modelin e shumë vendeve të tjera në rajon, ku
dallimi në paga ndërmjet burrave dhe grave është më i lartë në nivelet e
ulëta arsimore. Për shembull, në Serbi, pagat e femrave me arsim fillor (të
përcaktuara në këtë rast, si tetë vjet shkollë ose më pak) janë 24 për qind
më të ulëta se ato të meshkujve me arsim fillor, megjithatë, në nivel universitar dallimi bie në 3 për qind në favor të meshkujve. 21 Nëse dallimet
në të ardhura ndërmjet burrave dhe grave janë të ngjashme në Kosovë,
kjo mund të destimulojë gratë që të hyjnë në tregun e punës, veçanërisht
duke pasur parasysh pagat e ulëta mesatare në vend.
Përqindja e papunësisë
Shkalla e papunësisë në Kosovë, 45 për qind, është deri më tash më e
larta në rajon. Gratë, të rinjtë, dhe ata me nivel të ulët arsimor kanë më
shumë gjasa të vuajnë nga papunësia. Shkalla e papunësisë për gratë ka
rënë nga 74 për qind në vitin 2002 në 56 përqind në vitin 2009, kryesisht
për shkak të një uljeje në normat e aktivitetit më shumë sesa rritje të
mundësive të punësimit, por ka mbetur pak a shumë e njëjtë për burrat.
Shumica dërrmuese e të papunëve (78 për qind e burrave dhe 87 përqind
të grave) nuk kanë punuar kurrë. Pesëdhjetë e katër për qind e meshkujve dhe 50 për qind e femrave në vitin 2009 kanë raportuar se kanë
kaluar katër vjet ose më shumë duke kërkuar punë. Hulumtimet në dispozicion nga shtetet e tjera tregojnë për efektet negative të përjetimit të
periudhave të gjata të papunësisë, duke përfshirë edhe dëshpërim dhe
pakënaqësi me jetën, dhe më pak përpjekje të kërkimit për punë.22
21. Reva, Anna. 2012. “Pabarazia gjinore në tregun e punës në Serbi”, dokument punues për hulumtim të politikave 6008, Banka Botërore, Uashington
DC.
22. Shih për shembull Krueger, A. dhe A. Mueller (2011) “Kërkimi i punës,
mirëqenia emocionale, dhe gjetja e punës në periudhë të papunësisë masive:
Dëshmitë nga të dhënat longitudinale me frekuencë të lartë”. Instituti Brookings.
17
18
Kosova: Dallimet Gjinore në Arsim, Shëndetësi dhe Mundësitë Ekonomike
FIGURA 5
Përqindja e papunësisë sipas grup moshës, 2009
Burimi: AFP Kosovë, 2009.
Papunësia është veçanërisht e rëndë në mesin e popullatës të moshës
15-24 vjeçare (Figura 5), të cilët përbëjnë rreth 18 për qind të popullsisë
së Kosovës.23 Shkalla e papunësisë në këtë grup-moshë është 69 përqind
për meshkujt dhe 82 për qind për gratë. Në mesin e kësaj popullsie, 41
për qind kanë raportuar se janë të papunë, ndërsa as nuk janë në kërkim
të punësimit, as të regjistruar në shkollë. Papunësia mes të rinjve dhe
mungesa e mundësive për arsim të përballueshëm dhe për aktivitete të
lira mund të rrisë abuzimin e alkoolit dhe drogës, si dhe krimin në mesin
e rinisë.
Gati 80 për qind e punëkërkuesve nuk regjistrohen në zyrën e
punësimit publik, kryesisht për shkak se shanset për të gjetur punë nëpërmjet agjencive qeveritare janë të ulëta. Në të vërtetë, vetëm 11 për qind
e të punësuarve kanë raportuar se kanë gjetur punë përmes qeverisë. Për
më tepër, për shkak të programeve të mbrojtjes sociale që kanë fonde të
pamjaftueshme dhe kritereve të ngurta për përzgjedhjen e përfituesve,
vetëm 1.6 për qind e meshkujve dhe 1.1 për qind e grave marrin përfitime
papunësie (AFP, 2009). Këto rezultate tregojnë për nevojën për të përmirësuar projektimin, zbatimin, dhe financimin e politikave të tregut të
punës. Shërbimi Publik i Punësimit (SHPP) aktualisht nuk ka rol të përcaktuar mirë dhe punon me një buxhet të vogël. Mbulimi i programeve
të drejtuara nga SHPP është shumë i ulët, dhe ngarkesa e personelit të
SHPP — numri i klientëve në raport me numrin e punëtorëve të këshillimit për punësim — është më i larti në rajon (1:3,200). Programet aktive
të tregut të punës janë kryesisht të financuara nga donatorët dhe nuk
23. Enti Statistikor i Kosovës. 2010. “Rezultatet e anketës së tregut të punës
2009”, Prishtinë.
Seksion II. Pabarazitë gjinore në tregun e punës
janë të koordinuara mirë. Përmirësimi i shërbimeve të punësimit do të
kërkojë ngritjen e një kornize të qartë ligjore dhe ndërtimin e kapaciteteve të institucioneve publike për të planifikuar dhe zbatuar programe
të tregut të punës.24
B.
Trendet e punësimit
Shumica e të punësuarve në Kosovë kanë punë të pasigurta me kontrata
me kohëzgjatje të kufizuar dhe pa përfitime të sigurimeve shoqërore.
Vetëm 30 për qind e grave dhe 37 përqind e burrave kanë kontrata të
pakufizuara në kohë. Shumica e grave dhe burrave me punë të
përkohshme kanë kontrata për një vit ose më pak (62 për qind dhe 68 për
qind, respektivisht), dhe disa punojnë fare pa kontrata (8 përqind e femrave dhe 16 përqind e meshkujve). Vetëm një pjesë e vogël e atyre të
punësuarve kanë të drejtë të përfitimeve të sigurimeve shoqërore (15
përqind e femrave dhe 12 përqind e meshkujve). Përqindja më e lartë e
femrave në mesin e atyre me të drejtën e sigurimeve shoqërore mund të
shpjegohet me një pjesë më të madhe të grave të punësuara në sektorin
publik. Për shkak të cilësisë së dobët të punës mesatarisht, shumë punëtorë (21 për qind e meshkujve dhe 11 për qind e femrave) aktivisht
kërkojnë mundësi të tjera për punësim, ose për shkak se ata i shohin
vendet e tyre aktuale të punës si kalimtare, ose duan kushte më të mira
pune.
Disa studime tregojnë që një pjesë e madhe e kompanive private nuk
u japin punëtorëve të tyre as beneficionet bazë si pushim të lindjes,
pushim vjetor me pagesë, pushim mjekësor me pagesë, dhe pushim pa
pagesë. Sipas një ankete me një mostër të rastësishme prej 150 firmave të
regjistruara të kryer nga Banka Botërore në vitin 2008, 43 përqind e firmave nuk jepnin pushim vjetor me pagesë, 60 për qind nuk japin pushim
të lindjes me pagesë dhe mbi 30 për qind nuk japin pushim mjekësor me
pagesë.25 Praktikat e tilla dëmtojnë produktivitetin e të gjithë punëtorëve
dhe dëmtojnë perspektivat e punësimit të femrave në mënyrë disproporcionale, sepse gratë kanë më shumë gjasa se burrat të shfrytëzojnë alternativat e ndryshme të pushimit për kujdes ndaj fëmijëve. Ligji i ri i punës
që hyri në fuqi në vitin 2010, ka dispozita të qarta për të gjitha beneficionet themelore të përmendura më lart, por ka shqetësime për zbatimin
joadekuat të tij.
24. Banka Botërore. 2010. Dokumenti i programit të shoqatës ndërkombëtare
zhvillimore për një kredi të propozuar dhe grant të financuar nga trusti për
Republikën e Kosovës për një operacion të parë të zhvillimit të politikave për
punësim të qëndrueshëm.
25. Banka Botërore. 2010. Kosova. “Zhbllokimi i potencialit për rritje: strategjitë, politikat, veprimet. Një memorandum ekonomik i shtetit”. Banka
Botërore, Uashington DC.
