Siv Jensen

Siv Jensen
Fødd	1. juni 1969 (55 år) Oslo
Statsborgar av	Noreg
Parti	Framstegspartiet (1988)
Yrke	politikar, samfunnsøkonom, frilanser
Institusjonar	Redningsselskapet
Utdanna ved	Oslo Handelsgymnasium Norges handelshøyskole
Medlem	Unge Høgre Framstegspartiets Ungdom
Verv	Norsk finansminister 16. oktober 2013– 24. januar 2020
Føregangar	Sigbjørn Johnsen
Etterfylgjar	Jan Tore Sanner
Verv	Leiar av Framstegspartiet 6. mai 2006–8. mai 2021
Føregangar	Carl I. Hagen
Etterfylgjar	Sylvi Listhaug
Verv	Parlamentarisk leiar av Framstegspartiet 5. oktober 2005– 17. oktober 2013
Føregangar	Carl I. Hagen
Etterfylgjar	Harald T. Nesvik
Verv	Stortingsrepresentant 1. oktober 1997–
Alle verv	stortingsrepresentant (1997–2001) Norsk finansminister (2013–2020) stortingsrepresentant (2017–2021) vararepresentant til Stortinget (1993–1997) stortingsrepresentant (2001–2005) stortingsrepresentant (2005–2009) stortingsrepresentant (2009–2013) stortingsrepresentant (2013–2017) partileiar (Framstegspartiet, 2006–2021)

Siv Jensen (fødd 1. juni 1969 i Oslo) er ein norsk politikar og tidlegare leiar av Framstegspartiet. Ho var finansminister i Regjeringa Solberg frå 2013 til 2020. Etter at Jensen gav seg som partileiar vart ho dagleg leiar for Flyte som er ein organisasjon som arbeidar mot drukning i Noreg.

Biografi

Siv Jensen er oldebarn av kvinnesaksforkjemparen Betzy Kjelsberg, og er oppvaksen i Oslo. Søstera hennar, Nina Jensen, er i dag generalsekretær i WWF Noreg. Siv Jensen er ugift, og har tidlegare jobba både i mora si klesbedrift og som salskonsulent i Radio 1. Ho vart vald inn på Stortinget i 1997 og vart gjenvald i 2001 og 2005. I perioden frå 2001 til 2005 var ho leiar av finanskomiteen, medlem i den utvida utanrikskomiteen og Stortinget sin valkomité, og varamedlem i Stortinget sin delegasjon for forbindelsar med Europaparlamentet. Frå 2005 til 2013 har ho hatt plass i utanrikskomiteen.

Siv Jensen gjekk på Oslo Handelsgymnasium frå 1985 til 1988, og ho meldte seg inn i Frp fyrste gongen 18 år gamal. I 1992 vart Jensen styremedlem i Oslo Frp, same året som ho vart diplomøkonom ved Noregs Handelshøgskule si kursverksemd (NHHK). No skaut den politiske karrieren fart, ho blei vararepresentant på Stortinget i 1993, medlem av Oslo bystyre 1995-99 og medlem av sentralstyret i Frp 1998. Sidan 1999 har ho vore fyrste nestformann i Framstegspartiet. Jensen tok over som parlamentarisk leiar i FrP etter Carl I. Hagen 5. oktober 2005. Ho tok òg over som partiformann då Carl I. Hagen gjekk av 6. mai 2006.

Siv Jensen stilte som statsministerkandidat ved stortingsvalet 2009. Under dette valet fekk partiet 22,9 % oppslutning og 41 representantar, ei auke på 3 sidan førre val. Ved stortingsvalet 2013 ivra ho for ei borgarleg regjering med Høgre, KrF og Venstre, men at Frp berre ville stø opp om ei regjering dei sjølve var med i. Då regjeringsskiftet var vorte eit faktum under Framstegspartiets valvake, gjekk Siv Jensen opp på scena og sa: «Dette har jeg venta lenge på å si: Morna, Jens!» Seinare la ho også ut «Morna Jens» som statusoppdatering på Facebook. Mange reagerte på dette og syntes oppførselen var usmakeleg.

Etter at det vart klårt at Høgre og Frp ville danna mindretalsregjering med støtte frå Venstre og KrF, presenterte Siv Jensen og Erna Solberg ei politisk plattform for den nye regjeringa på Sundvolden Hotel den 7. oktober. Då Regjeringa Solberg vart utnemnd av Kongen i statsråd den 16. oktober, var Frp kome i regjering for fyrste gong i partihistoria. I denne regjeringa fekk Siv Jensen posten som finansminister.

Kjelder

• «Siv_Jensen» i Store norske leksikon, snl.no. Henta inn 18. oktober 2013.

Referansar

Bakgrunnsstoff

Commons har multimedium som gjeld: Siv Jensen

• «Siv Jensen». Stortinget.no. 

Denne artikkelen er ei spire. Du kan hjelpe Nynorsk Wikipedia gjennom å utvide han.