Abakan

Abakan
Абакан (ven.)
Ағбан (hak.)
Lidnanznam;	Flag;
Valdkund	Venäma
Eläjiden lugu (2024)	185,804 ristitud
Pind	112,38 km²
Pämez'	Aleksei Lömin; (tal'vku 2019—)
Telefonkod	+7−3902-xxx-xxx
Avtokod	19
Aigvö	UTC+7 (MSK+4)

Abakan (hak.: Ағбан, ven.: Абака́н) om lidn Venälaižes Federacijas, Sibirin suves. Se om Hakasijan Tazovaldkundan pälidn da kaikiš suremb lidn.

Istorii

Ende gunnoiden lidnuz oli olmas Samohval-mägenno. Sid' kalaidajad nimitihe ülüt Ah Tigei «vauged mägenpa» jurtiden äjüden tagut. Nügüd'aigaižen eländpunktan aluz om pandud vl 1675 kuti Abakanan lidnuz (ven.: Абаканский острог). 1780-nziš vozišpäi nimitihe küläd Ust'-Abakanskoje:ks.

Vl 1925 saudihe raudted Minusinskhasai i avaitihe Abakan-raudtestancijad. Panihe Hakasijan avtonomijan alust vn 1925 tal'vkus, siš aigaspäi eländpunkt kändihe Hakasijan administrativižeks keskuseks. Eländfartalad sünduiba žilon raudtestancijanno i külän keskes. Vl 1931 kaikile niile anttihe lidnan statusad da udesnimitihe nügüdläižikš. Vll 1934−1991 Abakan oli Hakasijan avtonomižen agjan keskuseks, kudamb oli Krasnojarskan randan palaks.

Abakanan ižandusen päsarakod oma jüžmak transportine mašinoidensauvomine, sauvondmaterialiden tegimed, sömtegimišt (oludentegim i lihan edheotandad), mugažo kengiden fabrik radab.

Geografijan andmused

Abakan seižub ühtennimižen jogen lanktendan sijas Jeniseiha (hura ližajogi), Hakasiž-Minusinskan katl'usen keskuses, 250 m ü.m.t. keskmäižel korktusel. Jenisein son' ümbärdab Samohval-mäged lidnas. Matkad Moskvhasai om 3390 km päivlaskmha orhal. Ezilidnad oma Černogorsk (lodeheze) i Minusinsk (päivnouzmha, Jeniseinjogen vastrandal). Lähembaižed järedad lidnad oma Meždurečensk, Krasnojarsk, Ačinsk, Novokuzneck, Kizil.

Klimat om terav kontinentaline kuivahk. Voden keskmäine lämuz om +1,4 C°, kezakun-elokun +16,8..+19,9 C°, tal'vkun-uhokun −15,6..−18,4 C°. Ekstremumad oma −42 C° (tal'vku) i +36 C° (kezaku). Kezaaigan minimum om −2 C° (kezaku), tal'vaigan maksimum om +7 C° (uhoku). Ei voi panda halad heinkus-elokus (elokun minimum om +1 C°). Paneb sadegid 311 mm vodes, enamba kezakus-elokus (58..68 mm kus), vähemba kül'mkus-keväz'kus (4..10 mm kus).

Tobmuz

Lidn om lidnümbrikon üks'jäižeks eländpunktaks.

Edeline lidnan pämez' oli Nikolai Bulakin (semendku 1995 — reduku 2019), eli vll 1952−2019.

Eläjad

Vn 2010 kaiken Venäman rahvahanlugemižen mödhe lidnan eläjiden lugu oli 165 214 ristitud, vn 2021 — 184 769 ristitud. Kaik 181 709 eläjad oli lidnas vl 2017. Kaikiš suremb lidnan ristitišt oli 186 797 eläjad vl 2020.

Ortodoksižen hristanuskondan 13 pühäpertid^[1] oma saudud lidnas: Spasan Toižetamižen kafedraline päjumalanpert', ph. Mikulai-čudonsädajan päjumalanpert', ühesa jumalanpertid, časoun', valataipühäpert'. Lidnan ezmäine katoline pühäpert' om avaitud vl 2013. Islaman «Al-Kuddus»-pühäpert' om sauvomas vspäi 2011. Om registriruidud buddizman i protestantizman (lüteranižuz, baptizm, vižkümnenden päivän) kundoid lidnas.