19
20
Kosova: Dallimet Gjinore në Arsim, Shëndetësi dhe Mundësitë Ekonomike
Sektori publik është një punëdhënës i madh në Kosovë. Më shumë se
gjysma e popullsisë së punësuar punon në qeveri ose në ndërmarrjet
shtetërore (Tabela 9). Kjo është për shkak të procesit të privatizimit të
papërfunduar dhe mungesës së rritjes në sektorin e NVM-ve. Ashtu si në
vendet e tjera në Evropë, gratë kanë më shumë gjasa për të punuar në
qeveri, e cila mban 57 për qind të të gjitha femrave të punësuara. Punët
e sektorit publik janë relativisht të sigurta dhe kanë orar standard të
punës, duke u mundësuar grave të gjejnë baraspeshën e punës me
përgjegjësitë familjare. Organizatat ndërkombëtare (p.sh., UNMIK,
EULEX, KFOR) vazhdojnë të luajnë një rol të rëndësishëm në Kosovë,
duke punësuar rreth 4 për qind të burrave dhe grave.
TABELA 9
Punëdhënësit kryesorë, 2009 (%)
Punëdhënësi
Burra
Gra
Qeveria, sektori publik ose ushtria
39
57
Ndërmarrje shtetërore
12
10
Kompani apo ndërmarrje private
38
23
OJQ ose organizatë humanitare
2
2
Organizatat e jashtme (p.sh agjencitë e OKB-së)
4
4
Individ privat
Total
5
5
100
100
Shënim: *Përqindjet mund të mos barazohen me 100 për shkak të rrumbullakësimit.
Burimi: AFP Kosovë, 2009.
Shpërndarja e të punësuarve nëpër sektorë të ndryshëm të aktivitetit
ekonomik pasqyron strukturën e ekonomisë në Kosovë, e cila është e
dominuar nga shërbimet (Tabela 10). Pjesa e të punësuarve në bujqësi
është relativisht e vogël, që është pjesërisht për shkak se AFP e Kosovës
nuk ka numëruar bujqit që jetojnë nga kjo punë si të punësuar. Punësimi
i femrave është më i përqendruar se sa i meshkujve, me arsim, shëndetësi, dhe të kontabilitetin tregtar që përfshijnë 58 për qind të të gjitha
femrave të punësuara. Punësimi i meshkujve është i shpërndarë në
mënyrë më të barabartë, me sektorët kryesorë që janë tregtia, prodhimi,
arsimi dhe ndërtimtaria.
Gati gjysma e të gjithë të punësuarve punojnë në organizatat që punësojnë deri në dhjetë njerëz. Femrat kanë më shumë gjasa sesa burrat të
punojnë në organizatat më të mëdha, që është për shkak se një pjesë më
e madhe e femrave punojnë në sektorin publik.
21
Seksion II. Pabarazitë gjinore në tregun e punës
TABELA 10
Punësimi sipas gjinisë dhe sektorit, 2009 (%)
Sektori
Burra
Gra
Total
Bujqësia, pylltaria dhe peshkataria
7
3
6
Minierat dhe gurthyesit
1
0.6
1
Prodhimi
11
5
10
Rryma, gazi, furnizimi me ujë dhe kanalizimi
6
1
5
Ndërtimi
10
0.7
8
Tregtia me shumicë dhe pakicë
18
16
17
Transporti, magazinat dhe komunikimet
6
4
6
Hotelieria dhe restorantet
5
2
5
2
4
Ndërmjetësimi financiar
Aktivitetet e pronës së patundshme
0.2
2
0.2
Aktivitetet profesionale, shkencore dhe teknike
1
2
1
Aktivitetet e shërbimeve administrative dhe të përkrahjes
1
1
1
Administrata publike dhe mbrojtja
10
11
10
Arsimi
10
24
13
Puna shëndetësore dhe sociale
4
18
7
Artet, zbavitja dhe rekreacioni
1
1
1
Shërbime tjera
3
4
3
Familjet si punëdhënës
0
0.3
0.1
Organizatat dhe organet e huaja
3
4
3
100
100
100
Total
Shënim: *Përqindjet mund të mos barazohen me 100 për shkak të rrumbullakësimit.
Burimi: AFP Kosovë, 2009.
Analiza e shpërndarjes së fuqisë punëtore sipas profesionit (Tabela 11)
tregon se gratë kanë pak më shumë gjasa jenë të punësuara në poste të
caktuara të kualifikuara. Mbi një e treta e grave punojnë si profesioniste,
në krahasim me 15 përqind të meshkujve. Gratë gjithashtu kanë 2.5 herë
më shumë gjasa sesa burrat për të punuar si teknike dhe ndihmëse të
profesionistëve. Kjo është për shkak se gratë e punësuara janë mesatarisht më të arsimuara se meshkujt e punësuar: 40 për qind e grave të
punësuara dhe 24 përqind e meshkujve të punësuar kanë kryer shkollë
të mesme, universitet, ose studime postdiplomike. Pavarësisht se kanë
nivel më të lartë të arsimimit, femrat e punësuara kanë dukshëm më pak
gjasa për të punuar si ligjvënëse, zyrtarë të lartë dhe menaxherë.
22
Kosova: Dallimet Gjinore në Arsim, Shëndetësi dhe Mundësitë Ekonomike
TABELA 11
Punësimi sipas gjinisë dhe arsimimit, 2009 (%)
Profesioni
Burra
Gra
Total
Legjislaturë, zyrtarë të lartë dhe menaxherë
10
4
8
Profesionistë
15
35
20
Teknikë dhe profesionistët përkatës
7
16
9
Zyrtarë
5
11
6
Punëtorë në shërbime dhe shitje
23
21
23
Punëtorë të kualifikuar në bujqësi dhe peshkatari
6
2
5
Punëtorët në zanate dhe tregtinë përkatëse
16
3
13
Punëtorë në fabrika dhe makinistë si dhe montues
8
0.5
6
Profesionet elementare
11
7
10
Total
100
100
100
Shënim: *Përqindjet mund të mos barazohen me 100 për shkak të rrumbullakësimit.
Burimi: AFP Kosovë, 2009.
C. Organizimet fleksibile të punës dhe orari
mesatar
Shumica (87 përqind) e të punësuarve në Kosovë punojnë me orar të
plotë. Ndryshe nga burrat në vendet e tjera në EAQ, burrat në Kosovë
kanë më shumë gjasa të kenë punë me orar të shkurtuar se femrat: 14 për
qind e meshkujve të punësuar dhe 10 për qind e grave të punësuara
punojnë me orar të shkurtuar. 26 Në shumicën e vendeve të botës,
punësimi me orar të shkurtuar është më tërheqës për gratë, sepse u lejon
të balancojnë punën me përgjegjësitë familjare. Në BE15, 35 për qind e
femrave të punësuara punojnë me orar të shkurtuar, si dhe punësimi me
orar të shkurtuar kryesisht merret vullnetarisht. 27 Situata është mjaft e
ndryshme në Kosovë, ku vetëm 1 përqind e meshkujve të punësuar dhe
2.4 për qind të femrave të punësuara punojnë me orar të shkurtuar vullnetarisht. Shumica dërrmuese e të punësuarve me orar të shkurtuar
punojnë me orar të shkurtuar, sepse nuk mund të gjejnë kohë me orar të
plotë pune. Përafërsisht një e pesta e grave dhe 7 përqind e burrave që
punojnë me orar të shkurtuar janë të detyruar të veprojnë kështu nga
obligimet familjare.
26. Mesatarisht në Evropë dhe Azinë Qendrore, 12 përqind e grave të punësuara dhe 7 përqind e burrave të punësuar punojnë me orar të shkurtuar (BB.
2011“Evropa lindore dhe Azia Qendrore: Mundësitë për burrat dhe gratë”).
27. Giovannola, Daniele. Nicola Massarelli. 2009. Popullata dhe kushtet sociale.
Eurostat të dhënat në fokus 35/2009.
