Vest-Telemark museum

Museet har omfattande samlingar og utstillingar som speglar regionens rike kunst- og kulturhistorie. Samlingane presenterer mellom anna lokal byggeskikk, folkekunst og kunsthistorie, brynestein- og gruvehistorie, kraftutbygging, ski- og polarhistorie. I kunstsamlingane finn ein verk av mellom andre Harald Kihle, Henrik Sørensen, Knut Skinnarland og Dyre Vaa

Utstillingane inkluderer mellom anna tradisjonelle bygningar, som stavkyrkjer og lafta hus, som gir innblikk i byggeskikken og levemåten i tidlegare tider. Museet har også ei boksamling, arkiv og fotosamling som dokumenterer historia i regionen.

Vest-Telemark museum har avdelingar i kommunene i Tokke, Vinje, Kviteseid, Seljord, Fyresdal og Nissedal. Dei mest sentrale musea er:

• Vest-Telemark museum Eidsborg, eit friluftsmuseum i Eidsborg som opna i 2012. Museet inneheld mellom anna aktivitetspark, bygdetun og utstillingar. I tillegg omfattar museet over 30 historiske bygningar. Til hovudanlegget høyrer også garden Vindlaus med Vindlausloftet, Noregs eldste profane trebygning. Til museet høyrer også Eidsborg stavkyrkje, ei stavkyrkje frå midten av 1200-tallet som blir rekna som ei av dei best bevarte i landet.
• Norsk skieventyr, eit museum og opplevelsessenter i Morgedal som blei etablert i 1993. Museet presenterer den norske ski- og polarhistorien, med vekt på lokale namn som Sondre Norheim og brødrene Mikkjel og Torjus Hemmestveit.
• Kviteseid bygdetun, eit friluftsmuseum i Kviteseid som vart etablert i 1907. Museet er eit av dei eldste friluftsmusea i landet og omfattar mellom anna 12 ulike bygningar som er flytta hit frå gardar i regionen. I tillegg finn ei utstilling om bilethoggaren Gunnar Utsond.
• Dyre Vaa-samlingane i Rauland, eit galleri og museum i Rauland som opna i 1981. Samlingane presenterer skulpturar, maleri, grafikk og teikningar av bilethoggaren Dyre Vaa.
• Smørklepp kunstmuseum, eit museum med særleg fokus på målaren Henrik Sørensen og grafikaren Harald Kihle. Museet heitte Vinje biletgalleri inntil 2022.

• Vest-Telemark
• kulturhistorie

• museum