Eva Kristin Hansen

Eva Kristin Hansen
	Eva Kristin Hansen
	;
Fødd	5. mars 1973 (51 år); Trondheim
Statsborgar av	Noreg
Parti	Arbeidarpartiet
Yrke	politikar
Utdanna ved	Heimdal VGS; Noregs teknisk-naturvitskaplege universitet; Høgskolen i Oslo; Noregs teknisk-naturvitskaplege universitet
Alle verv	stortingsrepresentant (2017–2021); stortingsrepresentant (2005–2009); stortingsrepresentant (2009–2013); stortingsrepresentant (2013–2017); stortingsrepresentant (2021–); stortingspresident (2021–2021) ;

Eva Kristin Hansen (fødd 5. mars 1973 i Trondheim)^[1] er ein norsk politikar for Arbeidarpartiet. Ho har sete på Stortinget for Sør-Trøndelag fylke sidan 2005.^[1] Ho vart vald som stortingspresident for det 166. ordentlege Stortinget 9. oktober 2021.

Bakgrunn

Hansen har studert ved NTNU og ved kommunalkandidatstudiet ved HiO. Ho har arbeidd i ulike stillingar i Nei til EU, LO, Rissa kommune, Arbeidaranes Ungdomsfylking og Norsk kommuneforbund.

Politisk karriere

Frå 2000 til 2002 var ho leiar av Arbeidaranes Ungdomsfylking. På landsmøtet i 2002 tapte ho ei kampvotering mot Gry Larsen med 3 stemmer. Frå 2009 var ho leiar i Sør-Trøndelag Arbeidarparti, etter å ha vore nestleiar frå 2003. Ho var bystyremedlem i Trondheim 2003–2005 og varamedlem til fylkestinget 1995–1999.

Ved stortingsvalet 2005 vart ho vald inn på Stortinget. I 2021 vart ho stortingspresident.

Pendlarbustad

Frå 2014 til 2017 oppgav Hansen til Stortingsadministrasjonen at ho var busett i Trondheim. I denne perioden leigde ho hybel i leilegheita til Ap-politikar Trond Giske i Trondheim, medan ho budde fast på Langhus i Ski saman med ektemannen sin. Sidan ho opplyste at ho var busett i Trondheim fekk ho tildelt ein pendlarbustad i Oslo. Det var Adresseavisen som gjorde forholdet kjent for offentlegheita i november 2021.^[2]

Den 18. november 2021 opplyste Hansen til NTB at ho trekte seg som stortingspresident, etter at politiet hadde kunngjort at det vart innleidd etterforsking av seks ikkje namngitte stortingsrepresentantar i samband med avdekkinga av dei såkalla «pendlarsakene».^[3]

Stortingskomitear

2005–09: medlem i Arbeids- og sosialkomiteen
2009–13: medlem i Utanriks- og forsvarskomiteen
2013–17: medlem i Energi- og miljøkomiteen
2017–21: medlem i Kontroll- og konstitusjonskomiteen
2021–: leiar i Valkomiteen

Kjelder

↑ ^1,0 ^1,1 «Biografi: Hansen, Eva Kristin», Stortinget (på norsk), 9. mars 2008, henta 8. desember 2019
↑ «Stortingspresidenten fikk pendlerbolig – hadde bolig i Ski», e24.no (på norsk bokmål), henta 18. november 2021
↑ AS, TV 2 (18. november 2021), «Stortingspresidenten trekker seg», TV 2 (på norsk), henta 18. november 2021

Bakgrunnsstoff

«Eva Kristin Hansen». Stortinget.no.

Arbeidarpartiet - Biografi

[Storting-1] 1,0 ^1,1 «Biografi: Hansen, Eva Kristin», Stortinget (på norsk), 9. mars 2008, henta 8. desember 2019

[2] «Stortingspresidenten fikk pendlerbolig – hadde bolig i Ski», e24.no (på norsk bokmål), henta 18. november 2021

[3] AS, TV 2 (18. november 2021), «Stortingspresidenten trekker seg», TV 2 (på norsk), henta 18. november 2021

[1]

[2]

[3]