Seksion II. Pabarazitë gjinore në tregun e punës
Jopopullariteti relativ i punësimit me orar të shkurtuar në Kosovë
mund të shpjegohet me një traditë të gjatë të punës me orar të plotë. Në
fakt, punësimi me orar të shkurtuar është përcaktuar ligjërisht vetëm në
vitin 2010 me miratimin e ligjit të ri të punës. Mënyra të tjera fleksibile
të punës (p.sh., puna nga shtëpia apo puna me orar të parregullt në
mënyrë që të balancohet puna me kujdesin për fëmijët, si shumë gra në
vendet e OECD-së) janë gjithashtu të rralla në Kosovë. Përafërsisht nëntë
për qind e femrave të punësuara dhe 8 për qind e meshkujve të punësuar
raportojnë se punojnë nga shtëpia.
Ashtu si gratë në vendet e tjera të EAQ, gratë në Kosovë shpenzojnë
më pak kohë në punët e tyre sesa meshkujt. Mesatarisht, meshkujt në
Kosovë punojnë 43 orë në javë në punët e tyre kryesore, dhe gratë punojnë 40. Pothuajse të gjitha të punësuarat punojnë vetëm në një punë, me
vetëm 1.2 për qind të meshkujve dhe 1.4 për qind të grave që marrin
pjesë në aktivitete shtesë që krijojnë të ardhura. Edhe pse nuk ka studime
mbi përdorimin e kohës në Kosovë, dëshmitë kualitative sugjerojnë se
ndërsa gratë shpenzojnë më pak kohë në punët e tyre sesa meshkujt, ato
kanë një pjesë disproporcionale të përgjegjësive shtëpiake.
23
24
Kosova: Dallimet Gjinore në Arsim, Shëndetësi dhe Mundësitë Ekonomike
PJESA III
Ndërmarrësia dhe
Lidershipi
A.
Përfshirja e grave në ndërmarrësi
Gati një e katërta e kosovarëve janë ndërmarrës, që është pjesërisht për
shkak të mungesës së mundësive të tjera për punësim. Gratë kanë shumë
më pak gjasa se burrat për të filluar një biznes dhe përbëjnë vetëm 9 për
qind të ndërmarrësve të vetëpunësuar ose individualë (AFP, 2009). Kjo
është shumë më e ulët se mesatarja në EAQ, ku gratë përbëjnë një në tre
ndërmarrës.28
Pjesa e punëdhënësve në mesin e të punësuarve është 10 për qind në
Kosovë, që është dukshëm më e lartë se mesatarja e Evropës dhe Azisë
Qendrore prej 3 për qind.29 Burrat kanë rreth katër herë më shumë gjasa
të jenë punëdhënës se femrat: 12 për qind e meshkujve që punojnë dhe
3 për qind e grave që punojnë punësojnë njerëz të tjerë (Figura 6). Pjesëmarrja e grave në ndërmarrësi mund të pengohet nga barra e përgjegjësive shtëpiake, mungesa e institucioneve të kujdesit për fëmijët
(veçanërisht në zonat rurale), aftësitë joadekuate, dhe mungesa e pronësisë së tokës dhe pronës. Kjo e fundit është një problem i rëndësishëm në
Kosovë. Një studim i kohëve të fundit i kryer nga Qendra Kosovare për
Studime Gjinore ka treguar se pavarësisht legjislacionit progresiv,
regjistrimi i pronës dhe trashëgimisë rregullohen kryesisht nga praktikat
tradicionale. Gati dyzet e dy për qind e grave të anketuara pohuan se
pasuria e tyre është regjistruar në emër të bashkëshortëve të tyre, dhe 20
për qind pohojnë se është regjistruar në emrat e baballarëve të bashkëshortëve të tyre. Për më tepër, 41 për qind e grave të anketuara preten28. Banka Botërore. 2011. “Evropa dhe Azia Qendrore: Mundësitë për burrat
dhe gratë”, Uashington DC.
29. Burimet: për Kosovë – AFP 2009; për EAQ – Banka Botërore. 2011.”Evropa
dhe Azia Qendrore: Mundësitë për burrat dhe gratë.”
25
26
Kosova: Dallimet Gjinore në Arsim, Shëndetësi dhe Mundësitë Ekonomike
FIGURA 6
Struktura e punësimit sipas statusit dhe gjinisë, 2009 (%)
Burimi: AFP Kosovë, 2009.
dojnë se besojnë se pavarësisht ligjeve, trashëgimia vazhdon të rregullohet
nga tradita dhe punon në favor të meshkujve. Këto praktika tradicionale
kufizojnë aftësinë e grave për të marrë kredi bankare (për shkak të mungesës së kolateralit) dhe në këtë mënyrë për të filluar ose zgjeruar bizneset
e tyre.30
Shumica dërrmuese e grave në Kosovë bëhen ndërmarrëse nga
nevoja. Në fakt, sipas një ankete të kryer nga Shoqata afariste e grave
SHE-ERA, 62 për qind e ndërmarrësve femra në Kosovë raportojnë se
kanë filluar bizneset e tyre për shkak të mungesës së mundësive tjera për
të krijuar të ardhura31. Situata është më e mirë në vendet e tjera të EAQ,
ku, mesatarisht, të paktën gjysma e ndërmarrësve femra raportojnë se
kanë filluar bizneset e tyre, sepse kanë parë një mundësi ekonomike.32
Sjellja e pronarëve në raport me rrezikun, strategjitë e rritjes së firmës,
investimet në kërkim dhe zhvillim, dhe prirja për eksport janë të paracaktuara kryesisht nga motivimi i ndërmarrësit për të filluar një biznes. Në
Kosovë, duke pasur parasysh që gratë angazhohen në ndërmarrësi kryesisht për të krijuar të ardhura të vogla të nevojshme për të mbuluar nevojat elementare të familjeve të tyre, bizneset e grave priren të qëndrojnë të
vogla dhe lokale. Vetëm 8 për qind e ndërmarrësve femra kanë dëshirë
për të zgjeruar shitjet e tyre në tregun kombëtar, dhe vetëm 4 për qind
do të donte të arrijë në tregjet ndërkombëtare (SHE-ERA 2006).
30. Qendra kosovare për studime gjinore. 2011. “Të drejtat e trashëgimisë së
pronës për gratë në Kosovë.”
31. Shoqata afariste e grave SHE-ERA. 2006. “Një pasqyrë e bizneseve që janë
në pronësi të grave në vitin 2006” http://www.tiaw.org/media/Kosovo_Entrepreneurs.pdf
32. Banka Botërore. 2011. “Evropa dhe Azia Qendrore: Mundësitë për burrat
dhe gratë.”
27
Seksion III. Ndërmarrësia dhe lidershipi
B.
Sektori formal
Analiza në këtë pjesë është e bazuar në Anketën e mjedisit të bizneseve dhe performancës së ndërmarrjeve nga BERZH-Banka Botërore (Anketa AMBPN), e cila jep
informacion mbi karakteristikat e ndërmarrjeve formale në sektorin jo-bujqësor.
Anketa është zhvilluar ndërmjet tetorit të vitit 2008 dhe shkurtit të vitit 2009 dhe
ka mbuluar 270 firma. Kjo është një nga disa burime të të dhënave për firmat në
Kosovë që mundëson analizën e karakteristikave të firmave të bazuara në gjininë
e pronarit/pronarëve. Të gjeturat e AMBPN duhet të interpretohen me kujdes,
megjithatë, sepse studimi përqendrohet në firmat e regjistruara që punësojnë më
tepër se pesë persona, ndërsa sektori privat në Kosovë përbëhet kryesisht nga
mikro-biznese.
Sektori privat në Kosovë është i dominuar nga firmat që janë në pronësi ose nga një individ i vetëm (pronësi individuale) ose nga grupet e
individëve të cilët shpesh janë familjarë (Tabela 12). Bizneset individuale
dhe shoqëritë me përgjegjësi të kufizuar, respektivisht përbëjnë 81 për
qind dhe 17 për qind të të gjitha firmave të regjistruara. Pjesëmarrja e
grave në pronësi të ndërmarrjeve të sektorit formal është rreth 11 për
qind, që është dukshëm më e ulët se mesatarja rajonale prej 36 për qind.