Hakasijan valdkundaline universitet^[2] (vspäi 1994, alusenpanend 1939 kut pedinstitut) om lidnan üläopendusen päaluzkundaks. Kaik üks'toštkümne fakul'tetad i nell' institutad mülüdas sihe, niiden ližaks koume kolledžad: maižandusen, medicine i muzikkolledž. Hakasijan tehnine institut — Sibirin federaližen universitetan (Krasnojarsk) filial om lidnan toine üläopendusen aluzkund.

Transport

Avtobusad da trolleibusad oma kundaližeks transportaks lidnas.

Rahvahidenkeskeine civiline Abakan-lendimport Tihonov-jenaralan nimed^[3] (АБН / ABA / UNAA, 318 tuh. passažiroid vl 2022) sijadase lidnan röunanno pohjoižhe keskusespäi. Tehtas reisid Venäman Sibirin järedoihe lidnoihe, Moskvha, Azijan lähižihe maihe.

Galerei

Lidnan administracijan sauvuz (2020)
«Lora»-muštpacaz lidnan röunal
Spasan Toižetamižen kafedraline päjumalanpert', vn 2010 nägu
Südäiazjoiden ministrusen ohjanduz Abakan-lidnadme (2013)
«Hakasenergo»-kompanijan kontor vl 2008
Tazovaldkundan muzejiž-kul'turine keskuz (2017)
Abakanan kuvagalerei F. Pronskih nimed (2020)
«Abakan»-sportkompleks i muzikfontan senno vl 2016
Tu-214-lendim Abakan-lendimportan terminalanno vl 2016
Abakan-päraudtestancijan sauvused vl 2020

Homaičendad

↑ Abakanan pühäpertid sobory.ru-saital. (ven.)
↑ Hakasijan valdkundaližen universitetan sait (khsu.ru). (ven.)
↑ Abakan-lendimportan sait (abakan.aero). (ven.) (angl.)

Irdkosketused

Lidnan ohjastusen oficialine portal (абакан.рф). (ven.)

Abakan Vikiaitas

	Hakasijan Tazovaldkundan lidnad
	Abakan \| Abaz \| Černogorsk \| Sajanogorsk \| Sorsk

	Venälaižen Federacijan subjektoiden pälidnad
	Abakan \| Alauz'lidn \| Anadir' \| Arhangel'sk \| Astrahan' \| Barnaul \| Belgorod \| Birobidžan \| Blagoveščensk \| Bränsk \| Čeboksarad \| Čeläbinsk \| Čerkessk \| Čit \| Elist \| Gatčin \| Gorno-Altaisk \| Groznii \| Habarovsk \| Hanti-Mansiisk \| Irkutsk \| Iževsk \| Ivanovo \| Jakutsk \| Jaroslavl' \| Jekaterinburg \| Joškar-Ol \| Kaliningrad \| Kalug \| Kazan' \| Kemerovo \| Kirov \| Kizil \| Kostrom \| Krasnodar \| Krasnogorsk \| Krasnojarsk \| Kurgan \| Kursk \| Lipeck \| Magadan \| Magas \| Mahačkal \| Maikop \| Moskv \| Murmansk \| Nal'čik \| Nar'jan Mar \| Novosibirsk \| Omsk \| Orel \| Orenburg \| Penz \| Perm' \| Petropavlovsk Kamčatkal \| Petroskoi \| Piter \| Pskov \| Rostov Donal \| Räzan' \| Salehard \| Samar \| Saransk \| Saratov \| Siktivkar \| Simferopol' (de fakto) \| Sevastopol' (de fakto) \| Smolensk \| Stavropol' \| Sur' Uz'lidn \| Suvisahalinsk \| Tambov \| Tomsk \| Tul \| Tver' \| Tümen' \| Uf \| Ulan Ude \| Ul'janovsk \| Vladikavkaz \| Vladimir \| Vladivostok \| Volgograd \| Vologd \| Voronež

[1] Abakanan pühäpertid sobory.ru-saital. (ven.)

[2] Hakasijan valdkundaližen universitetan sait (khsu.ru). (ven.)

[3] Abakan-lendimportan sait (abakan.aero). (ven.) (angl.)

[1]

[2]

[3]

Lidnanznam	Flag
Valdkund	Venäma
Eläjiden lugu (2024)	185,804 ristitud
Pind	112,38 km²

Pämez'	Aleksei Lömin (tal'vku 2019—)
Telefonkod	+7−3902-xxx-xxx
Avtokod	19
Aigvö	UTC+7 (MSK+4)