Isidor Isaac Rabi

Isidor Isaac Rabi

Biografía
Nacemento	29 de xullo de 1898 Rymanów (Imperio Austrohúngaro)
Morte	11 de xaneiro de 1988 (89 anos) Manhattan (Estados Unidos de América)
Lugar de sepultura	Riverside Cemetery (en)
Datos persoais
País de nacionalidade	Estados Unidos de América Imperio Austrohúngaro
Relixión	Xudaísmo
Educación	Universidade de Columbia Universidade Cornell John Jay Educational Campus (en)
Director de tese	Albert Potter Wills (pt)
Actividade
Campo de traballo	Física atómica
Ocupación	físico , profesor universitario , científico nuclear , físico teórico
Empregador	Universidade de Columbia Instituto de Tecnoloxía de Massachusetts
Membro de	Academia Naciona de Ciencias dos Estados Unidos (Membro da Academia Nacional de Ciencias dos Estados Unidos) (1940–) Asociación Americana para o Avance das Ciencias Academia das Artes e das Ciencias dos Estados Unidos Sociedade Estadounidense de Física Sociedade Filosófica Estadounidense
Lingua	Lingua polaca e lingua inglesa
Participou en
1939	Proxecto Manhattan
Obra
Doutorando	Norman Foster Ramsey, Julian Schwinger, Martin Lewis Perl, Harold Brown (pt) , Gabriel Weinreich (en) , Donald Ross Hamilton (en) , Lloyd Motz (pt) , Ze’ev Lev (en) , William Nierenberg (pt) e Peter Buck (pt)
Familia
Cónxuxe	Helen Newmark
Premios (1985)  Medalla do Benestar Público (1983)  I. I. Rabi Award (en) (1982)  Medalla Oersted (1967)  Medalla de Ouro Internacional Nield Bohr (1945)  Premio Memorial Richtmyer (1944)  Premio Nobel de Física (1942)  Medalla Elliott Cresson  Oficial da Lexión de Honra  Membro da Sociedade Estadounidense de Física  Four Freedoms Award – Freedom from Fear (en)  Premio Átomos pola Paz
Sinatura

Isidor Isaac Rabi, nado en Rymanów en 1898 e finado en Nova York en 1988, foi un físico estadounidense de orixe austríaca. Recibiu o Premio Nobel de Física en 1944.

Traxectoria

Naceu o 29 de xullo de 1898 en Rymanów (Polonia), daquela parte do Imperio Austrohúngaro, no seo dunha familia xudía, ao ano seguinte do seu nacemento, os seus pais instaláronse en Nova York.

En 1927 doutorouse na Universidade de Columbia cun traballo sobre as propiedades magnéticas dos cristais. En 1929 comeza a traballar nesta Universidade, na que empeza a exercer como profesor de Física en 1937.

A comezos da década dos 30, comeza a traballar no campo da Física nuclear nun proxecto de investigación dos efectos dos campos magnéticos externos sobre o núcleo das partículas, desenvolvendo o método de resonancia magnética que permite o estudo das propiedades magnéticas e a estrutura interna das moléculas, os átomos e os núcleos. A partir destes estudos desenvolvéronse aplicacións como o láser, o máser, o reloxo nuclear ou a resonancia magnética utilizada nos diagnósticos médicos.

Desde 1940 a 1945 traballou como Director Asociado do Laboratorio de Radiación no Instituto de Tecnoloxía de Massachusetts (MIT) no desenvolvemento de radar. Finalizado este período regresou o departamento de física da Universidade de Columbia.

En 1944 recibiu o Premio Nobel de Física polo descubrimento do método de resonancia grazas ao que é posible verificar o rexistro das propiedades magnéticas dos átomos.

Foi membro da Comisión da Enerxía Atómica dos Estados Unidos desde 1946 ata 1956. Tamén foi un dos fundadores do Laboratorio Brookhaven e da organización coñecida como CERN.

Escribiu o libro O meu tempo e a miña vida como físico 1960.

Morreu o 11 de xaneiro de 1988 en Nova York.

Véxase tamén

Ligazóns externas

• Páxina Oficial dos Premios Nobel: Isidor Isaac Rabi (en inglés)
• http://www.nobel-winners.com (en inglés)