Shumica e pronareve femra janë pronarë të përbashkët, që do të thotë se
roli i tyre në proceset e vendimeve të firmës mund të jetë i kufizuar.
Megjithatë, në mesin e firmave me pronësi të femrave, pronësia individuale në Kosovë (43 përqind) është shumë më e lartë se mesatarja e
Evropës dhe Azisë Qendrore (34 për qind), e cila është e mundshme se
pasqyron mbizotërimin më të madh të bizneseve individuale në Kosovë
sesa në vendet e tjera të rajonit.
Firmat me pronësi edhe të femrave janë zakonisht më të vogla se ato
në pronësi vetëm nga burrat. Numri mesatar i të punësuarve është 16 në
firmat me pronësi edhe të femrave dhe 19 në firmat në pronësi vetëm nga
burrat. Firmat me pronësi edhe të femrave gjithashtu kanë përqendrim
TABELA 12
Statusi juridik i firmës sipas gjinisë së pronarit, 2009
Statusi Juridik i Firmës
Firmat edhe me
pronësi të femrave
Firmat në pronësi
vetëm të meshkujve
Kompani publike e listuar
0.6
1.5
Kompani private, kompani me
përgjegjësi të kufizuar
56.5
11.9
Pronësi individuale
42.9
85.3
Tjera
0
1.4
Total
100
100
Burimi: AMBPN, 2009.
28
Kosova: Dallimet Gjinore në Arsim, Shëndetësi dhe Mundësitë Ekonomike
më të madh sektorial. Përafërsisht 82 për qind e të gjitha firmave me
pronësi edhe nga femrat veprojnë në vetëm tri industri, (ndërtimtari,
tregti me shumicë, si dhe hoteleri dhe restorante), ndërsa firmat në pronësi nga meshkujt janë të shpërndara në mënyrë më të barabartë (Figura
7). Mbi gjysma e të gjitha firmave në pronësi edhe të femrave veprojnë
në tregtinë me shumicë. Ky përqendrim i madh i firmave në pronësi edhe
të femrave në sektorët me relativisht pak vlerë të shtuar, e kombinuar me
madhësi mesatare më të vogël të firmave me pronësi nga femra, i shpjegojnë të ardhurat e ulëta të tyre nga shitja.
FIGURA 7
Struktura e firmave sipas veprimtarisë dhe gjinisë së pronarëve, 2009
Burimi: AMBPN 2009.
Pavarësisht nga madhësia e vogël dhe të ardhurat e ulëta, firmat me
pronësi edhe nga femra kanë më shumë sukses sesa firmat me pronësi
ekskluzivisht nga meshkujt në fusha të caktuara. Firmat me një pjesë
pronësi nga femra ka më shumë gjasa se firmat ekskluzivisht në pronësi
të meshkujve për të futur produkte dhe shërbime të reja (84 për qind
kundrejt 57 për qind), të investojnë në kërkime dhe zhvillim (77 për qind
kundrejt 21 për qind), të përmirësojnë produktet ose shërbimet ekzistuese
(91 për qind kundrejt 83 për qind), dhe të komunikojnë me klientët dhe
furnizuesit me e-mail (64 për qind kundrejt 52 për qind).
Për më tepër, firmat me një pjesë pronësi nga femra kanë pak më
shumë gjasa për të eksportuar produktet dhe shërbimet e tyre, edhe pse
vlera e eksporteve është shumë më e vogël. Në vitin 2008, 15 përqind e
firmave me një pjesë pronësi nga femrat dhe 13 përqind e firmave në
pronësi ekskluzivisht meshkuj ishin eksportues; eksportet përbënin respektivisht 8 për qind dhe 6 për qind të shitjeve në firmat me një pjesë
pronësi nga femra dhe ato ekskluzivisht në pronësi të meshkujve.33 Vlera
mesatare e eksporteve34 ishte 30.000 € në firmat me një pjesë pronësi nga
femra dhe 128.383 € në firmat ekskluzivisht në pronësi nga meshkujt.
33. Shifrat përfshijnë firmat me eksporte direkte dhe ato që i shesin produktet e
tyre te palë të treta të cilat eksportojnë produkte.
34. Si direkte ashtu edhe indirekte.
Seksion III. Ndërmarrësia dhe lidershipi
C.
Kufizimet ndaj ndërmarrësisë
Ndërmarrësit në Kosovë përballen me një numër të pengesave në zhvillimin e biznesit për shkak të proceseve të tranzicionit që nuk kanë përfunduar, efekteve të vazhdueshme të luftës, infrastrukturës së dobët dhe
barrierave tregtare. Pronarët e firmave meshkuj dhe femra kanë identifikuar një numër të pengesave të ngjashme në funksionimin e suksesshëm
të bizneseve të tyre. Këto përfshijnë ndërprerjet e rrymës elektrike (konsiderohet si një pengesë e madhe ose shumë e rëndë nga mbi 80 për qind
të kompanive në pronësi të meshkujve dhe femrave), jostabiliteti politik,
korrupsioni, krimi dhe vjedhja. Ngjashëm me shtetet tjera pas konfliktit,
Kosova vuan nga një incidencë e lartë e krimit, që duket se ndikon më
shumë te bizneset me pronar femër sesa te bizneset me pronarë meshkuj:
10 për qind e firmave me pronare femra dhe 4 përqind e firmave në pronësi vetëm nga meshkujt kanë pasur humbje për shkak të vjedhjeve,
vandalizmit, apo zjarrvënies në vitin 2008.
Firmat me pronare femra kanë gjithashtu më shumë gjasa të raportojnë pengesa të caktuara rregullative sesa firmat në pronësi të meshkujve.
Në veçanti, firmat me pronare femra kanë më shumë gjasa të konsiderojnë administratën tatimore, licencimin dhe lejet e biznesit, qasjen në tokë,
dhe gjykatat si pengesë e madhe ose e rëndë për funksionimin e suksesshëm të bizneseve të tyre (Figura 8). Frekuenca e inspektimeve tatimore është jashtëzakonisht e lartë në Kosovë, dhe të gjitha firmat me
pronare edhe femra dhe 95 përqind e firmave me pronar vetëm meshkuj
janë inspektuar në vitin 2008. Firmat me pronare edhe femra janë inspektuar nga zyrtarët e tatimeve 10 herë gjatë vitit mesatarisht, që është dy
herë më shpesh sesa firmat me pronar mashkull. Përafërsisht 44 për qind
e të intervistuarve në firmat me pronare edhe femra refuzuan të përgjigjen
në pyetjen se a është kërkuar ndonjë dhuratë ose pagesë joformale gjatë
takimeve të tilla. Vetëm 2 për qind e të intervistuarve në firmat në pro-
FIGURA 8
Përqindja e firmave që i perceptojnë rregulloret e biznesit si pengesë madhore ose shumë e
rëndë ndaj aktiviteteve aktuale, 2009
Burimi: AMBPN 2009.
29
30
Kosova: Dallimet Gjinore në Arsim, Shëndetësi dhe Mundësitë Ekonomike
nësi vetëm nga meshkujt refuzuan të përgjigjen në këtë pyetje, ndërsa
pjesa e mbetur e të anketuarve deklaronin se nuk janë kërkuar pagesa.
Edhe në qoftë se korrupsioni në administratën tatimore është i pazakontë, takimet e shpeshta me zyrtarët e qeverisë u marrin kohë menaxherëve nga aktivitetet tjera të rëndësishme në firmë.
