Montero etxea

Montero etxea
Kultura ondasuna
Ataria barnetik ikusita. Irudi gehiago
Kokapena
Herrialdea	Euskal Herria
Probintzia	Bizkaia
Herria	Bilbo
Koordenatuak	43°15′50″N 2°56′06″W
Historia eta erabilera
Eraikuntza	1899 - 1901
Arkitektura
Arkitektoa	Luis Aladrén Jean Batiste Darroquy
Estiloa	Art Nouveaua
Ondarea
BIC	RI-51-0008306
412

Montero etxea Bilboko eraikin modernista bat da.

Kokalekua

Indautxu auzoko Errekalde zumarkalearen 34. zenbakian dago.

Historia

1899-1901 artean Luis Aladrén eta Jean Batiste Darroquy arkitektoek diseinatu eta eraiki zuten.

Deskribapena

Etxebizitzaz osatutako eraikina, albo banatan atxekia, neurriz galanta, bi fatxadaduna, bata Colón de Larreategi kalera jotzen duena eta, bestea, Errekalde zumarkalera begiratzen duena, biak elkartzen diren tokian kale kantoia eginez. Sotoaz gainera, beheko solairua eta beste bost solairu ditu (azkena, zurezko kalostra luze batez osatua) eta, horrez gainera, ganbarez osatutako teilatu azpia.

• 
  Fatxada.

Eraikinak estetika modernistari jarraitzen dio eta, ildo horretatik, haren ornamentazioa azpimarratu behar dugu. Montero Etxea eraikitzeko erabilitako materialak hauexek izan ziren: harri landua, adreilua, habeak eta burdinazko zein egurrezko zutabeak. Bi fatxadak eta txaflana, balkoiz eta miradorez osatutako bi ardatzen arabera daude antolatuta, bi kaleetako antolamenduak ezberdinak izanik. Eraikinean Errekalde Zumarkaletik sartzen da, giltzarri ikusgarri irtena eta alboetara apaingarri ugari dituen ate adintelatu batetik. Eraikinaren bertikaltasuna hautsita geratzen da forma ondulatuez, bai baoei dagokienez (balkoiak eta miradoreak), bai dekorazioari dagokionez eta, batez ere, bigarren eta hirugarren solairuetako kalostren bihurguneengatik. Apaingarri gisa erabilitako beste osagai interesgarri batzuk: mentsulak, harburuak, zuburuak, baoguneak eta kuxindura, azken hau beheko solairuan.

Iruditegia

• 
  Ikuspegi orokorra.
• 
  Behealdea.
• 
  Ataria.
• 
  Ataria.
• 
  Eskailera.

Ikus, gainera

• Modernismoa Euskal Herrian

Erreferentziak

• Edukiaren zati bat monumentu hau sailkatutako kultura-ondasun izendatzen duen lege testutik hartu da. Izan ere, testua jabari publikokoa da eta ez du jabetza intelektualik, Espainiako Jabetza Intelektualaren Legeko 13. artikuluan xedatu denez (Espainiako Aldizkari Ofiziala, 97. zenbakia, 1996-04-22).

Kanpo estekak

Euskarazko Wikipedian bada atari bat, gai hau duena: Bilbo

• Kultura Ondasun izendapena EHAAn

• Datuak: Q8341651
• Multimedia: Casa Montero / Q8341651