Firmat me pronare edhe femra kanë rreth dy herë më shumë gjasa
sesa firmat me pronarë meshkuj për të identifikuar licencat dhe lejet e
biznesit dhe gjykatat si pengesa kryesore për funksionimin e suksesshëm
të bizneseve të tyre dhe kanë dukshëm më shumë gjasa të konsiderojnë
mundësinë e shfrytëzimit të tokës si pengesë. Nevojiten kërkime të mëtejshme për të kuptuar faktorët prapa dallimeve të tilla të rëndësishme në
pikëpamjet lidhur me mjedisin rregullativ ndërmjet firmave me pronarë
meshkuj dhe atyre me pronare femra. Intervistat e AMBPN zakonisht
përfshijnë jo vetëm pronarët e bizneseve, por edhe drejtuesit e lartë, edhe
pse jo domosdoshmërisht ato femra. Prandaj është e mundur që dallimet
në përgjigjet e anketës nuk i atribuohen vetëm dallimeve në perceptimin
e mjedisit të biznesit ndërmjet burrave dhe grave.
Perceptimet më negative për klimën e biznesit janë vërejtur në mesin
e firmave me pronare femra në të gjitha vendet e EAQ, që mund të tregojë
se gratë përballen me pengesa më të mëdha rregullative.35 Fakti që firmat
me pronare femra janë më të vogla dhe sektorët e kufizuar në të cilët ato
veprojnë, gjithashtu mund të ndihmojë për të shpjeguar perceptimin e
tillë. Përveç kësaj, duke pasur parasysh kulturën e qëndrueshme patriarkale të Kosovës, është e mundur që firmat me pronare femra i nënshtrohen një kontrolli më të madh nga ana e zyrtarëve publikë, sepse ato
perceptohen si më pak të sigurta në negociata.
D.
Hyrja në pozita udhëheqëse
Zhvillimi i karrierës së grave dhe burrave
Gratë në Kosovë janë në pozitë disavantazhi të konsiderueshëm, kur
është fjala për mundësitë e zhvillimit të karrierës. Ndërsa pabarazitë
gjinore në rritjen e karrierës vërehen në të gjithë Evropën, ato janë të
theksuara sidomos në Kosovë. Për shembull, gratë përbëjnë vetëm 0.3
për qind të menaxherëve të lartë në kompani private, që përfaqëson
përqindjen më të ulët në EAQ, ku femrat mesatarisht përbëjnë 20 për
qind të menaxherëve të kompanive.36 Përfaqësimi jashtëzakonisht i ulët
35. Banka Botërore. 2011. “Evropa dhe Azia Qendrore: Mundësitë për burrat
dhe gratë”, Uashington DC.
36. EBRD-WB. AMBPN 2009 dhe Banka Botërore. 2011. “Evropa dhe Azia
Qendrore: Mundësitë për burrat dhe gratë.”
Seksion III. Ndërmarrësia dhe lidershipi
i grave në pozita udhëheqëse në sektorin privat në Kosovë mund të
shpjegohet nga një numër i faktorëve të ndryshëm, duke përfshirë edhe
pjesën e vogël të femrave në mesin e të punësuarve, një barrë të madhe
të obligimeve shtëpiake, mungesën e vlerësimit të performancës dhe
mekanizmave të promovimit të personelit në sektorin privat, një paragjykim shoqëror ndaj grave në pozita të larta, praktikat ndoshta diskriminuese, dhe mungesë të femrave që shërbejnë si model.
Analiza e AFP ofron njohuri shtesë për rrugët e karrierës së burrave
dhe grave në Kosovë. Ajo tregon se, pavarësisht nga gjinia e pronarit të
biznesit, vetëm 4.2 për qind e punëtoreve femra avansohen në pozita të
larta dhe të menaxhimit. Femrat kanë më shumë gjasa për të ndërtuar
karrierën e tyre në sektorin publik se në ndërmarrjet private, me 79 për
qind të të gjithë mbikëqyrësve femra që punojnë në institucionet qeveritare apo kompanitë shtetërore.
Gratë në politikë
Kosova ka bërë përparim të konsiderueshëm në rritjen e përfaqësimit
politik të grave. Që nga viti 2002, të gjitha partitë politike në Kosovë është
kërkuar të sigurojnë që gratë përbëjnë të paktën një të tretën e listave të
tyre zgjedhore.37 Si rezultat, gratë përbëjnë aktualisht 33 për qind të
deputetëve të parlamentit në Kosovë. Një kërkesë e ngjashme ka hyrë me
sukses në zgjedhjet lokale. Në vitin 2011, Kosova zgjodhi një presidente
femër, Atifete Jahjaga.
Këto janë arritje shumë të rëndësishme. Megjithatë, mbetet ende
shumë për t’u bërë për të rritur pjesëmarrjen e grave në vendimmarrje
politike. Në të vërtetë, pavarësisht nga një përfaqësim i konsiderueshëm
në Parlament, vetëm dy nga 16 Komisionet Parlamentare drejtohen nga
gratë (Komisioni për Buxhet dhe Financa dhe Komisioni për të Drejtat e
Njeriut, Barazi Gjinore, Persona të Pagjetur dhe Peticione).38 Gratë janë
gjithashtu të papërfaqësuara sa duhet në nivelin ekzekutiv. Ka vetëm një
ministre femër, Vlora Çitaku, e cila drejton Ministrinë e Integrimit Evropian në Qeverinë e re që erdhi në pushtet në vitin 2011, dhe asnjë grua
nuk ka qenë asnjëherë e zgjedhur si kryetare në ndonjë nga 33 komunat
e Kosovës.39 Për më tepër, numri i grave në pozita të larta (p.sh., shef i
departamentit) në zyrat e qeverisë është shumë i ulët: gratë zënë vetëm
37. Vuniqi, Luljeta. 2008. “Roli i grave në Kosovën e pavarur”, Qendra për
studime gjinore në Kosovë, Prishtinë.
38. Kuvendi i Republikës së Kosovës http://www.kuvendikosoves.
org/?cid=2,110 , e marrë më 10 shkurt 2012.
39. Zyra e kryeministrit, Republika e Kosovës http://www.kryeministri-ks.
com/?page=1,9,1829 , e marrë më 10 shkurt 2012 dhe Qosaj-Mustafa, Ariana.
2010. “Forcimi i qytetarisë së grave në kontekstin e shtetndërtimit: sektori i
sigurisë dhe decentralizimi në Kosovë”, KIPRED.
31
32
Kosova: Dallimet Gjinore në Arsim, Shëndetësi dhe Mundësitë Ekonomike
FIGURA 9
Pjesa e grave në struktura të ndryshme të pushtetit, 2011 (%)
Shënim: të dhënat për gratë në qeverisjen lokale, shënuar me * janë bazuar në Qosaj-Mustafa, 2010.
Burimi: ESK. 2011. “Gratë dhe burrat.”
12 për qind të pozitave të tilla në vitin 2009, viti i fundit për të cilin janë
në dispozicion të dhënat (shih Figurën 9 për më shumë informacion mbi
përfaqësimin e femrave në strukturat e ndryshme të pushtetit).40
Një numër i vëzhguesve dhe aktivistëve civilë kanë shprehur
shqetësime se sistemi i kuotave ende nuk ka pasur si rezultat që gratë të
kenë më shumë rol në procesin e vendimmarrjes, ose në politikëbërjen
për çështjet më të ndjeshme gjinore. Partitë janë të dominuara nga
udhëheqësit meshkuj të cilët kanë fjalën përfundimtare për përzgjedhjen
e kandidatëve, një proces që udhëhiqet shpesh nga nepotizmi më shumë
sesa nga karakteristikat arsimore dhe profesionale të kandidatëve. Kjo
mund të ndihmojë për të shpjeguar heshtjen mbi barazinë gjinore dhe
çështjet e grave në Kuvendin e Kosovës, sepse politikanet femra priren t’i
përmbahen prioriteteve të liderëve meshkuj të partive dhe jo të formësojnë agjendat e tyre. Politikanet femra kanë raportuar se kolegët e tyre
meshkuj kanë tendencë për t’i përjashtuar ato nga takimet ku merren
vendime të rëndësishme politike. Vendimet e tilla janë bërë shpesh në
tubime jozyrtare në kafene apo restorante vonë në mbrëmje, kur politikanet femra janë në shtëpi me familjet e tyre. Politikanët meshkuj priren
të përfshijnë homologet e tyre femra në politikëbërje vetëm kur bëhet
fjalë për çështje të tilla stereotipike të femrave, si shëndeti, mirëqenia
sociale dhe të drejtat e njeriut (për më shumë informacion, shih QosajMustafa, Ariana 2010).
40. Enti statistikor i Kosovës. 2011. “Burrat dhe gratë në Kosovë”, Prishtinë.
Seksion III. Ndërmarrësia dhe lidershipi
Kur analizohet angazhimi i grave në politikë në Kosovë, duhet të
mbani mend se Kosova është një shtet shumë i ri dhe se sistemi i kuotave,
si dhe institucionet dhe kornizat ligjore për demokraci, janë shumë të
reja. Ndikimi i tyre në politikëbërje mund të marrë kohë që të shihet.
Është e rëndësishme të ndërtohet mbi arritjet e së kaluarës dhe të sigurohet që Kuvendi i Kosovës dhe partitë politike zhvillojnë procedura më
përfshirëse dhe sigurojnë resurse të mjaftueshme njerëzore, të tilla si stafi
dhe zyrat për politikanet femra, si dhe mbështetje buxhetore për aktivitetet e organizuara nga Grupi Joformal i Grave në Kuvend.41
41. Qosaj-Mustafa, Ariana. 2010. “Forcimi i qytetarisë së grave në kontekstin e
shtetndërtimit: sektori i sigurisë dhe decentralizimi në Kosovë”, KIPRED.
33
34
Kosova: Dallimet Gjinore në Arsim, Shëndetësi dhe Mundësitë Ekonomike
PJESA IV
Konkludime
dhe Ndikimet në
Politika
Rritja e arsimimit dhe aftësive
Ngritja e standardeve të arsimit është një parakusht i rëndësishëm për
rritjen e nivelit të punësimit dhe zhvillimin e qëndrueshëm ekonomik.
Analiza e AFP tregon se burrat dhe gratë me nivel të lartë arsimor kanë
më shumë shans për të gjetur punë. Për më tepër, dallimi në rezultatet e
punës ndërmjet meshkujve dhe femrave zvogëlohet në mënyrë progresive me çdo nivel të arsimit. Prandaj është e një rëndësie vendimtare
të rritet niveli i regjistrimit në shkollë dhe të përmirësohet cilësia dhe
rëndësia e arsimit. Identifikimi i pengesave për vajzat për të vazhduar
shkollën është një hap i parë për uljen e pabarazive gjinore në përfshirje
në arsim. Varësisht nga natyra e problemit, masat e mundshme mund të
përfshijnë përmirësimin e sigurisë në shkollë, zvogëlimin e distancës në
shkolla, ngritjen e vetëdijes në lidhje me përfitimet e arsimit si për djemtë
ashtu edhe për vajzat, dhe futjen e transfereve të kushtëzuara të parave
për studentët nga familjet e varfra.
Për t’u ofruar të rinjve përvojë pune dhe për të lehtësuar tranzicionin
nga shkolla në punë, mësimi dhe praktika duhet të përfshihen në programet e institucioneve profesionale dhe universitete. Zhvillimi i mundësive të dyta për arsimim është një tjetër përparësi për veprim politik. Vitet
e shtypjes dhe dhunës gjatë konfliktit të armatosur dhe cilësia e dobët e
arsimit në kuadër të sistemit paralel kanë pasur si rezultat një numër të
madh të nxënësve që e kanë braktisur shkollën, veçanërisht vajzat, si dhe
aftësi të nivelit të ulët te të diplomuarit e sistemit të vjetër. Prandaj është
e nevojshme për të krijuar programe mësimore për njerëzit që janë jashtë
shkollës, por që nuk kanë aftësitë themelore për t’u punësuar. Programet
e tilla duhet të jenë të lidhura me sistemin formal të arsimit dhe të infor35
36
Kosova: Dallimet Gjinore në Arsim, Shëndetësi dhe Mundësitë Ekonomike
muara nga kërkesat e tregut të punës.42 Banka Botërore do të ndërmarrë
një vlerësim të thellë arsimor në periudhën 2012-13 për të identifikuar
kufizimet e mëdha në sektorin e arsimit dhe për të ofruar rekomandime
të hollësishme për politika.
Përmirësimi i rezultateve të shëndetit dhe trajtimi i
diskriminimit gjinor në lindje
Shëndeti i mirë është kritik për mirëqenien dhe produktivitetin e njeriut.
Ka mungesë të statistikave shëndetësore të besueshme në Kosovë, që e
bën të vështirë të krahasohen normat e vdekshmërisë me ato të vendeve
të tjera në rajon dhe të informohet politikë-bërja. Të dhënat në dispozicion tregojnë për vdekshmërinë e lartë të nënave, prevalencë të ulët të
përdorimit të kontracepsionit modern, dhe jetëgjatësi të ulët në lindje. Ka
edhe pakënaqësi të përhapur me cilësinë e shërbimeve shëndetësore, me
më pak se 30 për qind të popullatës që raportojnë se janë të kënaqur me
këtë fushë. Politikëbërësit duhet të përqendrohen në përmirësimin e
infrastrukturës shëndetësore, në veçanti në zonat rurale, rritjen e cilësisë
së arsimit dhe zhvillimit profesional të mjekëve dhe infermierëve, dhe
krijimin e një sistemi efikas të monitorimit për të trajtuar mungesën e
mjekut në vend pune dhe korrupsionin. Vëmendje e veçantë duhet t’i
kushtohet trajnimit të gjinekologëve dhe mamive për të ulur vdekshmërinë e lartë të nënave dhe normat e abortit. Do të jetë e rëndësishme
gjithashtu që të kryhen kërkime të mëtejshme mbi arsyet prapa normave
të ulëta të përdorimit të kontraceptivëve modernë përkundër vetëdijes së
lartë për to.
Është e nevojshme të kuptohen më mirë faktorët që i çojnë familjet të
zgjedhin gjininë e fëmijës së tyre (në favor të djemve) dhe llojin e familjeve
që tentojnë ta bëjnë këtë (p.sh., të varfrit, zonat rurale) për të zhvilluar
një pako të intervenimeve për ta luftuar këtë praktikë. Organizimi i diskutimeve publike dhe përfshirja e mediave në fushatë për të ndaluar
diskriminimin gjinor në lindje duhet të jenë ndër hapat e parë për ta
trajtuar problemin.
42. Banka Botërore.2010. “Kosova. Zhbllokimi i potencialit për rritje: Strategjitë, Politikat, Veprimet” Memorandum ekonomik i shtetit, Uashington DC.
Seksion IV. Konkludime dhe ndikimet në politika
Krijimi i më shumë vendeve të punës dhe përmirësimi i
shërbimeve të punësimit43
Duke pasur parasysh shkallën e tanishme të ulët të pjesëmarrjes në fuqinë punëtore, do të jetë e rëndësishme të krijohen më shumë vende pune
për burrat dhe gratë. Tërheqja e IHD-ve, përmirësimi i klimës rregullative, investimi në infrastrukturë (në veçanti, të siguruarit e një furnizimi
të qëndrueshëm me energji elektrike), dhe forcimi i mundësisë për të
marrë kredi duhet të jenë në mesin e masave kryesore për të mbështetur
rritjen e sektorit privat dhe rritjen e kërkesës për punëtorë. Do të jetë
vendimtare në këtë proces që të trajtohen kufizimet specifike me të cilat
përballen gratë. Përveç trajtimit të çështjes kritike të arritjeve më të ulëta
arsimore të femrave, masa të tjera të politikave duhet të përfshijnë krijimin e institucioneve të kujdesit për fëmijët për të ulur barrën e obligimeve familjare dhe përmirësimi i kapaciteteve të Inspektoratit të Punës
për të zbatuar pjesë të ligjit të ri të punës që mundëson punën me orar të
shkurtuar, pushimin e lindjes me pagesë, pushimin mjekësor, dhe pushimin vjetor. Zbatimi i këtyre dispozitave do të jetë veçanërisht me dobi
për gratë.
Do të jetë gjithashtu e rëndësishme të përmirësohet cilësia, efikasiteti,
dhe shtrirja e ndihmës së dhënë nga ana e Shërbimit Publik të Punësimit.
Në veçanti, është e nevojshme që të vazhdojnë përpjekjet aktuale që synojnë forcimin e sistemit të mbajtjes së regjistrave të të papunëve, si dhe
përmirësimin e kapaciteteve të punëtorëve në SHPP. Në nëntor të vitit
2011, ka pasur rreth 336,000 regjistra në letër për individët e regjistruar
si të papunë, që përfshinte edhe ata individë që në mënyrë aktive kërkojnë
punë, si dhe ata të cilët kishin gjetur tashmë punë, kishin emigruar,
kishin ndërprerë kërkimin e punës, apo madje kishin vdekur. Digjitalizimi i sistemit të regjistrit do të rrisë efikasitetin e shërbimeve të punësimit
43. Banka botërore aktualisht është duke punuar me Qeverinë e Kosovës për
Operacionin e dytë të politikave zhvillimore për punësim të qëndrueshëm, që
do të ndihmojë një numër të reformave politike për të promovuar punësimin e
qëndrueshëm me fokus në 1) stabilitetin makroekonomik dhe përmirësimin e
menaxhimit të financave publike; 2) përmirësimin e klimës së investimeve; 3)
politikat, institucionet dhe rregulloret e tregut të punës; 4) arsimi, aftësitë dhe
trajnimi dhe 5) politikat e mbrojtjes sociale. Qeveria tashmë është duke marrë
hapa aktive për të përmirësuar situatën në disa nga këto fusha.
37
38
Kosova: Dallimet Gjinore në Arsim, Shëndetësi dhe Mundësitë Ekonomike
publik. 44 Për më tepër, do të jetë e nevojshme të përmirësohet qasja dhe
cilësia e shërbimeve të ofruara nga SHPP dhe të sigurohet që, pavarësisht
nga programet e përgjithshme, të ofrohen trajnime të fokusuara dhe iniciativa për gjetje të punës për grupe të caktuara të popullsisë, duke përfshirë gratë dhe të rinjtë.
Duke pasur parasysh se aq pak femra marrin pjesë në fuqinë punëtore, punëdhënësit potencialë mund të ketë njohuri të kufizuara mbi
punën dhe aftësitë e grave. Për më tepër, vetë gratë shpesh nuk kanë
rrjetet dhe mënyrat e nevojshme për të gjetur punë. Për të trajtuar këto
probleme, një numër vendesh kanë krijuar programe aktive të tregut të
punës që ofrojnë ndërtimin e aftësive, shërbimet e kërkimit të punës, dhe
në disa raste, subvencionim të pagave. Për shembull, në Programi Jovenes
në Veprim në Kolumbi, ProJoven në Peru, dhe PROBECAT në Meksikë
kanë ofruar trajnim profesional afatshkurtër, që nganjëherë është kombinuar me subvencione (p.sh., transport, uniforma) për nënat. Programi
Proempleo i Argjentinës ka dhënë kupona për subvencionim të pagave.
Të gjitha programet kanë pasur sukses në përmirësimin e normave të
punësimit për pjesëmarrësit meshkuj dhe femra, dhe disa kanë pasur si
rezultat përmirësimin e ndjeshëm të të ardhurave të grave.45
Kosova duhet të marrë parasysh zhvillimin e programeve të ngjashme.
Duke bërë kështu, ajo mund të ndërtojë mbi iniciativat nga një numër i
donatorëve dhe OJQ-ve që aktualisht ekzistojnë në Kosovë, disa prej të
cilave veçanërisht synojnë gratë. Për shembull, UNDP ka ndihmuar rreth
4500 të rinj të regjistruar si të papunë (46 për qind e të cilëve ishin femra)
nëpërmjet zbatimit të programeve aktive të tregut të punës, të cilat përfshinin trajnimin në punë, një skemë stazhi, trajnimin në ndërmarrje,
trajnim para-punësimit, subvencionim të pagave dhe trajnim profesional
në QAP “Don Bosko.” Analiza e kostos-përfitimit e këtij projekti tregoi se
kjo kishte prodhuar përfitim sa 1,42 herë kostoja.46 Disa nisma në mënyrë
specifike synojnë gratë. OJQ Gratë për Gratë ofron arsimim bazë për
lexim dhe matematikë, ndërtimin e aftësive në fusha ku gratë kanë më
shumë mundësi të kenë sukses (p.sh., rrobaqepësi, gatim kujdesi ndaj
fëmijëve, kontabilitet), dhe ndihmë për fillimin e biznesit. Deri më tash,
42 për qind e pjesëmarrësve në GpG kanë arritur të krijojnë të ardhura
44. Banka Botërore. 2012. Dokumenti i programit të shoqatës ndërkombëtare
të zhvillimit për një grant të propozuar në shumë prej 23 milion Euro për
Republikën e Kosovës për një Operacion të dytë të politikave zhvillimore për
punësim të qëndrueshëm.
45. Banka Botërore 2012, “Barazia gjinore dhe zhvillimi.”
46. UNDP Kosovë. “Programi i tregut aktiv të punës për rininë” http://www.
kosovo.undp.org/?cid=2,91,779 , e marrë më 15 shkurt 2012.
Seksion IV. Konkludime dhe ndikimet në politika
përmes një shumëllojshmërie të aktiviteteve ekonomike. 47 Është
gjithashtu e rëndësishme të shqyrtohen intervenimet që nxisin punësimin e femrave në sektorët dhe profesionet jotradicionale. Vlerësimi i normës së efikasitetit dhe suksesit të nismave ekzistuese mund të ndihmojë
për të identifikuar modelin apo modelet më të suksesshme, që potencialisht mund të shkallëzohet dhe të bëhet mbarëkombëtar.
Ulja e pabarazisë gjinore në hyrjen në mundësitë
për ndërmarrësi
Femrat përbëjnë më pak se 10 për qind të të gjithë ndërmarrësve në
Kosovë. Kërkime të mëtejshme janë të nevojshme për të kuptuar se çfarë
faktorë kufizojnë ndërmarrjet e femrave dhe çfarë politikash mund të
krijohen për të trajtuar këto kufizime. Lista e kufizimeve të mundshme
mund të përfshijë mungesën e aftësive, qasjen joadekuate në prona, barrën rregullative, dhe stereotipet negative për ndërmarrëset femra në
shoqëri. Sipas traditës, pjesa më e madhe e pronës shtëpiake është e
regjistruar në emrat e burrave që jetojnë aty, që e kufizon mundësinë e
grave të marrin kredi bankare për shkak të mungesës së kolateralit. Trajtimi i këtij problemi do të përfshijë punën me Agjencinë Kadastrale për
të siguruar se emrat e të gjithë anëtarëve të familjes janë të përfshirë sa
herë që regjistrohet prona familjare, si dhe fushatat e ndërgjegjësimit
publik mbi të drejtat e grave.
Bizneset me pronare femra në Kosovë kanë dukshëm më shumë gjasa
se sa homologët e tyre meshkuj të perceptojnë administratën tatimore,
licencimin e biznesit, mundësinë për shfrytëzim të tokës, dhe gjykatat si
pengesa kryesore ose të rënda për mosfunksionimin e suksesshëm të
bizneseve të tyre. Studime të mëtejshme janë të nevojshme për të përcaktuar nëse këto perceptime janë për shkak të madhësisë të kufizuar dhe
sektorit në të cilët operojnë bizneset e femrave, ose sepse femrat i nënshtrohen kontrollit më të madh nga ana e zyrtarëve publikë. Pikëpamjet
tradicionale për rolin e duhur të grave dhe burrave në shoqëri mund të
pengojnë përfshirjen e grave në ndërmarrje dhe pozita të tjera menaxhuese. Tregimet e suksesit të grave të shquara në media mund të luftojnë
ndikimin e stereotipeve të tilla dhe japin shembuj pozitivë për shumë
udhëheqëse të mundshme femra.
47. Banka Botërore. 2010. Kosovë. “Zhbllokimi i potencialit për rritje: Strategjitë, Politikat, Veprimet. Memorandum ekonomik i shtetit”. Banka Botërore,
Uashington DC.
39
40
Kosova: Dallimet Gjinore në Arsim, Shëndetësi dhe Mundësitë Ekonomike
Referencat
Balkan Insight. 2009. http://www.balkaninsight.com/en/article/hiv-aids-inkosovo-among-world-s-lowest accessed on December 14, 2011.
Banka Botërore dhe Enti Statistikor i Kosovës. 2011. “Varfëria e konsumit në
Republikën e Kosovës në vitin 2009.”
Banka Botërore. 2010. “Dokumenti i programit të shoqatës ndërkombëtare
të zhvillimit për një grant të propozuar të financuar me kredi dhe fonde nga trusti për Republikën e Kosovës për një Operacion të parë të
politikave zhvillimore për punësim të qëndrueshëm.”
Banka Botërore. 2010. “Informatë për shtetin 2010” http://intranet.worldbank.org/WBSITE/INTRANET/INTCOUNTRIES/INTECA/INTKOSOVO
/0,,contentMDK:20629286~menuPK:297675~pagePK:145897~piPK:
147187~theSitePK:297667,00.html, e marrë më 15 shkurt 2012.
Banka Botërore. 2010. Kosovë. “Zhbllokimi i potencialit për rritje: Strategjitë, Politikat, Veprimet. Memorandum ekonomik i shtetit”. Banka
Botërore, Uashington DC.
Banka Botërore. 2011. “Evropa dhe Azia Qendrore: Mundësitë për burrat
dhe gratë”, Uashington DC.
Banka Botërore 2011. Raporti zhvillimor botëror 2012. “Barazia gjinore dhe
zhvillimi”. Uashington DC.
Banka Botërore. 2012. Dokumenti i programit të shoqatës ndërkombëtare të
zhvillimit për një grant të propozuar në shumë prej 23 milion Euro për
Republikën e Kosovës për një Operacion të dytë të politikave zhvillimore për punësim të qëndrueshëm.
Basha, Vlora dhe Inge Hutter. 2006. “Shtatzënia dhe planifikimi familjar në
Kosovë: Studim kualitativ” UNFPA dhe Universiteti i Groningen.
Beck-Domzalska, Marta. 2007. “Dallimi në ulje i arsimit ndërmjet grave dhe
burrave”. Statistikat në fokus – Popullata dhe kushtet sociale 130/2007,
Eurostat.
41
42
Kosova: Dallimet Gjinore në Arsim, Shëndetësi dhe Mundësitë Ekonomike
BIRN. 2009. “Raporti për sistemin e kujdesit shëndetësor në Kosovë”,
Prishtinë.
EBRD.Banka Botërore. 2009. Anketa e mjedisit të bizneseve dhe performancës së ndërmarrjeve (AMBPN). Kosovë.
Ekipi i Kosovës për Kombet e Bashkuara. “Forcimi i luftës kundër HIV-it në
Kosovë” http://www.unkt.org/repository/docs/Strengthening_HIV_response_in_Kosovo.pdf?phpMyAdmin=WkPxhYYrO3l4GvCxnRoloy0
Xka9
Enti statistikor i Kosovës. 2007. “Gratë dhe burrat në Kosovë”, Prishtinë.
Enti statistikor i Kosovës. 2009. Anketa e fuqisë punëtore 2009.
Enti statistikor i Kosovës. 2010. “Statistikat arsimore 2009-2010”, Prishtinë.
Enti statistikor i Kosovës. 2010. “Rezultatet e anketës së fuqisë punëtore për
2009”, Prishtinë.
Enti statistikor i Kosovës. 2010. “Statistikat e lindjeve në Kosovë 2010”,
Prishtinë.
Enti statistikor i Kosovës. 2011. “Gratë dhe burrat në Kosovë”, Prishtinë.
Enti statistikor i Kosovës. 2009. “Anketa demografike, sociale dhe shëndetit
riprodhues në Kosovë”, Prishtinë.
Enti statistikor i Kosovës. 2010. Anketa e buxheteve familjare.
Eurostat Baza e të dhënave për AFP http://epp.eurostat.ec.europa.eu/portal/
page/portal/employment_unemployment_lfs/data/database
Eurostat. 2010. “Personat me arritje terciare arsimore sipas moshës dhe gjinisë” http://appsso.eurostat.ec.europa.eu/nui/setupModifyTableLayout.do, E marrë më 19 shkurt 2012.
Eurostat. 2011. “Evropa në shifra: Vjetari Eurostat 2011”, Luksemburg.
Federata ndërkombëtare e Shoqatave të Kryqit të Kuq dhe Gjysmëhënës së
Kuqe. Plani i rishikuar 2011 http://reliefweb.int/sites/reliefweb.int/
files/resources/69917A7A4D0D5390852577CB0067835B-Full_Report.pdf
Giovannola, Daniele. Nicola Massarelli. 2009. Popullsia dhe kushtet sociale. Eurostat të dhënat në fokus 35/2009.
Instituti i statistikave të Shqipërisë. 2009. “Rezultatet e anketës së tregut të
punës për 2009.”
Krueger, A. dhe A. Mueller (2011) “Kërkimi për punë, mirëqenia emocionale dhe gjetja e punës në një periudhë të papunësisë masive: Dëshmi nga
të dhënat longitudinale me frekuencë të lartë”. Instituti Brookings.
Kuvendi i Republikës së Kosovës http://www.kuvendikosoves.
org/?cid=2,110, e marrë më 10 shkurt 2012.
Pastore, Francesco; Sarosh Sattar dhe Erwin R. Tiongson (2012) “Dallimet
gjinore në të ardhura dhe ofertën e punës në karrierën e hershme:
Dëshmi nga anketa e tranzicionit nga shkolla në punë në Kosovë.”
Referencat
Qendra Kosovare për studime gjinore. 2011. “Të drejtat e grave për trashëgimi të pronës në Kosovë.”
Qosaj-Mustafa, Ariana. 2010. “Forcimi i qytetarisë së grave në kontekstin e
ndërtimit të shtetit: sektori i sigurisë në Kosovë dhe decentralizimi”,
KIPRED.
Reva, Anna. 2012. “Pabarazia gjinore në tregun e punës në Serbi”, Dokument pune i hulumtimit mbi politikat 6008, Banka Botërore, Uashington DC.
Shoqata e grave afariste SHE-ERA. 2006. “Vështrim i bizneseve me pronare
femra në vitin 2006” http://www.tiaw.org/media/Kosovo_Entrepreneurs.pdf
UNDP Kosovë. “Programi aktiv i tregut të punës për rininë” http://www.
kosovo.undp.org/?cid=2,91,779 , e marrë më 15 shkurt 2012.
UNDP Kosovë. “Progresi sipas qëllimeve në Kosovë” http://www.kosovo.
undp.org/?cid=2,120, e marrë më 19 shkurt 2012.
UNDP. 2006. “Rinia- Një gjeneratë për një Kosovë të re”, Raporti i zhvillimit
njerëzor, Prishtinë.
UNICEF në Kosovë. http://www.unicef.org/kosovo/children_3474.html accessed on January 13, 2011.
UNICEF, UNFPA dhe WHO. “Marrëveshja e programit të përbashkët ndërmjet UNICEF, UNFPA dhe WHO: Përmirësimi i shëndetit të grave dhe
fëmijëve në Kosovë (2007-2010)”, Kosovë.
Vuniqi, Luljeta. 2008. “Roli i grave në Kosovën e pavarur”, Qendra kosovare
për studime gjinore, Prishtinë.
Zyra e Kryeministrit, Republika e Kosovës http://www.kryeministri-ks.
com/?page=1,9,1829 , e marrë më 10 shkurt 2012.
Zyra shtetërore statistikore e Republikës së Maqedonisë. 2010. “Anketa e
fuqisë punëtore 2009”, Shkup.
43